Concello de A Illa de Arousa

06/06/2026

A Illa de Arousa celebra a cuarta edición dos Cantos de Taberna este sábado 6 de xuño de 2026.

A Asociación Cultural Deportiva Dorna, coa colaboración do Concello da Illa de Arousa, organiza o próximo 6 de xuño de 2026 a cuarta edición dos Cantos de Taberna, unha cita que xa se consolida como unha das actividades culturais máis participativas e representativas da vila.

O evento nace co obxectivo de preservar, difundir e poñer en valor a música tradicional galega, levando o canto popular ás rúas e aos establecementos hostaleiros da Arousa nun ambiente festivo, respectuoso e aberto a toda a veciñanza e ás persoas visitantes. Trátase dunha iniciativa de dinamización cultural e promoción económica, que contribúe a impulsar a actividade dos locais participantes ao tempo que reforza o coñecemento e a transmisión do noso patrimonio inmaterial.

Ao longo da xornada, diferentes agrupacións folclóricas percorrerán as tabernas colaboradoras interpretando música e letras tradicionais en directo, recuperando a esencia dos antigos cantos populares e fomentando a participación colectiva. Todo isto desenvolverase nun horario pensado para todos os públicos e co máximo respecto á convivencia, sen ánimo de molestar a ninguén e co único propósito de g***r da nosa cultura, compartir tradicións e fortalecer a vida social da vila.

Nesta edición participarán as agrupacións:

Os Firrás (O Grove)

Os Ministreles (Monforte)

Os Muiñeiros do Sarela (Santiago)

De Cotío (A Estrada)

Lusco e Fusco (Illa de Arousa)

Macizas Centrais (Pobra de Trives)

Son do Peto (Campo Lameiro)

Saljariteiros (Marín)

Son da Illa (Illa de Arousa)

Os grupos actuarán nas seguintes tabernas colaboradoras:

Bar Club

Bar Cachopo

Bar O Porto

Bar Fina Viñas

Os Barrales

Bar Saratoga

O Regueiro

Rúa Lounge

O Tropicana

O Kapitol

O Benalúa

O programa da xornada comezará ás 19:30 horas coa xuntanza dos grupos na Praza do Regueiro. Ás 20:00 horas iniciarase o percorrido polas distintas tabernas participantes. Ás 23:00 horas terá lugar o encontro de todas as agrupacións na rúa Con do Moucho, rematando ás 23:45 horas cun canto colectivo das pezas O Carro e Finisterre, para dar paso posteriormente á foliada libre.

Desde a organización quérese facer un chamamento a toda a veciñanza e ás persoas que visiten A Illa de Arousa esa fin de semana para que se sumen a esta celebración da cultura popular galega. Os Cantos de Taberna son unha oportunidade única para compartir música, baile e tradición nun ambiente cordial e inclusivo, onde todo o mundo é benvido, contribuíndo entre todas e todos a manter vivo un legado cultural que forma parte da nosa identidade.

A ACD Dorna e o Concello da Illa de Arousa agradecen a colaboración das agrupacións participantes, das tabernas colaboradoras e de todas as persoas que fan posible unha iniciativa que aposta pola cultura de base, a convivencia e a dinamización social e económica da vila.

05/06/2026

⚽🎉 100 ANOS DE ORGULLO, HISTORIA E PAIXÓN 🎉⚽

O próximo 27 de xuño, A Illa de Arousa vivirá unha xornada histórica coa celebración do Festival do Centenario do Céltiga F.C., unha cita única para conmemorar os cen anos dunha das entidades deportivas máis emblemáticas de Galicia.

O tenente de alcalde, Manuel Suárez, destacou a relevancia desta efeméride:

🗣️ “O centenario do Céltiga F.C. é moito máis que unha celebración deportiva. Falamos de cen anos de historia compartida coa nosa xente, de valores, de esforzo colectivo e de identidade. O Céltiga forma parte da historia da Illa de Arousa e merece unha celebración á altura da súa traxectoria”.

