¿Qué es el sitio web?

https://www.facebook.com/1442845619346569/

Partido Popular de Cangas do Morrazo

Casa
España
Bueu
Partido Popular de Cangas do Morrazo

Facebook oficial del Partido Popular de Cangas do Morrazo.

23/05/2026

As normas de tráfico son iguais para todos? En Cangas, parece que non.

“Progresismo” en Cangas é fritir a impostos aos veciños e veciñas mentres aparcan o coche oficial en liña amarela para ir comodamente ao Auditorio.

📸 Aquí tedes o coche oficial da alcaldesa do BNG saltándose as normas que ti si tes que cumprir.

Cómpre lembrar que Araceli Gestido pasará á historia por ser a primeira alcaldesa de Cangas en usar un coche oficial (un Volvo negro cuxos gastos e mantemento recaen sobre a Policía Local), a pesar de ter un soldo maior que o dos seus antecesores. 💶💶💶💶

Mentres ao tripartito non lle treme o pulso para meterlle a man no peto á veciñanza co taxazo do lixo, eles gozan de privilexios intocables e aparcan onde lles dá a gaña.

📝 A ecuación é simple: Se ti deixas o coche aí, levas unha multa. Se o fai o BNG... miran para outro lado.

“Fai o que eu digo, pero non o que eu fago.”

19/05/2026

Hai unha regra non escrita que nunca falla: escoita o que din, pero fíxate só no que fan.

Levamos anos aguantando leccións continuas sobre a defensa dos servizos públicos. Moito slogan, moita bandeira e moito ruído na rúa. Pero cando pechan a porta do despacho e lles toca xestionar de verdade, a realidade de Cangas é outra ben distinta.

Un a un, os servizos de toda a vida van rematando en mans de empresas privadas, mentres miran para outro lado e fan como que non pasa nada. Non é un caso illado, nin un erro puntual: é o seu modelo real de goberno.

O problema xa non é só a incapacidade de xestionalo noso; é a falta de sinceridade con todos os veciños. En Cangas xa imos aprendendo a distinguir perfectamente entre o conto e as contas.

18/05/2026

Titulares de prensa e proxectos pantasma para tentar tapar o abandono. Esa é a única folla de ruta do goberno local.

Cangas atranca en fochancas e afógase en augas fecais mentres o desgoberno de BNG, PSOE e EU sorrí para a foto. Onde están os 1,3 millóns de euros recadados do imposto de rodaxe? Dende logo, no mantemento das nosas rúas non.

Non hai mentira en titular nin contrato menor para a xestión de redes sociais que poida maquillar a falta de respecto a unha veciñanza que só pide servizos básicos dignos para o seu día a día. A incapacidade para garantir a mobilidade dunha cadeira de rodas e manter as rúas limpas non se arranxa botando a culpa aos demais, nin gastando cartos en patrocinar manifestacións afíns; arránxase traballando.

Cangas merece dignidade, servizos básicos que funcionen e un goberno que saiba xestionar. Cangas non necesita máis gobernos de escaparate nin impostos que non reverten no pobo.

16/05/2026

Unha vila que non coida á súa xuventude é unha vila que lle está a pechar a porta ao seu propio futuro.

Non falamos de grandes promesas nin de debates políticas abstractas; falamos do que pasa un sábado pola tarde. Falamos da frustración de querer estudar e atopar a porta pechada, de querer facer deporte e ver as pistas esnaquizadas, ou de ter un grupo de música e sentir que no teu propio concello non hai espazo para ti.

Cando as decisións de quen goberna empurran á xente nova a marchar fóra para formarse, xogar ou simplemente pasar o rato, algo rompe na nosa comunidade. Cangas ten enerxía, talento e moita vida. O único que fai falta é deixar de poñerlle freo e, sobre todo, deixar de botarlle a culpa aos de sempre para tapar o que non se fai dende o concello.

13/05/2026

Unha administración non pode esixir o cumprimento dunha norma saltándose a lei para aprobala.

O documento xurídico que vimos de presentar, asinado pola nosa voceira Dolores Hermelo, non é unha simple queixa: esixe a nulidade radical de todo o procedemento da nova Ordenanza do Lixo. O BNG e os seus socios cometeron unha ilegalidade de manual ao iniciala na Xunta de Goberno, cando a Lei de Bases do Réxime Local prohibe taxativamente delegar a aprobación de normas sancionadoras nese órgano. Esa é unha competencia exclusiva da Asemblea da Mancomunidade que tentaron saltar pola porta de atrás.

O máis grave é que non foi un erro por descoñecemento. A Deputación de Pontevedra xa advertira disto hai unha década (2016), con informes xurídicos que sinalaban que as delegacións de funcións non poden ser nin xenéricas nin estatutarias. Aínda así, o tripartito decidiu usurpar as funcións da Asemblea. Mesmo tentaron rebentar o debate no último Pleno rachando cos pactos tácitos entre grupos, nunha manobra puramente antidemocrática para impoñer o seu afán recadatorio fóra do escrutinio público.

As regras do xogo democrático están para respectarse, e este procedemento nace morto desde o punto de vista legal.

12/05/2026

Cangas é moito máis ca un lugar de paso no verán. É a nosa casa, o noso traballo, o noso equipo suando a camiseta na pista e os nosos fillos madrugando para coller o barco.

Pero para que a nosa vila non quede estancada, fan falta proxectos reais. O que de verdade necesitamos é que as cousas se resolvan e saian adiante dunha vez.

Mentres no Concello o día a día resúmese en tensión e parálise, dende a Xunta e a Deputación seguen traballando (e investindo) en silencio para que o Gatañal, as nosas estradas, as parroquias e os nosos veciños teñan os recursos que merecen.

O potencial que ten Cangas é enorme. O único que fai falta é un equipo que, de verdade, queira traballar por el e xestionalo como é debido.

Porque as palabras lévallos o vento na ría, pero as obras e as melloras quedan para os que vivimos aquí.

Dirección

Bueu

Página web

facebook.com

Notificaciones

Sé el primero en enterarse y déjanos enviarle un correo electrónico cuando Partido Popular de Cangas do Morrazo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.