Lunes 09:00 - 14:30 Martes 09:00 - 14:30 Miércoles 09:00 - 14:30 Jueves 09:00 - 14:30 Viernes 09:00 - 14:30

Concello de Carballo

Casa
España
Carballo
Concello de Carballo

Facebook oficial do Concello de Carballo (A Coruña) Benvidos pois, visita que agradezo. D.

A través dos tempos, a través da historia, milleiros de mans humildes e traballadoras foron erguendo o solar do noso concello. Un solar con lindeiro pero que non só se asenta no chan da nosa xeografía, senón tamén na amplitude dos nosos sentimentos: na voz que nos agarimou e que nos viu medrar, nos amigos que compartimos, nos que siguen a ter o seu corazón no noso pobo, no berro co que pedimos paz

e traballo. O que boga nos mares de Razo e Baldaio, o que laborea na cortiña, aquel que escribe, aquel que canta, quen pon o lombo na tarefa e quen pon o sentido no que pensa, un a un traballamos para que se consiga a mellora do noso solar, a mellora do que queremos. Fornos de pan foron cocendo o molete que nos identifica, e foron os cesteiros de Entrecruces, os albardeiros, os canteiros, os ferreiros e os comerciantes pondo pedra a pedra, día a día, construíndo todo o que nos conmove e que chamamos Carballo. Evencio Ferrero Rodríguez Alcalde de Carballo
Variación dun texto de Avilés de Taramancos.

04/06/2026

🏎️💨 O XXII AUTOCROSS XA ESTÁ AQUÍ!

Este sábado, 6 de xuño, o Circuíto Municipal de Carballo vibrará de novo coa cita máis agardada do automobilismo galego. Un espectáculo único que promete adrenalina pura e no que se van bater marcas!

📋 O QUE NON PODES PERDER:

Cifra récord de participación: nada menos que 88 pilotos darán o revirado na pista. O vicepresidente da FGA, Moisés García, destacou o éxito rotundo de inscritos que confirma o gran momento do autocross galego.

Estrea técnica: probamos o novo pavimento de xabre! Ernesto Rumbo, presidente do Club Rally Coruña, destacou que mellorará a tracción e as condicións de pilotaxe.

Sentimento local: o propio Rumbo quixo subliñar e poñer en valor a alta participación de pilotos de Carballo e de toda a comarca, demostrando que o motor na zona está vivo e en moi bo momento.

Apoio total: na presentación oficial, o alcalde Daniel Pérez parabenizou á escudería polo seu gran traballo e reiterou o compromiso do Concello coas instalacións, un recoñecemento ao que se sumaron o concelleiro de Deportes, Daniel Barreiro, e o de Obras, Luis Lamas.

⏱️ HORARIOS

10:30 h ➡️ Warm-up

11:30 h ➡️ Adestramentos oficiais

15:00 h ➡️ Primeira manga clasificatoria

16:30 h ➡️ Segunda manga clasificatoria

17:50 h ➡️ Finais B

18:00 h ➡️ Grandes Finais A 🏆

19:45 h ➡️ Entrega de premios e trofeos

💥 CATEGORÍAS NA PISTA:
Turismos de serie (Series), Turismos, Carcross, Superturismos (SCC), Junior Carcross, Super Buggy e o 3º Trofeo MRF Autocross Carcross.

Ven apoiar aos pilotos da casa, g***r do respecto polo deporte e vivir a velocidade en directo. Vémonos no circuíto! 🙌🏁

04/06/2026

📢 Completamos as obras da travesía de Sísamo (DP-1901), tras un investimento global de 3,5 millóns de euros realizado pola Deputación da Coruña e o Concello.

O alcalde, Daniel Pérez, xunto ao presidente provincial, Valentín González Formoso, e a deputada de Vías e Obras, Mónica Rodríguez, supervisaron o remate duns traballos que marcan un antes e un despois para a parroquia.

Que supón esta gran obra?
✅ Máis seguridade e accesibilidade: novas beirarrúas e ampliación da vía dende o entronque do instituto Monte Neme ata O Outeiro
✅ Servizos básicos renovados: melloras estratéxicas en saneamento, abastecemento de auga e novas zonas de aparcadoiro
✅ Sostibilidade: nova iluminación pública eficiente con tecnoloxía LED e espazos verdes

Un paso fundamental para seguir conectando o noso rural co núcleo urbano a través de infraestruturas modernas, amables e pensadas para as persoas🚶‍♂️🌱

ℹ️ Máis humanización en marcha: o equipo institucional tamén visitou os traballos de reurbanización da rúa Compostela (entre a rotonda da Milagrosa e o cruce con Emilio González López), onde se están a investir máis de 204.000 € para gañar espazos peonís, novas áreas verdes e renovar todos os servizos soterrados.

