Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Cerdedo-Cotobade

Casa
España
Carballedo
Concello de Cerdedo-Cotobade

Páxina oficial en Facebook do Concello de Cerdedo Cotobade

06/06/2026

O CED COTOBADE PROCLÁMESE CAMPIÓN DE COPA CADETE DE FÚTBOL SALA TRAS VENCER AO MARÍN FUTSAL (3-1)

O CED Cotobade proclamouse campión da Copa Cadete de Fútbol Sala ao impoñerse por 3-1 ao Marín Futsal na gran final disputada no Pavillón Multiusos da Xunqueira, en Pontevedra.

O conxunto cotobadés realizou un encontro moi completo, mostrando solidez defensiva, intensidade e eficacia de cara á portería rival para levarse un triunfo merecido ante un competitivo Marín Futsal. Os tres tantos do CED Cotobade permitiron ao equipo controlar o marcador durante boa parte do encontro e certificar a conquista do título.

A final estivo marcada polo bo ambiente nas bancadas, coa presenza de numerosos afeccionados que apoiaron aos dous equipos e contribuíron a converter a cita nunha auténtica festa do fútbol sala base.

Con esta vitoria, o CED Cotobade pecha a competición da mellor maneira posible, levantando o trofeo de campión da Copa e premiando o traballo realizado ao longo da tempada por xogadores, corpo técnico e club.

05/06/2026

OS XOGADORES POL BUESO E RUFO APADRIÑAN O VII TORNEOCUP CERDEDO COTOBADE DE FÚTBOL BASE QUE TERÁ LUGAR NAS ESTREMAS O 13 E 14 DE XUÑO

Pol Bueso e Rufo, xogadores da U.D. Ourense, respaldaron coa súa presenza o VII TorneoCup Cerdedo Cotobade que terá lugar os días 13 e 14 de xuño.

O campo das Estremas acollerá unha nova edición deste torneo internacional de fútbol base, que reunirá a preto de 800 xogadores e máis dun milleiro de espectadores.

Un dos grandes atractivos desta edición será a súa dimensión
internacional, grazas á participación de dúas prestixiosas canteiras portuguesas, que elevarán o nivel competitivo da competición e converterán o TorneoCup Cerdedo Cotobade nun escaparate do mellor fútbol base galego e portugués.

É unha cita xa consolidada no calendario deportivo galego, que promove valores como o compañeirismo, o esforzo e a convivencia.

05/06/2026

SE TES PARCELAS NA FAIXA DE SEGURIDADE DE TENORIO, XA PODES FORMALIZAR O CONTRATO CON SEAGA PARA A SÚA LIMPEZA

O Concello informa á veciñanza de que xa está aberto o trámite para a formalización dos contratos de SEAGA destinados á limpeza da faixa secundaria de protección contra incendios forestais na parroquia de Tenorio.

A atención ás persoas interesadas realizarase na Oficina Técnica de Medio Ambiente, situada na sede administrativa de Cerdedo, os martes, xoves e venres en horario de 9:00 h a 13:00 h.

Para poder realizar o trámite será imprescindible solicitar cita previa no teléfono 986 753 006 ou a través da sede electrónica municipal.

Así mesmo, para a formalización dos contratos será necesario facilitar as referencias catastrais das parcelas afectadas, lembrando que non se efectuarán búsquedas de parcelas.

Dende o Concello agradecemos a colaboración da veciñanza nesta actuación preventiva, fundamental para reforzar a seguridade e a protección do territorio fronte aos incendios forestais.

04/06/2026

A TRANSFORMACIÓN DO PAVILLÓN MUNICIPAL DE TENORIO PRECISARÁ DE PRETO DUN MILLÓN DE EUROS

O Concello de Cerdedo Cotobade dá un paso decisivo cara á reforma integral do Pavillón Municipal de Tenorio coa aprobación dun proxecto estratéxico que mobilizará un investimento total de 987.796,22 euros.

