Jueves 09:00 - 17:00 Viernes 09:00 - 17:00 18:00 - 19:00

Alternativa Dos Veciños Culleredo

Casa
España
Culleredo
Alternativa Dos Veciños Culleredo

Queremos atender ó chamado social e as prioridades da xente por enriba de calquera outra política

16/06/2026

O grupo realizará durante as próximas semanas diferentes visitas en Tarrio e Culleredo.

O obxectivo é coñecer de primeira man as necesidades da veciñanza e recoller propostas de mellora para trasladar ao goberno municipal.

Estas visitas forman parte do traballo de proximidade que Alternativa está a desenvolver nas distintas parroquias do municipio para identificar deficiencias, atender demandas veciñais e facer seguimento das actuacións pendentes.

O grupo está a valorar positivamente a iniciativa, que permite manter un contacto directo coa cidadanía, impulsar as súas propostas e visibilizar as encesidades do día a día en diferentes núcleos de Culleredo.

Tamén pon a disposición o teléfono 981 415 610, o correo electrónico, [email protected], e as súas redes sociais.

09/06/2026

RESUMINDO MAIO

08/06/2026

Alternativa solicitou a adopción de medidas no cercado do rego do Castro ao seu paso por Rúa Baralla na contorna do cruce con Rúa Fraga.

O estado de deterioro do cercado é máis que evidente e permanece suxeito mediante cordeles colocados de maneira provisional pola propia veciñanza.

Trátase dun espazo utilizado habitualmente para o estacionamento de vehículos polo que o mal estado do cercado e a vexetación descontrolada que crece no mesmo supoñen un perigo para as persoas que transcurren pola zona.

A solución temporal xa leva varios meses, sen que se teñan acometido as reparacións necesarias. Por este motivo Alternativa demandou actuación para a reparación do cercado e mellora do mantento da contorna, para garantir así a seguridade e a correcta conservación do espazo público

03/06/2026

As rúas do Tuto, Castro, Navas e Cadaval seguen á espera da renovación do pavimento

Alternativa preguntou no pleno polo estado da actuación de renovación de pavimento nas rúas As rúas do Tuto, Castro, Navas e Cadaval na zona de Castro-Laxe.

A veciñanza leva tempo reclamando esta mellora tras os numeros anuncios e, incluso, a colocación dun cartel anunciando a execución da obra hai xa máis de dous anos.

Pero na actualidade tampouco hai novidades, a pesar de que a actuación foi incorporada este ano no Plan Único de Concellos da Deputación de A Coruña cunha inversión de 122.896,98 euros.

Alternativa solicitou información ao goberno municipal sobre a situación do expediente e os prazos previstos desta actuación demandada pola veciñanza e anunciada en reiteradas ocasións sen avances.

01/06/2026

O Concello está a tomar medidas en rexeitamento á planta de biogás en Soandres, tal e como se acordou mediante unha declaración institucional apoiada por todos os grupos da corporación.

A Plataforma Stop Biogas están a informar a todas aquelas persoas interesadas en presentar estas alegacións para impulsar o bloqueo ou a modificación do proxecto.

#

01/06/2026

Alternativa trasladou ao goberno municipal as queixas da veciñanza de Castro-Laxe polo resultado dos últimos traballos de roza realizados na zona.

O grupo demandou unha maior planificación e control das actuacións, así como comunicación previa coa veciñanza para evitar que os vehíuclos estacionados impidan completar os traballos previstos.

Ademais, residentes da zona denuncian deficiencias na execución das rozas e a falta de limpeza posterior, quedando restos vexetais pola estrada ou nas propias cunetas.

Alternativa fixo especial fincapé na contorna do lavadoiro, onde considera que o estado tras os traballos é claramente mellorable, especialmente ao tratarse dun elemento do patrimonio local.

# #

28/05/2026

A abstención na aprobación do Acordo Negociado e o Convenio Colectivo do Concello de Culleredo foi xustificada pola discrepancia xurídica e económica entre os informes elaborados polos técnicos municipais.

A pesar de que as novas condicións foron acordadas coa totalidade das representacións sindicais do persoal municipal, contan cun informe técnico desfavorable da intervención xeral.

O informe de intervención (órgano encargado do control financieiro) levanta dúbidas sobre a legalidade dos incrementos na acción social e sobre a estructura das gratificacións no caso da policía local e emerxencias, advertindo diferentes vulneracións respecto á normativa estatal.

Por outra banda dende a área de recursos humanos foi elaborada unha réplica técnica argumentando certas salvedades e excepcionalidades.

Dende Alternativa se manifestou “o respecto polo traballo realizado para que as propostas acadasen un acordo unánime entre o goberno e grupos sindicais, pero non se pode obviar o informe desfavorable da intervención municipal.”

25/05/2026

O grupo continúa reforzando o contacto directo coa veciñanza para trasladar as súas demandas ao goberno municipal.

Esta semana percorreu Castro-Laxe recollendo as necesidades da veciñanza e dando continuidade a estas iniciativas centradas na escoita activa e na participación cidadá.

Alternativa fai unha valoración positiva das demandadas solicitadas para outras parroquias con anterioridade, que concorreron en compromisos de actuación do goberno local. O grupo tamén insiste que a veciñanza quere feitos, non palabras.

O grupo matiza a importancia da participación veciñal na vida municipal e anima á veciñanza a trasladar tamén as súas propostas e inquedanzas a través dos diferentes canais habilitados: o teléfono 981 415 610, o correo electrónico, [email protected], e tamén o contacto a través de redes sociais.

21/05/2026

Alternativa insistirá novamente na nefasta xestión do servizo de conservación e reparación das estradas municipais que provoca un deterioro notable da rede viaria local.

A pesar de que a veciñanza continúa a denunciar a necesidade urxente de acometer reparacións en diversas vías do municipio non hai previsións do novo prego ou de retomar a brigada de obras.

Alternativa defende un mantemento equilibrado das infraestruturas en todas as zonas do municipio. E volverá a fiscalizar tanto os avances dados na redacción do prego para o servizo de conservación, como na xestión dos mantementos que está a facer a empresa contratada para tal fin.

Dirección

Casa Do Concello De Concello
Culleredo
15189

Horario de Apertura

Jueves	09:00 - 17:00
Viernes	09:00 - 17:00
	18:00 - 19:00

Página web

http://alternativadosvecinos.org/culleredo

Notificaciones

Sé el primero en enterarse y déjanos enviarle un correo electrónico cuando Alternativa Dos Veciños Culleredo publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.