Lunes 11:00 - 14:00 15:00 - 18:00 Martes 11:00 - 14:00 15:00 - 18:00 Miércoles 11:00 - 14:00 15:00 - 18:00 Jueves 11:00 - 14:00 15:00 - 18:00 Viernes 11:00 - 14:00 15:00 - 18:00

¿Qué es el sitio web?

https://www.facebook.com/642564285888696/

Biblioteca Municipal de Xermade

Casa
España
Germade
Biblioteca Municipal de Xermade

Traballando polo libro e o fomento da lectura en Xermade Estás no espazo da rede facebook da Biblioteca de Xermade. Contamos coa vosa participación.

Podes visitarnos de luns a venres.

09/09/2026

🎲 CLUB DE XOGOS DE MESA

Chegamos á última das nosas novas actividades… e esta é para todas as idades!

No Club de Xogos de Mesa teremos un pouco de todo: desde os clásicos de toda a vida, como o parchís ou o xadrez, ata xogos máis modernos como Catan e propostas como Código Secreto, Pelusas e moitos máis. Porque hai xogos para todos os gustos!

A biblioteca contará cunha selección de xogos para comezar, pero estamos abertos a que traiades os vosos propios xogos e compartades con nós aqueles aos que máis vos gusta xogar. Así poderemos ir ampliando entre todos as posibilidades do club!

Un espazo para vir xogar, pasar un bo anaco e compartir mesa, tanto se vés con amigos como se queres vir coa familia. E si, as persoas adultas tamén teñen o seu sitio neste club! 😉

📅 O Club de Xogos de Mesa e o Club de Deberes comezarán en outubro.

📝 Lembramos que é necesario inscribirse previamente para poder formar os grupos mínimos e organizar as actividades.

Así que xa sabedes… preparade as fichas, os dados e as cartas! 🎲

📍 Biblioteca Municipal de Xermade

08/09/2026

🗣 INTERCAMBIO DE IDIOMAS

Lembrade que tedes ata o día 11 para inscribirvos nas actividades da biblioteca. A semana que vén comezamos!

❓ Que idioma che gustaría practicar?

Os xoves ás 18:00 h teremos o noso Intercambio de idiomas, unha actividade con formato meet-up para practicar idiomas de maneira sinxela e divertida.

A dinámica é moi fácil: indicades que idiomas falades e cales queredes aprender ou practicar, e buscamos persoas coas que poidades facer intercambio. Tamén podedes participar simplemente para practicar un idioma que esteades aprendendo.

Para axudarnos a romper o xeo, propoñeremos diferentes temas de conversa e así teremos sempre algo do que falar e compartir.

📅 Todos os xoves ás 18:00 h
📝 Inscricións abertas ata o 11 de setembro

Unha boa oportunidade para practicar idiomas, coñecer xente nova e pasar un bo rato. 🌍

07/09/2026

📚✏️ CLUB DE DEBERES

Saes das clases, rematas as extraescolares… e aínda quedan os deberes? Pois temos un sitio para ti! 😜

Na Biblioteca Municipal de Xermade creamos un espazo para que os máis pequenos poidan reunirse, facer os deberes, estudar xuntos, resolver dúbidas e botarse unha man cando algo se resiste.

Porque estudar en compañía pode ser moito máis levadeiro… e porque, se falamos de aprender, que mellor lugar ca unha biblioteca? Aquí temos libros de consulta, enciclopedias, recursos e, sobre todo, un espazo pensado para aprender e compartir.

📖 Un lugar para facer os deberes.
🤝 Un lugar para axudarse.
🧠 Un lugar para aprender.
✨ E, por que non, para descubrir que estudar tamén pode ser divertido.

📅 Os mércores ás 17:30 h
📍 Na Biblioteca Municipal de Xermade

Porque na biblio sempre hai un libro, unha idea ou unha persoa disposta a botarche unha man. 💛

04/09/2026

💻 A tecnoloxía ás veces ponse un pouco teimuda… pero nós tamén!

