Piscina Municipal Olímpica // Concello de Cervo

Casa
España
Cervo
Piscina Municipal Olímpica // Concello de Cervo

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de Piscina Municipal Olímpica // Concello de Cervo, Piscina pública, Barrio Lieiro s/n, Lieiro, Cervo (Lugo), Cervo.

03/09/2026

📢📢📢📢 AVISO
🏊‍♀️O CONCELLO DE CERVO ABRE ESTE VENRES O PRAZO PARA A INSCRICIÓN NOS CURSOS DA PISCINA MUNICIPAL

👉A programación inclúe cursos de natación para público infantil e adulto, con diferentes grupos adaptados aos distintos niveis, así como clases de Aquagym

📌O prazo está aberto ata o venres, 18 de setembro, en horario de 9:00 a 14:30 horas e 16:00 a 21:30 horas (de luns a venres); e os sábados de 10:00 a 14:00 horas e de 17:30 a 20:00 horas, na propia Piscina Municipal Olímpica // Concello de Cervo

O Concello de Cervo abrirá este venres, 4 de setembro, o prazo de inscrición para os cursos da piscina municipal correspondentes á nova tempada 2026-2027.

A programación inclúe cursos de natación tanto para público infantil como adulto, con diferentes grupos organizados en función do nivel de natación, co obxectivo de adaptar as clases ás necesidades e características das persoas participantes. Ademais, tamén se impartirán clases de Aquagym.

As fichas de inscrición deberán realizarse de forma presencial na piscina municipal, onde tamén se facilitará toda a información relativa aos grupos, horarios e funcionamento dos cursos.

O criterio de admisión establecerase en función da orde de entrega da documentación, tendo preferencia as persoas empadroadas no Concello de Cervo.

Desde o Concello de Cervo animan á veciñanza a participar nesta programación deportiva, que permite promover a práctica da actividade física e os hábitos de vida saudables entre persoas de diferentes idades.

A alcaldesa, Dolores García Caramés, destaca que “desde o Concello de Cervo seguimos apostando por ofrecer á nosa veciñanza actividades deportivas variadas e de calidade, facilitando o acceso á práctica deportiva e promovendo hábitos de vida saudables”.

CURSOS NATACIÓN ADULTOS: https://drive.google.com/file/d/1oSp9aFuLJPbH_9qVVNqNzHKErp5gnRrL/view?usp=sharing

CURSOS NATACIÓN INFANTIL: https://drive.google.com/file/d/1hwKvmUDEeo9Vjqrxje0W0gAm2Cedp7KP/view?usp=sharing

09/07/2026

📢 AVISO POR FESTIVIDADE.

👉🏼 A instalación estará pechada por FESTIVIDADE os seguintes días:

- Xoves 16 de xullo (festivo local, O Carmen).
- Sábado 25 de xullo (festivo nacional, día de Santiago Apóstol)

06/07/2026

🌊 A piscina de Río Cobo 🏊‍♂️🌞

O Concello de Cervo informa de que a Piscina de Río Cobo xa está aberta ao público.

🕒 Horario: de 15:00 a 20:30 h
📅 Días de apertura: de luns a domingo

Achégate a refrescarte e g***r do verán en boa compañía! 😎💦

02/07/2026

💓🏊O CONCELLO DE CERVO REFORZA A FORMACIÓN DO PERSOAL DA PISCINA MUNICIPAL EN SOPORTE VITAL BÁSICO E USO DO DESFIBRILADOR

O Concello de Cervo impartiu unha acción formativa de reciclaxe e actualización no uso do desfibrilador externo semiautomático (DESA), dirixida ao persoal da Piscina Municipal, co obxectivo de reforzar a súa preparación para actuar con eficacia ante posibles situacións de emerxencia.

👉A alcaldesa, Dolores García Caramés, achegouse ata unha das sesións prácticas para coñecer de primeira man o desenvolvemento do curso e salientar a importancia de contar con profesionais formados e permanentemente actualizados en materia de primeiros auxilios e soporte vital básico.