Ademais, salientou o impacto social e económico do evento:

🗣️ “Eventos como este contribúen a proxectar a imaxe da Illa de Arousa, atraen visitantes, dinamizan a actividade económica local e reforzan o noso compromiso co deporte e coa cultura”.

🎶 UN CARTEL Á ALTURA DUN CENTENARIO

✨ Xabier Díaz e as Adufeiras de Salitre
Un dos nomes imprescindibles da música galega contemporánea. Co seu traballo de recuperación e difusión da tradición oral e musical de Galicia, Xabier Díaz converteuse nun auténtico embaixador da nosa cultura, ofrecendo espectáculos que combinan autenticidade, emoción e unha enorme calidade artística.

✨ 9Louro
Unha das bandas emerxentes con maior proxección da escena galega actual. A súa proposta fresca e innovadora, que fusiona sons contemporáneos con múltiples influencias, está a conectar cun público cada vez máis amplo e consolidándoos como un dos grupos chamados a marcar o futuro da música galega.

✨ AMovida
Enerxía, dinamismo e conexión co público definen a esta formación que está a gañar protagonismo grazas aos seus directos vibrantes e festivos. Unha proposta perfecta para converter a noite do centenario nunha auténtica celebración colectiva.

🎧 DJ MB
Será o encargado de manter o ambiente durante toda a noite. Cunha ampla experiencia en eventos e festivais, ofrecerá unha selección musical variada para que a festa non pare entre actuación e actuación.

🕤 Programación:
• 21:30 h – Xabier Díaz e as Adufeiras de Salitre
• 23:00 h – DJ MB
• 23:30 h – 9Louro
• 00:30 h – DJ MB
• 01:00 h – AMovida
• 02:30 h – DJ MB
• 03:30 h – Peche do festival

💙 Música, historia, deporte e convivencia daranse a man nunha celebración chamada a converterse nun dos grandes acontecementos do ano na Illa de Arousa.

📍 A Illa de Arousa
Praza do Regueiro
📅 27 de xuño

04/06/2026

Cineclube Entrecortiñas

👇🏽

Comezamos o mes de xuño e o ciclo de cine adicado ao Uruguai, coa proxección do filme uruguaio-español "la vida útil", do director Federico Veiroj.

Será ás o Xóves 4, ás 20:30, no auditorio da Illa de Arousa con entrada de balde.

Selecionada para representar a Uruguay nos Oscars como mellor película de fala non inglesa, e participando en varios festivais internacionais como o Festival Internacional de Cine de Toronto ou o Festival Internacional de Cine de San Sebastián.
Acadou diversos premios entre os que destacan o Premio Coral á Mellor Película ( o máximo galardón) no prestixioso Festival de Cine de la Habana, gañadora do premio á mellor película no festival Cine de la Roche-sur-Yon en Francia ou o premio ó mellor actor no Buenos Aires Festival Internacional de Cine (BAFICI) no que tamén estivo nominada á mellor película.

Sinopse:

Jorge ten 45 anos, vive cos seus pais e leva 25 anos traballando nun arquivo cinematográfico. Realiza tarefas técnicas e de programación e presenta un programa de radio sobre cine. O arquivo cinematográfico atópase nunha situación cada vez máis crítica e Jorge, que nunca traballou fóra do cine, atópase no paro. Jorge debe cambiar a súa forma de vida para adaptarse a un novo mundo. Quizais o cine o axude a sobrevivir, despois de todo.

Coa colaboración do Concello da Illa de Arousa e o Consulado General de Uruguay en Santiago de Compostela.

