Psoe Abadín

05/09/2026

⚠️ A PÁXINA DO CONCELLO É PARA INFORMAR Á VECIÑANZA, NON PARA FACER PROPAGANDA.

🌩️ Hoxe o 112 Galicia advertiu dunha alerta laranxa por tormentas no centro e na zona de montaña da provincia de Lugo, con posibilidade de fortes refachos de vento e sarabia de gran tamaño.

🌨️ E a realidade confirmou a importancia do aviso. Caeron pedras de sarabia que superaban incluso o tamaño dunha moeda dun euro.

📢 Estamos falando de información de interese público e de seguridade. Un aviso deste tipo debería difundirse dende a páxina oficial do Concello para que chegue ao maior número posible de veciños e veciñas.

🤷‍♂️ Pero en Abadín parece que hai outras prioridades. Carta vai, carta ven, publicacións políticas cando interesa… pero para trasladar avisos do 112 e información útil para a poboación, nada. Que máis dá.

⚠️ E non é algo puntual. Ao longo do ano prodúcense alertas meteorolóxicas, avisos de emerxencias e outras comunicacións que deberían ter difusión dende unha páxina institucional. Ata que un día pase unha desgraza e entón todos preguntaremos por que non se avisou.

💸 E lembremos unha cousa: esa páxina non é persoal do alcalde nin pertence a ningún partido. É a páxina oficial do Concello de Abadín e custa arredor de 420 euros ao mes aos abadinenses. Se a pagamos entre todos, debe estar ao servizo de todos.

📲 Unha ferramenta pública debería utilizarse primeiro para informar, avisar e prestar un servizo á veciñanza, especialmente en situacións coma esta.

👉 Xa que o Concello non o fai, seguiremos compartindo aqueles avisos e informacións que consideremos importantes para os veciños e veciñas de Abadín.

Informar tamén é gobernar. E cando hai unha alerta meteorolóxica, informar pode evitar problemas e incluso accidentes.

🙋🏻 Levaremos está proposta no vindeiro pleno.

🔜 Seguimos.

04/09/2026

🚨 NOVA DENUNCIA VECIÑAL: BEIRARRÚAS ABANDONADAS E SEN MANTEMENTO.

📩 Seguimos recibindo fotografías e queixas da veciñanza sobre o estado de diferentes espazos públicos do concello.

🌿 Nesta ocasión, as imaxes amosan beirarrúas cubertas de maleza, herba medrando entre as xuntas e zonas nas que se aprecia claramente unha falta de limpeza e mantemento continuado.

⚠️ A isto súmase a existencia de baldosas rotas, levantadas ou directamente ausentes, deixando ocos e desniveis que poden supoñer un risco para os peóns, especialmente para persoas maiores ou con mobilidade reducida.

🧱 E por se fose pouco, tamén se poden ver pezas e materiais retirados acumulados, dando unha imaxe de abandono e de traballos sen rematar.

🕰️ Segundo nos traslada a veciñanza, esta situación non é de agora: leva anos así.

❓ Canto tempo máis hai que esperar para facer algo tan básico como limpar, reparar e manter unhas beirarrúas en condicións?

👀 O espazo público non pode deixarse deteriorar durante anos e actuar só cando os problemas se fan visibles ou se denuncian.

📸 As imaxes falan por si soas.

👉 Seguiremos dando voz ás denuncias veciñais e reclamando que se faga o mantemento que corresponde.

01/09/2026

🚨 DENUNCIAR SERVE: CELME, CASTROMAIOR.

📸 Hai apenas un día publicabamos a denuncia veciñal sobre o estado das marxes e o desbroce da pista municipal no lugar de Celme, parroquia de Castromaior.

🌿 Pois ben, hoxe a pista xa está desbrozada.

👀 E chama a atención a rapidez: publicamos a situación, o alcalde foi ver a zona e, pouco despois, o traballo quedou feito.

👏 Alegrámonos de que a desbrozaran. Ao final, do que se trata é de que a veciñanza teña os servizos e o mantemento que merece.

👉 Nós facemos as propostas e eles acoden. O problema é que iso tamén quere dicir que nós temos que facerlles o traballo e eles a vivir.

💬 Porque cando ten que ser a oposición a que recolla as queixas, vaia aos lugares, publique as fotos e sinale o que hai que facer para que despois o goberno actúe, algo falla e moito.

⚠️ A veciñanza non debería ter que denunciar cada pista nin nós ter que ir indicando unha por unha onde están os problemas para que se faga o mantemento que corresponde.

📍 En Celme xa se actuou, e celebrámolo. Agora toca facer o mesmo no resto de lugares que seguen esperando.

