Lunes 11:00 - 14:00 15:00 - 18:00 Martes 11:00 - 14:00 15:00 - 18:00 Miércoles 11:00 - 14:00 15:00 - 18:00 Jueves 11:00 - 14:00 15:00 - 18:00 Viernes 11:00 - 14:00 15:00 - 18:00

¿Qué es el sitio web?

https://www.facebook.com/642564285888696/

Biblioteca Municipal de Xermade

Casa
España
Germade
Biblioteca Municipal de Xermade

Traballando polo libro e o fomento da lectura en Xermade Estás no espazo da rede facebook da Biblioteca de Xermade. Contamos coa vosa participación.

Podes visitarnos de luns a venres.

04/06/2026

No mes do orgullo facemos unha nova selección de lecturas con personaxes e historias LGTBI+ para todas as idades: infantil, xuvenil e persoas adultas.

Nesta sección atoparedes contos, novelas, banda deseñada e ensaio que reflicten a diversidade afectivo-sexual e de xénero, con voces, experiencias e personaxes que forman parte da nosa sociedade. Historias sobre amizade, aventuras, familias, misterios, amor, fantasía e moito máis, porque a diversidade tamén está presente en todos os xéneros literarios.

A biblioteca quere ser un espazo aberto, acolledor e representativo, onde cada persoa poida atopar lecturas nas que recoñecerse e descubrir outras realidades.

📖 Porque todas as historias merecen ser contadas.
🌈 Porque todas as persoas merecen verse representadas.

01/06/2026

🎉 Xa temos os gañadores do Certame de Debuxo e Narración das Letras Galegas 2026! 🎉

📖 NARRACIÓN

🔹 Categoría A
⭐ Mara Piñeiro Campo
⭐ Idril Toledo Caparrós
⭐ Kendra Toledo Caparrós

🔹 Categoría B
⭐ Elena Gato Ares
⭐ Cedric Toledo Caparrós
⭐ Martina Fernández Salgado

🎨 DEBUXO

🔹 Categoría A
⭐ Idril Toledo Caparrós
⭐ Yago Cendán Pico
⭐ Manuel de Rosende Paz

🔹 Categoría B
⭐ Martina Fernández Salgado
⭐ Elena Gato Ares
⭐ Cedric Toledo Caparrós

👏 Parabéns a todas as persoas premiadas e tamén a todas as que participaron, enchendo este certame de creatividade, ilusión e amor pola nosa lingua.

🏆 A entrega de premios terá lugar o xoves 11 ás 17:30 h na biblioteca.

🎭 E ás 18:00 h gozaremos da actuación de Trémola Teatro: As letras que voan con nome de muller.

Había unha vez un país de palabras máxicas e libros encantados chamado Galicia, onde as letras tiñan a súa propia festa. Nesta viaxe coñeceremos a Begoña Caamaño e outras mulleres homenaxeadas nas Letras Galegas, escritoras que fixeron soar a súa voz e abriron camiños a través das palabras.

📚 Agardámosvos a todas e todos para compartir unha tarde de cultura, teatro e celebración das nosas Letras Galegas.

📍 Biblioteca
🗓 Xoves 11
⏰ 17:30 h Entrega de premios | 18:00 h Actuación teatral

01/06/2026

🌿 Xuño: Mes da Poesía na Biblioteca 🌿

Este mes o noso reto lector invítanos a descubrir a poesía, unha forma de expresión capaz de converter as palabras en emocións, imaxes e música. A través dos poemas podemos viaxar por sentimentos, lembranzas, soños e reflexións sobre o mundo que nos rodea.

Na nosa selección atoparedes obras para todas as idades e gustos: poemas clásicos e contemporáneos, versos cheos de humor, natureza, amor, aventura e moito máis. A poesía non só se le, tamén se sente, se imaxina e se comparte.

Animámosvos a escoller un dos libros desta sección e deixarvos levar polo poder das palabras. Quizais descubrades que un poema pode dicir moito máis do que parece a primeira vista.

Aceptades o reto?