Seguimos a construír un Carballo máis accesible e habitable!

04/06/2026

📸 O talento e a creatividade dos nosos maiores enchen a Biblioteca Rego da Balsa!

Achégate ver o escaparate do esforzo de todo un ano coa apertura da exposición de traballos do programa Remocea. Pezas cheas de vida feitas polo alumnado das actividades lúdico-formativas impartidas de outubro a maio.

O alcalde, Daniel Pérez, e a concelleira de Servizos Sociais e Igualdade, Maica Ures, non quixeron perderse a inauguración e compartiron un intre coas veciñas, veciños e coa monitora do curso, que explicou polo miúdo todo o proceso de aprendizaxe. Un proxecto con alma que une a participantes de Carballo, Verdillo, Aldemunde, Razo, Cances, Oza, Ardaña e Noicela.

🗓️ A exposición pódese visitar na biblioteca ata mediados de mes, pero o broche de ouro chega mañá venres co acto oficial de clausura do programa Remocea. Un gran evento no que se entregarán os diplomas ao alumnado de estimulación cognitiva, informática e actividades lúdicas. Un éxito rotundo de participación: Este ano sumamos 342 persoas nestes obradoiros, que se xuntan ás 157 dos talleres de smartphone e ás 700 do programa de exercicio físico para maiores. Un orgullo de comunidade activa! 👏❤️ 📌

04/06/2026

📌 NOVAS AXUDAS E SUBVENCIÓNS EN CARBALLO!

Estas son as convocatorias abertas e os seus prazos:

⚡ Subministracións enerxéticas (luz e gas): PRAZO ABERTO DENDE HOXE! Do 4 ao 18 de xuño. Axuda social de 200 € nun único pago para persoas co Bono Social Eléctrico ou tratamentos domésticos de osixenoterapia/diálise. Orzamento total: 30.000 €.

⚽ Actividade xeral para entidades deportivas: Prazo ata o 29 de xuño. Apoio á xestión ordinaria dos clubs con 165.000 € de partida total.

🏆 Fases de ascenso e campionatos de España: Prazo do 1 ao 30 de xuño. Cofinanciamento con ata 6.000 € por beneficiario para clubs con méritos estatais. Orzamento total: 16.000 €.

🌟 Eventos deportivos extraordinarios: Prazo do 1 ao 30 de xuño. Axudas de ata 1.500 € por evento puntual e singular. Orzamento total: 13.000 €.

🔗 Non o deixes para o final! Consulta as bases completas e descarga os impresos de solicitude na web municipal: carballo.gal/axudas-e-subvencions/

Axúdanos a difundir e comparte! 🔄

04/06/2026

🎡 QUE RULE, QUE RULE! A ruleta do CCA volve máis moderna que nunca! 💥

Este sábado, 6 de xuño, a Praza do Concello volve encherse de emoción e sorpresas! 🤫

O CCA estrea nova imaxe e ruleta electrónica ⚡, deseñada polo artesán carballés Fabian Lage. Un formato máis rápido e dinámico para que non haxa esperas, aínda que tamén estará a mítica ruleta vintage para os máis nostálxicos! 🏛️✨

🎁 MÁIS DE 1.500 PREMIOS DIRECTOS!
Ceas, almorzos, clases de surf 🏄‍♂️, sesións de piscina termal 💦, produtos gourmet 🍫 e moito máis.

💶 E ademais... SORTEO DE 4 CHEQUES DE 100€! (dous pola mañá e dous pola tarde).

🛒 Como participar?
Por cada compra que fagas nos 61 comercios adheridos ata o propio sábado levarás un boleto grampado ao teu ticket. Preséntao na praza e... a rodar! 🎰 (máximo 3 tiradas por persoa).

⏰ Horario: De 11:00 a 14:00 e de 17:00 a 21:00
📍 Lugar: Praza do Concello (se chove, mercado municipal! ☔)

Apoia o comercio local e leva premio seguro! 🙌💙

04/06/2026

Bo día desde Carball❤️!

03/06/2026

Que viaxe de fin de curso tan interesante! 🚌✨

Completamos as 47 prazas do autobús que leva Carballo dentro para viaxar ata un recuncho máis ca sorprendente: a parroquia de Aldemunde! 🌲💚

Para a gran maioría foi todo un descubrimento. Máis de dúas horas de ruta coa Cooperativa de Educación Medioambiental que nos souberon a pouco e nas que puidemos g***r de:

🪨 O impresionante dolmen da Pedra Moura.

