https://www.facebook.com/104091082375971/

الجبهة القومية المصرية - Egyptian Nationalist Front, Cairo (2026)

24/08/2026

المولد النبوي الشريف في مصر حاجة تانية 🥳🇪🇬🇪🇬🇪🇬

بمناسبة المولد النبوي الشريف..الجبهة القويمة المصرية وأخوية كمت وعين حورس يتقدموا بخالص التهنئة لكل الشعب المصري العظيم بتلك المناسبة الجميلة 🇪🇬❤️

المولد النبوي الشريف في مصر ليه طعم تاني خالص من حلاوة المولد وعروسة المولد ولمة العيلة والاحتفالات في الأناشيد الصوفية في المساجد، والمراجيح والألعاب للأطفال في الشوارع عشان طول عمرنا اهل حضارة مش زي ثقافة اصحاب الخيام اللي بيقولوا الاحتفال بالمولد النبوي الشريف حرام !!

اي حاجة بتدخل مصر بيكون ليها طعم وبهجة مش كآبة وظلام زي الفكر الوهابي اللي بيحاولوا يصدروه لينا مع الأسف من السبعينيات.

مصر طول عمرها بلد الفكر والثقافة ونور العقل والفكر وديما بنضيف من حضارتنا المصرية على اي جديد بيدخلها طعم تاني جميل وسعيد عشان كده بنقول المولد النبوي الشريف في مصر حاجة تانية 🙏🏼🇪🇬🥳

المولد النبوي في مصر عمره ما كان مجرد مناسبة دينية وبس، لكنه بقى عبر السنين جزء من الوجدان الشعبي المصري؛ من حلاوة المولد، للأنوار والزينة، للتجمعات العائلية، وللفرحة اللي المصريين عرفوا يضيفوا ليها دايمًا طابعهم الخاص.

وفي ذكرى مولد النبي محمد ﷺ، نفتكر قبل أي شيء قيم الرحمة، والأمانة، والعدل، وحسن الخلق، واحترام الإنسان.. القيم اللي أي مجتمع محتاجها علشان يبني مستقبل أفضل.

وأخوية كمت، وهي بتعتز بهويتنا المصرية العريقة، بتؤمن إن قوة مصر عمرها ما كانت في تاريخها القديم وحده، لكن كمان في قدرتها عبر آلاف السنين إنها تستوعب مراحل تاريخها المختلفة وتصنع منها شخصيتها المصرية الخاصة.

كل سنة ومصر وأهلها بخير وسلام، وكل سنة وبيوت المصريين مليانة مودة ورحمة وفرحة، كل عام والشعب المصري بخير 🇪🇬🙏🏼
وكل عام وكمت آمنة، قوية، ومتحدة بأهلها ✌🏻🇪🇬

فالتحيا الأمة المصرية 🇪🇬🇪🇬🇪🇬

#المولدالنبوي
#المولد
#الاسلام
#النبي
#احتفالات
#الثقافة
#المحبة
#الفكر
#مصر
#كمت

21/08/2026

“هل إحنا عرب جينيا؟ تفكيك ادعاء الوحدة العرقية الجزئية”

“كام ألف مهاجر يغيّروا جينات ملايين؟ ولا دي حكاية مش راكبة على العقل؟”

من الادعاءات اللي بتتقال كتير جدا: إن المصريين “أصلهم عرب جزئيًا”، وإن فيه هجرات عربية قبل وبعد الإسلام غيرت التركيبة العرقية لمصر.

>> طيب نبص للموضوع بالعقل والأرقام؛

أول نقطة: أعداد المهاجرين مقابل عدد السكان:

التقديرات التاريخية بتقول إن عمرو بن العاص دخل مصر بحوالي 4,000 مقاتل.

وفي نفس الوقت كان عدد سكان مصر وقتها حوالي 6 مليون إنسان على الأقل.
يعني إحنا بنتكلم عن:
4,000 مقابل 6,000,000

حتى لو افترضنا إن كل واحد فيهم اتجوز مصرية وخلف؛ هل منطقي إن الرقم ده يغيّر التركيبة الجينية لشعب كامل؟
ببساطة دي نقطة في بحر.

تاني نقطة: الهجرات والتجارة قبل الإسلام:

فيه كلام عن قوافل تجارية عربية كانت بتدخل مصر قبل الإسلام.

تمام، بس القوافل دي كانت كام واحد؟ عشرات؟ مئات؟
حتى لو تاجر أو اتنين قرروا يقعدوا ويتجوزوا مصريات اللي بيحصل ساعتها مش إنهم بيغيرو مصر اللي بيحصل إنهم هم اللي بيدوبو جوه المجتمع المصري.

