24/03/2023
COMUNICADO DE LIGANDO NARON E LIGANDO FERROL EN APOIO DOS TRABALLADORES DE LIDL.
Os portavoces de Ligando Ferrol e Ligando Narón, Iolanda Teixeiro e Fran Rial, respectivamente, fan público o seguinte comunicado con respecto ao conflicto laboral da empresa Lidl:
LiGanDo-LGD quere manifestar o seu apoio aos traballadores da empresa Lidl, en folga desde o pasado 14 de febreiro, polo cumprimento do convenio colectivo e as súas xustas demandas de reforzo do cadro de persoal pola súa alta temporalidade e unha mellora nas súas condicións de traballo.
Desde Ligando, esixímoslle á empresa que sente a negociar sen máis demora e deixe de utilizar suxas estratexias contra os traballadores, como abastecer os supermercados botando man de productos doutros almacéns e mobilizar traballadores doutras plantas para rebentar a loita dos traballadores polos seus dereitos. Así como adiar artificialmente o xuízo por vulneración do dereito a folga.
