BNG Lousame

08/07/2026

👉🏻Hoxe estivemos no cemiterio de Vilacoba en Lousame, acompañando ás familias e ao equipo de técnicos forenses e arqueólogos que traballan na procura dos restos óseos de tres persoas asasinadas se cre poderían estar soterradas neste lugar: Maria Pepa, Antonio Vilas, e o xastre de Ribeira, Manuel García Hermo.

🏛️ Ata alí desprazouse a deputada de Dereitos Civís, Sol Agra, para acompañar nesta excavación sufragada pola Deputación da Coruña. O noso deber como partido político é contribuír a que estas persoas poidan ter, por fin, unha sepultura digna; recuperar a súa memoria e dignificar as súas figuras.

👉🏻 Estes tres veciños foron asasinados por reivindicar os seus dereitos e valores democráticos que os fascistas buscaban reprimir.

📝 Anxo Moledo, voceiro do BNG de Lousame, anunciou que imos presentar unha moción para que o cemiterio de Vilacova sexa recoñecido oficialmente como espazo de memoria, xa que nel repousan moitos represaliados do franquismo da nosa comarca

❗️É unha obriga democrática dignificar este lugar e garantir que as vítimas reciban o recoñecemento e a memoria que merecen.

09/06/2026

📢 Dende o BNG de Lousame reunímonos con varias familias afectadas polo programa Concilia para escoitar as súas demandas e traballar en solucións reais.

👉 Deixámosvos tres ideas clave do encontro:

1️⃣ 𝗨𝗻 𝗖𝗼𝗻𝗰𝗶𝗹𝗶𝗮 𝗾𝘂𝗲 𝗻𝗼𝗻 𝗰𝗼𝗻𝗰𝗶𝗹𝗶𝗮
As familias denuncian que o programa non responde ás necesidades reais de conciliación laboral e familiar, funcionando máis como un campamento de verán ca como un servizo de apoio ás familias.

2️⃣ 𝗠𝗮́𝗶𝘀 𝗵𝗼𝗿𝗮𝗿𝗶𝗼 𝗲 𝗺𝗮́𝗶𝘀 𝗽𝗿𝗮𝘇𝗮𝘀
Entre as principais demandas está a creación dun servizo de madrugadores desde as 7:30 h e a ampliación das prazas dispoñibles, xa que as 40 ofertadas resultan insuficientes.

3️⃣ 𝗡𝗶𝗻𝗴𝘂́𝗻 𝗻𝗲𝗻𝗼 𝗻𝗶𝗻 𝗻𝗲𝗻𝗮 𝗱𝗲𝗯𝗲 𝗾𝘂𝗲𝗱𝗮𝗿 𝗳𝗼𝗿𝗮
Rexeitamos que o acceso ao programa se limite ao alumnado empadroado en Lousame, deixando excluídos menores que estudan no municipio pero residen noutras localidades.

🗣️ Seguiremos escoitando ás familias e defendendo servizos públicos adaptados ás necesidades reais da veciñanza.

06/06/2026

📢 O BNG de Lousame denuncia as eivas do servizo Concilia do Concello

Dende o BNG de Lousame queremos poñer o foco nas importantes carencias que presenta o servizo de conciliación municipal.

➡️ En primeiro lugar, o horario ofertado non responde ás necesidades reais de moitas familias usuarias. Para que o servizo cumpra a súa función, é imprescindible habilitar un servizo de madrugadores dende as 7:00 horas, permitindo así que as familias traballadoras poidan conciliar a súa vida laboral e familiar.

➡️ Ademais, defendemos que toda a rapazada escolarizada nos centros educativos de Lousame debe ter acceso ao programa Concilia dende o primeiro momento. Non pode ser unha cuestión de empadroamento. As familias que apostan polos centros educativos do noso concello tamén teñen dereito a beneficiarse deste servizo.

🗣️ “Non é unha cuestión de empadroamento, senón de garantir dereitos ás familias e á infancia. Este tipo de discriminación resulta inxusta e contraria ao principio de igualdade”, sinala o portavoz do BNG de Lousame, Anxo Moledo.

✅ Desde o BNG seguiremos vixiantes e traballando para mellorar os servizos públicos que contribúen a aumentar a calidade de vida das veciñas e veciños de Lousame.

03/06/2026

REPARACIÓN DA FOCHANCA NA ESCABIA 🏗️

🔜 O BNG, dende a Deputación da Coruña, propulsamos esta obra de 67 mil euros para a reparación da estrada.

🦺Seguimos mellorando as nosas infraestruturas por medio de programas como os distintos POS que fan achegas numerosas ao noso concello.

18/04/2026

CANDIDATURA ZERNADAS | Dende o BNG de Lousame apoiamos a candidatura de Zernadas de Castro ás Letras Galegas 2027. Unha figura a favor da cal xa levamos traballando dende o 2024, cando presentamos unha moción a pleno para reivindicar o recoñecemento da súa traxectoria en defensa do galego. Se xa foi considerado referente por persoas coma Otero Pedrayo ou Castelao, agora é o noso momento!

10/02/2026

SAN FINX | O BNG presentou no Parlamento unha proposición non de lei para reclamar actuacións urxentes "ante a situación de abandono e o alto risco ambiental" das presas de residuos mineiros da mina de San Finx de Lousame. Anxo Moledo sinalou que "as verteduras que se producen desde a mina cara á ría son unha ameaza constante para a saúde pública e o medio mariño".

Alertan de que as presas de residuos están «colmatadas»

29/01/2026

O noso portavoz Anxo Moledo denuncia "a lista de agarda que ten o centro de Atención Primaria de Lousame, que se extende a dous meses no caso da matroa e que imposibilita a chegada de novas familias á vila", así como "o deterioro xeral da sanidade pública, que obriga os pacientes a desprazarse a outros centros".

Anxo Moledo di que os fondos asignados á iniciativa 'irán directamente ao lixo' se non se mellora a atención no centro médico

31/12/2025

Seguiremos a traballar por un Lousame e unha Galiza mellor, contigo! Os nosos mellores desexos para toda a veciñanza neste ano que vén. 💙