تالت نقطة: ادعاء سيدنا إسماعيل:
“أصل العرب أصلهم مصريين عشان النبي إسماعيل أمه مصرية":

طيب خلينا نمشي في الفكرة للآخر سيدنا إسماعيل عليه السلام:

* فرد واحد
* ونصه بس مصري
* واتجوز من قبيلة عربية

ده معناه إيه؟
هل ده يخلي كل سكان شبه الجزيرة العربية أصلهم مصري؟
أكيد لأ.

خلينا نبص بس على أعداد سكان بعض دول الخليج النهارده:

* المملكة العربية السعودية : حوالي 36 مليون
* الإمارات العربية المتحدة: حوالي 10 مليون
* دولة الكويت: حوالي 4 مليون
* دولة قطر: حوالي 3 مليون

هل منطقي إن كل الأعداد دي ترجع لفرد واحد؟
ده حتى علميا وسكانيا الكلام ده غير منطقي.

طيب نفترض جدلا إن الكلام ده صح لو افترضنا إن العرب كلهم أصلهم بيرجع لسيدنا إسماعيل والسيدة هاجر المصرية

>> يبقى الطبيعي إن الأحفاد هم اللي بينتموا للأصل، مش الأصل هو اللي بينتمي للأحفاد؛ يعني لو فيه علاقة تبقى بالعكس تماما وتبقى مثلا يعني المملكة العربية السعودية المفروض بقى يبقى اسمها "المملكة السعودية العربية المصرية".

ويبقى مش مصر اللي “بقت عربية” ده العرب فيهم امتداد قديم مرتبط بمصر.

فكرة إن المصريين “عرقيًا عرب” أو “جزء كبير من جيناتهم عربية” مش قائمة على منطق سكاني ولا تاريخي.

* أعداد قليلة ما تغيرش شعب كامل
* الهجرة المحدودة بتذوب في المجتمع الأكبر
* والنسب الفردي ما يتحولش لهوية جماعية

اللي حصل تاريخيا إن اللغة العربية دخلت مصر، بس التركيبة السكانية ما اتغيرتش بالشكل اللي بيتقال.

يعني ببساطة إحنا مش عرب جينيا حتى لو بنتكلم عربي.

#كمت
#مصر

#وعي

#كمت

16/08/2026

بنقدم الشكر والتقدير لوزارة الداخلية المصرية انها استجابت لينا والباقي المصريين وسمعت صوتنا.

من يومين اتكلمنا عن خطورة الترويج لملابس وشعارات بتحمل رسائل مرتبطة بالحرب والجزية والعنف والتطرف الديني اللي هو بيعد كل البعد عن الدين الاسلامي، وطالبنا في بوست الجهات المعنية في الدولة إنها تفحص الموضوع وتتحرك. لان ده موضوع خطير ومشروع ارهابي ماينفعش نستنى لحد ما يروح يف..جر نفسه او يكون محرك لغيره انه يقوم بعمل تخ..ريبي.

والنهارده بتتداول الأخبار عن القبض على صاحب المتجر اللي مسمي نفسه چوبا والموضوع دلوقتي في ايد جهات التحقيق الرسمية في الدولة اللي بنشكرها على انها سمعت صوتنا اي كان نتيجة التحقيق ايه لاننا واثقين في عدالة الجهات القانونية المصرية 🇪🇬🇪🇬🇪🇬

إحنا مش جهة تحقيق ولا بنصدر أحكام على حد، والقانون هو اللي بيقول كلمته في النهاية، احنا عملنا اللي علينا وبلغنا إلكترونيا ووصلنا الموضوع لأجهزة الدولة، وبنشكر الدولة لتدخلها وحاليا الجهات الأمنية هتحقق وتشوف ايه رد الفعل المناسب لشاب زي ده.

احنا بنتمنى ان الموضوع يكون بسيط ولا يتعدى شوية هلاوس والشاب ده يرجع لرشده ويشوف النور قريب ويعرف ان اللي عمله غلط وأنه عايش في دولة دنية تحمي الجميع سواسية وتكفل حرية الاعتقاد.
ورسالتنا من البداية كانت وهتفضل واضحة:

مصر مش ساحة مفتوحة للتطرف، ولا مكان لتطبيع خطاب العنف والكراهية تحت أي مسمى.