García Caramés destacou que “a formación continua é fundamental para garantir unha resposta rápida e eficaz ante unha emerxencia sanitaria, especialmente en instalacións deportivas e de lecer que reciben cada día a numerosas persoas de diferentes idades”. Neste sentido, incidiu en que “a capacidade de reacción nos primeiros minutos pode resultar determinante para salvar unha vida”.
O curso, homologado e adaptado ás recomendacións máis recentes en reanimación cardiopulmonar e desfibrilación, combina contidos teóricos e prácticos orientados a manter e reforzar as competencias dos participantes no manexo do desfibrilador e na aplicación dos protocolos de actuación ante unha parada cardiorrespiratoria.

A formación está actualizada conforme ás últimas guías en soporte vital básico e desfibrilación externa semiautomática, e conta coa acreditación oficial da Sociedade Española de Medicina de Urxencias e Emerxencias (SEMES) e da Sociedade Española de Reanimación Cardiopulmonar (SERCP), entidades de referencia na promoción da formación en emerxencias e na difusión das mellores prácticas para aumentar a supervivencia ante unha parada cardiorrespiratoria.
Desde o Concello de Cervo subliñan que este tipo de iniciativas contribúen a mellorar a seguridade das instalacións municipais e a ofrecer un servizo de maior calidade á veciñanza, garantindo que o persoal dispoña dos coñecementos e das habilidades necesarias para actuar con rapidez, seguridade e eficacia en situacións críticas.

Aposta pola cardioprotección en todo o municipio
A realización deste curso enmárcase tamén na aposta do Concello de Cervo por converter os seus edificios e instalacións municipais en espazos cardioprotexidos. Na actualidade, contan con desfibrilador externo semiautomático (DESA) a Casa do Concello, a Casa da Cultura, a nave municipal de obras, o CEIP Península da Paz, o IES Marqués de Sargadelos, a Piscina Olímpica Municipal, a Escola Infantil Municipal (situada na Casa do Mar), o campo de fútbol e o pavillón da Veiga.
Ademais, o Concello dispón dun DESA instalado nun vehículo municipal para facilitar unha resposta rápida ante posibles emerxencias en calquera punto do municipio e, durante a tempada de baño, doutro dispositivo na praia do Torno. A esta rede de espazos cardioprotexidos súmanse tamén os desfibriladores situados no Centro de Día e na Residencia de Maiores, así como o equipo propio co que conta o CEIP de Cervo.

Desde o Goberno local continúan traballando para ampliar progresivamente esta cobertura, co obxectivo de que os locais sociais municipais conten tamén con cadanseu desfibrilador nos vindeiros meses, reforzando así a seguridade e a capacidade de resposta ante emerxencias en todo o termo municipal.

04/06/2026

🏊‍♂️🏊O CONCELLO DE CERVO ACOLLERÁ ESTA FIN DE SEMANA O CAMPIONATO GALEGO ALEVÍN-BENXAMÍN MIXTO DE VERÁN DE WÁTER-POLO

A Piscina Municipal de Lieiro converterase esta fin de semana no epicentro do wáter-polo galego coa celebración do Campionato Galego Alevín-Benxamín Mixto de Verán, que reunirá en Cervo a preto dun cento de deportistas procedentes de diferentes puntos de Galicia.

A competición foi presentada este mediodía pola alcaldesa de Cervo, Dolores García Caramés, e polo presidente da Federación Galega de Natación, Juan Carlos Brión, quen destacaron a importancia deste evento deportivo tanto para a promoción do deporte base como para a dinamización do municipio.

A categoría Alevín disputarase os días 6 e 7 de xuño. O sábado os encontros comezarán ás 11:00 horas pola mañá e ás 16:00 horas pola tarde, mentres que o domingo arrancarán ás 10:30 horas e continuarán ás 15:30 horas. O sistema de competición desenvolverase en formato de liguiña, cuartos de final, semifinais e finais.

Participarán os equipos do CW Santiago Masculino, CW Santiago Feminino, RCN de Vigo A, RCN de Vigo B, CW As Mariñas, CW Lugo, C Marina Ferrol e CW Coruña Rías Altas.

