Lunes 08:00 - 15:00 Martes 08:00 - 15:00 Miércoles 08:00 - 15:00 Jueves 08:00 - 15:00 Viernes 08:00 - 15:00

Concello A Caniza - Pontevedra

Casa
España
La Cañiza
Concello A Caniza - Pontevedra

Páxina oficial do Concello da Caniza (Pontevedra)

12/06/2026

☀️⛸️ O Concello informa da celebración do Festival de Verán da 👉Asociación Deportiva Sobre Rodas, unha cita na que máis de 200 patinadores e patinadoras exhibirán as coreografías e técnicas aprendidas ao longo da tempada.

📌Nesta edición participarán tamén como clubs convidados CPA Luar, CPA Ribex, ED. Mos, CPA Blossom e CPA El Olivo.

👏O Concello felicita ao alumnado, profesorado, directiva e familias polo seu compromiso, esforzo e dedicación ao longo de todo o curso.

📅 13 de xuño
🕔 17:00 h
📍 Pavillón Municipal de Valeixe (As Touzosas)

12/06/2026

🚨ALERTA‼️

⚠️ POR VAGA DE CALOR DE NIVEL 🔴

🌡️ A Dirección xeral de Saúde Pública da Consellería de Sanidade, informa dun episodio de vaga de calor a partir de hoxe, venres 12 de xuño, de nivel VERMELLO, que afectará a Pontevedra (Interior).

Dende o Concello pídese á veciñanza que extreme as precaucións e atenda ás recomendacións do 112.

➡ As xornadas con temperaturas máis elevadas serán hoxe e o sábado, con máximas superiores aos 35 ºC.

🔗 https://axega112.gal/gl/alertas_activas

11/06/2026

📌 O Concello da Caniza homenaxea ao equipo infantil do CF Cañiza polo seu campionato de liga

🤝 O Salón de Plenos do Concello acolleu o pasado martes unha recepción oficial en recoñecemento ao equipo infantil do CF Cañiza, que se proclamou campión da categoría Infantil 3ª Futgal Vigo – Segunda Fase Grupo 5 na tempada 2025-2026.

👏 O acto estivo presidido polo Alcalde Luis Piña, acompañado pola Tenente de Alcalde, María José Rodríguez, quen recibiron ao equipo campión, así como ás súas familias, ao corpo técnico e aos representantes do club.

👉Na recepción tamén estiveron presentes a presidenta do CF Cañiza, Mónica Almuiña, as adestradoras Emma López e Linda Riveiro, e a delegada do equipo, Sonia Fernández, que desempeñaron un papel fundamental ⭐ nesta tempada.

🗣️Durante a súa intervención, o Alcalde felicitou a todos os integrantes do equipo polo magnífico campionato realizado, destacando, unha vez máis, o esforzo , a constancia, o compañeirismo 🤝 e a dedicación demostrados nesta Liga. Luis Piña fixo extensiva a súa noraboa ás familias polo apoio incondicional prestado aos mozos e mozas deportistas, acompañándoos en cada adestramento e competición ⚽.

🥇 O equipo infantil do CF Cañiza rematou a competición como líder do seu grupo, cun balance de 30 puntos en 11 xornadas, 10 vitorias ✅, 55 goles a favor e só 16 en contra, uns rexistros que reflicten o gran traballo desenvolvido por xogadores, adestradoras e directiva.

👏Como mostra do recoñecemento institucional a este éxito deportivo, o Alcalde fixo entrega de medallas a todos os integrantes do equipo e concluíu o acto cunha fotografía de familia no Salón de Plenos.

ℹ️ Esta recepción dá continuidade ao recoñecemento que o Concello vén realizando aos éxitos do deporte local . Cómpre lembrar que o pasado venres tamén se celebrou unha homenaxe ao equipo sénior masculino do CF Cañiza polo seu recente ascenso de categoría ⬆️, poñendo en valor o excelente momento deportivo 🌟 que atravesa o club.

Unha vez máis, noraboa a todos! 👏

11/06/2026

⚠️AVISO‼️

🚱CORTE DE AUGA POTABLE

👉 Día 11 de xuño de 2026: corte de auga para instalación de caudalímetro na Rede municipal.