الجبهة القومية المصرية وأخواتنا في أخوية كمت وعين حورس وغيرنا كتير من المخلصين لبلدنا هنفضل بالمرصاد لكل المتطرفين وخرفان الجماعة الارهابية، وهنحاربهم بالفكر والوعي، وهنرفع صوتنا في مواجهة أي محاولة لنشر الفكر المتطرف أو تجميله أو تحويله لـ”موضة” تتباع وتتلبس.

الإرهاب وداعموه ومروجو أفكاره مكانهم في السجن، ومصير كل من تثبت إدانته تحدده العدالة الدولة المصرية.

أما اللي كانوا داخلين فرحانين بيسألوا: نشتري منين؟ والسعر كام؟ 😏

معلش يا جماعة… واضح إن الكوليكشن اتقفلت بدري. 🤣

صوتنا بيوصل… وأخوية كمت واخواتنا في عين حورس والجبهة القومية المصرية موجودين على الأرض ✌🏻🇪🇬

صوت القومية الكمتية مش هيقف ✌🏻🇪🇬

لينك خبر القبض على المتطرف چوبا في أول تعليق👇🏻

#الارهاب

#التيشيرتات
#الملابس
#وزارةالداخلية
#التحقيقات
#تحقيق

#القليوبية

#مصر
#كمت

15/08/2026

الجندي المصري بيسحق خرفان الجماعة الارهابية ✌🏻🇪🇬

في ذكرى فض اعتصام الجماعة الارهابية تحية لكل جندي وظابط وشهيد شارك في فض اعتصام خراف الجماعة الارهابية؛ لانهم انقذوا مصر من جماعة الاخوان الأرهابية اللي كانوا عاوزين يخلوا مصر دولة تابعة في نظام الخلافة الوهمي بتاعهم وقالك طز في مصر والوطن مجرد حفنة من التراب.
الناس دي لو كانوا فضلوا في الحكم كانوا ضيعوا البلد وهويتها للابد فتيحة لشعب مصر العظيم الواعي بهويته وحس بخطر الجماعة الارهابية على هويته ودولته وتحية للجيش المصري حامي القومية والهوية المصرية ولدولة ٣٠ يونيو اللي انقذت مصر وتحية لكل شهداء الجيش والشرطة واللي شاركوا في فض الاعتصام وشاركوا في حرب شرسة ضد الارهاب استمرت ما يقرب من ٦ سنوات.

الجماعة الارهابية راحت في داهية بلا عودة الخوف دلوقتي من الطابور الخامس بتاعهم واللي متعاطفين معاهم اللي احنا واقفين ليهم بالمرصاد وزي ما الجيش والشرطة خاضوا معركة على الارض معاهم احنا في اخوية كمت وأخواتنا في أخوية كمت وعين حورس هنحاربهم بالفكر ونشر الوعي بهويتنا الكميتية الحقيقية لأمّتنا المصرية 🇪🇬🇪🇬🇪🇬

لا شرف أعلى من شرف الانتساب لمصر 🇪🇬🇪🇬🇪🇬

#الجماعة
#الاخوان

#كمت
#مصر

14/08/2026

لو فيه فضل…فهو لمصر هي اللي أعطت للعرب كل ما هو حضاري:

من أكتر الادعاءات اللي بتتكرر:
“مصر استفادت من العروبة.”
“العرب أعطوا مصر.”
“الهوية العربية أضافت لمصر.”

بس هو مين أفاد مين فعلا؟

أول حاجة:مصر هي اللي ساهمت في عالمية العربية والإسلام

بعد دخول اللغة العربية مصر…المصريين ما اكتفوش إنهم يتكلموا اللغة،
المصريين طوروها، وكتبوا بيها، وعلموا بيها، ونشروا علومها.

في الفقه، في التفسير، في النحو، في البلاغة، كم اسم لامع خرج من مصر وأثر في العالم الإسلامي كله؟

ويكفي إنك تبص إلى جامع الأزهر الشريف، اللي هو مش مجرد جامع دي مؤسسة حضارية ممتدة من أكتر من ألف سنة، من أقدم الجامعات في العالم، وتأسست في القرن العاشر.

وعلى مستوى الحاضر كمان جامعة الأزهر؛ دي مؤسسة ضخمة فيها مئات الآلاف من الطلاب، وحوالي 24 ألف طالب دولي من عشرات الدول، وده لوحده دليل على ثقلها العالمي.

وعلى مستوى التصنيفات الدولية:
موجودة في تصنيفات جامعات عالمية كبرى زي QS وTimes Higher Education، وضمن أفضل شريحة متقدمة عالميا، وده مهم لأنه بيقول إن الأزهر مش مجرد مجد قديم، لكنه كمان حاضر اكاديميا معاك في زمنا ده.

