01/04/2026
Conmemoración do Día Mundial de Concienciación sobre o Autismo
Dende a Unidade de Atención Temperá da Agrupación de Concellos de Becerreá, Baralla, As Nogais e Navia de Suarna sumánse, un ano máis, á conmemoración do Día Mundial de Concienciación sobre o Autismo, que se celebra o vindeiro 2 de abril.
Con motivo desta data, a actividade proposta este ano polo noso servizo foi a creación dun mural dixital colectivo no que participaron familias usuarias do SAT e profesionais do servizo. Nel recóllense frases, reflexións, imaxes e pequenas achegas persoais que mostran a diversidade de formas de ser, comunicarse e aprender.
A través de mensaxes positivas e experiencias compartidas, este mural pretende poñer en valor a singularidade de cada neno e nena e promover unha mirada respectuosa cara á neurodiversidade. Trátase dunha imaxe colectiva que visibiliza que cada desenvolvemento é único e que a inclusión constrúese entre todas as persoas.
O mural pode consultarse no seguinte enlace:
Frases, reflexiones, imágenes, etc. aportadas por las familias usuarias del SAT y profesionales, mostrando la diversidad de formas de ser, comunicarse y aprender. A través de mensajes positivos y experiencias, el mural celebra la singularidad de cada niño y niña y promueve una mirada respetuosa ...
