الصفحه الرسميه لقرية منشأة الاوقاف

27/03/2026

كل نفسنا ذائقة الموت أن لله وإن إليه راجعون
اخر مانطق لسانه مودعا اهل الدنيا والسلام عليكم ورحمة الله وبركاته

السلام تحية الاسلام واهل الجنان لهم دار السلام عند ربهم وهو وليهم

اللهم اجعله سعيدا في دار السلام رحمك الله ورحم اباك والهم امك الصبر والسلوان

من كان له دين مادي عند الشيف احمد فدينه عند اهله ونحن والله من اهله فليطالبهم او يطالبنا به او يعفو لوجه الله

ومن كان له دين معنوي عنده فليغفر ويسامح عسي الله ان يغفر له

طبت ياعنتر وطابت ذكراك في ليلة الجمعة ويوم الجمعة لقيت ربك مهللا مكبرا مستبشرا بارا بامك مصليا علي الرسول

مودعا الدنيا بتحية الاسلام واهل الجنان فسلام الله عليك
ورحمته وبركاته

30/01/2026

الصفحه الرسميه لقرية منشأة الاوقاف
لقاء اليوم مع النائب عمر السعيد فهمي عضو مجلس النواب لتقديم طلبات لتغير خطوط المياه وتوصيل الخطوط الارضيه للتيلفونات وتطوير البريد وتوصيل الصرف الصحي للوحده الصحيه وانشاء مركز شباب القريه
Amr Al - Saeed Fahmy عمرو السعيد فهمي

13/01/2026

تنبيه عام
وجود القافله الطبيه الان بقرية منشأة الاوقاف يوجد بها جميع التخصصات

12/01/2026

تعلن الصفحه الرسميه لقرية منشأة الاوقاف
بشري ساره لأهالي القريه عن وجود قافله طبيه للكشف يااجر رمزي والعلاج باالمجان توجد القافله غدآ أمام معمل التحليل الدكتور السيد السعيد بجوار المسجد اللي عند الكوبري وتبدأ الكشف الساعه التاسعه والنصف صباحاً

06/01/2026

نفسي نرجع للعصر اللي البيوت فيه كانت عمرانه بالود والرحمه ... بطولة البال والهدوء والحنيه 💖
دلوقتي في اغلب البيوت محدش عنده خلق لحد ولا فاضي لحد ومحدش رايق يسمع حد..!!
الكلمة بتطلع تقيله وغالباً بشخط ونطر .. والضحكه بتطلع مصطنعه قوي .. وعلى طول المزاج متعكر والعفاريت اغلب الوقت حاضره عند الاثنين رجاله وستات

زمان كان راجل البيت يرجع من شغله و يتغدي مع ولاده و يدخل يريح شوية و يقوم على المغرب يقول لمراته اعمليلنا كبايتين شاي و تعالي نقعد في البلكونة شوية او في الصاله (ماكانتش اترقت لِسَّه وبقت ريسيبشن) وكان ممكن يقعدوا من غير تليفزيون اصلاً
تقوم ام العيال تعمل كبايتين الشاي الفل و تجري وراه علي البلكونة عشان تتمتع معاه بشوية وقت رايق بعيد عن دوشة العيال اللي لِسَّه مخلصه لهم مذاكره يقضوه بقي في الحكايات وقصص العيال ومين عمل ايه وهنعمل ايه في الواد الفلاني و نحل مشكلة البنت ازاي وتقفل القعده بالضحكة الي من القلب

مكانش فيه بقي لا المحروق النت و لا المدعوق الفيسبوك و لا الواتساب الهي يولع بجاااااز .. ماكانش فيه اي حاجة تخلي طرف من الاتنين قاعد مشغول عن التاني ... و لا بيمثل انه بيسمعله و هو مركز في حاجة تانية
ولا قاعد جنبه وكأنه مش في البيت اصلاً
ماكانوش بيصحو يبصو علي تليفوناتهم اول ما يفتحو عنيهم وقبل ما يصبحو علي بعض ..!!!
ولا بينامو والتليفونات في حضنهم..!!!

