BNG de Oleiros

20/05/2026

Este é só un exemplo do traballo do BNG no Pleno municipal de Oleiros: propostas, demandas veciñais, consultas sobre o funcionamento de servizos... Facemos un traballo rigoroso e en positivo, mentres o goberno municipal desacredita o labor da oposición e fai populismo co diñeiro que cobran os concelleiros e concelleiras (a oposición cobra 1000 euros en total cada pleno, fronte aos moitos miles que reciben os membros do goberno, o inxente gasto en publicidade política pagado por toda a veciñanza, ou o desproporcionado investimento do auditorio).

Fronte á demagoxia, traballo e propostas!

19/05/2026

Cada vez que chega o verán e a temporada de praias a hai un problema que non só non se dá solucionado, senón que acaba reducido, ano tras ano, a un irresponsábel e inútil cruce de reproches entre administracións públicas.

Un ano máis acábase de saber que as analíticas da calidade da auga desaconsellan o baño na praia de Santa Cruz, unha das zonas litorais máis poboadas de Oleiros e, ademais, das máis frecuentadas no verán.

O Concello de Oleiros leva anos negando a validez destas analíticas sobre a calidade da auga, mais o certo é que tampouco deu proporcionado nunca analíticas alternativas que garantisen a calidade da auga para o baño nin outras medidas informativas básicas que garantan o dereito das persoas usuarias a dispor de toda a información.

Para o BNG a única solución posíbel é a da sensatez, a seriedade, o rigor, a garantía do dereito á información e a colaboración entre administracións públicas para evitar titulares que non benefician a ninguén e son un prexuízo colectivo. Santa Cruz non o merece!

{ size: 21cm 29.7cm; margin: 2cm } p { line-height: 115%; text-align: left; orphans: 2; widows: 2; margin-bottom: 0.25cm; direction: ltr; background: t...

05/05/2026

O incansábel Manuel Monge, sociólogo, profesor xubilado, ex concelleiro do BNG na Coruña e activista en tantísimas causas xustas, presentará este xoves 7 na Casa Charry de Oleiros (a carón da Casa do Concello) o seu último libro, publicado de novo por Laiovento: Usted debería saber (la historia secuestrada de la monarquía).

O escritor estará acompañado neste acto, que organiza a Asociación Vieiros, pola nosa deputada no Parlamento da Galiza Iria Taibo

Por suposto, haberá coloquio!

01/05/2026

Con moita razón hai xente que ás veces nos pregunta de que vale estar na oposición, que o que realmente importa e pode ter utilidade é estar no goberno.

Facer traballo político na oposición, efectivamente, moitas veces fai que sexamos moito máis invisíbeis que estando no goberno: a nosa presenza pública é menor, igual que a nosa visibilidade e mesmo a nosa capacidade para facer actividade política a diario.

Mais estar na oposición tamén pode ser útil: permite facer moitas propostas e darlle voz a necesidades, ideas ou reivindicacións que, de non ser polo BNG, nunca chegarían a escoitarse nun Pleno municipal de .

Neste 1° de maio (que mellor día!) querémoslle dar os parabéns ás traballadoras do servizo de limpeza dos edificios e instalacións municipais. Grazas a que se moveron para mellorar as súas condicións de traballo e viñeron falar connosco, o BNG levou a súa voz ao Pleno e denunciou todos os incumprimentos que estaba cometendo a empresa adxudicataria. Dun servizo, por certo, que agora está externalizado a través dunha empresa, pero que antes era prestado a través dunha listaxe de emprego público do propio Concello.

Grazas a esas reclamacións a adxudicataria foi sancionada e o servizo novamente adxudicado. Agardemos que polo menos desta vez a empresa cumpra o que asinou e garanta as mellores condicións laborais para as traballadoras. Estaremos vixiantes!

01/05/2026

30/04/2026

Hoxe xoves, como cada último de mes, debería haber Pleno municipal en Oleiros, mais hai uns días soubemos que non o vai haber. Cunha escusa, por certo, do máis pataconeira (e nunca mellor dito). O noso portavoz, Ivám Roca, explícao aquí.

Non concordamos con que sexa un gasto excesivo (1000 euros en total, comparado cos inxentes gastos en propaganda, por exemplo, non son nada!).

Tampouco concordamos con que se coarte a participación da oposición, que o que fai é traballar para trasladar a voz da veciñanza.

Nunca nos van atopar na demagoxia e no vitimismo, só queremos que se cumpra coa lei para que poidamos facer o noso traballo polos veciños e veciñas de Oleiros.

Oleiros merece máis!

24/04/2026

Este mes de abril non haberá Pleno do Concello de Oleiros a pesar de que a lexislación indica con claridade que en municipios do noso tamaño debe habelo todos os meses.

