Horto Infantil Ecolóxico de Carballo

27/03/2020

Fai 4 anos comezamos a xuntar a maiores do Centro de Día da Praza de Vigo e ao alumnado que participa no . A horta é o adaxo para que empece a leria, despois falan do que vai xurdindo e sempre se ri e aprende. Hoxe tocaba ir pola mañá cun grupo de 5° de Primaria. Cando remate este pesadelo do COVID-19 habemos voltar e non queremos botar en falta a ningunha das persoas usuarias do centro, así que . Seguro que cando Manolo conte de novo os usos da verza, da fieita ou das follas de millo antes da chegada do papel hixiénico, riremos de novo.

Unha morea de coñecementos e emocións encheu o 1º encontro interxeracional entre o Horto Infantil e o Centro de Día Nenos/as e maiores compartiron experiencias e remataron a xornada cunha merenda preparado polos/as usuarios/as do centro da Xunta Mércores 11 de abril do 2018 Nunha iniciativa con...

26/03/2020

Ola, aí tedes un vídeo trapalleiro para que lle fagades ver á chavalada. (A xente adulta tamén pode 😉).

21/03/2020

Tranquilo todo o mundo! Habémolo celebrar.

18/03/2020

Ola, como parece que imos estar un tempo sen poder traballar coa chavalada dos e do , gustaríanos que lle deixedes ver este vídeo para que poidan ver os cambios que se van producindo no Horto. Ánimo e até pronto.

12/03/2020

🔴 BANDO DA ALCALDÍA 🔴

Como consecuencia da crise sanitaria creada polo COVID-19 e seguindo as recomendacións da Xunta de Galicia sobre a adopción de medidas preventivas que contribúan a frear a propagación do coronavirus entre a poboación, o Concello de Carballo vén de adoptar as seguintes decisións, que se manterán mentres a situación así o aconselle e que poderán ser ampliadas ou reducidas en función das directrices que establezan as autoridades sanitarias competentes:

➡️ Educación
O Concello de Carballo suspende a partir do venres 13 de marzo todas as actividades educativas: Conservatorio Profesional de Música, Escola Oficial de Idiomas, Horto Infantil Ecolóxico Municipal.
➡️ Formación
Os cursos de formación AFD que se imparten no Fórum Carballo quedan suspendidos e a Escola Municipal de Hostalaría estará pechada a partir do venres 13.
➡️ Deportes
As actividades dirixidas organizadas polo Concello de Carballo quedan suspendidas dende hoxe, xoves 12 de marzo. A partir do venres 13 todas as instalacións deportivas municipais permanecerán pechadas ao público.
➡️ Servizos Sociais e Terceira Idade
As actividades previstas para este mes dentro do programa do Día da Muller quedan suspendidas. Tampouco se celebrarán os bailes, nin ninguhna das actividades dirixidas a maiores. No caso do programa Concilia establécense os mesmos criterios fixados pola Xunta de Galicia para os centros educativos. Deste xeito, o venres 13 recoméndase ás familias que non o utilicen e a partir do luns 16 queda suspendido.
➡️ Cultura
Todas as actividades culturais quedan suspendidas. O Pazo da Cultura, as bibliotecas, a ludoteca, o Museo de Bergantiños e os centros sociais das parroquias permanecerán pechados ao público a partir do venres 13.
➡️ Promoción Económica
Todos os eventos turísticos organizados pola Concellaría de Promoción Económica quedan tamén en suspenso, á expensas de que a evolución da situación permita fixar novas datas de celebración: Festival Carballo Interplay, Carballo por Etapas, etc.
➡️ Medio Ambiente
Os programas de educación e sensibilización medioambiental previstos con motivo do Día da Árbore e do Día da Auga tamén quedan suspendidos, do mesmo xeito que a posta en marcha do programa de recollida selectiva da quinta fracción “Ti tes a chave”.

O Concello de Carballo solicita e agradece á veciñanza a máxima colaboración adoptando as medidas preventivas precisas para evitar a propagación do coronavirus.

11/03/2020

Hoxe en Sísamo acabamos a plantación de leitugas e puxemos tamén acelgas, na parte de xardín transplantamos pensamentos. Máis tarde, no Horto, o grupo de 1° de Primaria do CEIP A Cristina limpou (non era sen falta) un bancal do invernadoiro non que plantou cenorias.

10/03/2020

Hoxe recibimos a visita de 2 grupos do CEIP Bergantiños. O primeiro acondicionou un bancal do invernadoiro para plantar acelgas e o segundo repuxo as leitugas que paparon os paxaros.

09/03/2020

Hoxe no cole de Mirón esbicamos os allos e puxemos un par de acelgas, na Rega plantamos leitugas e acelgas e en Razo botamos unhas cebolas. Canto se avanza con bo tempo!

07/03/2020

Entre o xoves e o venres amañamos remolachas, limpamos bancais, colocamos cordeis, sementando espinacas e empezamos o trampeo de raíñas se vespa velutina. Para a semana, máis!

06/03/2020

No día de hoxe retomamos os Encontros Interxeracionais. Este curso seran as aulas de 5° de Primaria do CEIP Fogar as que acudan ao Centro de Día da Praza de Vigo. Xa que as obras non nos deixan traballar no cole, polo menos facer esta actividade que tanto gusta a grandes e peques.
Tamén estivemos en Berdillo e Artes, pero coa terra enchoupada só poidamos ver como van indo os vermicomposteiros e contemplar as flores do maceteiro con patio de Artes.

04/03/2020

A de hoxe foi das tardes que máis nos gustan, o día que debuta o grupo do pequerrechismo de 3 anos!!!
Amosaron un gran manexo de carretilla en circuíto pechado e gran destreza co sachiño. A cousa promete!

04/03/2020

Outra mañá de moito apurar! A primeira hora chegábamos ao cole de Xoane coa idea de traballar na horta pero o orballo só nos deixou enredar co vermicomposteiro, quitamos os lixiviado para fertilizar e comprobamos que as miñoca se reproducen correctamente. Despois asistimos ao reparto do kit anti velutina e recibimos a formación básica para usalo. E rematamos no cole de Cances plantando cebolas.