ماكانش الغلط سهل وقريب قوي
زي دلوقتي ... ماكانتش البيوت بتتخرب من شات مايعه ولا صوره خارجه..!!!
تصدقوا كان ممكن يلاعبها كوتشينه او عشرتين طاولة وتغلبه كمان
كان فيه راجل بيعد الساعات عشان يقعد مع مراته ساعة العصاري يتسامروا ويحكو ولا اجدع صحاب و كان فيه ست بالنسبة ليها القعدة الحلوة دي هي كل حياتها ماهو راجلها هو كل ما ليها واهم ما في حياتها
قعدة بسيطة و كبايتين شاي بس بالدنيا و ما فيها
قعدة بسيطة تلاقي فيها الكلمة الطيبه الحلوة و اللمة الدافيه الحلوة والضحكة الي من القلب
في الزمن ده ارتباطهم ببعض كان بيتحول لصداقة قوية ... صداقة وعشره طيبه من اللي تخليك تتغلب علي المشاكل وتحل الخلافات وتخاف علي خاطر شريك عمرك ...
لدرجة انه بعد عمر طويل لما واحد فيهم بيموت التاني بيتعب وفي اغلب الأحوال بيجيله اكتئاب لانه مش فاهم الحياه من غيره ولا عارف يكمل فيها لوحده ..!!!
بيبقي حزين ومكسور علي فقد شريك حياته الي قضي معاه كل حياته

زمان كانت الحياة مستوياتها بسيطة بس راقيه اخلاقياً واجتماعياً والسعادة من القلب ❤️❤️❤️
دلوقتي الحياه مستوياتها راقيه شكلياً ... بس أخلاقياً واجتماعياً بعافيه جداً ... اما السعاده ماسخه ومصطنعه 💔💔💔

خدو بالكم من بعض ... ربنا يسعد ايامكم ويحنن قلوبكم علي بعض

01/01/2026

30/12/2025

برقية تهنئة مقدمة من 💐
الصفحه الرسميه لقرية منشأة الاوقاف
بخالص التهاني وأصدق الأمنيات
إلى
عائلات أبو القمصان
وعنهم المهندس
بمناسبة عقد قران نجلتة
سائلين المولى عزّ وجل أن يبارك لهما،
ويجمع بينهما في خير،
وأن يتمم لهما الفرح على خير.

خالص التهاني وأطيب الأمنيات بالزفاف السعيد 💐

26/12/2025

الصفحه الرسميه لقرية منشأة الاوقاف
﴿ كلُّ نفسٍ ذائقةُ الموت ﴾
بقلوبٍ مؤمنةٍ بقضاء الله وقدره، راضيةٍ بحكمه، محتسبةٍ الأجر عنده،
ننعى فقيدنا الغالي فقيد الشباب
المغفور له بإذن الله علي محمد مطحنه
وشقيق كلٍّ من:
الاستاذ عوض محمد مطحنه
لقد عاش ـ رحمه الله ـ بيننا عبدًا صالحًا محبًّا للخير، قريبًا من عباد الله، ساعيًا في قضاء حوائجهم، مُصلحًا بين الناس، حريصًا على لمّ الشمل وإطفاء الفتن، فكان مثالًا في حسن الخلق، وطيب المعشر، والذكر الحسن، وترك في القلوب أثرًا طيبًا لا يُنسى

اللهم اغفر له وارحمه، وعافه واعفُ عنه، وأكرم نزله، ووسّع مدخله،
ونقِّه من الخطايا كما يُنقَّى الثوب الأبيض من الدنس،
وأبدله دارًا خيرًا من داره، وأهلًا خيرًا من أهله،
واجعل قبره روضةً من رياض الجنة،
ولا تحرمنا أجره ولا تفتنّا بعده.
﴿ إنا لله وإنا إليه راجعون ﴾

21/12/2025

عزاء واجب من
الصفحه الرسميه لقرية منشأة الاوقاف

وفاة المغفور له بإذن الله

فضيله الشيخ منصور الرفاعي عبيد

وكيل وزارة الأوقاف
ومدير مساجد الجمهورية الأسبق

وتُقام صلاة الجنازة غدًا الاثنين بعد صلاة الظهر
بـ مسجد الإمام الحسين،
وسيؤم الصلاة معالي وزير الأوقاف الأستاذ الدكتور أسامة الأزهري.

نسأل الله أن يتغمده بواسع رحمته،
وأن يجعل ما قدمه في خدمة بيوت الله في ميزان حسناته،
وأن يلهم أهله وذويه ومحبيه الصبر والسلوان.

إنا لله وإنا إليه راجعون
اللهم اجعل قبره روضة من رياض الجنة