Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello de Cuntis

Casa
España
Cuntis
Concello de Cuntis

Páxina Oficial do Concello de Cuntis

03/06/2026

🌸 Xa está aquí o Corpus Christi de Cuntis 2026! 🎉

Xa temos todo listo para vivir uns días inesquecibles cheos de música, tradición, alfombras florais e a mellor compañía. Aquí tedes a programación oficial para que non vos perdades nada:

🗓️ XOVES 4

⛪ 19:30 h: Santa Misa solemne (cantada polo Coro Cantares das Burgas) e Procesión ao Cruceiro.

🗓️ SÁBADO 6

🎶 12:30 h: Certame de Habaneras na Praza das Árbores cos coros locais.

🌸 16:00 h: Comezo da elaboración da Alfombra Floral polo casco histórico.

🎨 18:30 h: Pintacaras e manualidades infantís na Praza das Árbores.

🎸 20:30 h: Tardeo na Praza das Árbores con versións dos 80s e 90s con Bela & Charlo.

🎺 21:00 h: Saída do Pasarrúas a cargo de Louband.

💃 23:00 h: Verbena amenizada por La Banda de Ayer, Louband e Xabi DJ.

🗓️ DOMINGO 7

🌅 10:30 h: Alborada coa Banda de Música de Valga.

⛪ 12:00 h: Santa Misa solemne co Coro Cantares das Burgas, seguida de Procesión e concerto da banda de música na Praza das Árbores.

📖 18:30 h: Contacontos itinerante co Anxo Moure e a súa Ciclobiblioteca (Saída: Súper Claudio ➡️ Campo 3x3 do Espadenal ➡️ A Ponte ➡️ Remate na Praza das Árbores).

🎵 20:30 h: Fin de festa coa actuación da Banda de Música de Valga na Praza das Árbores.

💥 Nota: Haberá pirotecnia o sábado ás 12:00 e 21:00, e o domingo ás 10:00 e 20:00. Ademais, as atraccións da feira adaptaranse para facilitar a diversión dos nenos con sensibilidade auditiva.

Vinde vivir o Corpus con nós! Que non pare a festa! 🎉

03/06/2026

📅 Neste terceiro día da 𝗦𝗘𝗠𝗔𝗡𝗔 𝗦𝗘𝗡 𝗧𝗔𝗕𝗔𝗖𝗢, dende o Concello de Cuntis, faise chegar á poboación uns 𝗖𝗼𝗻𝘀𝗲𝗹𝗹𝗼𝘀 𝗽𝗮𝗿𝗮 𝗗𝗘𝗜𝗫𝗔𝗥 𝗗𝗘 𝗙𝗨𝗠𝗔𝗥. O mellor que pode facer unha persoa fumadora pola súa saúde e a do seu entorno é deixar de fumar.

🩺 Recordando que, en caso necesario, pódese recorrer a recursos gratuítos como o centro de saúde e o servizo de prevención de condutas adictivas:
📞 Tlf: 986 59 59 22
✉️ Mail: [email protected]

👩‍⚕️ Alí asesorarán sobre os tratamentos eficaces para o abandono do tabaquismo (T. farmacolóxico, T. psicolóxico, T. combinado).

💪 𝗗𝗲𝗰𝗶𝗱𝗲 𝗱𝗲𝗶𝘅𝗮𝗿 𝗱𝗲 𝗳𝘂𝗺𝗮𝗿!
Sentiraste mellor, mellorará a túa saúde, a da túa familia, a túa economía e deixarás de depender do tabaco.

02/06/2026

Cuntis reafirma o seu compromiso co termalismo como motor socioeconómico e turístico de referencia! 💧✨

O noso alcalde, Manuel Campos, participou este martes en Alange (Badaxoz) na reunión do Consello de Goberno da Sección de Municipios con Augas Minerais e Termais da FEMP. Como Vicepresidente desta sección e membro da súa directiva, o alcalde destacou a importancia de seguir estreitando sinerxias para potenciar a nosa oferta termal e diferenciarnos como destino de calidade durante todo o ano. 🤝🏢

Na xornada, na que tamén se analizaron os beneficios do termalismo para a saúde, Manuel Campos fixo fincapé en dúas liñas clave de traballo para Cuntis: 🩺

🔹 A mellora do marco xurídico das augas termais. ⚖️

🔹 A consolidación do termalismo como ferramenta clave para a desestacionalización turística e dinamización económica. 📈

Seguimos traballando para que Cuntis continúe sendo un referente indiscutible do termalismo no Norte peninsular! 🔝📍

