17/05/2026
UNHA ANDAINA MULTITUDINARIA CIRCULAR ENTRE VERDUCIDO, GAXATE, FORZÁNS E VERDUCIDO ORGANIZADA POLO CONCELLO SERVIU PARA CELEBRAR O DÍA DAS LETRAS GALEGAS NA LAMA
Persoas chegadas de varios lugares da Lama, Ponte Caldelas, Fornelos de Montes, Pontevedra, Marín, Poio, Vigo, A Guarda, Cambados, Bueu, etc. participaron na multitudinaria andaina circular organizada polo Concello da Lama con saída e chegada diante da igrexa de Verducido.
Antes de partir, o alcalde, David Carrera, deulles a benvida e recibiron unha mochila do Concello da Lama cun exemplar da revista A Pedreira, unha botella de auga, unha mazá, un folleto turístico do itinerario e un tícket para o aperitivo final. Durante o percorrido os participantes foron guiados polos concelleiros Trinidad Fernández Oubiña e Plácido Pillado Alfaya.
A altura da Ponte de Gaxate e no Chan da Carreira (Forzáns) Nieves Loperena (Tía Ni) e a Asociación de Veciños de Gaxate serviron auga aos participantes e deixaron que recolleran libros da Furgolibro para conmemorar o Día das Letras Galegas.
Á chegada os participantes compartiron un aperitivo servido por Bar José Luis, de Verducido, que puxo o broche final a esta experiencia que foi do agrado de todos e que serviu para facilitar un encontro coa natureza, o patrimonio etnográfico e histórico-artístico da contorna.
O Concello da Lama agradece a todos os participantes a súa asistencia e tamén a todos os colaboradores o seu traballo, especialmente á veciñanza de Verducido, Gaxate, Forzáns, a Tía Ni e ás responsables do Bar José Luis que fixeron que o remate da andaina cun aperitivo moi especial e perfectamente preparado e presentado para conmemorar do Día das Letras Galegas.
VÉN Á LAMA E VÍVEA!! MOITAS GRAZAS.