Na biblioteca empezamos unha nova actividade: informática para adultos. Un espazo para aprender, practicar e, sobre todo, perderlle o medo á tecnoloxía.

📱 Como funciona WhatsApp?
🔎 Como busco algo en internet?
📧 Como creo e uso un correo electrónico?
📲 Como instalo unha aplicación?
💬 E iso das redes sociais… como vai?

E, por suposto, tamén teremos tempo para resolver todas esas dúbidas que vos xorden no día a día co uso da tecnoloxía. Porque ás veces unha pequena cousa pode facernos perder un bo anaco de tempo! 😅

Iremos pouco a pouco, ao noso ritmo e sen medo a preguntar. Aquí non hai preguntas tontas nin hai que saber informática de antemán. 😉

E o mellor: poñemos os ordenadores da biblioteca á vosa disposición, así que só precisades traer as ganas de aprender.

Porque a tecnoloxía está para facilitarnos a vida… aínda que ás veces pareza que fai xusto o contrario. 😂

🗓️ Todos os martes
🕛 Ás 12:00 h
📍 Biblioteca Municipal de Xermade

Un pequeno espazo para aprender cousas novas, resolver dúbidas e botar tamén un bo rato. 💻

03/09/2026

🧶 CLUB DO CROCHET 🧶

Queres aprender a facer crochet? Xa tes experiencia e queres compartir o que sabes? Ou simplemente apetéceche ter un rato para facer labores en compañía? 💛

Na biblioteca poñemos en marcha o Club do Crochet, un espazo para reunirnos, facer labores e, sobre todo, aprender unhas das outras.

Aínda que lle chamemos «Club do Crochet», a idea é que aquí teñan cabida diferentes labores e manualidades: crochet, calceta, bordado, costura, punto de cruz... Cada persoa poderá traer o que estea facendo e compartir os seus coñecementos co resto do grupo. 🧵🪡

👉 Non haberá unha profesora nin unha persoa encargada de ensinar. Aquí todas temos algo que aprender e algo que ensinar. A idea é axudarnos, resolver dúbidas, intercambiar trucos, conversar e pasar un bo rato.

E, sobre todo, queremos recuperar algo que ás veces se perde: facer estas cousas en compañía e non sempre en soidade na casa. Porque unha labor faise mellor cunha boa conversa polo medio. 😊

📌 Importante: a biblioteca non proporcionará os materiais. Cada participante deberá traer os materiais e a labor que queira realizar.

Se che apetece participar, anímate a vir! Non importa se tes moita experiencia ou se estás empezando: aquí vimos aprender entre todas. 🧶✨

02/09/2026

🌿 A BELEZA DA NATUREZA | Exposición de Iris Debasa 🐾

A partir do 10 de setembro, a Biblioteca Municipal de Xermade énchese de arte, natureza e emocións coa exposición «A beleza da natureza», de Iris Debasa. ✏️🖤

Unha mostra composta por 36 obras realizadas con carboncillo, lapis e rotulador negro, nas que Iris nos invita a deternos e mirar con atención esa beleza que nos rodea cada día, especialmente a dos animais. 🐶🐱🐴

Miradas, aloumiños, sorrisos… pequenos xestos capaces de transmitir emocións e lembrarnos a beleza que irradian os animais simplemente por estar, ser e formar parte das nosas vidas. 🐾✨

📅 Do 10 ao 24 de setembro
📍 Biblioteca Municipal de Xermade

🎨 Inauguración: xoves 10 de setembro ás 19:00 h.

E se non podedes acompañarnos na inauguración, non vos preocupedes! A exposición poderá visitarse durante o horario habitual da biblioteca:

🕞 Luns e xoves: 15:30–20:00 h.
🌞 Martes, mércores e venres: 11:00–14:30 h. e 15:30–20:00 h.

