Change ur life علِّم وتعلّم

17/08/2026

10/08/2026

🚫 أنا لازم أساعدك يا بابا.. المصاريف تقيلة علیگ😭💔

🚫 جملة قالها شاب عنده 18 سنة ، لسه مخلص تانية ثانوي وداخل على ثانويه عامه .
⛔ شاب في سن الزهور، بس شايل همّ أكبر من سنه بكتير. زياد شايف أبوه بيعافر عشان يشيل شيلة 4 أخوات غيره، فقرر ينزل يشتغل في كافيتريا على البحر.. قرر يكون راجل ويخفف الحمل عن أبوه ويساعد في البيت

🚫 محدش كان يتخيل إن اللقمة اللي رايح يجيبها بشرفه وشهامته، هتكون هي السطر الأخير في حياته.

🚫 قبل الفاجعة بـ 180 ثانية بس.. كلمهم في التليفون بصوته الدافئ: «عايزين أي حاجة أطيب خاطركوا بيها وأنا راجع؟».. قالوله: «ترجعلنا بالف سلامة يا حبيبي». كانت دي أخر مرة يسمعوا فيها صوته.

🚫 في لحظة.. البحر هاج، وزياد شاف 6 أرواح بيتخطفوا قدام عينيه وبيغرقوا.
زياد ما تفكّرش، ما خافش على نفسه، ولا وقف يتفرج زي باقي الناس.. قلبه الطيب وشهامته حركوه، ونزل المية من غير تردد.

🚫 واحد.. اتنين.. تلاتة.. أربعة.. خمسة.. ستة!
طلعهم واحد ورا التاني بأيديه الصغيرين اللي شايلين جبل جدعنة.. أنقذ 6 أرواح ورجّعهم لأهاليهم.

🚫 بس وهو بيردّ الروح لغيره.. البحر كان بيسحب روحه هو.
الأمواج كانت أقوى من جسده الضعيف، جرفته للغريق وما قدرش يرجع للشاطئ.. وانتهت بطولة السند اللي راح يجيب قمه عيشه، بمأساة كسرت ضهر أبوه وعيلته.

⛔ أبوه واقف مكسور وبيقول كلمة تحرق القلب:💔💔

«لو جابولي كنوز الدنيا كلها مش هتطفي النار اللي في قلبي ولا تعوضني عن زياد.. بس نفسي الناس تتعلم، ما تنزلوش المية في الأماكن الممنوعة.. عشان ما يتحرقش قلب أب تاني، وعشان ما يروحش زياد تاني!»

⛔ زياد ساب الدنيا وهو بطل.. ساب وراه أب موجوع وأهل فقدوا سندهم وضهرهم، بس ساب ذكراه حية في قلوب كل اللي سمعوا حكايته.

😭 رحمك الله يا زياد، وجعل شجاعتك وشهامتك في ميزان حسناتك، وشاكراً لك عند ربك..

«وَمَنْ أَحْيَاهَا فَكَأَنَّمَا أَحْيَا النَّاسَ جَمِيعًا»

🤲 ادعوا لزياد بالرحمة، ولأبوه وأهله بالصبر والسلوان..
👈 ويا ريت كل شاب يفهم إن الاستهتار والبحر الممنوع بياخدوا أطهر الأنفس وبيسيبوا وجع ملوش دواء ولا علاج 😥💔

03/08/2026

💔 الطفل ده هزني النهاردة 🥹 .....
كنت النهاردة في تدريب مع مجموعة أطفال في ورشة الثقة بالنفس ❤️
وصلنا لسؤال بسيط جدًا... "أنا شاطر في..."
كل الأطفال بدأوا يكتبوا... إلا طفل واحد.
بصلي وقال: "أنا مش شاطر في حاجة."
افتكرت إنه بيهزر.
قعدت أسأله... إيه اللي بتحبه؟ إيه اللي بتستمتع تعمله؟ أكيد في حاجة أنت مميز فيها.
لكن كل إجاباته كانت راجعة لنفس المكان...
"لا... أنا مش شاطر في حاجة."
في سؤال تاني كان مكتوب: "أنا............"
لقيته كاتب... " أنا وحش 🥺 ."
وسؤال: "إيه أكتر كلمة بتضايقك؟"
كتب... " غبي." 💔
وقتها فهمت إن المشكلة مش إنه معندوش مميزات...
المشكلة إنه مبقاش شايفها.

