10/08/2026
العلاقات زيها زي الجزمة اللي هتلبسها في رجلك... 👟
يعني وباختصار...
لو اخترت جزمة حلوة أوي وشيك جدًا، وكانت ضيقة عليك ومقاسها أصغر منك، بس شكلها عجبك ومستخسرها في غيرك...
إنت رجلك هتوجعك وهتتعور، وهي هتدوب وتتقطع بسهولة وبسرعة.
هي بتحاول تكون مريحة وعلى مقاسك، وإنت بتحاول تستمتع بيها... بس للأسف بتتعور.
ولو اخترت بقى جزمة براند وشيك وغالية، بس واسعة عليك علشان تريحك أكتر... هيحصل إيه؟
هتتكعبل، وتتخبط، وتقع.
وهي شايفة إنها بتعمل كل حاجة ترضيك، بس إنت مش راضي!
هي ما قامتش بدورها المطلوب، وهو الراحة والأمان والسند...
ولا حتى شكلها شيك عليك، شكلك مهبّب 😂
طب فيها إيه بقى لو اخترنا جزمة على مقاسنا؟
زينا، شبهنا، ومريحين بعض؟ ❤️
بشكل أدق...
العلاقة اللي هتفضل فيها تعبان وبتحاول ومش قادر... امشي، مش بتاعتك.
العلاقة اللي هتفضل تحس فيها إنك مش مهم... امشي منها.
العلاقة اللي هتفضل شاكك طول الوقت فيها، في نفسك وفي غيرك... امشي منها.
العلاقة اللي هتخليك قاعد تفكر طول الوقت، وحيران وقلقان... مش بتاعتك.
العلاقة اللي هتلاقي الطرف التاني مش متمسك بيك... مش بتاعتك.
العلاقة اللي تحس فيها إن كل اللي بتحبه مش مهم، وإنك لازم تتغير... قف وامشي.
الزتونة بقى 👇
الرزق بتاع ربنا... وكل حاجة في الدنيا رزق.
فلوسك وأملاكك رزق.
شغلك رزق.
أهلك رزق.
صحتك رزق.
الصحاب رزق.
راحة بالك رزق.
حب الناس والقبول رزق.
ثقافتك رزق.
قلبك ومشاعرك رزق.
حتى علاقتك بربنا رزق وهبة من الله.
والزواج كمان رزق. ❤️
إحنا بنسعى دايمًا إننا نكون نسخة أحسن من نفسنا، ونقرب من ربنا قربًا جميلًا، ونبعد عن أي حد مش كويس، ونخلي دايرتنا نظيفة.
وكل حاجة هتيجي في وقتها...
مفيش حاجة فاتتك، ولا حاجة هتفوتك.
واللي مكتوبلك هتشوفه... هتشوفه.
والدروس مش هتخلص، فاتعلم بقى!
ومتغلطش نفس الغلطة أكتر من مرة... متبقاش غشيم 😂
واللي يخرج من حياتك، أوعى تسيبله الباب موارب... اقفله وراه على طول.
متسيبش حتى خرم في الباب يشوفك منه! 😂
وأوعى حد يصعب عليك فتضحي بحياتك علشانه...
اللي يصعب عليك، كرمشله 50 جنيه وربنا يعينه 😂
فكك... العمر لحظة 🤫
استمتع بما تبقى من العمر ❤️
