¿Qué es el sitio web?

BNG - Deputación da Coruña

Casa
España
A Coruña
BNG - Deputación da Coruña

Páxina en Facebook do Grupo Provincial do BNG Asembleas Abertas na Deputación da Coruña.

17/08/2026

🟦 Sol Agra reivindica a memoria histórica e pide «oficializar o 17 de agosto como Día da Galiza Mártir».

🟦 Fíxoo esta tarde na Coruña, nun acto organizado pola Deputación e pola Agrupación Cultural Alexandre Bóveda no que se rendeu homenaxe ás vítimas do franquismo.

🗣️ «O 17 de agosto non é un día calquera, senón unha xornada na que a dor se transforma en rebeldía e en memoria viva para render tributo a todas as persoas represaliadas, paseadas nas cunetas, exiliadas ou torturadas por defender a liberdade e a democracia».

🗣️ A deputada do BNG subliñou «a urxencia de combater o revisionismo histórico» e advertiu: «Non haberá unha democracia plena mentres quede un só corpo sen identificar nas gabias ou se sigan a branquear os crimes da ditadura».

🗣️ Agra destacou a figura de Alexandre Bóveda, fusilado hai hoxe noventa anos, «como motor e alma organizadora do Estatuto de Autonomía de 1936 e cuxo sacrificio foi fío condutor dunha resistencia galega que inclúe os Mártires de Carral, Antolín Faraldo, o nacemento das Irmandades da Fala e a loita clandestina de Moncho Reboiras, asasinado en Ferrol en 1975».

🗣️ Tamén tivo un recordo especial «para as mulleres humilladas e represaliadas polo réxime, os mestres, os mariñeiros, os labregos e os traballadores que sufriron a barbarie franquista».

15/08/2026

🟦 Sol Agra representou onte en Melide a Deputación na homenaxe dos departamentos provinciais de Cultura e Igualdade á fotógrafa pioneira Mary Quintero, nun acto ao que tamén asistiron a concelleira de Cultura Ana Mosteiro e a ex alcaldesa da localidade, Soqui Cea.

🗣️ Agra reivindicou o valor político e social do acto e lembrou que, durante séculos, «a historia oficial deitouse sobre olladas maioritariamente masculinas e os grandes nomes que se recoñecían eran homes; pero as mulleres sempre estivemos aí, detrás e diante das cámaras, sostendo a memoria do noso pobo, aínda que moitas veces dende a invisibilidade».

🗣️ «Mary Quintero rompeu todos os moldes e converteuse na primeira muller galega en abrir un estudio co seu propio nome», sinalou. «Iso non foi só un fito profesional, foi un acto de absoluta rebeldía e empoderamento nunha España onde as mulleres nin sequera tiñan dereitos civís básicos».

🗣️ «Hoxe, grazas a Mary, as mozas que collen unha cámara saben que o seu lugar está no centro da creación, liderando o relato do noso tempo. Porque a fotografía non é só unha imaxe bonita; é patrimonio, é memoria colectiva e é unha ferramenta imprescindible para construír a igualdade».

12/08/2026

🟦 Queda xa nada para a eclipse e Xosé Regueira advertiu, esta mañá nun programa especial d'El Ideal Gallego', da necesidade de tomar todas as precaucións para g***r dela con completa seguridade.

🟦 Precisamente, como lembrou o vicepresidente, a seguridade é a principal preocupación da Deputación para hoxe, como o foi nos últimos meses durante a campaña de promoción que lle dedicou á eclipse o departamento de Turismo da administración provincial.

🟦 Entre as recomendacións de Regueira para esta tarde, evitar os desprazamentos en coche.

12/08/2026

🟦 Natividade González e Cristina García participaron esta mañá na presentación da 47ª edición do Festival Irmandiño de Moeche, que volve contar co apoio da Deputación da Coruña.

🗣️ A titular de Cultura puxo en valor «a capacidade do Irmandiño para preservar e actualizar a cultura galega, reivindicar a nosa historia e xerar espazos de encontro arredor da música e da tradición».

