¿Qué es el sitio web?

https://www.facebook.com/585406848294734/

BNG Monforte

Información de contacto, mapa y direcciones, formulario de contacto, horario de apertura, servicios, puntuaciones, fotos, videos y anuncios de BNG Monforte, Partido político, Monforte de Lemos.

16/06/2026

📚✊ Este venres, 19 de xuño, Monforte ten unha cita coa memoria e coa dignidade.

No Centro do Viño presentarase o libro “50 aniversario do asasinato de Moncho Reboiras (1975-2025)”, unha obra que recupera a figura dun dos referentes da loita pola liberdade, a xustiza social e os dereitos nacionais de Galiza.

Cincuenta anos despois do seu asasinato, lembrar a Moncho Reboiras é tamén reflexionar sobre a nosa historia recente, sobre quen loitou por un país mellor e sobre a importancia de manter viva a memoria colectiva.

📅 19 de xuño
🕗 20:00 h
📍 Centro do Viño de Monforte

Animamos á veciñanza de Monforte e da comarca a asistir a este acto e participar nunha xornada de memoria, cultura e compromiso co país.

✊⭐️

13/06/2026

🌳 Antes de talar, hai que valorar.
Unha árbore urbana madura non é só unha árbore. É sombra, biodiversidade, aire máis limpo, protección fronte á calor e décadas de servizos ambientais que non se poden recuperar da noite para a mañá.

Estamos a ver como proxectos urbanísticos e novas infraestruturas poden levar por diante árbores que levan décadas prestando servizos ambientais á cidade. Cando se tala unha árbore madura non só desaparece un elemento da paisaxe: pérdese capacidade para reducir a calor, absorber CO₂, filtrar contaminantes e crear espazos máis habitables para a veciñanza. Beneficios que non se recuperan plantando unha árbore nova.

En Monforte sabemos ben o que significa perder arborado urbano. Xa o vimos coas árbores eliminadas no Parque dos Condes e podemos volver sufrilo cos exemplares afectados polas obras previstas para a nova ponte. Cada árbore madura que desaparece supón menos sombra, máis calor nas rúas, menos biodiversidade e unha perda ambiental que tardará décadas en recuperarse.

Porque unha árbore de 50 anos non se substitúe cunha de 3. O que se perde hoxe non o volveremos ter ata dentro dunha xeración.

🌿 Apostemos por unha cidade máis verde, máis amable e mellor preparada para afrontar os retos climáticos do futuro.

📌 Fonte orixinal da infografía: Cuidado de Plantas: Consejos y Trucos.

09/06/2026

💙 Dende a comarca de Lemos animamos a toda a militancia, simpatizantes e persoas afíns a achegarse este mércores á Praza Maior de Lugo para amosar o seu apoio a Rubén Arroxo.

Despois de anos de traballo, compromiso e transformación para Lugo, o apoio da xente é de xustiza.

🗓️ 10 de xuño | 20:00 h 📍 Praza Maior de Lugo

05/06/2026

Advirten do “enorme impacto” que pode ter esta actuación e piden á Xunta que reconsidere a súa posición

05/06/2026

O campo da feira de Monforte foi historicamente un espazo clave de actividade económica, social e gandeira na comarca, ligado ao rural e ás feiras tradicionais. Porén, co paso do tempo e a desaparición da feira de gando, parte das súas instalacións, as naves, quedaron en desuso e se atopan en estado de abandono.

Na actualidade, a feira mantén unha elevada afluencia de comerciantes e visitantes, pero presenta a necesidade de reorganizar os espazos, ofrecendo condicións máis axeitadas ás persoas feirantes. En concreto, proponse trasladar os postos situados ao aire libre na zona de aparcadoiro ás antigas naves, co fin de proporcionarlles un espazo cuberto e máis confortable, e destinar a área de aparcadoiro ao uso específico de vehículos.

Desde o BNG propoñemos:
✅ Recuperar e poñer en valor as antigas naves do gando do campo da feira.
✅ Estudar novos usos para as naves vinculados ás feiras, mercados e ao rural.
✅ Adaptar as naves para ofrecer espazos cubertos e maior confort ás persoas feirantes.
✅ Ordenar os distintos espazos do campo da feira.
✅ Elaborar unha ordenanza municipal reguladora das feiras e mercados.
✅ Estudar a recuperación dunha feira de gando anual ou periódica.

Resultado da votación da moción:
✅ 6 votos a favor (BNG, Esperta, PP)
❌ 0 votos en contra
➖ 9 abstencións (Alcalde + PSOE)

MOCIÓN APROBADA!

04/06/2026

📢 Desde o BNG denunciamos a situación que están a vivir as familias de sete concellos do sur de Lugo tras o peche temporal da consulta de pediatría de Escairón por baixa da profesional.

‼️ Esta incidencia volve poñer en evidencia a fraxilidade da atención sanitaria no rural e a falta de planificación da Consellería de Sanidade, que está a derivar as crianzas a Chantada e Monforte, obrigando a moitas familias a asumir desprazamentos máis longos, con todas as dificultades que isto implica para a conciliación laboral e familiar.

Ademais, esta reorganización supón unha maior presión asistencial sobre os centros de saúde de referencia, que teñen que absorber a atención pediátrica dunha ampla área xeográfica sen contar con reforzos suficientes.

👉 Para o BNG, non se trata dun feito illado, senón dun síntoma máis do deterioro progresivo dos servizos públicos no medio rural, que contribúe ao despoboamento e á perda de calidade de vida da veciñanza.

Defendemos unha sanidade pública próxima, estable e con recursos suficientes, que garanta a atención pediátrica en condicións de igualdade para todas as crianzas, vivan onde vivan ✊

02/06/2026

💔 Hoxe é un día triste para Monforte.
O Anchoas comeza a ser desmantelado, e con el vaise moito máis ca un negocio: vaise un anaco da nosa memoria, dos nosos veráns, da vida compartida á beira do Malecón.

👉 Hai un ano intentamos salvalo. Propuxemos alternativas, pedimos vontade política, diálogo e solucións. Pero o Concello decidiu non facer nada. Deixouse morrer un espazo histórico que formaba parte da identidade de Monforte.

Non era imposible evitalo. Faltou compromiso.

Queremos un Paseo do Malecón para desfrutar, vivo e pensado para as persoas 🌿

Perdemos o Anchoas e gañamos unha ponte que ninguén pediu e ninguén quere.
Hoxe perdemos moito máis ca un bar 😔
Mañá, que será o seguinte?

31/05/2026

Fronte á deriva belicista do españolismo, o pobo galego responde con dignidade e contundencia amosando o seu rexeitamo ao gasto militar nas rúas de Vigo.

ORGULLOSAS E ORGULLOSOS DO POBO GALEGO!😍💙

Dirección

Monforte De Lemos
27400

Página web

facebook.com

Notificaciones

Sé el primero en enterarse y déjanos enviarle un correo electrónico cuando BNG Monforte publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.