بعد شوية كنا خلصنا نشاط باستخدام أقلام. اتفاجئت بيه بيلم كل الأقلام لوحده وجايبها لي.
ابتسمت وقلت له:"بجد شكرًا إنك ساعدتني. أنا لاحظت حاجة جميلة فيك النهارده... إنك بتحب تساعد الناس. دي ميزة حلوة أوي." ❤️
وبس كده 🤐
ولا كلمة زيادة...
وفي آخر الورشة كان عندنا نشاط اسمه "باب الابطال". إن كل طفل وهو خارج يقول حاجة حلوة عن نفسه.
ولما جه الدور عليه
لقيته بيقول بكل ثقة:
"أنا شاطر في إني بحب أساعد الناس 🥹."
مش هقدر أوصف لكم فرحتي وقتها...
ساعتها اتأكدت من حاجة مهمة جدًا...
🌱 الأطفال بيصدقوا الكلام اللي بيتكرر عليهم.
لو كل يوم بيسمع: ❌ إنت غبي. ❌ إنت مهمل. ❌ إنت فاشل.
هيبدأ يصدق... ويشوف نفسه من خلال الكلام ده.
لكن لو كل يوم حد قاله: أنت ذكى ✅ إنت مسؤول. ✅ إنت طيب. ✅ إنت شجاع. ✅ إنت بتساعد غيرك. ✅ إنت بتعرف تفكر.
هيبدأ يشوف نفسه بطريقة مختلفة... ❤️
وعلى فكرة...
أسهل سؤال الأطفال جاوبوا عليه النهارده كان: "إيه أكتر كلمة بتضايقك؟"
لكن أصعب سؤال كان: "إيه الحاجة اللي أنت مميز وشاطر فيها؟"
ودي كانت صدمة بالنسبة لي...
الثقة بالنفس مش بتبدأ لما الطفل يكسب مسابقة... ولا لما يطلع الأول...
الثقة بالنفس بتبدأ من اللحظة اللي يعرف فيها يقول:
✨ "أنا مميز في..."
وده من أهم مكونات الوعي بالذات... إن الطفل يعرف هو مين... ويعرف نقاط قوته... ويعرف إيه اللي ربنا ميزه بيه. ❤️
ممكن كلمة واحدة تقولها لابنك النهارده...
تبقى هي الصوت اللي يفضل جواه طول عمره.
فبلاش نستنى لما يغلط علشان نتكلم...
دور كل يوم على ميزة حقيقية في ابنك... وقولهاله.
يمكن الجملة دي... تكون بداية ثقته بنفسه. 🌱❤️

30/07/2026

البقاء لله في محطه الرمل ..

30/07/2026

حالات السرطان زادت جداً في الشباب وأكثرهم انتشاراً سرطان القولون، الحقيقة الطبية الثابتة إن السبب الأشهر هي الأغذية المصنعة (Processed food) زي العصائر المعلبة والمياه الغازية والشيبسي وغيرها.

غالبية حالات الأطفال اللي بتيجي العيادة تشتكي من ألم في البطن مزمن مستمر الحقيقة إن مفيش مرض غامض ولا حاجة، ولا الجرثومة هي المتهمة وراء كل الأمراض، لا.. الأكل اللي بياكلوه هو المتهم الحقيقي؛ المعلبات، العصائر، اللانشون، الكولا، الشيبسي، السكريات الكتير.

الحاجات دي بتعمل التهاب بسيط لكنه مزمن مستمر لأن السبب مستمر والمدخلات السيئة مستمرة، بعد فترة وفي سن الشباب الالتهابات المستمرة دي بتعمل تحولات وطفرات جينية بتسبب السرطانات بأنواعها خاصة سرطان القولون.

الحلويات زمان أوي كانت موسمية احتفالية مكافأة، لكن وجودها بصورة مستمرة مش بس بيدمر الصحة الجسدية لكن بيستنزف الدوبامين اللي بينتهي وبيقل جداً مع الوقت وبيسبب اكتئاب وقولون عصبي وتدمير الحالة النفسية.

السكر بيسبب التهاب، الحلويات والمعلبات كارثة على جهازنا الهضمي والعصبي، وناس كتير بتشتكي من قصر قامة أطفالهم وضعفهم الشديد والنحافة برضه ده بنفس السبب؛ السكريات مش بتبني جسم لأنها مفتقدة للبروتين والدهون والأساسيات اللي الجسم محتاجها.

خدعة (الدهون عدو) والزبدة البلدي والشحوم واللبن والبيض عدو، هي خدعة شيطانية مضللة بتحرّم أكل خلقه ربنا لينا ومناسب تماماً بل ضروري لبناء أجسادنا، واستبداله بهراء سكريات ومصنعات بتهد مش بتبني.

ارجعوا للطبيعة ولخلق الله ونعمه الحقيقية واتركوا الهراء، ستذهب غالبية الأمراض بإذن الله.

لا تتعلموا ما يضركم ولا ينفعكم، إنما النفع في النعم التي خلقها خالق الجسد وهو أعلم بها، وهو الذي مدحها في كتابه وأوصانا بها النبي حين قال عن اللبن: عليكم باللبن فإنه يجزئ عن الطعام كله."

دكتور / إيهاب نايل