06/05/2026
هل تعرفوا إن #المونوريل اللي شغّال دلوقتي فوق شوارع القاهرة اتصمّم واتصنَّع في المملكة المتحدة؟
النهاردة بنشهد بداية مرحلة مهمة في مستقبل النقل في مصر، مع بدء تشغيل #مونوريل شرق القاهرة ونقل الركاب، كواحد من أكبر مشروعات النقل الحضري في المنطقة.
القطارات اتجمّعت واتجرّبت في مصنع ألستوم ALSTOM بمدينة ديربي في #بريطانيا، علشان تربط مجتمعات القاهرة الكبرى المتنامية بشبكة نقل حديثة، موثوقة، ومستدامة.
المشروع جزء من عقد قيمته 2.3 مليار جنيه إسترليني لإنشاء وتشغيل شبكة المونوريل الجديدة في #مصر، ومدعوم من هيئة تمويل الصادرات البريطانية، في واحدة من أكبر عمليات التمويل الخارجي في تاريخها. النظام مصمّم لنقل حوالي 45 ألف راكب في الساعة في كل اتجاه، في مدينة بيعيش فيها أكتر من 20 مليون نسمة، مع تقليل زمن الرحلات، وتخفيف الزحمة، ودعم وسائل تنقّل أنظف وأقل انبعاثات.
مشروع المونوريل نموذج واضح للتعاون المصري‑البريطاني، بيدعم فرص عمل في المملكة المتحدة، وبيحقق تأثير حقيقي للمواطنين في مصر، في إطار التزام مشترك بين البلدين بالنمو الأخضر والتنمية
المستدامة. 🇬🇧🇪🇬