Pode ser politicamente discutíbel que un goberno municipal coa totalidade das súas concelleiras e concelleiros (12+o alcalde) traballando con dedicación exclusiva e a tempo completo diga non ter asuntos que levar a debate e aprobación dun Pleno.

O que non é nin sequera politicamente opinábel, porque é de primeiro de democracia, é que o Pleno municipal é o instrumento para dar debates, facer propostas e fiscalizar o labor do alcalde e do seu goberno municipal. Non convocar os Plenos significa negar aos grupos o dereito a podermos facer o noso traballo, o traballo que as veciñas e os veciños, co seu voto, nos encomendaron facer. Significa vulnerar un dereito tan importante como o da participación política, recollido con claridade na lei.

Non é a primeira vez que isto acontece. O triste é que siga acontecendo. Como triste é que se use un argumento tan de patacón como o do custo económico que supón convocar un Pleno. As dietas e asistencias a Plenos e Comisións informativas, que en Oleiros levan anos conxeladas, son a única compensación económica que reciben as concelleiras e concelleiros que non fan parte do goberno. Cobralas tamén é un dereito que recoñece a lexislación xeral, non un agasallo caprichoso.

Toda a información sobre a opinión do BNG na nosa web:
https://oleiros.bng.gal/articulo/novas/bng-denuncia-actitude-antidemocratica-do-alcalde-negarse-convocar-pleno-ordinario/20260424120518001238.html

15/04/2026

A nosa deputada Iria Taibo, veciña de Oleiros, volveu trasladar hoxe ao Parlamento de Galiza a moi deficiente situación do transporte público, cuxa competencia de xestión é enteiramente do goberno da Xunta do Partido Popular e Alfonso Rueda.

Iria Taibo lamenta que de nada serven as campañas de fomento do transporte público da Xunta sen un aumento significativo do servizo

02/04/2026

O peirao do porto de Santa Cruz volve presentar serios desperfectos na súa estrutura. Chove sobre mollado para unha das zonas máis queridas pola veciñanza e máis frecuentadas de , sobre todo con bo tempo.

No BNG de Oleiros levamos xa moitos anos demandando unha solución definitiva entre as diferentes administracións públicas sobre a titularidade e, o máis importante, sobre a capacidade de intervir e xestionar no peirao do porto.

Se Portos de Galiza, ente dependente da Xunta, segue optando polo abandono, como fai co de Mera, que tamén presenta graves danos estruturais, debe transferilo sen máis voltas a quen se poida facer cargo destes antigos espazos portuarios. En concreto, á administración máis próxima á veciñanza: o Concello.

Debe ser o Concello, por simple sentido común, quen se faga cargo do coidado, conservación e limpeza do que desde hai moitos anos é xa unha zona pública de baño, lecer e paseo e que mesmo acolle o posto de socorrismo nos meses de verán ou unha zona de hostalaría, duchas e baños públicos cuxa concesión xestiona o propio Concello.

Iso si, no BNG defendemos tamén que esa transferencia debe facerse sen cargas: Portos de Galiza, da Xunta, que asuma antes as súas responsabilidades e entregue un espazo nas mellores condicións.

29/03/2026

Esta semana confirmouse un rumor que xa levaba circulando días: o próximo 10 de abril fechará a sucursal do Banco Santander do Porto de Santa Cruz. A antes oficina do Banco Pastor daba (aínda dá) servizo a unha das zonas máis poboadas de .

Santa Cruz pasou nunha década de ter 5 sucursais bancarias a ter só dúas a partir do 10 do mes que vén. Oleiros gaña poboación e segue crecendo, máis curiosamente perde servizos básicos con posibilidades de atención presencial para unha parte importante da súa veciñanza, por exemplo a de máis idade ou a que por outros motivos non teña tan fácil desprazarse. Queda como exemplo do trato infame dos bancos coa súa clientela que cando fechou a oficina do Sabadell (antes Banco Gallego), tamén en Santa Cruz, avisaban de que seguirían atendendo...na oficina de Cambre. Como se ir de Santa Cruz a Cambre sen ter coche fose un paseo de dez minutos 😠

Fechan oficinas de bancos que seguen acumulando máis e máis beneficios e desaparecen servizos nun concello que parece seguir condenado aos desprazamentos en coche para calquera xestión da vida diaria, a dispor de conexión de internet de alta velocidade para calquera trámite ou a ser un gran dormitorio con zonas polas que pasear o fin de semana ou terracear no bo tempo.

Frente a un decorado de tarxeta postal defendamos un concello con servizos básicos que permita vivir e traballar aquí, dea vida e dinamismo económico aos nosos núcleos de poboación e no que non sexa imprescindíbel usar o coche para todo.