03/09/2026
الفيديو الأول ده لأمي، بتاريخ 25 سبتمبر 2017.
أمي ماتت قبل ما تشوف بنتي مريم… وكنت أتمنى مريم تشوفها وتعرفها، وتعرف قد إيه جدتها كانت ست عظيمة.
حبيت أحط الفيديو ده عشان تسمعوا أمي وهي بتتكلم، وتشوفوا طريقتها وبساطتها وروحها… ويمكن من كلامها تعرفوا أنا ليه شايف إن أمي كانت ست عظيمة فعلًا.
أما الفيديو التاني، فده كان ليلة وفاتها في معهد القلب، يوم 1 فبراير ٢٠٢٥.
حتى في الليلة دي، وهي في المستشفى، كانت بتهزر معايا وبتضحك وبتتكلم بطريقتها اللي أعرفها وأحبها.
حطيت الفيديوهين والصورة عشان تفضل ذكراها موجودة، وعشان بنتي مريم لما تكبر تشوف جدتها وتسمع صوتها، وتعرف قد إيه كانت إنسانة جميلة وعظيمة.
دي كانت أمي… نيللي.
ست عظيمة، وقلب كبير، وروح عمرها ما هتغيب عني.
ربنا يرحمك يا أمي ويجعل كل تعبك في ميزان حسناتك. ❤️