وكفاية كمان إن شبكة التعليم التابعة للأزهر بتخدم ملايين الطلاب، مش داخل مصر بس، لكن بتأثير ممتد خارجها.
يعني إحنا مش بنتكلم عن مؤسسة محلية إحنا بنتكلم عن مؤسسة عالمية.

تاني حاجة: مصر صنعت مدرسة دينية مختلفة

مش بس نشرت الدين؛ لكن نشرت فهم مختلف للدين فهم اتشكل في بيئة مصرية مستقرة، مدنية، وسطية.

وده واضح حتى في الفرق بين المدرسة السنية المصرية التقليدية، والمدارس الوهابية اللي خرجت من بيئة مختلفة تماما صحراوية جافة الشكل والجوهر.

ومش صدفة إن أشهر القراء اللي شكلو وجدان المسلمين كانوا من مصر وعلى سبيل المثال مش الحصر:

-الشيخ محمود خليل الحصري
-الشيخ محمد رفعت
-عبد الباسط عبد الصمد

وغيرهم كتير، ودي أصوات وصلت للعالم الإسلامي كله ومش بس كده وصلت للحرم المكي نفسه.

تالت حاجة: الأزهر صدر العلم للعالم مش لمصر بس

طلاب من أفريقيا، من جنوب شرق آسيا، من دول إسلامية كتير، جم يدرسوا في مصر.

يعني مصر ما كانتش مجرد “متلقّي” للغة العربية او الدين الإسلامي ، دي كانت مركز إنتاج وإشعاع.

رابع حاجة: حتى بناء دول الخليج الحديثة المصريين شاركوا فيه

ودي حقيقة تاريخية.

مهندسين مصريين ومدرسين مصريين.
وأطباء مصريين وغيرهم كتير في مجالات مختلفة؛ خبرات مصرية راحت تساهم في بناء مؤسسات كاملة هناك في دول شبه الجزيرة العربية.

وفي مراحل طويلة، الدعم المصري ما كانش مجرد شغل مقابل أجر؛ كتب مدرسية راحت، وبعثات تعليم راحت، وخبرات راحت.
حتى أشكال دعم رمزي وتاريخي زي كسوة الكعبة، والتكايا، والإمدادات، كلها جزء من قصة أوسع من العطاء.

طيب، فين فضل الهوية العربية على مصر؟

هنا لازم نفرق بين دخول لغة، وبين صناعة حضارة.

العربية دخلت مصر كلغة، بس المصري هو اللي أعاد إنتاجها بطريقته، وأعطاها وزن حضاري.

يعني لو بنتكلم عن “فضل”؛ التاريخ والحقائق بيقول إن مصر ما كانتش عبء على المجال العربي، مصر كانت أحد أهم من صنعوا ثقل لدول شبه الجزيرة العربية.

مصر ما أخدتش مجدها من “العروبة”بالعكس…في جوانب كتير اوي، "العروبة" او نكون ادق دول شبه الجزيرة العربية اخدت ثقلها الثقافي والديني والإنساني من مصر.

لو فيه حديث عن “فضل”؛ فالأقرب للتاريخ إن مصر أعطت أكتر مما اخدت منهم.

#كمت

11/08/2026

🚨 بلاغ عاجل للجهات المعنية في الدولة المصرية

أخوية كمت وعين حورس والجبهة القومية المصرية بمطالب وزارة الداخلية ممثلة في مباحث الإنترنت وقطاع الأمن الوطني التحقق من صفحات تجارية على فيسبوك اسمهائم: "جوبا" و"هويتنا" و”Rever”، ظهرت من فترة قريبة وبتبيع تيشيرتات وملابس مطبوع عليها شعارات وعبارات دينية مختلفة.

وخلونا نكون واضحين من البداية:

إحنا مش بنتكلم عن وجود عبارات إسلامية على الملابس، ومش عندنا أي مشكلة مع إن حد يعتز بدينه أو يعبر عنه. إحنا بنتكلم عن نوع معين من الخطاب شايفين إنه يستحق الفحص من مؤسسات الدولة.

لما يبقى فيه تركيز متكرر على عبارات مرتبطة بالحرب والقتال والغلبة وفرض الجزية، ولما تتحول مفاهيم تاريخية شديدة الحساسية إلى شعارات مطبوعة على تيشيرتات وبيتم تسويقها في الشارع المصري سنة 2026، فمن حقنا كمصريين نسأل:

إيه الرسالة اللي بنحاول ننشرها وسط المجتمع؟

مصر مش ساحة صراع ديني؛ مصر دولة وطنية حديثة، فيها مسلم ومسيحي وغيرهم من معتقدات عايشين تحت علم واحد، بيحكمهم قانون واحد، وليهم نفس الحقوق وعليهم نفس الواجبات.