Pola súa banda, a categoría Benxamín xogará os seus encontros o sábado ás 12:30 e ás 18:15 horas, nun formato de liga, coa participación do RCN de Vigo e do combinado CW As Mariñas/CW Santiago.

Durante a presentación, a alcaldesa agradeceu á Federación Galega de Natación a confianza depositada unha vez máis no municipio para acoller unha competición autonómica destas características.

Dolores García Caramés puxo en valor as instalacións deportivas municipais, especialmente a Piscina de Lieiro neste caso “que conta cunhas condicións excelentes para albergar eventos desta relevancia e para seguir fomentando a práctica deportiva entre os máis novos”.

A rexedora destacou tamén a importancia deste campionato para a promoción de Cervo como destino deportivo e turístico, e animou ás familias, deportistas e acompañantes que se desprazarán ata o municipio durante a fin de semana “a desfrutar da nosa contorna, da nosa gastronomía e de todos os atractivos que ofrece Cervo”.

👉Desde o Concello convidan á veciñanza e ás persoas visitantes a achegarse á Piscina Municipal de Lieiro para g***r dunha intensa fin de semana de deporte base e apoiar aos novos talentos do wáter-polo galego.

02/06/2026

🤽🏼 AVISO COMPETICIÓN!!!!

Con motivo da competición de waterpolo desta fin de semana (6 e 7 de xuño), a instalación estará aberta nos seguintes horarios:

👉🏼 VENRES 5 de xuño: Pola maña, tanto o ximnasio como o vaso, estarán abertos en horario habitual. Pola tarde o vaso pechará ás 19h, e o ximnasio mantense en horario habitual ata as 22h.

👉🏼 SÁBADO 6 de xuño: A instalación permanecerá PECHADA pola celebración do Campionato de Waterpolo.

28/05/2026

🏊‍♀️🏊✅️O CONCELLO DE CERVO CLAUSURA UNHA NOVA TEMPADA DOS CURSOS DA PISCINA OLÍMPICA MUNICIPAL, QUE SUPEROU OS 280 CURSILLISTAS

O Concello de Cervo pecha esta semana unha nova edición dos cursos da Piscina Municipal Olímpica // Concello de Cervo, tanto nas modalidades infantís como de adultos, consolidando un ano máis a boa acollida desta actividade entre a veciñanza.

A alcaldesa, Dolores García Caramés, achegouse á instalación municipal para participar na entrega de diplomas ao alumnado, onde puxo en valor “a alta participación rexistrada ao longo de toda a tempada e o compromiso dos usuarios/as coa práctica deportiva e os hábitos saudables”.

Durante o curso participaron un total de 285 cursillistas. No caso das crianzas, organizáronse dous cuadrimestres para facilitar a participación ante a elevada demanda existente. Así, no primeiro cuadrimestre asistiron 67 nenos/as e 12 bebés; mentres que no segundo participaron 57 nenos/as e 11 bebés.

Pola súa banda, os cursos para adultos, entre os que se inclúen actividades de natación e aquagym adaptadas aos diferentes niveis, contaron con 138 participantes ao longo da tempada.

A rexedora tamén destacou o incremento continuo de usuarios/as da instalación municipal, que xa supera os 1.015 socios/as,

🗣“un dato moi positivo que demostra que a piscina olímpica municipal é un espazo de referencia para o deporte, a saúde e o lecer para persoas de todas as idades”.

🙌A alcaldesa quixo agradecer tamén o labor do equipo de monitores/as “pola súa profesionalidade, dedicación e capacidade para adaptar as clases ás necesidades de cada grupo”.

27/04/2026

📢 AVISO INFORMATIVO 📢

Este vindeiro venres 1 de maio a instalación permanecerá PECHADA por festividade. O sábado abriremos con normalidade no horario habitual de sábado.

Dirección

Barrio Lieiro S/n, Lieiro, Cervo (Lugo)
Cervo
27888

Página web

http://www.concellodecervo.com/

Notificaciones

Sé el primero en enterarse y déjanos enviarle un correo electrónico cuando Piscina Municipal Olímpica // Concello de Cervo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.