Unha oportunidade para achegarnos á arte e, sobre todo, para parar, mirar e deixarnos emocionar pola beleza que nos rodea. 🌿🐾

Agardámosvos! 💚

01/09/2026

📚✨ Na biblioteca hai moito máis que libros!

A partir de setembro queremos que a nosa biblioteca sexa tamén un lugar para aprender, compartir, crear, xogar e coñecernos. Por iso, poñemos en marcha unha nova programación de actividades que se desenvolverán ao longo de todo o ano. 💚

🧶 Club de calceta
📚 Club de deberes
💻 Informática para adultos
🎲 Xogos de mesa
🌍 Intercambio de idiomas

Cinco propostas diferentes, cinco maneiras de desfrutar da biblioteca e, sobre todo, unha oportunidade para compartir tempo e coñecementos coa comunidade. 😊

📅 As actividades comezarán o 14 de setembro.
📝 Podes inscribirte ata o 11 de setembro na biblioteca.

⚠️ Para que cada actividade poida poñerse en marcha será necesario contar cun grupo mínimo de participantes.

👉 Nos próximos días contarémosvos un pouquiño máis sobre cada unha delas. Así que... atentas e atentos ás nosas redes! 👀

Que actividade vos apetece probar? 🧶🎲💻🌍📚

01/09/2026

📚💙 RETOMAMOS O RETO LECTOR!

Setembro chega á biblioteca e, con el, retomamos o noso Reto lector! E este mes temos unha proposta moi especial: 📖 libros en galego.

Ler na nosa lingua é moito máis ca escoller un libro: é coidar, manter viva e dar valor á nosa cultura e á nosa identidade. E, ademais, cando escollemos obras de autores e autoras galegas —e, sempre que poidamos, tamén de escritores e escritoras da nosa contorna— estamos a apoiar o noso talento e a contribuír a que as súas historias sigan chegando a máis lectores e lectoras. 💚

Así que este mes... animádevos a ler en galego!
Porque detrás de cada libro hai unha historia, pero tamén hai unha lingua que merece seguir sendo lida, escrita e compartida. ✨

👉 Cal será a vosa lectura deste mes?

31/08/2026

🍂 Setembro xa está aquí… e na biblio volvemos ao noso horario habitual! 📚

Despois do verán, toca recuperar rutinas, reencontrarnos e seguir compartindo lecturas, actividades e momentos na biblioteca. 💜

A partir de setembro, o noso horario será:

📖 Luns e xoves
🌤️ Pola mañá: pechado
🕞 15:30 – 20:00

📖 Martes, mércores e venres
🕚11:00 – 14:30
🕞 15:30 – 20:00

Así que xa sabedes… setembro é unha boa escusa para volver á biblio! 😉📚

Vémonos na biblio! 💜

27/08/2026

🌧️📚 Coa chuvia, non só nós volvemos para casa… os libros viaxeiros tamén! 🏠💜

Este anda ben cerquiña, nun concello veciño, gozando da calorciña do fogar e dunha lectura que nos deixa unha interesante reflexión sobre a forza das mulleres. 💪💜

Porque faga sol, chova ou ventee… sempre hai un libro disposto a acompañarnos. 📖✨

Grazas por seguir facendo viaxar as nosas historias! 🥰

Dirección

Avenida De Vilalba, S/n
Germade
27833

Horario de Apertura

Lunes	11:00 - 14:00
	15:00 - 18:00
Martes	11:00 - 14:00
	15:00 - 18:00
Miércoles	11:00 - 14:00
	15:00 - 18:00
Jueves	11:00 - 14:00
	15:00 - 18:00
Viernes	11:00 - 14:00
	15:00 - 18:00

Página web

facebook.com

Notificaciones

Sé el primero en enterarse y déjanos enviarle un correo electrónico cuando Biblioteca Municipal de Xermade publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.