والمصري المسيحي ولا اي مصري بيتبع اي دين او معتقد او ملحد حتى مش مطلوب منه يدفع جزية علشان يعيش في بلده، والمصري المسلم مش صاحب البلد أكتر منه، كلنا مصريين من دم واحد وچينات واحدة وتاريخ واحد تاريخ واحد ومستقبل واحد وأرض واحدة.

والدولة المصرية الحديثة قائمة على المواطنة وسيادة القانون، مش على تقسيم المصريين على أساس معتقداتهم الدينية.

وعلشان كده إحنا شايفين إن الموضوع هنا أكبر من مجرد: «ده تيشيرت وعليه جملة».

السؤال الحقيقي هو:

هل إحنا قدام نشاط تجاري بيستخدم الدين للتسويق؟ ولا قدام محاولة لصناعة خطاب صدامي واستفزازي، قائم على انتقاء أكتر العبارات الدينية والتاريخية إثارة للجدل وتحويلها لشعارات معاصرة؟

وده مش دورنا إحنا إننا نحكم عليه، ده دور المؤسسات الأمنية في الدولة المصرية.

علشان كده أخوية كمت وعين حورس والجبهة القومية المصرية بتطالب الجهات المختصة بفحص الصفحة ومحتواها، وطبيعة المنتجات اللي بتبيعها، والخطاب المصاحب ليها، والتأكد من عدم وجود أي محتوى يخالف القانون أو يحرض على الكراهية أو العنف أو التمييز الديني أو يهدد السلم المجتمعي.

ولو النشاط قانوني ولا توجد فيه مخالفة، فالقانون هو الفيصل، ولو ثبت وجود مخالفة، فبرضه القانون هو الفيصل.

إحنا لا بنطالب بمحاكمة حد على أفكاره، ولا بنصدر اتهامات بالإرهاب من عندنا، بس في نفس الوقت، مينفعش نتعامل باستهانة مع أي خطاب ممكن يحاول يرجّع المصريين لفكرة المسلم في ناحية والمسيحي في ناحية، أو يحول مفاهيم الحرب والجزية والغلبة الدينية لشعارات عادية بنشوفها في الشارع.

والأهم الإسلام مش محتاج حد يختزله في السيف والحرب والجزية. الإسلام فيه الرحمة والعدل والإحسان والعفو وحسن الخلق، ولو الهدف تعريف الناس بالإسلام، فأخلاق الإسلام أولى إنها تتكتب على الصدر من شعارات الحرب والجزية.

مصر لكل المصريين والدولة المصرية وقانونها هما المظلة اللي بتحمينا كلنا. لا دولة دينية في مصر، ولا تمييز بين المصريين على أساس العقيدة، ولا أحد فوق القانون.

الصفحات والبلاغ لوزارة الداخلية في أول تعليق 👇🏻
𓂀🇪🇬

#التيشيرتات
#تيشيرت

#الاسلام
#أرض

#براند
#كمت
#مصر

09/08/2026

🏷️ دعوة عامة:

«كاهن الخوبيش» تنطلق من قلب مكتبة مصر العامة المركزية بالدقي 🇪🇬𓂀

مش كل رواية تاريخية بتكون مجرد حكاية عن زمن فات؛ رواية «كاهن الخوبيش» لأخونا الروائي كيرلس رأفت واحدة من الأعمال اللي تستحق إن كل قومي ووطني مصري مهتم بكمت وهويتها وحضارتها يقراها وتكون مرجع ودليل لكل قومي كمتي🇪🇬

الرواية مش بس بتاخد القارئ في رحلة أدبية لجوا مصر القديمة، لكنها بتقربه من عالم كمت: الدولة المصرية، والملك، والجيش، والمعبد، والعقيدة، والسياسة، والحرب والسلام، ونظرة المصري القديم لأرضه وحدود دولته ومكانتها.

وعشان كده زي ما قولنا إحنا شايفين إن «كاهن الخوبيش» ممكن تبقى بمثابة دليل لكل قومي ووطني كمتي؛ عمل يخليك متتعاملش مع الحضارة المصرية باعتبارها آثار ساكتة في المتاحف، لكن باعتبارها تاريخ دولة وشعب وهوية امتدت لآلاف السنين ودليل لمستقبل الأمة المصرية 🇪🇬🇪🇬🇪🇬

والجميل المرة دي إن انطلاق ومناقشة الرواية هيكون من مكتبة مصر العامة المركزية بالدقي، في لقاء ثقافي يجمع الأدب بالتاريخ والهوية المصرية.

