BNG Lousame

10/02/2026

SAN FINX | O BNG presentou no Parlamento unha proposición non de lei para reclamar actuacións urxentes "ante a situación de abandono e o alto risco ambiental" das presas de residuos mineiros da mina de San Finx de Lousame. Anxo Moledo sinalou que "as verteduras que se producen desde a mina cara á ría son unha ameaza constante para a saúde pública e o medio mariño".

Alertan de que as presas de residuos están «colmatadas»

29/01/2026

O noso portavoz Anxo Moledo denuncia "a lista de agarda que ten o centro de Atención Primaria de Lousame, que se extende a dous meses no caso da matroa e que imposibilita a chegada de novas familias á vila", así como "o deterioro xeral da sanidade pública, que obriga os pacientes a desprazarse a outros centros".

Anxo Moledo di que os fondos asignados á iniciativa 'irán directamente ao lixo' se non se mellora a atención no centro médico

31/12/2025

Seguiremos a traballar por un Lousame e unha Galiza mellor, contigo! Os nosos mellores desexos para toda a veciñanza neste ano que vén. 💙

17/08/2025

HOMENAXE GALIZA MÁRTIR | Este sábado 16 de agosto celebramos no Confurco o acto conmemorativo en lembranza das vítimas da ditadura franquista, con tributo especial a María Xosefa Becerra Laiño, veciña da aldea de Marselle e primeira muller asasinada na nosa comarca polo réxime. O acto foi conducido por Anxo Moledo (BNG de Lousame) e contou coas intervencións de Sol Agra (deputada de Igualdade e Dereitos Civís) e Xerardo Agrafoxo (doutor en historia pola USC). Nel estiveron presentes tamén representantes da Comisión pola Recuperación da Memoria Histórica do Barbanza. A homenaxe completouse cunha ofrenda floral no monumento en recordo ás persoas perseguidas e represaliadas no concello.

14/08/2025

MEMORIA DEMOCRÁTICA | Este sábado día 16 de agosto, no marco das accións pola Galiza Mártir, celebraremos un acto público en memoria de Mari Pepa Becerra, veciña de Lousame e primeira muller vítima do réxime franquista na nosa comarca. Na homenaxe intervirán Sol Agra, deputada provincial, Anxo Moledo, voceiro da asamblea local do BNG, e Xerardo Agrafoxo, autor dos libros "A Guerra Civil en Lousame e Noia". O acto terá lugar ás 20:30 horas no monumento ás vítimas da ditadura do Confurco.

08/08/2025

CULTURA | Na xornada de onte asistimos ao acto de entrega do nomeamento dos artistas Alfonso Costa Beiro e Xosé Luís Veiras Manteiga como fillos adoptivos do Concello de Lousame. A aldea de Camboño é o lugar onde residen actualmente os dous artistas, os cales agradeceron con emoción a boa acollida e implicación da súa veciñanza ademais de destacaren o valor desta parroquia, do seu entorno e das súas xentes para a inspiración creativa.

01/08/2025

MEMORIA DEMOCRÁTICA | Hai uns días achegámonos ata Vilacoba con Sol Agra, deputada de Igualdade e Dereitos Civís, e Marta Gómez, secretaria xeral de Galiza Nova, para ver como avanzan os traballos de exhumación da foxa común situada no cemiterio parroquial. O obxectivo destes traballos realizados por un equipo de arqueólogos e persoal investigador é o de confirmar se nesta foxa se atopan os corpos dun veciño de Ribeira e tamén os do triplo crime de Marselle, entre eles o de María Josefa Becerra (primeira muller asasinada en Lousame durante a Guerra Civil). É de xustiza documentar e investigar as foxas relacionadas coa violencia franquista e cumprir así coa Lei de Memoria Democrática, polo que dende o grupo municipal do BNG cremos necesario apoiar este tipo de accións e non deixar no esquecemento unha parte importante da nosa historia.

15/05/2025

XESTIÓN MUNICIPAL | Recuperamos esta entrevista de La Voz de Galicia feita hai uns días ao noso voceiro Anxo Moledo para manifestar o rexeitamento por parte do BNG á xestión do actual equipo de goberno en asuntos municipais. Van xa varias sesións plenarias nas que reclamamos tomar medidas respecto da situación de despreocupación sobre a planta de residuos de Servia, exixindo que Lousame lidere a súa renovación. Criticamos tamén as malas formas dende a alcaldía á hora da toma de decisións, sen contar coa opinión do resto de concelleiros e oposición; ou que o inventario de bens do Concello se faga incluíndo nel propiedades que en realidade pertencen á veciñanza.

18/03/2025

🔴 Este 31 de marzo, a Coordenadora Galega de Solidariedade coa Palestina convoca xornada nacional de mobilización contra a ocupación e o xenocidio.

📍Estaremos en Noia, diante do Concello, ás 20h, rexeitando os crimes contra a que continúan é teñen responsables, e non permitiremos que os oculten!

31/12/2024

Os nosos mellores desexos para toda a veciñanza do Concello de Lousame neste 2025 que vén. Liberdade, paz e igualdade na Galiza e no mundo.

20/11/2024

25N | Dende a asemblea comarcal de mulleres do BNG, convidámosvos a participar este venres 22 de novembro nunha charla ao redor da violencia obstétrica, concretamente o caso das afectadas polo anticonceptivo ESSURE. A actividade terá lugar ás 19:30h na Casa da Cultura de Outes e inclúese no marco da programación con motivo do Día Internacional da Eliminación da Violencia contra as Mulleres. Contamos con vós!

10/09/2024

EDUCACIÓN | O Grupo Parlamentar do BNG convocou este luns 9 de setembro unha reunión con máis de medio cento de representantes de ANPAS galegas, entre elas a ANPA Alecrín de Lousame, para abordar a problemática que están a supoñer de cara o curso 2024-2025 os recortes en educación anunciados recentemente. No caso concreto do noso concello, expúxose o rexeitamento á decisión da Consellería de Educación de prescindir do único profesional en Audición e Linguaxe e dun auxiliar técnico educativo (coidador), mostra evidente da falta de apoio ao alumnado con necesidades educativas especiais. Dende o BNG defendemos un ensino público e de calidade, polo que faremos todo o posible para que non se desatendan as demandas das familias afectadas no noso concello, exixindo ao goberno da Xunta unha solución á situación de vulnerabilidade e exclusión en que queda parte do alumnado do C.P.I. Plurilingüe Cernadas de Castro. Na reunión do Parlamento estivo presente en representación da asemblea local o noso concelleiro Anxo Moledo.