Ajuntament de Bossòst

25/08/2026

💃 Aguest dimenge, Bossòst bare a ritme de salsa e bachata! 🔥🎶

T'animes? Te demoram! 🕺

24/08/2026

⚠️ AVÍS D'INTERRUPCION PROGRAMADA DETH SUBMINISTRAMENT ELECTRIC

Era companhia E-Distribucion a informat que, damb motiu de trabalhs de mantenement e melhora der hilat electric, se produsiràn interrupcions programades deth subministrament eth pròplèu:

📅 27 d'agost
🕖 De 7:30 ores a 11:00 ores

Era afectacion serà sonque en bèri carrèrs concrets de Bossòst, que podetz consultar en avís adjunh.

👉 Se viuetz en quauqu'ua des adreces afectades, vos recomanam de préner es mesures que consideretz de besonh entà minimizar es possibles inconvenients.

Fòrça gràcies!

16/08/2026

✨ Imatges que mos deishèc ager, 15 d'agost, eth dusau dia dera nòsta Hèsta Major. contunham! 🎉

15/08/2026

🎉 Atau arranquèc ager era nòsta Hèsta Major: Bon ambient, alegror e fòrça desirs de gaudir. Contunham! 🥳

13/08/2026

🎾 Atau se viuec ager eth nòste Torneg de Pàdel dera Hèsta Major! 🔥
Ua jornada plea d'espòrt, emocion, bon ambient e, sustot, fòrça desirs de gaudir. 🎉👏

07/08/2026

07/08/2026

🌿 DEFÉNER BOSSÒST EI DEFÉNER ETH NÒSTE TERRITÒRI

Era Generalitat de Catalonha tramite eth PLATER (Plan Territoriau Sectoriau entara Implantacion d'Energies Renovables en Catalonha), un esturment de planificacion que definís es zònes deth territòri a on se pòden implantar granes installacions d'energies renovables.

Deuant aguest procès, er Ajuntament de Bossòst a amiat a tèrme un intens trabalh tecnic e juridic entà analisar eth document e deféner es interèssi deth nòste municipi.

📄 Frut d'aguest trabalh, auem presentat ues allegacions, complementàries as presentades peth Conselh Generau d'Aran e era rèsta d'ajuntaments dera Val d'Aran.

Volem deishar clar que non èm en contra des energies renovables. Ath contrari. Credem que son imprescindibles entath futur. Mès tanben defenem qu'era transicion energetica la cau planificar damb rigor, sens comun, respècte peth territòri e en tot escotar es municipis.

Pendent aguest procès auem analisat damb detalh era documentacion deth PLATER, era sua cartografia e es critèris aplicadi ath tèrme municipau de Bossòst, en tot avalorar es possibles afectacions sus eth païsatge, er auviatge, eth miei naturau e eth nòste modèl territoriau.

🖼️ Era imatge qu'acompanhe aguesta publicacion ei ua recreacion visuau orientativa elaborada damb intelligéncia artificiau. Non ei ua simulacion oficiau, mès ua representacion que mòstre un scenari potenciau d'aucupacion des superfícies qu'eth PLATER non excludís entara implantacion d'installacions fotovoltaiques ath municipi de Bossòst. Era sua fin ei ajudar a compréner eth possible impacte païsatgistic qu'aguest modèl territoriau poirie auer dessús eth nòste entorn.

Tanben volem hèr ua reflexion. Era defensa deth territòri e era transicion energetica an anar dera man. Per açò, credem que totes es administracions mos cau èster coerentes. Mentre se debat dessús granes implantacions, tanben ei de besonh auançar en ua nòrma que facilite as vesins era installacion de plaques solares integrades arquitectònicament e respectuoses damb eth païsatge entath autoconsum.

Pr'amor que tan important ei evitar es excèssi coma superar era inaccion. Era solucion non ei escuélher entre protegir eth territòri o apostar pes renovables; era solucion ei hèr compatibles totes dues causes.

💚 Bossòst contunharà de trabalhar damb responsabilitat, arguments e
determinacion entà deféner eth nòste municipi, eth sòn païsatge e eth sòn futur.

06/08/2026

🍖✨ SOPAR POPULAR 2026 ✨🍖

🍽️ Eth diuendres 14 d’agost mos tornam a veir, tamb bon ambient e bona companhia🥂🎉

Amenizat per: Amelo d’la Habana! 💃🕺✨

📍 Poliesportiu de Bossòst
🗓️ 14 d’agost
🕤 21.30 h
💶 15 €

📝 Inscripcions: deth 6 al 12 d’agost ena Oficina de Turisme.

⚠️ Demanam que se auetz bèra intolerancia ( gluten, lactosa, dieta vegetariana… ) ac indiquetz ena inscripcion

❤️ Vos i demoram entà dar per començades es Hèstes de Bossòst! 🎊🥂

05/08/2026

🔧 Seguim melhorant es installacions municipaus.

Auem renovat era pòrta d’accès entara carga e descarga deth Poliesportiu Municipau.

Era anteriora se trapaue en un estat de deteriorament important, de manèra qu'era sua substitucion ère de besonh entà garantir era seguretat e facilitar er accès de materiaus e equipaments pendent eth desvolopament d’activitats esportives, culturaus e hèstes.

Seguim trabalhant entà mantier e melhorar es installacions municipaus, en tot priorizar aqueres actuacions qu'ajuden a auer uns servicis mès segurs e foncionaus entà toti.