وهناك برضه هتكون أخوية كمت موجودة على الأرض. 💙🇪🇬

لأننا من البداية بنقول إن أخوية كمت مش مجرد صفحة، ولا مجرد منشورات على مواقع التواصل الاجتماعي؛ أخوية كمت فكرة، والفكرة مكانها الحقيقي وسط أهلنا وإخواتنا، في قلب واحد من أهم الصروح الثقافية المصرية، علشان نتكلم عن كتاب مصري، وكاتب مصري، وحضارة مصرية، وهوية إحنا مؤمنين إنها تستحق إنها تفضل حاضرة وحية في وجدانا ووجدان الأجيال الجديدة✌🏻🇪🇬

غايتنا طاهرة وقضيتنا عادلة🇪🇬🇪🇬🇪🇬
فالتحيا الأمة المصرية🇪🇬🇪🇬🇪🇬
لا شرف أعلى من شرف الانتساب لمصر 🇪🇬🇪🇬🇪🇬

#مكتبات
#رواية

#مصر
#كمت
#الصحافة
#انطلاق

08/08/2026

الجبهة القومية المصرية وأخوية كمت وعين حورس بتهني ابن كمت محمد صلاح انتقاله لنادي ترابزون بتركيا بعد ما حقق إنجازات غير مسبوقة في أوروبا: 🇪🇬🇪🇬🇪🇬

بندعم اخونا صلاح في اختياراته ونتمنى له كل النجاح ✌🏻🇪🇬

جدير بالذكر ان صلاح مش مجرد لاعب، صلاح مؤسسة في حد ذاته، كلمة منه او صورة بتتسعر بملايين، صلاح نموذج للشخص المجتهد اللي معندوش سقف لطموحه، ناس كتير لما بتوصل لأول خطوة من مشوار صلاح يجيلهم جنون العظمة ويبوظوا مستقبلهم، إنما صلاح مختلف👌🇪🇬

#محمدصلاح
#ترابزون
#تركيا
#مصر
#كمت

#كرةالقدم

08/08/2026

مقال من أخواتنا في "أخوية كمت": 🇪🇬🇪🇬🇪🇬

هو المرض النفسي اللي عند السودانيين نوعه ايه؟! (1):

تحليل أسس العقدة النفسية للسودانيين تجاه مصر وشعبها:

أخوية كمت وأخواتنا في عين حورس والجبهة القومية المصرية لاحظنا اننا لما بنزل مقالات او فيديوهات ملهاش اي علاقة بالسودان ولا اللاجئين بنتكلم في اي موضوع عن هويتنا او حتى اي موضوع تاني بنلاقي السودانيين داخلين في التعليقات شتيمة في مصر والمصريين بأبشع الألفاظ والشتايم طيب السؤال ليه كده ؟!

اكيد عند السودانيين احقاد دفينة متوارثة من ايام اجدادنا القدماء المصريين لما كان الفراعنة بيحكموا كوش الجنوبية وفضلت الأحقاد دي متوارثة لحد عصور حديثة لما السودان كان تابع لمصر الخديوية لما كانت حدود مصر واصلة لحد خط الاستواء ومن بعد كده في العصر الملكي لما كان ملك مصر هو ملك السودان، وده اللي خلى السودانيين يعتقدوا في سنة 1956 انهم قادرين على الانفصال وادارة شؤون بلادهم بنفسهم بس مع الأسف التجربة على مدار السنين ولحد دلوقتي اثبتت انهم حقيقي شعب عاجز عن ادارة بلاده وحكمها لاننا لو بصينا وقرأنا بهدوء وبحيادية تاريخ السودان من يوم الاستقلال لحد دلوقتي هو تاريخ ملئ بالانقلابات العسكرية حكم اخوان مسلمين قتل وجرائم حرب وابادة جماعية وده اللي دفع الولايات المتحدة الأمريكية والاتحاد الاوروبي ومعظم الدول الديمقراطية بمقاطعة السودان بل وصل الأمر لفرض عقوبات اقتصادية عليه.

وانتهى الأمر كمان بأنفصال جنوب السودان عن شماله ودارفور بقى إقليم شبه منفصل وحتى الشرق كل شوية نسمع انه عاوز ينفصل ببورتسودان.