Esta importante actuación permitirá renovar completamente a envolvente exterior do edificio e mellorar as súas condicións estruturais, convertendo o pavillón nun espazo máis moderno, eficiente, seguro e adaptado ás necesidades actuais dos clubs deportivos, centros educativos e centos de usuarios que empregan diariamente estas instalacións.

O alcalde, Jorge Cubela, destacou que se trata dunha das maiores inversións realizadas nunha infraestrutura deportiva municipal, reafirmando o compromiso do Concello coa mellora dos servizos públicos e coa creación de instalacións de referencia para a veciñanza.

04/06/2026

O 8 DE XUÑO ÁBRESE O PRAZO PARA SOLICITAR AUTORIZACIÓN PARA AS FOGUEIRAS DE SAN XOÁN 2026

O vindeiro 8 de xuño ábrese o prazo para solicitar autorización para realizar fogueiras na noite de San Xoán, tanto por particulares como por colectivos.

As solicitudes poderán presentarse ata o 22 de xuño no Rexistro Xeral do Concello ou de forma telemática a través da sede electrónica municipal.

✅ NON É NECESARIO PAGAR NINGUNHA TAXA.

Lembramos algunhas das medidas preventivas ambientais de obrigado cumprimento:

▪️ Non prender lume preto de masas forestais ou matogueiras.

▪️ Dispoñer de medios de extinción (auga, area ou extintores).

▪️ Manter un perímetro de seguridade de 6 metros por cada metro de altura da fogueira.

▪️ Non realizar fogueiras baixo tendidos eléctricos ou telefónicos.

▪️ Prohibido queimar materiais contaminantes ou perigosos (rodas, PVC, aceites, latas, etc.).

▪️ Non iniciar nin manter a fogueira en caso de vento ou condicións meteorolóxicas adversas.

▪️ Non abandonar a zona ata que o lume estea completamente apagado.

A obtención do permiso implica a aceptación das normas de seguridade e limpeza establecidas para garantir unha celebración responsable e segura.

04/06/2026

🚨 HOXE REMATA O CICLO DE CHARLAS INFORMATIVAS SOBRE EMERXENCIAS 🚨

O Concello celebra hoxe a última das charlas informativas sobre emerxencias organizadas en colaboración coa Cruz Vermella, unha iniciativa dirixida a achegar á cidadanía coñecementos básicos e ferramentas prácticas para actuar ante situacións de risco e emerxencia.

Durante os últimos días, as sesións desenvolvidas en Tenorio, Carballedo e Cerdedo permitiron reforzar a importancia da prevención, da formación e da resposta adecuada ante circunstancias nas que unha actuación rápida e eficaz pode resultar determinante.

O Concello quere expresar o seu agradecemento á Cruz Vermella pola súa colaboración, así como a todas as persoas que participaron nestas xornadas formativas, contribuíndo ao éxito desta iniciativa.

📍 Última sesión:
📌 Viascón · Casa do Pobo
🕠 17:30 horas

✅ Actividade gratuíta e aberta á veciñanza. Non é necesaria inscrición previa.

Desde o Concello de Cerdedo Cotobade continuarase impulsando accións formativas e informativas que contribúan a mellorar a seguridade, a preparación e o benestar da nosa veciñanza.

03/06/2026

CERDEDO COTOBADE SERÁ ESTE SÁBADO O EPICENTRO DO MOTOR GALEGO CO RALLIE DE PONTEVEDRA

O Concello de Cerdedo Cotobade converterase este sábado 6 de xuño nun dos grandes protagonistas do VIII Rallie de Pontevedra, unha das citas automobilísticas máis destacadas de Galicia e puntuable para o Campionato Xunta de Galicia de Rallies.

O tramo de Cerdedo Cotobade contará con 17,43 quilómetros e disputarase en dúas pasadas ás 09:25 e ás 13:45 horas.