🗣️ González salientou tamén «a importancia de que as administracións colaboren con proxectos culturais arraigados no territorio e impulsados pola comunidade local, especialmente aqueles que contribúen a descentralizar a programación cultural e achegala aos concellos pequenos e medianos».

🗣️ Para a deputada do BNG, o Festival Irmandiño «é un exemplo de como a cultura pode actuar como elemento de cohesión social, transmisión da memoria e dinamización do territorio».

11/08/2026

🟦 Hoxe acompañamos a Natividade González á sala Salvador Mariaga, do CGAI, que ata o 27 de setembro, no marco da programación do festival Viñetas desde o Atlántico, acolle a exposición das obras gañadoras do Premio Castelao de Banda Deseñada 2025, convocado pola Deputación da Coruña.

🟦 Compartiron visita coa deputada de Cultura os autores, Manu Barreiro e Elías Taño ("Maré", galardoada na modalidade Xeral) e Giovanna Lopalco (modalidade LIX), e tamén o director do festival, Manel Cráneo.

11/08/2026

🟦 Xosé Regueira e o alcalde de San Sadurniño, Secundino García, asinaron hoxe un convenio polo que a Deputación achegará 127.000 euros para acondicionar unha nave de servizos municipais.

🟦 Vicepresidente e rexedor compatiron xornada con outros dos concelleiros e concelleiras do goberno local, do BNG: María Muiño, Manolo Varela, Raquel Piñeiro e Manuel Beceiro.

🗣️ «O financiamento público», destacou Regueira, «debe servir para dar resposta ás necesidades dos concellos e, ao mesmo tempo, para dinamizar o territorio e fortalecer o seu tecido socioeconómico».

🗣️ «Investir nos servizos municipais e nas infraestruturas que os fan posibles», subliñou, «é tamén investir na capacidade dos concellos para xerar actividade, mellorar a calidade de vida da veciñanza e crear condicións máis favorables para o desenvolvemento».

🗣️ «A colaboración entre administracións é fundamental para multiplicar o impacto dos recursos que ofrecen as administracións, especialmente nos concellos de menor tamaño, por iso actuacións coma a que hoxe asinamos permiten mellorar a prestación dos servizos públicos, optimizar os medios municipais e favorecer un modelo de desenvolvemento máis equilibrado e sostible».

10/08/2026

🟦 Sol Agra salienta o «carácter integral» do Rock in Rian «e todo o que o festival representa para Rianxo, para a provincia e para o conxunto de Galicia».

🟦 A Deputación da Coruña achega 29.000 euros á cita, que se vai celebrar o 14 e o 15 de agosto.

🗣️ Na presentación hoxe do festival, a deputada de Lingua puxo en valor:
▪️«O carácter colaborativo entre as asociacións de base do concello».
▪️«A aposta por unha produción cultural elaborada na Galiza e en galego».
▪️«A implicación dos centros educativos nas actividades realizadas».
▪️«O apoio ás bandas emerxentes, a diversificación das actividades ao longo do ano».
▪️«O compromiso coa lingua, o respecto ao medio ambiente e ao territorio e a divulgación turística do concello desde un punto de vista cultural e musical, que atrae un turismo respectuoso co noso».

🗣️ «A área de Cultura da Deputación», sinalou, «seguirá apoiando, coa súa liña de subvencións para actividades, investimentos e festivais, o sostemento económico das pequenas asociacións espalladas ao longo de toda a provincia, que crean a dinamización cultural necesaria para que en cada concello, por pequeno que sexa, a veciñanza poida organizarse e desfrutar da inmensa riqueza cultural feita en Galiza en galego».

10/08/2026

🟦 O impacto e desenvolvemento do Plan Único da Deputación da Coruña foi o eixe da xornada de traballo que mantiveron en Arzúa Xosé Regueira e Cristina García con representantes de tres dos concellos nos que goberna o BNG: os rexedores de Santiso, Manuel Adán, e de Toques, Xosé Anxo P***s, e o tenente de alcalde de Arzúa, Daniel Moscoso.

🟦 Na xuntanza participou tamén José Manuel Pérez, alcalde de Melide, onde é concelleira de Cultura, Deporte, Educación e Normalización Lingüística a compañeira Ana Mosteiro.

