Nrn Spain, Grassot 84, Barcelona (2026)

12/10/2026

📢 अत्यन्त दुःखद खबर तथा आवश्यक जानकारी

नेपालको सुनसरी जिल्ला स्थायी घर भई विगतमा स्विडेनमा बसोबास गर्नुभएका र पछिल्लो समय स्पेनको भ्यालेन्सियामा रहँदै आउनुभएका श्री पूर्णबहादुर तामाङज्यूको दुःखद निधन भएको खबर प्राप्त भएको छ।

यस दुःखद घटनाप्रति गैरआवासीय नेपाली संघ (NRNA) स्पेन गहिरो दुःख व्यक्त गर्दै दिवङ्गत आत्माको चिरशान्तिको कामना गर्नुका साथै शोकसन्तप्त परिवारजनप्रति हार्दिक समवेदना प्रकट गर्दछ।

उहाँको परिवारसँग सम्पर्क स्थापित गर्ने क्रममा नेपालमा रहनुभएकी उहाँका दाजु श्रीमती, तथा भान्जीसँग सम्पर्क भएको छ। हाल परिवारजनसँग घटनासम्बन्धी आवश्यक छलफल तथा आगामी प्रक्रियाबारे समन्वय भइरहेको छ।

घटनाबारे सम्बन्धित नेपाली कूटनीतिक नियोगलाई समेत जानकारी गराइसकिएको छ। परिवारजनसँगको छलफल तथा आवश्यक अनुमति पत्र प्राप्त भएपछि सम्बन्धित निकायसँग समन्वय गरी NRNA स्पेनका प्रतिनिधि तथा स्थानीय नेपाली समुदायका साथीहरू घटनास्थलमा पुगेर आवश्यक प्रक्रिया अघि बढाउने तयारी भइरहेको छ।

यस सम्बन्धमा अन्य आवश्यक जानकारी प्राप्त भएपछि आधिकारिक रूपमा सार्वजनिक गरिनेछ।

यस संवेदनशील परिस्थितिमा सबैलाई धैर्य, संयमता तथा संवेदनशीलता अपनाइदिनुहुन हार्दिक अनुरोध गर्दछौँ।

गैरआवासीय नेपाली संघ (NRNA) स्पेन

11/10/2026

स्पेनमा नवदुर्गा पूजा सुरु, भक्तजनको उत्साहजनक सहभागिता europati प्रवास |

11/10/2026

बार्सिलोना । विदेशमा रहेर पनि आफ्नो धर्म, संस्कृति र परम्पराको संरक्षण तथा प्रवर्द्धन गर्ने उद्देश्यसहित गैरआव.....

11/10/2026

🌺🙏 श्री नवदुर्गा पूजा २०८३ को पहिलो दिन भव्य एवं भक्तिमय वातावरणमा सम्पन्न! 🙏🌺

गैरआवासीय नेपाली संघ (NRNA) स्पेनद्वारा आयोजित श्री नवदुर्गा पूजा २०८३ को आज पहिलो दिन घटस्थापनाको शुभ अवसरमा विधिपूर्वक पूजा–आराधना, शुभ साइतमा जमरा राख्ने तथा चण्डीपाठ कार्यक्रम भक्तजनहरूको उत्साहजनक उपस्थितिमा सफलतापूर्वक सम्पन्न भएको छ।

आजको कार्यक्रममा सहभागी भई धार्मिक तथा आध्यात्मिक वातावरणलाई थप उल्लासमय बनाइदिनुहुने सम्पूर्ण श्रद्धालु भक्तजनहरू, विधिपूर्वक पूजाआराधना सम्पन्न गराउनुहुने आदरणीय पण्डितज्यूहरू तथा कार्यक्रम व्यवस्थापनमा खटिनुहुने सम्पूर्ण सहयोगी एवं स्वयंसेवक साथीहरूप्रति हार्दिक आभार व्यक्त गर्दछौँ।

🌸 विशेष धन्यवाद एवं आभार 🌸

आजको कार्यक्रमका लागि प्रसादको सम्पूर्ण व्यवस्थापन तथा प्रायोजन गरिदिनुहुने रसोई घर BCN परिवार तथा प्रोप्राइटर श्री प्रकाश चालिसेज्यूलाई विशेष धन्यवाद व्यक्त गर्दछौँ। साथै, प्रसाद ग्रहण गरी कार्यक्रमको शोभा बढाइदिनुहुने सम्पूर्ण भक्तजनहरूप्रति हार्दिक आभार प्रकट गर्दछौँ।

📢 भोलिदेखि दैनिक पूजा कार्यक्रममा उपस्थितिका लागि हार्दिक निमन्त्रणा!