Agardámosvos

04/06/2026

02/06/2026

FORMACIÓN TECNOLÓXICA

O Concello de A Illa de Arousa a través da Mancomunidade do Salnés ofrece unha formación en tecnoloxía para os rapaces e rapazas con idades comprendidas entre os 7 e os 12 anos totalmente gratuita.
📅 Cando anotarse?: A partir do 5 de Xuño ás 9.00 h ata o 15 de Xuño ás 14.00 h.
📍 Como anotarse?: Escanea o Código QR que aparece no cartel e cubre o formulario cos datos solicitados.
⏰ Cal é a súa duración?: Do 22 ao 26 de Xuño (excepto o 24 de xuño) de 10.30 a 13.30 h.
📍 Onde vai ter lugar?: Na aula de formación do Concello (antiga Biblioteca Municipal).
🎟️ A quen vai dirixido?: Rapaces e rapazas que teñan entre 7 e 12 anos de idade.
✨ Que aprenderán?
• Programación.
• Robótica.
• Traballo creativo e diversión.

👉🏼 Esperámoste!!!!

01/06/2026

Desde fai un par de semanas o EUN (Edificio de Usos Náuticos) conta cun elevador para poder manexar as embarcacións que a Escola de Navegación Tradicional da ACD Dorna garda e repara alí.

Era unha demanda de fai anos que pudo materializarse neste orzamento 2026.

Seguimos traballando polo tecido asociativo cultural e deportivo da Arousa.

30/05/2026

Lembrade, hoxe ás 20 horas no Auditorio Municipal.

🎭 As formas do amor chega ao Auditorio Municipal da Illa de Arousa o vindeiro sábado 30 de maio ás 20.00 horas.
Unha proposta teatral de Verdeveras Expresións Artísticas que convida a reflexionar sobre as relacións afectivas, os vínculos emocionais, a maternidade e a necesidade de construír relacións baseadas no respecto e na igualdade.
Como destacou a concelleira de Educación e Igualdade, Lidia Barreiro, “a cultura tamén é unha ferramenta para promover a reflexión e abrir espazos de diálogo sobre cuestións que forman parte da nosa vida diaria”.
📍 Auditorio Municipal da Illa de Arousa
📅 30 de maio
🕗 20.00 h
Actividade incluída na programación de primavera e nas accións do Pacto de Estado Contra a Violencia de Xénero.

28/05/2026

🪼☀️ Xa temos a LUDOTECA DE VERÁN para a rapazada de 3 a 12 anos para os meses de verán!!!

📝 Prazo de inscripción desde o martes 2 de xuño ás 9:00h ata o mércores 10 de xuño ás 14:00h.

📄 A documentación poderá entregarse despois de presentar a solicitude.

27/05/2026

Mañá a Xunta de Goberno Local integrada polo BNG e o Psoe aprobará o proxecto para a execución do "PLAN EXTRAORDINARIO VÍA DEPO 2026" no Concello de A Illa de Arousa.

Esta intervención ten como finalidade mellorar o estado do pavimento existente na Rúa Aransa mediante o fresado da capa superficial deteriorada e a posterior reposición con aglomerado asfáltico, co fin de garantir unha circulación segura e confortable para os usuarios da vía.

27/05/2026

Cineclube Entrecortiñas
👇🏽
🎬 PECHAMOS O CICLO ADICADO ÁS LETRAS GALEGAS 🎬

Despedimos o mes de maio co documental "360 Curvas" de Alejandro Gándara Porteiro e Ariadna Silva Fernández.

📝 Sinopse
360 curvas marcan a distancia que separa A Fonsagrada de Lugo. Este camiño longo, difícil e descendente entre montañas reflicte o declive dun lugar que, a comezos dos anos 90, decidiu loitar pola súa supervivencia.

Mellor Documental Mestre Mateo (2026).

📅 Cando?: 28 de Maio
📍 Onde?: Auditorio da Illa de Arousa
🎟️ Entrada: de balde.

Non perdas a oportunidade de g***r do noso cinema na pantalla grande! 🍿✨

Coa colaboración do Concello de A Illa de Arousa e da Filmoteca de Galicia .