👉 Seguiremos denunciando, seguiremos insistindo e seguiremos dando voz á veciñanza.

31/08/2026

🚨 NOVA DENUNCIA VECIÑAL: CELME, CASTROMAIOR

📩 Seguimos recibindo fotografías e queixas da veciñanza sobre o estado das pistas municipais. Nesta ocasión, no lugar de Celme, parroquia de Castromaior.

🌿 Nas imaxes pode verse como a maleza e os fentos ocupan as marxes da pista, chegando nalgúns puntos practicamente ata o firme e estreitando a vía.

💧 Tamén se aprecia falta de limpeza e mantemento das beiras, con zonas nas que a auga e a terra se acumulan sobre o propio firme, contribuíndo ao seu deterioro.

⚠️ Non debería ser necesario que sexan os propios veciños e veciñas os que teñan que estar enviando fotografías para lembrar ao Concello que as pistas municipais necesitan un mantemento periódico.

❓Cantas parroquias máis teñen que denunciar situacións coma esta para que se actúe?

📸 Seguiremos dando voz ás denuncias que nos traslade a veciñanza.

29/08/2026

⚠️ ASÍ ESTÁ UNHA PISTA MUNICIPAL NO LUGAR DE CASÁS, EN CORVITE.

📩 A través da veciñanza chegounos esta denuncia sobre o estado dunha pista municipal no lugar de Casás, na parroquia de Corvite.

🌿 Sen desbrozar, coa vexetación ocupando as marxes e dificultando o paso.

🕳️ Cun firme moi deteriorado xa de por sí mui estreito, con fendas, zonas desfeitas, unha situación que, segundo nos trasladan os veciños, xa provocou pinchazos en vehículos.

🚗 Non é unha cuestión estética. Estamos falando dunha pista municipal que utiliza a veciñanza e que precisa un mantemento axeitado para poder circular por ela en condicións dignas e seguras.

❓Ata cando vai ter que esperar a veciñanza para que o Concello actúe?

📸 As imaxes falan por si soas.

27/08/2026

📬 A NOSA FOLLA INFORMATIVA XA ESTÁ NAS CASAS DE ABADÍN.

🏠 Estes días pasados repartimos pola maior parte das casas do concello a nosa nova folla informativa, na que contamos parte do traballo que vimos realizando, os investimentos conseguidos e as cuestións que estamos levando ao Pleno.

📄 Sabemos que, por distintos motivos, pode haber casas ás que non lles chegase. Por iso, compartímola tamén por aquí para que todo o mundo teña acceso á mesma información.

🌹 Seguimos aquí. Seguimos traballando.

🔜Seguimos informando.

26/08/2026

🚨 A CRUZ DA MISIÓN SEGUE NO CHAN. ATA CANDO?

📍 Falamos da Cruz da Misión, nos Terraxís en Moncelos, un elemento que xa viña presentando un importante deterioro desde fai tempo, como se pode comprobar nas fotografías de anos anteriores.

📸 En 2023 xa era necesario colocar valados arredor da cruz polo seu estado.

📸 En 2025 o deterioro era aínda máis evidente.

💥 Finalmente, en agosto de 2025, un vehículo golpeouna e a cruz acabou no chan, onde continúa a día de hoxe.

🏛️ Pero este asunto non é novo para o Concello.

👉 No Pleno ordinario do 30 de xaneiro de 2026 xa preguntamos que estaba facendo o Concello para recuperar e reconstruír a Cruz da Misión.

🗣️ A resposta do alcalde foi clara: pedir un presuposto a un contratista e envialo á compañía de seguros do propietario do vehículo que causou os danos, para que fose a aseguradora a responsable do seu acondicionamento.

📑 Posteriormente, no Pleno do 27 de marzo de 2026, volvemos insistir mediante un rogo solicitando o arranxo urxente da Cruz da Misión.

⏳ Pasou o tempo e a realidade está á vista: a cruz segue desmontada e tirada no chan.

❓ Sabemos que existe unha compañía de seguros que debe responder polos danos. Pero tamén preguntamos:

👉 En que punto están as xestións co seguro?
👉 Xa se enviou o presuposto?
👉 Houbo resposta da compañía?
👉 Cando se vai reconstruír finalmente a Cruz da Misión?

⚠️ Que o seguro teña que asumir o custo non pode converterse nunha escusa para que pasen un ano sen unha solución.

Pedimos ao Concello que faga o seguimento necesario, reclame a quen corresponda e axilice dunha vez a recuperación da Cruz da Misión.

