Concello de Carnota

28/10/2026

O Concello de Carnota traslada o seu apoio e solidariedade ás vítimas do accidente ferroviario ocorrido hoxe en Toledo e ás súas familias.

Compartimos información de interese para a localización de familiares e a doazón de sangue.

Localización de familiares:
Renfe: 900 10 10 20
Iryo: 900 00 14 03

Doazón de sangue en Toledo:
Centro de Especialidades San Ildefonso, avenida Barber, 26, planta baixa.
Horario: de 9:00 a 14:30 h e de 16:00 a 20:30 h.

28/10/2026

Amplíase o prazo de adhesión ao programa MercaNaVila 2026!

Os comercios do Concello de Carnota poderán inscribirse nesta iniciativa ata o 20 de novembro de 2026, ás 9:00 horas.

Consulta as condicións e formaliza a túa adhesión a través da seguinte ligazón:

https://mercanavila.gal/gl/merchant

Os comercios de Carnota xa poden sumarse a Mercanavila, unha iniciativa para impulsar o comercio local e fomentar as compras nos establecementos de proximidade.

As inscricións estarán abertas do 6 ao 20 de outubro.
Anímate a participar e aproveita esta oportunidade para dar visibilidade ao teu negocio.

Consulta toda a información e os requisitos de adhesión en:
https://mercanavila.gal/gl/merchant

28/10/2026

Este ano as NOITES ESPECTACULARES son tamén para público miúdo, para que sexan para todas as idades.
Este venres 30 de outubro, ás 19.00h no Auditorio Municipal terá lugar a obra HAMELIN.
libre e de balde!!! Actividade enmarcada na programación cultural do Concello de Carnota coa colaboración deCultura da Deputación da Coruña , rede cultural.

Todos e todas coñecemos a popular historia que aconteceu hai moito tempo na vila alemá de Hamelin, na que un frautista secuestrou os nenos e nenas da vila en castigo por un engano. Segundo nos contaron sempre, os rapaces e rapazas da vila seguiron o músico hipnotizados/as polo doce son da súa frauta. Así foi como sempre nola contaron, pero… Todos os nenos e nenas foron detrás do frautista? Non. Unha nena non sucumbiu ante a música e logrou salvar as crianzas da vila. Que facía tan especial a esta nena? Que era xorda.
Fran Rei presenta o seu novo espectáculo unipersoal en colaboración con Carmen Conde e dirixido a nenos e nenas a partir de 3 anos e ás súas familias. Nesta montaxe, Fran Rei mestura narración oral, maxia, un chisco de música, unhas faíscas de lingua de signos e moito humor na súa particular revisión da popular lenda alemá do frautista de Hamelin.

27/10/2026

Carnota recibe a Bandeira Verde de Galicia 2026 polo seu compromiso co territorio e o medio ambiente

Un galardón que distingue as boas prácticas ambientais e o compromiso coa protección da paisaxe, a loita contra o cambio climático e a economía circular.

O recoñecemento pon en valor o traballo desenvolvido en ámbitos como a ordenación do territorio, a eficiencia enerxética, a prevención de incendios, a xestión responsable dos residuos e a protección da biodiversidade.

O alcalde, José Manuel Saborido, destacou: «Esta bandeira recompensa o esforzo de todo o Concello e da veciñanza por coidar Carnota. Seguiremos traballando para que o noso territorio sexa máis sostible e un lugar mellor para vivir e visitar».

26/10/2026

Xa está aberto o prazo de inscrición para instalar un posto no Mercado de Nadal, que se celebrará os días 26 e 27 de decembro.

Comercio, artesanía, restauración…
Se queres formar parte destas celebracións, presenta a túa solicitude a través do formulario dispoñible na web.

Prazo de inscrición: do 21 de outubro ao 21 de novembro de 2026.

📍 Praza de San Gregorio, Carnota.

ℹ️ Consulta as bases e accede ao formulario de inscrición na web de Turismo de Carnota.