🗣️ «O Plan Único da Deputación», salientou o vicepresidente, «é un modelo, baseado na cooperación e na planificación conxunta, que leva anos demostrando a súa validez e que queremos seguir fortalecendo».

🗣️ «Non constitúe», explicou, «só unha ferramenta económica: é un compromiso para que a provincia avance de xeito equilibrado, para que o rural non quede atrás e para que todos os concellos conten co apoio da Deputación cando máis o precisan».

🗣️ Para a deputada de Plans Provinciais, «o interesante do POS é que non impón, senón que acompaña, pois con el damos marxe para que os concellos poidan poñer en marcha proxectos moi diferentes, dende arranxos de vías a melloras no abastecemento de auga».

🗣️ «O que buscamos é que eses fondos se convertan en servizos e infraestruturas que melloren a vida da xente, garantindo a cohesión territorial e a igualdade de oportunidades entre todos os municipios da provincia».

10/08/2026

🟦 Natividade González destaca na apertura de Viñetas desde o Atlántico 2026 o compromiso da Deputación co talento vinculado á banda deseñada.

🟦 O departamento provincial de Cultura conta na feira coruñesa cunha exposición na Sala Salvador de Madariaga dedicada ás obras gañadoras do Premio Castelao de Banda Deseñada 2025.

🟦 Compatiron xornada con González a concelleira e o concelleiro do grupo do BNG na Coruña Mercedes Queixas e Francisco Jorquera.

🗣️ «Desde a Deputación», sinalou a deputada de Cultura, «queremos seguir apoiando o talento e a creación, ofrecendo espazos e oportunidades para que as autoras e autores poidan desenvolver os seus proxectos e chegar ao público».

🗣️ O Premio Castelao é, segundo González, «unha ferramenta fundamental para impulsar a banda deseñada e para dar visibilidade a novas voces e propostas creativas, e Viñetas desde o Atlántico permítenos dar un paso máis ao levar esas obras ás rúas e aos espazos culturais da Coruña».

🗣️ «É especialmente importante que estes proxectos, que naceron grazas ao apoio á creación, teñan continuidade e poidan ser coñecidos por un público amplo», salientou. «Esta colaboración con Viñetas é unha mostra de como as institucións podemos traballar xuntas para fortalecer o sector cultural e facer visible o extraordinario talento que existe arredor da banda deseñada».

10/08/2026

🟦 Sol Agra representou a Deputación na entrega, onte no Auditorio Baldomero Cores ceense, do premio do I Certame Batallón Literario da Costa da Morte.

🟦 Na compaña tamén dos concelleiros do BNG de Cee, Serxio Domínguez, e de Dumbría, Xaime Trillo.

🗣️ A titular de Lingua lembrou a historia do Batallón, «unha desorganización organizada que naceu para levar a poesía á rúa, a cativos e maiores, e demostrar que a Costa da Morte era o epicentro do máis activo fervedoiro literario do país».

🗣️ «A Deputación, desde as súas áreas de Cultura, Lingua, Igualdade e Dereitos civís, seguirá apoiando as iniciativas que reforcen a nosa cultura, lingua e identidade», explicou Agra.

🗣️ «E así o estamos facendo co certame escolar 'Falemos + galego', dos centros educativos da Costa da Morte, e co apoio económico ás asociacións culturais e festivais de música en galego de cada concello.

🗣️ «O Batallón literario foi un referente de activismo social organizado, de rebeldía comprometida, e demostrou que a poesía podía ser un revulsivo para a mobilización de conciencias, para a reivindicación da Costa da Morte como un territorio referente en defensa da lingua e da identidade».

🗣️ «Seguimos precisando Batallóns porque a situación da lingua non mellorou, precisamos que se use en cada contexto, non só no poético e no institucional».

Dirección

A Coruña

Página web

http://depuacorunha.bng.gal/

Notificaciones

Sé el primero en enterarse y déjanos enviarle un correo electrónico cuando BNG - Deputación da Coruña publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.

¿Quieres que tu organización sea el Servicio Gubernamental mas cotizado en A Coruña?

Categoría

Organización política