भोलि देखी पनि दैनिक अक्टोबर २१ सम्म प्रत्येक दिन बिहान ७:३० बजेदेखि ३ बजे सम्म पूजा स्थल खुला रहनेछ। यस अवधिभर दैनिक दुर्गा पूजा, चण्डीपाठ, आरती, भजनकीर्तन तथा प्रसाद वितरणका कार्यक्रमहरू सञ्चालन हुनेछन्।

📅 मिति: ११–२१ अक्टोबर २०२६
🕢 समय: बिहान ७:३० बजेदेखि दिउँसो ३:०० बजेसम्म
📍 स्थान: Jardín de Hara, C/ Fraternitat 25, Barcelona

यस पावन अवसरमा बार्सिलोना लगायत स्पेनका विभिन्न स्थानमा रहनुभएका सम्पूर्ण नेपाली दाजुभाइ, दिदीबहिनी तथा श्रद्धालु भक्तजनहरूलाई परिवारसहित उपस्थित भई माता दुर्गाको आशीर्वाद ग्रहण गर्न हार्दिक निमन्त्रणा गर्दछौँ।

हाम्रो धर्म, संस्कृति, परम्परा र नेपाली पहिचानको संरक्षण तथा प्रवर्द्धनका लागि सबैको साथ, सहयोग र सहभागिता निरन्तर रहने विश्वास लिएका छौँ।

🙏 जय माता दी! जय माँ दुर्गा! 🌺

आयोजक:
गैरआवासीय नेपाली संघ (NRNA)

📸 आजको घटस्थापना तथा पहिलो दिनको पूजाका केही विशेष तस्बिरहरू।

11/10/2026

⚽🏆 प्रथम एभरेस्ट कप २०२६ को भव्य सफलताको हार्दिक शुभकामना! 🇳🇵🇪🇸

स्पेनको म्याड्रिडमा Everest Football Club द्वारा आज, ११ अक्टोबर २०२६, आइतबार आयोजना गरिएको 1st Everest Cup 2026 अन्तर्गत 7-A-Side पुरुष तथा महिला फुटबल प्रतियोगिताको भव्य सफलताको लागि गैरआवासीय नेपाली संघ (NRNA) स्पेनको तर्फबाट हार्दिक शुभकामना व्यक्त गर्दछौँ।

प्रवासमा खेलकुदको माध्यमबाट नेपाली समुदायबीच आपसी एकता, सद्भाव र भाइचारा अभिवृद्धि गर्नुका साथै विशेषगरी महिला खेलाडीहरूको सहभागिता, प्रतिभा र आत्मविश्वासलाई प्रोत्साहन गर्ने यस सराहनीय पहलप्रति आयोजक संस्थालाई हार्दिक बधाई व्यक्त गर्दछौँ।

प्रतियोगितामा सहभागी सम्पूर्ण खेलाडी, टोली, आयोजक, स्वयंसेवक तथा सहयोगी महानुभावहरूलाई सफलताको शुभकामना व्यक्त गर्दै प्रतियोगिता भव्य, सभ्य र सौहार्दपूर्ण वातावरणमा सम्पन्न होस् भन्ने कामना गर्दछौँ।

खेलकुदले जोडौँ नेपाली मन, एकताले बलियो बनाऔँ हाम्रो समुदाय! 🇳🇵🤝🇪🇸

गैरआवासीय नेपाली संघ (NRNA) स्पेन

11/10/2026

📢 अत्यन्त जरुरी सूचना तथा परिवारसँग सम्पर्कका लागि अनुरोध

नेपालको सुनसरी जिल्ला स्थायी घर भई विगतमा करिब १० वर्ष स्विडेनमा बसोबास गर्नुभएका र पछिल्लो केही समयदेखि स्पेनको भ्यालेन्सिया (Valencia) मा बस्दै आउनुभएका श्री पूर्णबहादुर तामाङज्यूको परिवार तथा निकट आफन्तजनसँग एक अत्यन्त जरुरी र संवेदनशील विषयमा तत्काल सम्पर्क स्थापित गर्नुपर्ने भएको छ।

उहाँलाई व्यक्तिगत रूपमा चिन्नुहुने, उहाँका परिवार वा आफन्तजनसँग सम्पर्कमा रहनुभएका अथवा उहाँका परिवारका सदस्यहरूको सम्पर्क नम्बर वा अन्य कुनै जानकारी भएका महानुभावहरूलाई कृपया यथाशीघ्र हामीसँग सम्पर्क गरिदिनुहुन हार्दिक अनुरोध गर्दछौँ।

साथै, विशेषगरी स्पेन, स्विडेन तथा नेपालमा रहनुभएका नेपाली समुदायका सदस्यहरूलाई उहाँका नजिकका साथीभाइ, आफन्तजन तथा परिचित व्यक्तिहरूसम्म यो सूचना पुर्‍याइदिनुहुन र सम्भव भएसम्म शेयर गरिदिनुहुन विनम्र अनुरोध गर्दछौँ।