وحتى بعد الثورة على البشير السودان والناس افتكرت خلاص ان عصر الازدهار جاء وان العقوبات الاقتصادية اترفعت عن السودان إلا ان السودان رغم رفع العقوبات الاقتصادية اللي كانت عليه إلا انه فشل تاني في إدارة شؤون بلاده وانتكس السودان بصورة اسوء مما كان عليه ايام حكم عمر البشير؛ بقى عندهم مليشيات الدعم السريع وحرب هنا وهناك وفي قلب العاصمة الخرطوم بين الجيش السوداني والمليشيات المسلحة اللي أبرزها قوات الدعم السريع.

اما باقي السودان فهو عصابات متخصصة في تجارة الدهب او تجارة المخدرات والهجرة غير الشرعية.

يتبقى من السودان بعض الطبقات المجتمعية المتعلمة والشبه متعلمة في الخرطوم والمدن الاخرى الكبرى دول اللي مش قادرين يستوعبوا فكرة ان الخلل في السودانيين نفسهم لا في العقوبات الاقتصادية اللي فرضها الغرب عليهم ولا في اي دولة اخرى الخلل فيهم هما من وقت انفصالهم عن مصر وكان هنا العقدة السودانية تجاه مصر لان السودان مش قادر ومش عايز يستوعب ان العيب والخلل فيهم هما كشعب فعملوا إسقاط لفشلهم الممتد لأكثر من سبعين سنة على مصر وبقوا بيشتموا في مصر بقدر ما يستطيعوا يعني ممكن يبقى بتاع مليشيا الدعم السريع داخل عليه يقتله ويغتصب بنته وهو مش بيقاومه بس يقول حلايب وشلاتين سودانية مش مصرية !!

لأنه عاجز عن حل مشاكله عاجز عن التفكير في الخروج من أزمته فالإسقاط كله على مصر وشعبها وعلى الرغم من ان السودانيين اصبحوا شعب لاجئ في مصر ومستفيد من كل خيراتها إلا ان ده مخلاش العقدة النفسية اللي عندهم تجاه مصر تروح بالعكس زادت اكتر وبقى بيشكر في دول تانية زي الامارات والمغرب وغيرهم على الرغم من انهم مقدموش ليه اي دعم بل بالعكس يمكن دولة زي الامارات ساهمت في تفاقم الأزمة في السودان، لكن السودانيين مش قادرين يشوفوا ان اللي شالهم في ازمتهم هي مصر.
>> يتبع.

#السودانيين
#اللاجئين
#مصر
#كمت
#كوش

#الدهابة

31/07/2026

تفكيك ادعاء اننا "نفس الادب والموسيقى والأمثال والثقافة":
مش معنى انك بتتكلم عربي..تبقى عربي:

لو اللغة هي اللي بتحدد الهوية؛ يبقى نص أفريقيا أوروبيين عشان بيتكلموا فرنسي!

الفكرة ببساطة إن في خلط كبير جدا بين “اللغة” و”الثقافة”؛ والناس بتفترض إن مجرد إننا بنتكلم عربي، يبقى إحنا نفس الشعوب ونفس الهوية.

بس هل ده حقيقي؟ تعالوا نفكك الحكاية

أول حاجة: الأدب

آه، إحنا بنكتب بالعربي، بس ده مش معناه إن الأدب واحد.

مين في الخليج مثلا يوازي قامات زي طه حسين أو عباس محمود العقاد أو يوسف إدريس؟ مين في الصحافة والفكر ييجي جنب محمد حسنين هيكل؟ ومين وصل للعالمية زي نجيب محفوظ؟ مين في الفن يجي زي عبد الفتاح القصري ولا زينات صدقي ولا إسماعيل يس ولا عمر الشريف؟ طيب مين زي نور الشريف او ولا محمود عبد العزيز او عادل إمام؟ مين بيكتب زي وحيد حامد؟ مين زي أحمد حلمي ولا محمد هنيدي مين زي أحمد عز ولا مريم الخشت؟ ودي امثلة مش على سبيل الحصر خالص!

الأدب والفكر والفن المصري طالع من مجتمع زراعي-مدني قديم، فيه طبقات، صراعات اجتماعية، وتاريخ طويل من التراكم الحضاري. في حين إن جزء كبير من الأدب في الجزيرة العربية طالع من بيئة مختلفة تماما(قبلية/صحراوية في جذورها).

يعني نفس اللغة، لكن مش نفس التجربة.