Saúde Alange

02/06/2026

🚭 Continuando coa 𝗦𝗘𝗠𝗔𝗡𝗔 𝗦𝗘𝗡 𝗧𝗔𝗕𝗔𝗖𝗢, dende o Concello de Cuntis a través do Proxecto de prevención das condutas adictivas, quérese facilitar un novo material informativo sobre a 𝗣𝗥𝗘𝗩𝗘𝗡𝗖𝗜𝗢́𝗡 𝗗𝗢 𝗧𝗔𝗕𝗔𝗤𝗨𝗜𝗦𝗠𝗢 𝗗𝗘𝗡𝗗𝗘 𝗔 𝗙𝗔𝗠𝗜𝗟𝗜𝗔.

👨‍👩‍👧‍👦 Resaltando a importancia da familia como primeira instancia de socialización na que se adquiren e desenvolven actitudes, crenzas, valores, hábitos, estilos de vida e comportamentos que influirán na formación e desenvolvemento dos fillos e das fillas.

🛡️ Polo que a familia pode desempeñar un papel fundamental na prevención das condutas adictivas.

🗣️ 𝗔𝗹𝗰𝗲𝗺𝗼𝘀 𝗮 𝘃𝗼𝘇!

01/06/2026

📅 Neste segundo día da 𝗦𝗘𝗠𝗔𝗡𝗔 𝗦𝗘𝗡 𝗧𝗔𝗕𝗔𝗖𝗢, dende o Concello de Cuntis , quérese continuar coa campaña de “𝗖𝗼𝗻𝘁𝗿𝗮𝗺𝗮́𝗿𝗸𝗲𝘁𝗶𝗻𝗴” sobre o tabaco.

🕵️‍♀️ Informando sobre as artimañas da industria tabaqueira, publicando unha breve información sobre os 𝗡𝗢𝗩𝗢𝗦 𝗣𝗥𝗢𝗗𝗨𝗧𝗢𝗦 𝗗𝗢 𝗧𝗔𝗕𝗔𝗖𝗢 que as tabaqueiras intentan vender como menos prexudiciais ou inofensivos para a saúde; intentando así, enganar a unha nova xeración. 🚫💨

🗣️ 𝗔𝗹𝗰𝗲𝗺𝗼𝘀 𝗮 𝘃𝗼𝘇!

31/05/2026

O alcalde de Cuntis, Manuel Campos, e a concelleira de Cultura, Ana Loureiro, acompañaron esta fin de semana ao grupo Chumpa Teatro na representación da obra "Guerras". 🎭

Desde o Concello de Cuntis queremos felicitar a todo o elenco e ao equipo artístico polo seu traballo e dedicación nesta proposta teatral xuvenil. É un orgullo ver o talento e a vitalidade que amosan os nosos mozos e mozas sobre o escenario, contribuíndo a dinamizar a vida cultural da nosa vila.

Parabéns a Chumpa Teatro por seguir apostando pola cultura e polas artes escénicas en Cuntis.

31/05/2026

Clausura dunha gran xornada de deporte en Cuntis! ⚽🏆

O campo da Ran vestiuse de gala para acoller o final do XI Torneo Termas de Cuntis, unha cita xa imprescindible no noso calendario deportivo que volveu encher as bancadas de ilusión e compañeirismo.

Queremos felicitar a todos os clubs participantes, xogadores/as e familias por facer posible este gran campionato. A nosa enhoraboa aos campións e a todos os equipos polo seu esforzo e deportividade sobre o céspede.

O concelleiro Toño González foi o encargado de facer entrega dos trofeos aos participantes, poñendo o broche de ouro a un torneo que reafirma a Cuntis como un referente na promoción do deporte base.

Grazas ao Atlético Cuntis pola organización e a todos os que fixestes posible esta edición.

Seguimos fomentando o deporte no noso concello! 💪

31/05/2026

⚽ O deporte en Cuntis é sinónimo de seguridade e diversión

O Concello de Cuntis aposta polo deporte seguro. Durante a xornada de hoxe, na que celebramos os torneos "Termas de Cuntis" (Alevín e Infantil) nas instalacións da Ran, contamos con servizos de emerxencias presentes permanentemente para garantir a máxima seguridade ante calquera incidente.

Queremos que deportistas, familias e afeccionados desfruten dunha xornada de convivencia inesquecible, sabendo que a protección e o benestar de todos os asistentes é a nosa prioridade.