🌿 A frondosidade e a incrible variedade de árbores e plantas da parroquia máis pequena do noso concello.

🌾 Unha fantástica representación de hórreos tradicionais.

Quedamos con moitísimas ganas de máis! Grazas a todas as persoas que vos sumastes a esta aventura. Ata a próxima! 👋🎒

03/06/2026

🏆 II TORNEO RÍTMICA CARBALLO 🏆

Este sábado 6 de xuño, o pavillón Vila de Noia recibe ás promesas da ximnasia rítmica galega! 🤸‍♀️✨ 700 ximnastas das provincias da Coruña, Pontevedra e Lugo darano todo no tapiz en categorías desde iniciación ata prebase.

Anota os horarios para non perder nada:
⏰ Mañá (competición): de 09:00h a 14:00 h
⏰ Tarde (exhibición): de 17:00h a 19:30 h

Unha xornada chea de talento, esforzo e moita ilusión que presentamos hoxe. O alcalde, Daniel Pérez, e o concelleiro de Deportes, Daniel Barreiro, acompañaron a Rítmica Carballo no acto 👇
https://carballo.gal/o-ii-torneo-ritmica-carballo-reunira-este-sabado-a-700-deportistas-no-pavillon-vila-de-noia/

Vémonos o sábado! 🙌💙

03/06/2026

Búscas plans para os máis cativos esta semana?

Chegan dúas actividades perfectas para aprender, xogar e medrar, pero xa quedan poucas prazas. Se non queres quedar fóra, inscríbete xa! 👇

👶 1. Medrando con apego: Psicomotricidade e neurodesenvolvemento para bebés, con Esther Fuentes.
👉 https://carballo.gal/evento/medrando-con-apego-psicomotricidade-e-neurodesenvolvemento-para-bebes/

🌍 2. Circuíto lúdico-científico do Día do Medio Ambiente, para nenos/as de 4 a 10 anos.
👉 https://carballo.gal/evento/circuito-ludico-cientifico-para-celebrar-o-dia-do-medio-ambiente/

Tes toda a información detallada en 🌐 carballo.gal (sección de Axenda / Eventos)

03/06/2026

💼 NOVA CONVOCATORIA DE EMPREGO E FORMACIÓN | Obradoiro dual de emprego “Obradoiro Lubiáns II”

Os concellos de Carballo e Coristanco teñen abertos os prazos de selección tanto para o alumnado-traballador coma para o equipo directivo, docente e de apoio do novo obradoiro dual. Unha oportunidade clave para mellorar a empregabilidade na nosa contorna.

Aquí tes todos os detalles de cada convocatoria:

1️⃣ SELECCIÓN DE ALUMNADO-TRABALLADOR/A

Especialidades: Montaxe e instalación de construcións de madeira (12 prazas) e Atención sociosanitaria a persoas dependentes en institucións sociais (8 prazas).

Prazo de inscrición: Do 2 ao 4 de xuño de 2026.

Como inscribirse? O proceso realízase a través do Servizo Público de Emprego de Galicia (Oficina de Emprego, na planta baixa do Fórum Carballo).

🔗 Máis información e bases: https://carballo.gal/convocatorias/seleccion-do-alumnado-traballador-do-obradoiro-dual-de-emprego-obradoiro-lubians-ii/

2️⃣ PERSOAL DIRECTIVO, DOCENTE E DE APOIO

Prazos: Do 3 ao 5 de xuño de 2026.

Como participar? As instancias presentaranse conforme ao indicado nas bases dispoñibles na Sede Electrónica do Concello de Carballo.

🔗 Máis información e bases: https://carballo.gal/convocatorias/persoal-directivo-docente-e-persoal-de-apoio-para-o-obradoiro-dual-de-emprego-obradoiro-lubians-ii/

Formación de calidade, experiencia real remunerada e mellora dos nosos servizos e espazos públicos. Non deixes pasar a oportunidade!

Dirección

Carballo
15100

Horario de Apertura

Lunes	09:00 - 14:30
Martes	09:00 - 14:30
Miércoles	09:00 - 14:30
Jueves	09:00 - 14:30
Viernes	09:00 - 14:30

Página web

http://carballo.gal/

Notificaciones

Sé el primero en enterarse y déjanos enviarle un correo electrónico cuando Concello de Carballo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.