تاني حاجة: الموسيقى:

المشترك بين موسيقى محمد عبد الوهاب أو محمد فوزي وبين الموسيقى الخليجية؟

الموسيقى المصرية مبنية على مقامات معقدة، وتراكم موسيقي ممتد من آلاف السنين، واتطورت لمدرسة كاملة أثرت في المنطقة كلها.

حتى في العصر الحديث؛ إيه اللي يجمع بين عمرو دياب وعباس إبراهيم؟
أو بين ألحان عمرو مصطفى وأي مدرسة لحنية في الخليج؟

الإيقاع، التوزيع، الجملة الموسيقية كلهم مختلفين تماما.

تالت حاجة: الأمثال واللغة اليومية:

المصري لما بيتكلم؛ بيقول كلمة او جملة ظاهرها حاجة، والمقصود بيها حاجة تانية خالص، ده مش هزار ده نتاج تاريخ طويل من الذكاء الشعبي والتراكم الثقافي.

الأمثال المصرية؟ عالم لوحده.
العامية المصرية؟ بتتغير بسرعة، وبتخلق تعبيرات محدش بره مصر يفهمها بسهولة.

قارن ده بأي لهجة خليجية؛ هتلاقي نفسك قدام نظام لغوي وثقافي مختلف تماما.

رابع حاجة: حتى في الدين نفسه

اسمع تلاوة الشيخ محمود خليل الحصري أو الشيخ محمد رفعت وبعدين اسمع تلاوات سعودية.

هتلاحظ فورا إن فيه “مدرسة مصرية” في التلاوة ليها إحساس وطابع مختلف.

وكمان من ناحية الممارسة الدينية المذهب السني في مصر له طابع مختلف تاريخيًا عن المدرسة الوهابية المنتشرة في الخليج، سواء في الفهم أو في التطبيق أو في علاقة الدين بالمجتمع ده غير ان الشعب المصري سني المذهب شيعي الهوى بمعنى ان الشعب المصري هو من إستقبل وحمى ال بيت رسول الله (ص) من قتل وتنكيل بني أمية بدليل وجود أضرحتهم الشريفة وعلى رأسها مسجد الحسين (رضى الله عنه).

وكمان في المسيحية رغم إن الصلوات في الكنائس المصرية بقت معظمها بالعربي، لكن لو قارنتها بكنائس الشام أو العراق، هتلاقي اختلاف واضح جدا في الترتيل والنغمة الروحية.

الكنيسة المصرية مختلفة مذهبيا وتاريخيا عن كنائس الشام والعراق، سواء في الطقوس أو في البناء اللاهوتي.

يعني حتى لما اللغة واحدة الأداء مختلف.

طيب حد ممكن يقولك:

“ما طبيعي يبقى فيه اختلافات بين دول بتتكلم نفس اللغة!”

تمام، بس النقطة هنا أعمق من كده بكتير.

اللي بين مصر وباقي الدول العربية مش مجرد “اختلافات داخل نفس الثقافة”، ده اختلاف بين مسارات حضارية كاملة.

مصر تشكلت عبر آلاف السنين حوالين نهر، دولة مركزية، مجتمع زراعي مستقر، وتراكم ثقافي مستمر.
في المقابل، مجتمعات الجزيرة العربية تشكّلت في بيئة صحراوية، بنية قبلية، وتاريخ مختلف تماما في تكوينه.

وده انعكس بشكل مباشر على كل حاجة:
في الأدب، في الموسيقى، في اللغة اليومية، في الحس الفني، وحتى في التعبير الديني.

وآخر نقطة وهي الاهم:

مصر ثقافة مستقلة بذاتها، مش فرع من ثقافة تانية.

اللي حصل ببساطة إن اللغة العربية دخلت مصر في مرحلة تاريخية معينة،
لكنها ما مسحتش اللي قبلها، ولا قدرت توحّد التجربة الثقافية مع غيرها.

والدليل:
إنتاج أدبي مختلف، موسيقى مختلفة، أمثال مختلفة، طريقة تعبير مختلفة، وحتى إحساس مختلف.

يعني الواقع بيقول بوضوح:
إحنا شعب له مسار حضاري خاص؛ اتكلم العربي، لكنه ما بقاش عربي في هويته الثقافية.

نهاية الكلام اللغة ممكن تتفرض، لكن الهوية ما بتتفرضش.

الجبهة القومية المصرية - Egyptian Nationalist Front

24/08/2026

21/08/2026

16/08/2026

15/08/2026

14/08/2026

11/08/2026

09/08/2026

08/08/2026

08/08/2026

31/07/2026

Address

Website

Alerts

Shortcuts

Share

Category

Listing takedown request