Moito ánimo a todos os equipos e desfrutade dos partidos! 🏆

ConcelloDeCuntis FútbolBase

31/05/2026

Seguimos traballando no mantemento e roza das nosas parroquias 🚜🌿

Dende o Concello de Cuntis queremos informarvos das labores de desbroce e limpeza que estamos a levar a cabo esta semana para poñer a punto varios puntos do noso municipio:

✅ Esta semana realizáronse traballos en:

Parroquia de Troans (aproveitando a celebración do Santísimo).
Instalacións do Campo da Ran.

Entorno da capela de San Ramón (con motivo da celebración da Peña Madridista).

A Gándara, Mesego e A Cova.

📍 Próximos pasos:

A próxima semana remataremos coas labores en Troans e continuaremos coa parroquia de Cequeril e as aldeas de Xinzo e Rebordelo.

Somos conscientes de que, nesta época do ano, a vexetación medra rápido e é un reto chegar a todos os puntos á vez. Non obstante, o noso equipo segue traballando diariamente para manter a nosa rede viaria e espazos públicos nas mellores condicións posibles.

Grazas pola vosa paciencia e colaboración! Seguimos traballando por un Cuntis mellor.

Galicia

31/05/2026

🚭 Hoxe, 31 de maio, conmemórase en todo o mundo o 𝗗𝗶́𝗮 𝗠𝘂𝗻𝗱𝗶𝗮𝗹 𝘀𝗲𝗻 𝗧𝗮𝗯𝗮𝗰𝗼.

Dende os concellos de Cuntis, Barro, Moraña e Portas, a través do 𝗣𝗥𝗢𝗫𝗘𝗖𝗧𝗢 𝗗𝗘 𝗣𝗥𝗘𝗩𝗘𝗡𝗖𝗜𝗢́𝗡 𝗗𝗔𝗦 𝗖𝗢𝗡𝗗𝗨𝗧𝗔𝗦 𝗔𝗗𝗜𝗖𝗧𝗜𝗩𝗔𝗦, queremos sumarnos un ano máis á Organización Mundial da Saúde (OMS).

O noso obxectivo é resaltar os riscos asociados ao tabaquismo (tanto para a saúde como noutros ámbitos) e avogar por políticas eficaces para reducir o inicio no seu consumo e fomentar o seu abandono entre as persoas fumadoras. 💪

📅 Nesta liña, ao longo da próxima semana, celebrarase a 𝗦𝗘𝗠𝗔𝗡𝗔 𝗦𝗘𝗡 𝗧𝗔𝗕𝗔𝗖𝗢. Durante a cal, publicaranse na web e/ou redes de cada concello materiais informativos sobre o tabaco. 📱💻

📢 Hoxe, domingo 31 de maio, dase comezo á dita 𝗦𝗘𝗠𝗔𝗡𝗔 𝗦𝗘𝗡 𝗧𝗔𝗕𝗔𝗖𝗢 co 𝗠𝗮𝗻𝗶𝗳𝗲𝘀𝘁𝗼 𝗱𝗼 𝗗𝗶́𝗮 𝗠𝘂𝗻𝗱𝗶𝗮𝗹 𝘀𝗲𝗻 𝗧𝗮𝗯𝗮𝗰𝗼 𝟮𝟬𝟮𝟲. A través del, preténdese sensibilizar á poboación xeral sobre a importancia de protexer ás e aos menores de idade fronte ó tabaco e aos novos produtos do tabaco; evitando así unha nova xeración enganada polas mentiras da industria tabaqueira. 👧👦🚫

⚠️ 𝗟𝗘𝗠𝗔: “𝗗𝗘𝗦𝗘𝗡𝗠𝗔𝗦𝗖𝗔𝗥𝗔𝗥 𝗢 𝗦𝗘𝗨 𝗔𝗧𝗥𝗔𝗖𝗧𝗜𝗩𝗢 𝗣𝗔𝗥𝗔 𝗖𝗢𝗡𝗧𝗥𝗔𝗥𝗥𝗘𝗦𝗧𝗔𝗥 𝗔 𝗔𝗗𝗜𝗖𝗖𝗜𝗢́𝗡 𝗔́ 𝗡𝗜𝗖𝗢𝗧𝗜𝗡𝗔 𝗘 𝗔𝗢 𝗧𝗔𝗕𝗔𝗖𝗢”

Dirección

Praza Da Constitucion N°4
Cuntis
36670

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Teléfono

+34986548005

Página web

https://concellodecuntis.org/gl-es/

Notificaciones

Sé el primero en enterarse y déjanos enviarle un correo electrónico cuando Concello de Cuntis publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.