🔗 Máis información:

O Concello de Carnota organiza, un ano máis, un mercado de Nadal os días 26 e 27 de decembro de 2026 e a Festa de Fin de Ano, que contará con actuación musical a cargo dunha orquestra e unha discoteca móbil.As persoas, entidades ou empresas interesadas en instalar un posto no mercado (comercio,...

24/10/2026

✨🎩Tarde de maxia en familia co Mago Paco!
Emocións, risas, sorpresas e puñados de ilusión en "Sorrisos máxicos", un espectáculo divertidísimo no que o público é o verdadeiro protagonista. Quedamos con gana de máis! 🪄

Actividade organizada pola Axencia de Lectura Municipal de Carnota e financiada pola Xunta de Galicia dentro do programa

24/10/2026

CARNOTA COMPLETA A LIMPEZA DE CINCO RUTAS

O Concello de Carnota finalizou os traballos de limpeza e acondicionamento de cinco rutas do municipio para favorecer a conservación e a posta en valor do patrimonio natural e cultural.

Os axentes ambientais realizaron unha visita de inspección e deron o visto e prace aos traballos executados.

As cinco rutas son:
• Ruta do Millo
• Ruta dos Muíños de Vadebois e Panchés
• Ruta das Leiteiras
• Bico do Santo
• Fervenza de Pedrafigueira

A actuación prevista nos Camiños de Andar ao Mar non se puido levar a cabo por motivos ecolóxicos, priorizando a protección do medio natural.

23/10/2026

Primeira Noite Espectacular 2026 cunha proxeción mooooi interesante
A NOVA REGUEIFA
Dispois da proxeción, quen se atreve a reghueifar???? Sempre hai alguèn …

Esta actividade está enmarcada na Programación Cultural do Outono do Concello de Carnota, coa colaboración da Cultura da Deputación da Coruña “Outono das Artes”

23/10/2026

Familias! Mirade que bo plan para mañá á tarde!
Agardámosvos!

✨🪄 Sᴏʀʀɪsᴏs Mᴀ́xɪᴄᴏs | O Mᴀɢᴏ Pᴀᴄᴏ
Maxia, humor, sorpresas e diversión asegurada para toda a familia.
Unha viaxe ao inesperado, con ilusións que espertan a imaxinación e momentos cómicos de complicidade absoluta co público.
Un show fresco, dinámico e entrañable onde o misterio e a diversión van da man.
Cando a maxia se une co humor, o resultado só pode ser un sorriso máxico!

🗓 Sábado 24 de outubro
⏰18:00 h
🏣 Auditorio Municipal (O Viso)
👨‍👧 Público familiar (+ 3 anos)

Actividade organizada pola Axencia de Lectura Municipal de Carnota e financiada pola Xunta de Galicia, dentro do programa

23/10/2026

Hoxe chega a primeira NOITE ESPECTACULAR deste ano, é unha PROXECIÓN DO DOCUMENTAL "AO SON DA NOVA REGUEIFA". Libre e de balde!!!!! Será no Auditorio Municipal ás 21.00h para todos os públicos.

Todo comeza cunha busca, a da Nova Regueifa. Nese proceso, rematamos decatándonos de que xa estamos camiñando ao son dela. Este documental propón unha viaxe na procura das pontes construídas entre a Regueifa tradicional e as súas expresións máis contemporáneas, afondando no proceso de recuperación e transformación desta arte da improvisación oral na Galiza. Nun percorrido que atravesa o país de norte a sur, coñecemos regueifeiras e regueifeiros que nos abren as portas ao mundo do repentismo, traendo á fronte o talento, a creatividade e a diversiadade que caracteriza a Regueifa hoxe en día. Neste itinerario que vai de Bergantiños a Vigo, non deixan de presentársenos unha serie de opostos: tradición e modernidade, aldea e cidade, aprendizaxe innata e pedagoxía… A través de testemuñas apaixonadas, versos improvisados e moita música, trazamos un retrato poliédrico da Regueifa contemporánea: unha arte con raíces fondas e ás abertas, disposta a seguir improvisando polos camiños do vento.

Esta actuación está enmarcada no Programa da OUTONO DAS ARTES coa colaboración do Departamento de Cultura do Concello de Carnota