ℹ️ Infórmase aos veciños da 📍rúa Progreso (vivendas comprendidas entre o cruce da N-120 coa Rúa Antonio Facorro e o cruce entre a N-120 coa rúa Vilanova), marxe dereito, dirección Ourense, de que, debido a unha obra de instalación dun caudalímetro na rede municipal de distribución de auga potable, a subministración permanecerá suspendida de 👉10h a 11h durante este xoves, 👉11 de xuño de 2026.

Zonas afectadas:

📍Rúa Progreso (vivendas comprendidas entre o cruce da N-120 coa Rúa Antonio Facorro e o cruce entre a N-120 e a rúa Vilanova), marxe dereito, dirección Ourense.

Pedimos desculpas polas molestias ocasionadas🙏🏻

10/06/2026

📢 O Pleno do Concello celebra a 5 ª sesión ordinaria do ano

🤝 A sesión celebrada o pasado 29 de maio aprobou o nomeamento da Xuíza de Paz titular, a ratificación do convenio comarcal para a prestación do servizo de orientación laboral e a prórroga e actualización do convenio da Escola de Música da Caniza.

✅⚖️ Entre os acordos adoptados destaca o nomeamento de Paula Gómez Pérez como Xuíza de Paz Titular da Caniza, proposta que será trasladada ao Tribunal Superior de Xustiza de Galicia para a súa tramitación definitiva. A candidata conta cunha ampla experiencia no desempeño destas funcións, tras exercer durante nove anos como Xuíza de Paz no municipio.

✅📋 Outro dos asuntos aprobados foi a ratificación do Convenio de Colaboración Marco para a solicitude da subvención destinada á contratación de persoal técnico para a realización de actividades de orientación laboral durante o exercicio 2026, unha iniciativa desenvolvida conxuntamente polos concellos da Caniza, Arbo, Covelo e Crecente.

🎯 O obxectivo deste convenio é garantir a continuidade do servizo de orientación laboral que se presta na comarca da Paradanta e facilitar o acceso a unha subvención da Consellería de Emprego, Comercio e Emigración destinada á contratación dun técnico ou técnica de orientación laboral.

👉 Este servizo está orientado a mellorar a empregabilidade das persoas demandantes de emprego, prestando especial atención aos colectivos con maiores dificultades de inserción laboral, como as persoas desempregadas de longa duración, maiores de 45 anos, mozos e mozas con déficit formativo, persoas con discapacidade ou en situación de exclusión social.

🤝 A colaboración entre os catro concellos permitirá seguir desenvolvendo actuacións de orientación, asesoramento e acompañamento profesional para favorecer a inserción laboral da veciñanza da comarca.

✅🎶 Así mesmo, o Pleno aprobou a prórroga e actualización do convenio de colaboración entre o Concello da Caniza e a Escola de Música da Caniza, garantindo a continuidade deste importante proxecto educativo e cultural. 👉A renovación do convenio permitirá prolongar a colaboración entre ambas entidades a partir do vindeiro mes de setembro e adaptar o seu contido ás modificacións producidas nos últimos anos na organización interna da escola, entre elas o relevo na dirección do centro.

09/06/2026

🏆⚽ Recepción oficial do Concello ao CF Cañiza Senior Masculino polo seu ascenso a Segunda Futgal

👏 O Salón de Plenos da Casa Consistorial acolleu este venres ás 20h, unha recepción oficial ao CF Cañiza Senior Masculino en recoñecemento ao ascenso conseguido esta tempada a Segunda Futgal.

👉Durante o acto, o Alcalde Luis Piña felicitou aos xogadores, ao corpo técnico e á directiva polo traballo realizado ao longo de toda a tempada, destacando o esforzo, a constancia e o compromiso que permitiron alcanzar un obxectivo moi merecido.

🤝 Luis Piña puxo en valor o papel que desempeña o club na promoción do deporte local e dos valores asociados á práctica deportiva, como o compañeirismo, a disciplina e a superación persoal.

🎖️ Como recordo desta xornada, o Alcalde fixo entrega dunha medalla conmemorativa, en recoñecemento ao éxito acadado.