O percorrido terá saída en Viascón e meta no lugar do Cadavo, pasando por Carballedo, Paraños, Trabazo e Igrexario. A zona alta de Paraños permanecerá pechada ao tráfico desde as 08:00 horas ata aproximadamente as 15:30 horas.

Como alternativa de circulación, habilitarase en Carballedo a saída pola zona da igrexa en dirección Trabazo mentres permaneza pechado o tramo.

Desde o Concello agradecemos a colaboración e comprensión da veciñanza ante unha proba deportiva de primeiro nivel que proxecta o nome de Cerdedo Cotobade por toda Galicia e contribúe á dinamización económica e turística do municipio.

03/06/2026

CERDEDO ENCHERASE DE MÚSICA E TRADICIÓN CO XII FESTIVAL DOS ABRENTES

Este sábado 6 de xuño, a Praza do Concello de Cerdedo encherase de música, tradición e cultura popular coa celebración do XII Festival de Música Tradicional organizado pola Asociación Cultural Os Abrentes de Cerdedo.

A cita será ás 20:15 h e contará coa participación de:

▪️ Os Gatiños de Portonovo.

▪️ Lus de Keikoa.

▪️ Os Trasnos de Doade.

▪️ A.C. Os Abrentes de Cerdedo.

Estará presentado por Malores Villanueva.

Ao remate do festival celebrarase un gran Serán Popular aberto, no que estarán convidadas a participar todas aquelas persoas que desexen achegarse cos seus instrumentos, cantar, bailar ou simplemente g***r do ambiente festivo e da nosa música tradicional.

Durante toda a xornada haberá servizo de bar.

02/06/2026

PRESENTADA A PROGRAMACIÓN DA FESTA DE SAN BERNABÉ 2026

O alcalde Jorge Cubela, xunto con membros da Comisión de Festas, presentou a programación da festa de San Bernabé 2026, que se celebrará o sábado 6 de xuño en Cerdedo.

A cita contará cun completo programa festivo para todas as idades. Pola mañá, haberá pasarrúas coa Charanga Charandonga.

Ás 13:00 horas celebrarase a Misa Solemne na honra a San Bernabé, cantada por Ana e Alfredo, seguida da tradicional procesión e tirada de fogos.

Pola noite, a gran verbena estará amenizada por JJ Compota e o trío Tic Tac, nunha noite que promete festa “ata que o corpo aguante”.

A organización lembra que, en caso de mal tempo, o recinto estará cuberto por unha gran carpa.

02/06/2026

SAÍDA FORMATIVA Á RESIDENCIA DE MAIORES DE SILLEDA DO ALUMNADO DO CURSO DE ATENCIÓN SOCIOSANITARIA A PERSOAS DEPENDENETES EN INSTITUCIÓNS SOCIAIS

O alumnado do Curso de Atención Sociosanitaria a Persoas Dependentes en Institucións Sociais, organizado polo Concello de Cerdedo Cotobade, realizou unha visita formativa á Residencia de Maiores de Silleda para coñecer de primeira man o funcionamento diario deste tipo de centros e o labor que desenvolven os profesionais do sector.

Durante a xornada, os participantes puideron achegarse á realidade do traballo asistencial, observando as tarefas de atención e coidado ás persoas maiores dependentes e recibindo explicacións prácticas sobre o día a día nunha residencia.

Esta acción formativa, que se está a desenvolver no Centro Cultural de Tenorio e rematará no mes de agosto, celebra a súa segunda edición e ten como obxectivo preparar profesionais cualificados para responder á crecente demanda laboral no ámbito sociosanitario, especialmente ante novos proxectos asistenciais como a futura residencia de Carballedo.

Dirección

Chan 11
Carballedo
36856

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Página web

http://www.cerdedo-cotobade.gal/

Notificaciones

Sé el primero en enterarse y déjanos enviarle un correo electrónico cuando Concello de Cerdedo-Cotobade publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.