विषयको संवेदनशीलता र गम्भीरतालाई ध्यानमा राख्दै उहाँको परिवारसँग यथाशीघ्र सम्पर्क स्थापित गर्न आवश्यक भएकाले यस सूचनालाई उच्च प्राथमिकताका साथ लिई सहयोग गरिदिनुहुन सबैमा हार्दिक अनुरोध गर्दछौँ।

📞 सम्पर्क नम्बरहरू:

📱 666 322 873

📱 632 762 286

📱 632 192 080 (WhatsApp)

सम्बन्धित जानकारी उपलब्ध गराई सहयोग गर्नुहुने सम्पूर्ण महानुभावहरूप्रति हार्दिक आभार व्यक्त गर्दछौँ।

गैरआवासीय नेपाली संघ (NRNA) स्पेन

🙏 कृपया यो सूचना सम्बन्धित परिवार तथा आफन्तजनसम्म पुर्‍याउन सहयोग गरिदिनुहोला।

10/10/2026

🙏🌺 भोलिदेखि श्री नवदुर्गा पूजा प्रारम्भ हुँदैछ! 🌺🙏

भोलि सबैजना यतै भेटौँ है त! ❤️🙏

नेपालीहरूको महान् पर्व विजया दशमीको पावन अवसरमा गैरआवासीय नेपाली संघ (NRNA) स्पेनको आयोजनामा भोलि अक्टोबर ११ देखि श्री नवदुर्गा पूजा, दैनिक चण्डीपाठ, भजनकीर्तन तथा प्रसाद वितरण कार्यक्रम सुरु हुँदैछ।

प्रवासमा पनि हाम्रो धर्म, संस्कृति, संस्कार र परम्परालाई निरन्तरता दिँदै यस पावन अवसरमा सम्पूर्ण नेपाली दाजुभाइ, दिदीबहिनी तथा परिवारजनलाई सपरिवार उपस्थितिका लागि हार्दिक निमन्त्रणा गर्दछौँ।

📅 अक्टोबर ११ देखि २१ सम्म

🕢 बिहान ७:३० देखि दिउँसो ३:०० बजेसम्म

📍 Jardín de Hara, C/ Fraternitat 25, Barcelona

आउनुहोस्, भोलि सबैजना भेटौँ, सँगै पूजा गरौँ, माता दुर्गाको आशीर्वाद ग्रहण गरौँ। 🌺🙏

जय माता दी! जय दुर्गा माता! 🙏❤️

गैरआवासीय नेपाली संघ (NRNA) स्पेन 🇳🇵🇪🇸

08/10/2026

🌺 हार्दिक निमन्त्रणा 🌺

🔱 श्री नवदुर्गा पूजा २०८३ 🔱

नेपालीहरूको महान् चाड विजयादशमी २०८३ को पावन अवसरमा सम्पूर्ण नेपाली दाजुभाइ तथा दिदीबहिनीहरूमा हार्दिक मङ्गलमय शुभकामना व्यक्त गर्दछौँ।

नेपाली संस्कार, पहिचान, संस्कृति तथा आध्यात्मिक परम्पराको संरक्षण र प्रवर्द्धनका लागि आयोजित श्री नवदुर्गा पूजा, दैनिक चण्डीपाठ, भजनकीर्तन ,प्रसाद ग्रहण तथा आरती कार्यक्रममा यहाँहरू सबैलाई सपरिवार उपस्थितिका लागि हार्दिक निमन्त्रणा गर्दछौँ।

🙏 दैनिक चण्डीपाठका वाचक पण्डितहरू:

• श्री शास्त्री टिकाराम कँडेल
• श्री सागर काफ्ले
• श्री कुल प्रसाद गौतम
• श्री कमल भण्डारी

📅 मिति: अक्टोबर ११ देखि अक्टोबर २१, २०२६ सम्म
🕢 समय: बिहान ७:३० देखि दिउँसो ३:०० बजेसम्म

🔱 विशेष कालरात्रि पूजा
📅 मिति: अक्टोबर १८, २०२६
🕖 समय: साँझ ७:३० देखि राति १०:३० बजेसम्म

📍 कार्यक्रम स्थल:
Jardin de Hara
C/Fraternitat 25, Barcelona

🚇 नजिकका मेट्रो स्टेशनहरू:

• Joanic — L4
• Fontana — L3
• Verdaguer — L4 तथा L5

आयोजक:
गैरआवासीय नेपाली संघ, स्पेन

Nrn Spain

12/10/2026

11/10/2026

11/10/2026

11/10/2026

11/10/2026

11/10/2026

10/10/2026

08/10/2026

Dirección

Página web

Notificaciones

Atajos

Compartir

Categoría

Solicitud de retirada del anuncio