👉O acto concluíu cunha fotografía de familia no Salón de Plenos, onde o Alcalde, xogadores, técnicos e a Presidenta do Club Mónica Almuiña e directivos celebraron conxuntamente un ascenso que enche de orgullo á gran familia do CF Cañiza e ao conxunto da veciñanza.

ℹ️O ascenso culmina unha gran tempada para o CF Cañiza, que rematou na segunda posición do Grupo 2 de Terceira Futgal de Vigo con 73 puntos, tras sumar 23 vitorias e 4 empates nas 32 xornadas disputadas. Ademais, o equipo acadou o ascenso directo con seis puntos de vantaxe sobre o terceiro clasificado. 📊⚽

👉Este éxito deportivo chega despois dunha notable progresión do equipo, que a pasada tempada xa lograra clasificarse para disputar a fase de ascenso. Nesta ocasión, o CF Cañiza conseguiu recuperar a categoría de forma directa grazas á súa regularidade e ao gran nivel competitivo. 🔝👏

Noraboa a todos‼️

09/06/2026

🚨ANUNCIO CONSULTA PÚBLICA

📣Ordenanza reguladora da instalación de terrazas en espazos de uso público do Concello de A Caniza

👉De conformidade co previsto no artigo 133.1 da Lei 39/2015, de 1 de outubro, do Procedemento Administrativo Común das Administracións Públicas, co obxectivo de mellorar a participación dos cidadáns no procedemento de elaboración de normas, con carácter previo á elaboración do proxecto de ORDENANZA REGULADORA DA INSTALACIÓN DE TERRAZAS EN ESPAZOS DE USO PÚBLICO, solicítase a opinión dos suxeitos e das organizacións máis representativas potencialmente afectados pola futura norma acerca de:

a) Os problemas que se pretenden solucionar coa iniciativa.

b) A necesidade e oportunidade da súa aprobación.

c) Os obxectivos da norma.

d) As posibles solucións alternativas regulatorias e non regulatorias.

👉O desenvolvemento da lexislación estatal e autonómica por parte das Entidades Locais, ha de levarse a cabo necesariamente a través da potestade regulamentase municipal, que conleva a elaboración de ordenanzas e regulamentos, devindo necesaria en virtude dos motivos anteriormente expostos.

ℹ️ Os cidadáns, organizacións e asociacións que así o consideren poden facer chegar as súas opinións sobre os aspectos expostos durante o prazo de 20 DÍAS HÁBILES a contar desde o día seguinte ao de publicación do presente anuncio na web municipal, 👉( dende o día 09/06/2026 ao 07/07/2026) mediante a súa presentación en calquera dos lugares indicados no artigo 16 da Lei 39/2015, de 1 de outubro, do Procedemento Administrativo Común das Administracións Públicas.

👉🔗DIRECCIÓN SEDE ELECTRÓNICA PROXECTO ORDENANZA:

https://caniza.sedelectronica.es/transparency/74076c1a-ae09-4a45-a998-9e3e6daa7e7b/

👉🔗DIRECCIÓN PÁXINA WEB -ANUNCIO PROXECTO ORDENANZA:

https://caniza.org/gl/actualidade/anuncios/anuncio-consulta-publica-ordenanza-reguladora-da-instalacion-de-terrazas-en

08/06/2026

📍 A Feira do Xamón da Caniza promociona a súa 60ª edición en FESTUR, o maior escaparate do turismo festivo de Galicia

👉 O stand canicense rexistrou unha gran afluencia de público durante os catro días do certame celebrado en Silleda no marco da 🌿48ª Feira Internacional Abanca Semana Verde de Galicia.

🗣️ O Alcalde Luis Piña informou do éxito da participación do Concello na XII Feira de Festas de Interese Turístico de Galicia (FESTUR 2026), celebrada do 4 ao 7 de xuño no recinto da Feira Internacional de Galicia ABANCA, en Silleda.

✅O Concello acudiu a este importante escaparate turístico para promocionar a 60ª edición da Feira do Xamón da Caniza, que se celebrará o vindeiro 15 de agosto, dando a coñecer a tradición, a historia e o atractivo dunha das citas gastronómicas máis emblemáticas de Galicia. ✨

✅ A presenza da Caniza neste certame volveu converterse nun éxito de participación, rexistrando unha notable resposta do público no stand municipal durante os catro días de celebración. Centos de persoas achegáronse ao espazo expositivo para coñecer máis de preto a Feira do Xamón, declarada Festa de Interese Turístico de Galicia.

