Concello de Mazaricos

02/06/2026

Juan Carlos Escotet, presidente do Deportivo da Coruña e o maior accionista de ABANCA, celebrou este domingo o ascenso en Riazor cun detalle que nos fixo especial ilusión: unha gorra co logo de Mazaricos.

Un xesto simbólico que leva o noso concello ao corazón dunha das festas deportivas máis importantes do ano en Galicia. Un recordo de que Mazaricos está presente alí onde hai orgullo polo país, polo traballo e pola comunidade.

01/06/2026

O 7 de xuño ás 19:00 h, o Auditorio da Casa de Cultura da Picota acollerá a estrea da nova obra do grupo de teatro TROULA: “Grazas, aquí estou ben”.

TROULA naceu dos obradoiros municipais de teatro impartidos por Arantza Villar, unha experiencia que medrou ata converterse nun grupo estable que aposta pola cultura feita desde o rural e para a nosa comunidade.

Tras catro meses de ensaios e co apoio de Fósforo Arte e Cultura, presentan unha peza chea de humor, retranca e escenas que falan da vida cotiá, da xente de aquí e das nosas inquedanzas. Catorce intérpretes que o dan todo enriba do escenario porque, simplemente, aquí están ben.

📅 7 de xuño
🕖 19:00 h
📍 Casa de Cultura da Picota

Agardámoste para compartir teatro e comunidade.

31/05/2026

Máis dun cento de persoas afeccionadas á bicicleta participaron hoxe na IX BTT Os Picos de Mazaricos, unha xornada marcada polo sol e unha temperatura moi agradable que convidou a pedalear e desfrutar das paraxes máis espectaculares do noso concello.

A saída dende A Picota encheuse de ambiente e ganas de deporte, nun percorrido que puxo en valor a natureza, os camiños e a diversidade paisaxística dun territorio rural vivo como é Mazaricos.

Grazas a todas as persoas participantes e á organización por facer posible unha nova edición desta cita xa consolidada no calendario deportivo local.

30/05/2026

IX BTT Os Picos de Mazaricos

Este domingo celébrase a IX BTT Os Picos de Mazaricos, cunha saída ás 9:30 h dende A Picota. Trátase dunha proba cronometrada non competitiva, con dous percorridos de 40 km e 50 km, que atravesan diferentes camiños e pistas do noso concello.

Ao longo da mañá pode haber tramos con circulación condicionada polo paso das bicicletas. Agradecemos a colaboración de todas e todos para garantir unha xornada segura para todas as persoas.

👉 Aquí podes consultar os dous trazados e localizar os puntos polos que discorre a proba: https://racemapp.com/proyecto/947-btt-os-picos-de-mazaricos

28/05/2026

Bacheos feitos en varios puntos da rede viaria municipal para seguir co mantemento continuo das nosas pistas rurais.
Nestes días actuouse na pista local que vai da Ponte Olveira ás Abeleiroas, da Gueima ás Espigas e tamén no interior de Espigas, resolvendo baches e mellorando o firme para facilitar a circulación diaria.
Nun concello tan amplo e con tanto tránsito de maquinaria pesada como Mazaricos, estas melloras son clave para garantir seguridade e facilitar o día a día da veciñanza.
Seguimos coidando os máis de 1.500 km de camiños, pistas e estradas municipais.

27/05/2026

🧠 OBRADOIRO DE MEMORIA · Novas prazas dispoñibles

O Concello de levamos varios anos organizando de maneira continua obradoiros para estimular a memoria, dirixidos a persoas maiores que queiran manter activas as súas capacidades cognitivas nun ambiente agradable e participativo.

Co obxectivo de atender novas demandas, ábrense máis prazas para incorporarse ao grupo.

📍 Inscricións e información:
Casa da Cultura de Mazaricos
📞 981 867 195

27/05/2026

🚴‍♂️ ÚLTIMOS HORAS: CORRE QUE PECHAN AS INSCRICIÓNS! ⏱️
Hoxe é o último día para reservar a túa praza na IX BTT Os Picos de Mazaricos. Se aínda non te apuntaches, tes ata as 23:59 horas de hoxe, mércores 27 de maio, para facelo. Non se admitirán inscricións fóra de prazo por motivos de seguridade.
📌 Datos clave do evento:

Data da proba: Domingo, 31 de maio de 2026.
Saída: Ás 09:30 h dende a Praza da Picota.
Recollida de dorsais: O mesmo día dende as 08:30 h (obrigatorio presentar DNI).
Modalidade: Proba cronometrada non competitiva (apta tamén para E-Bikes).

🗺️ Escolle o teu desafío:

Ruta curta: 40 km (Dificultade media-baixa).
Ruta longa: 50 km (Dificultade media-baixa).

💰 Prezo: 10 €.
🔗 Inscricións en liña: Atopa a túa praza directamente na plataforma oficial de CCNorte: https://ccnorte.com/evento/detalle/id/3287/ix-btt-os-picos-de-mazaricos
⚠️ Lembra: O uso de casco homologado é totalmente obrigatorio.

26/05/2026

Bacheos na Picaraña, na pista que vai de Cives a Colúns e tamén na Picota para seguir co mantemento continuo da nosa rede viaria.

Mazaricos é un concello moi extenso e cun tránsito diario moi intenso de vehículos de gran tonelaxe ligados ao sector agrogandeiro. Ese uso constante fai que o coidado das estradas e pistas sexa unha tarefa permanente para garantir seguridade, comodidade e bo funcionamento da actividade económica.

Nestes días actuouse en varios puntos da Picaraña, na pista Cives–Colúns e na Picota, mellorando o firme e resolvendo baches que afectaban á circulación. Pequenas intervencións que teñen un impacto directo na vida da veciñanza e no día a día das explotacións que sosteñen o noso territorio.

Seguimos traballando para manter en boas condicións os máis de 1.500 km de vías municipais.

21/05/2026

21/05/2026

Oferta de emprego en Mazaricos