Cun una cultura, una llingua y un territoriu propios, Llión conformóu un estáu soberanu ya independiente, primeiru cumu Reinu y dispués cumu Imperiu durante cientos d'años. Guei los Llïoneses, cumu Pueblu d'Europa y al igual qu'Escoceses, Bretones, Sardos ou Lletones tenemos dreichu a la unidá del nuesu territoriu, a la uficialidá de la nuesa llingua y al nuesu autugoviernu. Conceyu Xoven muéstras
e orgullosu del nuesu pasáu y cuna mirada puesta nel nuesu futuru. Conceyu Xoven forma guei una organización cun plantegamientos similares a los de los Llïoneses que lluchonun p**a llibertá y la independencia del Reinu de Llión al traviés de los sieglos, y reivindicamos el nuesu dreichu cumu pueblu diferenciáu a decidire llíbremente'l nuesu futuru. Pur eillu, nuesa organización plantega, n'un primer pasu, la creyación d'una Autunomía Llïonesa dientru del Estáu Hespañol formada p**as provincias de Llión, Zamora y Salamanca y la cellebración d'un referendum nel restu de territorios Llïoneses pa unise a esta Autunomía. Conceyu Xoven defiende que la Comunidá Autónoma del País Llïonés seya formada al traviés del Artículu 151 de la Costitución Hespañola y pulu tantu ténga'l rangu de Nacionalidá Histórica. Rechazamos abiértamente los postulaos de quienes contrarios al nuesu pasáu y al nuesu futuru quieren denigrar al País Llïonés a la categoría de simple "región" ensín capacidá xurídica, normativa, llexislativa ou competencial. Conceyu Xoven, amás, puxará purque los territorios Llïoneses en Pertual, fundamentálmente'l Distritu de Bregancia, avancen nel sou autugoviernu, creyánduse posteriórmente un órganu curdinadore entre las dúas alministraciones Llïonesas. Pa Conceyu Xoven nun hai Llïoneses de primeira nin de segunda, simpleménte hai un pueblu, el pueblu Llïonés, y un dreichu fundamental, el dreichu a decidir el nuesu futuru. Pur eillu, Conceyu Xoven tien tres oxetivos cimeiros:
Unidá, Uficialidá y Autogoviernu.