🎊 FESTUR reuniu nesta edición un total de 66 festas de interese turístico das catro provincias galegas, a maior cifra desde a creación deste certame en 2014, consolidándose como o principal escaparate das celebracións festivas e culturais de Galicia.

👉 Ao longo das distintas xornadas, o Concello deu a coñecer os principais atractivos da Feira do Xamón. As degustacións organizadas no stand obtiveron unha excelente acollida entre os visitantes, que destacaron a calidade e o sabor dun produto que converteu á Caniza nun referente gastronómico dentro e fóra de Galicia.

👉 Ademais do típico bocadillo de xamón, a mostra completouse cos queixos «Castro Xaneiro», o mel dos apicultores Inocencio López, Antonio Sendín e Rogelio Rodríguez, os viños «Eido da Fonte», «Abelán» e «Cavadas do val», así como os caracois preparados da marca «ComeCois» e as marmeladas artesanais «A Raposeira», contribuíndo a poñer en valor a riqueza e diversidade da produción agroalimentaria local.

🌲 A participación neste evento permitiu tamén divulgar os recursos turísticos do municipio, a súa riqueza paisaxística, a rede de sendeiros homologados, o patrimonio cultural e a ampla oferta gastronómica local, encabezada polos coñecidos cocidos canicenses, que se poden degustar durante todo o ano nos establecementos locais, reforzando a imaxe da Caniza como destino turístico en calquera época do ano.

🤝🥖Ademais, o Alcalde agradeceu un ano máis a colaboración especial do recoñecido Pan de Cea, que desde hai anos acompaña as degustacións da Feira do Xamón da Caniza en FESTUR.

🗣️ «A Feira do Xamón forma parte da historia e da identidade da nosa vila. Participar en FESTUR permítenos dar a coñecer esta festa única e convidar a miles de persoas a descubrir a hospitalidade, a gastronomía e os atractivos turísticos da Caniza», sinalou o Alcalde Luis Piña.

05/06/2026

CLASES DE IOGA 🧘‍♂️

👉Aínda estás a tempo de incorporarte ás clases de ioga que se imparten no Auditorio da Casa da Cultura.

☘️O ioga axuda a mellorar a flexibilidade, fortalecer a musculatura, corrixir posturas, reducir o estrés e atopar un maior equilibrio entre corpo e mente.

✨ Non é necesario ter experiencia previa. As clases están adaptadas a diferentes niveis e son unha excelente oportunidade para dedicar un tempo ao teu benestar físico e emocional.

📍 Auditorio da Casa da Cultura
📅 Luns e venres
🕡 De 18:30 a 20:30 h
👩‍🏫 Profesora: Lorena

📞 Información: 636 781 441

👉Anímate a probar e descubre os beneficios desta práctica para a túa saúde e benestar.

05/06/2026

⚠️AVISO‼️

🚱CORTE DE AUGA POTABLE

👉Día 5 de xuño de 2026: corte de auga para instalación de caudalímetro na Rede municipal.

ℹ️ Infórmase aos veciños da rúa Progreso (dende o Bar Kenia, en toda a marxe esquerda da rúa ), de que, debido a unha obra de instalación dun caudalímetro na rede municipal de distribución de auga potable, a subministración permanecerá suspendida de 👉11h a 12h durante este venres, 👉5 de xuño de 2026.

Zonas afectadas:

📍Rúa Progreso (dende o Bar Kenia, en toda a marxe esquerda da rúa)

Pedimos desculpas polas molestias ocasionadas. 🙏🏻

Dirección

Rúa Oriente 11
La Cañiza
36880

Horario de Apertura

Lunes	08:00 - 15:00
Martes	08:00 - 15:00
Miércoles	08:00 - 15:00
Jueves	08:00 - 15:00
Viernes	08:00 - 15:00

Teléfono

+34986651000

Página web

http://www.caniza.org/

Notificaciones

Sé el primero en enterarse y déjanos enviarle un correo electrónico cuando Concello A Caniza - Pontevedra publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.