21/05/2026

O Concello de Xermade convoca o:
𝐈𝐈𝐈 𝐂𝐞𝐫𝐭𝐚𝐦𝐞 𝐝𝐞 𝐜𝐫𝐞𝐚𝐜𝐢ó𝐧 𝐚𝐫𝐭í𝐬𝐭𝐢𝐜𝐚 𝐞𝐬𝐜𝐫𝐢𝐭𝐚 𝐞 𝐠𝐫á𝐟𝐢𝐜𝐚 “𝐗𝐞𝐫𝐦𝐚𝐝𝐞𝐚𝐧𝐝𝐨 𝐩𝐨𝐥𝐚 𝐢𝐠𝐮𝐚𝐥𝐝𝐚𝐝𝐞” 💜
📄Recepción de traballos: ata o 5 de xuño na Biblioteca Municipal de Xermade
🎖️ Todo o alumnado participante recibirá un vale por 30 € no momento da entrega do traballo para material escolar.
ℹ️ Bases e máis información: https://www.xermade.org/iii-certame-de-creacion.../

20/05/2026

📚😄 Nova sección na biblioteca: rir entre liñas

Na nosa biblioteca estreamos un novo espazo pensado para ler… e sobre todo para rir:

😂 novelas con retranca
😏 sátira contemporánea
📖 historias absurdas, intelixentes e moi humanas
🤣 humor galego, español e feminino

Porque tamén hai libros que axudan a levar mellor o día a día.

✨ Atoparás títulos clásicos e actuais, desde a retranca máis galega ata o humor máis moderno e incómodo.

📍 Ven descubrila e leva contigo unha historia que che saque un sorriso.

19/05/2026

Este sábado compartimos unha fermosa xornada interxeracional polo Día das Letras Galegas da man da Asociación de Veciños de Cabreiros, falando sobre a inesquecible Begoña Caamaño 💜📚

Foi un espazo para reivindicar a súa voz, o seu compromiso co feminismo e coa xustiza social, e a enorme pegada que deixou na literatura galega. Ademais, dende o club de lectura lemos un fragmento da súa obra Circe ou o pracer do azul, e foi unha experiencia xenial para achegarnos aínda máis ao seu universo literario ✨

Grazas pola invitación, pola acollida e por seguir creando encontros que manteñen viva a nosa cultura.

12/05/2026

📚✨ Como non podía ser doutra maneira, na biblio quixemos homenaxear a Begoña Caamaño polo Día das Letras Galegas 💙🤍
Poderás atopar unha pequena exposición elaborada polo IES Castelao de Vigo na que se retrata a vida da xornalista e escritora. Ademais, vén acompañada dun caderno de actividades para que afondes un pouco máis no coñecemento da autora 📖
E, pola nosa parte, tamén quixemos dedicar un pequeno espazo á súa obra: pequena en cantidade, pero enorme en calidade ✨
Achégate á biblio e descubre a súa figura! 💫

06/05/2026

📚✨ Novo mes, novo reto lector!

Esta vez propoñémosche mergullarte en libros ou autores premiados 🏆: pode ser un Planeta, un Xerais, un Nobel… hai moito onde escoller!

Atréveste a descubrir historias que deixaron pegada? Seguro que máis dunha te vai sorprender 😉📖

04/05/2026

📚✨ Volve o noso certame de debuxo e narrativa das Letras Galegas!

Se tes ata 16 anos, podes participar cunha narración en galego (máx. unha folla) ou cun debuxo en papel/cartolina tamaño DIN A4.

🧒👧 Categorías:
🔹 A: ata 8 anos
🔹 B: de 9 a 11
🔹 C: de 12 a 16

🏆 As persoas gañadoras pasarán á fase provincial!

💡 Tema: “Medrar lendo”

Hai historias que nos fan rir, outras que nos emocionan… e algunhas que nos cambian para sempre 💙
Anímate a contar ese momento no que un libro foi especial para ti: cando aprendiches a ler, cando un conto che fixo soñar ou cando unha historia che falou ao corazón.

📖 Deixa voar a túa imaxinación e participa!

04/05/2026

Nova foto dos nosos libros viaxeiros. Esta vez foron con destino a Barcelona.

Dirección

Avenida De Vilalba, S/n
Germade
27833

Horario de Apertura

Lunes	11:00 - 14:00
	15:00 - 18:00
Martes	11:00 - 14:00
	15:00 - 18:00
Miércoles	11:00 - 14:00
	15:00 - 18:00
Jueves	11:00 - 14:00
	15:00 - 18:00
Viernes	11:00 - 14:00
	15:00 - 18:00

Página web

facebook.com

Notificaciones

Sé el primero en enterarse y déjanos enviarle un correo electrónico cuando Biblioteca Municipal de Xermade publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.