25/06/2026
كلمة حق من تاجر قرار شركة أبو حوا خراب بيوت وإحنا مش هنشيل الشيلة! 🚨
يا جماعة، القرار اللي نازل من شركة أبو حوا بخصوص إن "الجوابات القديمة مش هينفع تتغير" ده قرار ظالم، وإحنا كتجار بنعلن رفضنا التام للdecision ده وضد أي قرار يضيع حق الزبون ويخرب بيت التاجر اللي شغال بلقمة حلال.
لما شركة بحجم "أبو حوا" تنزل قرار زي ده فجأة، هي كده بترمى المكن القديم في البحر، وبتقول للناس "فلوسكم راحت"!
الزبون ذنبه إيه؟ شاري مكنة بدم قلبه وشقا عمره، وفجأة يلاقي ورقه حبر على ورق ومش عارف يرخص؟
التاجر ذنبه إيه؟ شاري مكن بورق رسمي وسليم وقتها، وفجأة الشركة تقفل في وشه باب التعديل أو التغيير، وتخليه في مواجهة ومشاكل مع الزبائن؟
القرار ده "نصب وظلم" علني، وإحنا كتجار مش هنقف متفرجين ولا هنشيل غلطة شركة وقرارات بتطلع بين يوم وليلة عشان تصفي حسابات أو تلم فلوس على قفا السوق!
رسالتي لكل تاجر زميل ولكل زبون:
لازم كلنا نكون إيد واحدة ضد القرار ده. لازم الشركة تراجع نفسها، لأن سوق المكن قايم على الثقة، والشركة اللي هتضيع مصلحة زبائنها وتجارها.. السوق نفسه هيقاطعها!
حق الناس مش هيموت، وإحنا مع الحق وضد أي قرار عشوائي يخرب بيوتنا وبيوت الزبائن.
#شارك #الصوت
