20/05/2026
Mentres uns fan negocio coa vivenda, hai xente en Baiona, e no Val Miñor que xa non pode vivir onde naceu. Os alugueiros soben, os soldos non. A mocidade marcha. As familias afóganse. E quen goberna mira para outro lado.
Baiona e Nigrán non poden seguir negando a realidade: a vivenda é unha emerxencia social. Declarar zonas tensionadas non é ideoloxía, é defender o dereito a vivir dignamente.
Porque unha vila sen a súa xente, sen traballadoras e sen veciñanza, convértese nun escaparate baleiro. Non queremos ter que marchar da nosa terra para poder vivir. Non queremos cidades e vilas só para turistas, fondos voitre ou especulación.
Este 5 de xuño temos que saír xuntas á rúa para dicir basta. Porque a vivenda non pode ser un luxo. Vainos a vida niso e o pobo debe responder. Vémonos na manifestación! 💜✊
