04/09/2026
❤️ بوست في حب د. محمد خرشوم ❤️
من غير أي مبالغة… د. محمد خرشوم واحد من أفضل أطباء الأطفال في السويس 👏❤️
د. محمد من الدكاترة القليلة جدًا اللي بيفحصوا الطفل بجد، بمعنى الكلمة، وبيأخد وقته مع الطفل من غير استعجال ولا إحساس إن وراه طابور.
ومعندوش فرق بين كشف أو استشارة… في الاتنين ممكن يقعد مع الطفل أكتر من 45 دقيقة، يسمعك كويس ويفحص الطفل ويطمن عليه من كل ناحية.
ولو دخلت ومعاك طفلين، وبتكشف لواحد منهم، وحس إن التاني ممكن يكون عيان، تلاقيه بكل بساطة يقولك:
"هات الواد ده أطمن على صدره." ❤️
ويكشف عليه ويطمن عليه من غير ما يحسبها كشف تاني ولا يطلب منك مقابل.
وده في حد ذاته بيقولك إنك قدام دكتور حقيقي بيراعي ربنا في شغله، وبيتعامل مع مهنته كرسالة قبل ما تكون مجرد شغل.
فحبيت أقولك من قلبي:
ربنا يبارك فيك وفي صحتك وعمرك وأولادك، ويجازيك خير عن كل طفل طمنت أهله، وكل أب وأم خرجوا من عندك وهم مطمنين. ❤️❤️❤️
كل الاحترام والتقدير ليك يا دكتور محمد خرشوم ❤️🙏