☝️O Concello é o principal responsable de vixilar os bens patrimoniais, conservalos, comunicar calquera incidencia e xunto coa Xunta de Galicia tomar as medidas oportunas para a súa conservación e reparación xunto con Patrimonio segundo a Lei 5/2016 de patrimonio cultural de Galicia.

🙋🏻Porque o patrimonio de Abadín non pode quedar indefinidamente esperando entre pedras no chan.

25/08/2026

📄 BIOMETANO EN ABADÍN: O QUE A CARTA DO ALCALDE NON CONTA.

O alcalde publicou unha carta á veciñanza sobre as plantas de biometano. O problema non é só o que di. É, sobre todo, todo o que non conta.

📌 Marzo de 2025. No Concello xa existían dous expedientes relacionados coas posibles plantas: o 119/2025, en Candia, e o 187/2025, en Quende, derivados de solicitudes de informes de compatibilidade urbanística.

📌 1 de outubro de 2025. O propio alcalde afirmou no Pleno que o proxecto de Quende “encóntrase presentado na Xunta de Galicia” e que estaba recabando os correspondentes permisos sectoriais.

📌 10 de abril de 2026. A Xunta de Galicia confirmou oficialmente que “o expediente relativo ao proxecto de planta de produción de biometano no lugar de Quende [...] atópase na actualidade en tramitación”.

📌 19 de maio de 2026. Ante a enorme preocupación veciñal, solicitamos un Pleno extraordinario cun único asunto: que o Concello se posicionase ante as plantas. A nosa moción pedía expresamente que Abadín se posicionase CLARAMENTE EN CONTRA e que se informase á veciñanza con transparencia.

E nese mesmo Pleno o alcalde afirmou:

“Veñen falar dunha planta (según a súa moción dúas) en Quende sen expediente, sen informes e sen base técnica ningunha.”

Pero máis dun mes antes a propia Xunta xa certificara que o expediente de Quende estaba en tramitación.

📌 E chegou a votación: 5 votos do Grupo Socialista a favor e 5 votos do PP en contra. Repetiuse a votación e volveu producirse o empate. Finalmente, o voto de calidade do alcalde serviu para rexeitar a moción que pedía posicionarse en contra das plantas.

📌 Posteriormente solicitamos os informes urbanísticos municipais. O alcalde aprazou o noso acceso e mantivo esa decisión incluso despois de presentar recurso de reposición. Ao mesmo tempo, a súa propia resolución recoñece que o informe municipal fora remitido á empresa interesada.

Agora o alcalde di diante dos veciños:

“MENTRES EU SEXA ALCALDE, NON.”

Pois nós preguntamos:

👉 A que planta de biometano se refire a de Candia a de Quende, as dúas?

👉 Que cambiou entre maio e agosto?

👉 Por que cando lle pedimos no Pleno que se posicionase claramente en contra votou contra a nosa moción?

👉 ¿Por que utilizou o seu voto de calidade para rexeitala?

👉 ¿E por que fala agora de máxima transparencia cando apraza o acceso aos informes municipais?

✅ O que dicimos é que existían expedientes, informes municipais e proxectos en tramitación na Xunta, e que todo iso a veciñanza merece coñecelo. O que hai que confrontar cos documentos é todo o que a súa carta deixa fóra: os dous expedientes municipais de 2025, os informes urbanísticos, o proxecto que el mesmo recoñeceu que estaba presentado na Xunta, a confirmación da Xunta de que o expediente de Quende estaba en tramitación, os dous proxectos básicos, o Pleno posicionándose a favor do 19 de maio e a denegación e o aprazamento do acceso aos informes.

🙋🏻Non queremos que nos crean pola nosa palabra. Queremos que miren as datas, os documentos e as actas.

☝️A veciñanza de Abadín merece toda a información, non só a parte que se decide contar.

24/08/2026

📰 GRAZAS AOS MEDIOS POR DAR VISIBILIDADE Á DENUNCIA 🙏

📝Esta mañá enviamos aos medios de comunicación a nosa denuncia sobre as posibles represalias do alcalde contra negocios que exhiben pancartas de "Biometano Non".

👉Xa a semana pasada denunciamos esta situación na nosa páxina de Facebook. Agora, grazas á prensa, a información chega a máis xente.

🗣️ A liberdade de expresión non se castiga. O comercio local non é unha arma política.

Grazas a: xornaldelugo.com a aquilugo.com, crónica3.com e os medios que se fixeron eco.

Seguimos. 💪

Pablo Díaz asegura que o alcalde popular deu instrucións verbais aos traballadores para non realizar compras con cargo ao Concello en establecementos que amosen publicamente a súa oposición ao proxecto Abadín, 24 de agosto de 2026. O Grupo Municipal Socialista de Abadín denunciou este luns que...