الكنيسة الإنجيلية بالمعادي

05/09/2026

04/09/2026

“وضعت للبحر حداً”
يمكن البحر اللي قدامنا شكله مالوش آخر، والموج عمال يخبط ويمكن يخوفنا، لكن الحقيقة إن ليه حدود ربنا هو اللي راسمها.
بفكر نفسي دايماً ان مفيش تحديات، مفيش خوف ومفيش تعب إلا وكان زي البحر الواسع تحت سلطان إيده القديرة.
وبقول لنفسي ان لو البحر ليه حد مرسوم، يبقى مشاكلك وأحمالك ليها حد أكيد … وحدودها عند الرب مليانة أمان وسلام
اللي وضع للبحر حد ، قادر يعدي بيك كل صعب 🙏🏻

02/09/2026

لما نقف قدام محبة ربنا ونفتكر اللي عمله معانا، بنحس إننا صغيرين قوي قدام ألطافه ووعوده.
يعقوب نفسه قال: “صغير أنا عن جميع ألطافك وعن الأمانة التي صنعت مع عبدك”…
الكلمة دي مش ضعف، بالعكس، دي قمة القوة.
لما الإنسان يعترف إنه صغير قدام عظمة ربنا، بيتفتح قلبه أكتر إنه يشوف إيده في كل تفاصيل حياته.

اللي شدّني إن ربنا فضل أمين مع يعقوب رغم ضعفه وهروبه وخوفه.
وكأنه بيقوله: “مش حجمك هو اللي بيحدد محبتي، أنا أمين وهفضل معاك للآخر.”

خلّي عندك نفس القلب المتواضع ده، وقول مع يعقوب: “أنا صغير يا رب قدام محبتك، بس واثق إنك كبير، ويكفيني انك تغمر حياتي كلها بسلامك.

02/09/2026

31/08/2026

أيام قليلة ويبدأ مؤتمر شبابنا،
بنصلي ومتحمسين جدًا لمؤتمر السنة ديه،
وعايزين حضراتكم كمان تشاركونا في الصلاة
لكل شبابنا، أنه يكون مؤتمر يغمرنا فيه حضور الله
ونتلامس معاه في كل تفصيلة وترتيب في الوقت ده.

31/08/2026

*"تعالوا... مكانكم في انتظاركم"*

يسعدنا حضوركم في اجتماعنا الشهري * قادرون بالمسيح
*الاثنين الأخير من كل شهر

هنتقابل في محبة، وهنرنم، وهنسمع كلمة تشجيع، وهنفرح بالشركة.
وجودكم بيفرحنا وبيكملنا

كل ذوي الهمم الأبطال مدعوين
تعالى وادعو آخرين.

نرحب بأسر جديدة تنضم لخدمة قادرون بالمسيح،
كما نشجع كل شعب كنيستنا المبارك، أن يكون شريكا لنا في الخدمة، بأن يعرفنا بأي أسرة بها شخص من ذوي الهمم، لكي نفتقدهم.

أَسْتَطِيعُ كُلَّ شَيْءٍ فِي الْمَسِيحِ الَّذِي يُقَوِّينِي. (فيلبي ٤: ١٣)

30/08/2026

"البار بإيمانه يحيا"
واحد من أقصر الأسفار في العهد القديم هو سفر حبقوق، وفي إصحاحاته التلاتة بنشوف التحوّل العجيب لحبقوق في نظرته للحياة ، يعني في بداية السفر بيبدأ بكلمات بتعبر عن يأسه الشديد وفي نهاية السفر بترتفع معنوياته وافراحه لأقصى حد.
والسبب في التحوّل دا بيظهر في الإصحاح التاني، لما الله القدير يقول لحبقوق اليائس " والبار بإيمانه يحيا " (حبقوق ٤:٢)
ويوعدّه بإن الأرض في يوم " تمتلئ من معرفة مجد الرب كما تغطي المياه البحر " حبقوق ١٤:٢
ودا بالظبط اللي كان محتاجه حبقوق عشان ترتفع معنوياته ويخرج بره دايرة اليأس، لما ثبّت عينه على الرب ارتفعت نفسيته فوق كل الظروف المحبطة ولقى ينبوع الأفراح الحقيقي والأبدي في الرب.

30/08/2026

تعلن الكنيسة الإنجيلية بالمعادي بالاشتراك مع مجلس الخدمات التابع لسنودس النيل الإنجيلي
عن فتح باب الحجز للدوره الثانيه من كورسات تنمية و تطوير المهارات علي يد مدربين متخصصين و محترفين من سن 18 إلي 45 في الآتي.
كهرباء . سباكه . نجاره . نقاشه . صيانة موبيل . خياطه . كوافير حريمي و رجالي . ميك آب ارتست . هارد چيل . كمبيوتر . انجليزي . كروشيه .
و مدة الكورس من شهر إلي ثلاثة شهور .
( المده حسب الكورس المختار )
مبلغ الاشتراك 300 جنيه بيتم دفع مبلغ 150جنيه مع سحب الاستماره من الكنيسه كجدية حجز مع تقديم صورة البطاقه للمصريين و صورة الباسبور أو الهوية لغير المصريين و يتم دفع باقي المبلغ 150 دفعه واحده في اول محاضرة.
بيتم إعطاء شهاده معتمدة من الكنيسه .
يتم أخذ الكورسات داخل الكنيسه .
للحجز و الاستعلام من الساعه 10 صباحا إلي الساعه 5 مساء .
01067010122

30/08/2026

خدمة المساندة تبدأ كورسات اللغة الإنجليزية 🇬🇧

يسرّنا أن نعلن عن بدء كورس اللغة الإنجليزية للمبتدئين (Beginners) 🎓

لو نفسك تبدأ تتعلم English من البداية وتطوّر مهاراتك وتفتح لنفسك فرص أفضل في الدراسة والشغل، الكورس ده ليك! 💪

👥 الكورس متاح لكل الشباب
📚 المستوى: Beginners – مبتدئين
💰 تكلفة الكورس 400 جنيه فقط.
📝 باب الحجز مفتوح الآن
للحجز و الاستعلام من الساعه 10 صباحا الي الساعه 5 مساء .
01067010122
📌 سارع بالحجز، والأماكن محدودة.

خدمة المساندة – الكنيسة الإنجيلية بالمعادي
معًا نحو مهارة وحياة أفضل ❤️