¿Qué es el sitio web?

https://www.facebook.com/1447171995584825/

BNG Ordes

Casa
España
Ordes
BNG Ordes

Páxina oficial do Bloque Nacionalista Galego de Ordes.

07/09/2026

Desde o BNG, propoñemos unha serie de cambios no proxecto de accesibilidade previsto para o núcleo urbano de Ordes, elaborado a partir do informe do Estudio Técnico Galego e presentado posteriormente polo goberno municipal.

📍 Entre as propostas que presentamos no pasado pleno están:

✅ Crear un paso de peóns na rúa de Galicia, na intersección con Cidade Xardín, especialmente necesario pola proximidade da escola infantil Herminio Rial. Unha solicitude que xa é unha realidade 👏

➡️ Mellorar a actuación prevista na rúa Mestre Nicolás del Río Castelo, ampliando as beirarrúas cara as zonas de aparcadoiro para facilitar o xiro e mellorando a seguridade do paso de peóns.

➡️ Planificar a actuación da rúa Viriato Lamas tendo en conta que se debera substituír o actual illote por unha rotonda e, mentres non se acometa esa modificación, instalar un paso peonil paralelo ao actual.

Desde o BNG instamos ao goberno municipal a modificar o proxecto incorporando todas as propostas e pedimos que se revisen ben as actuacións antes de executalas.

01/09/2026

🐟 A finais de xuño, a aparición de numerosas troitas mortas no río Ca**ón, augas abaixo da EDAR de Ordes, fixo saltar as alarmas.

Desde o BNG, pedimos ao goberno municipal que investigase o sucedido e seguimos esperando unha explicación. Pero esta situación tamén nos levou a poñer o foco no rego da Fraga e comprobar cal é o seu estado.

👉 Neste vídeo, Óscar e Pablo explican a situación do rego, as medidas que se deberían estar tomando e o que estamos comprobando sobre o terreo.

Porque o que atopamos é preocupante: cheiros, depósitos no leito, restos nas cañotas e sinais de falta de mantemento nas instalacións da EDAR de Ordes.

O rego da Fraga está catalogado por Augas de Galicia cun estado ecolóxico deficiente. Ante esta situación, existen medidas previstas para reducir a contaminación e actuar sobre as infraestruturas de saneamento e depuración.

Desde o BNG levamos tempo reclamando a ampliación e modernización da EDAR de Ordes, unha actuación fundamental para garantir o correcto tratamento das augas residuais.

💧 Coidar o noso ecosistema é coidar o futuro de Ordes.

25/08/2026

Volvemos cun novo antes e despois. ✅

A beirarrúa da Rúa do Laranxal, en Ordes, estaba levantada nun tramo, provocando que varias persoas tropezasen e mesmo chegasen a caer ao chan. Por iso, no pasado pleno, presentamos un rogo instando ao alcalde e ao goberno municipal a actuar para solucionar esta situación.

Celebramos que xa se tomasen as medidas oportunas. 👏

📩 No BNG de Ordes temos sempre as mensaxes abertas. Se detectades algunha problemática no concello, facédenola chegar: podemos levala ao pleno e esixir que se lle dea resposta.

24/08/2026

A formación nacionalista asegura que esta semana chegou a haber un día sen pediatra no centro de saúde e alerta das dificultades das familias para acceder á atención infantil

21/08/2026

🚨Unha vez máis, non hai citas dispoñibles para o servizo de pediatría do Centro de Saúde de Ordes. Esta semana, incluso houbo un día no que o centro estivo sen pediatra.

A atención sanitaria no noso concello debe estar garantida. Non pode ser que este problema se repita porque haxa profesionais sen substituír.

As familias non poden esperar semanas para acceder á atención pediátrica. Pedimos á Xunta de Galicia que tome medidas e garanta as substitucións necesarias. Ordes necesita solucións reais xa.

19/08/2026

☀️ Queremos un Ordes adaptado aos veráns que veñen.

🌡️ Estamos a vivir veráns cada vez máis quentes e o espazo público ten que estar preparado.

En Ordes, as últimas obras executadas polo goberno municipal seguen apostando por grandes superficies de cemento, sen árbores, sombra nin zonas verdes.

E como resposta á calor, o Concello executa unha actuación surrealista: unha pérgola e unha poza en pleno parque empresarial. Un proxecto afastado da vida diaria da veciñanza e que hoxe atopamos cheo de lixo.

O goberno municipal non pode decidir que temperatura vai facer, pero si pode decidir como deseñamos as nosas rúas para afrontala. Nós pedimos:

🌳 Máis árbores.
⛱️ Máis sombra.
💧 Máis fontes.
🏡 Máis espazos públicos pensados para as persoas.

Queremos un Ordes verde, amable e preparado para as vagas de calor.

11/08/2026

📈 Os datos da Conta Xeral de 2025 confirman unha tendencia preocupante: as irregularidades na xestión do Concello de Ordes seguen aumentando.

En 2025, o goberno municipal pagou máis de 2 millóns de euros en facturas sobre as que o interventor municipal advertiu irregularidades por non axustarse á Lei de Contratos do Sector Público.

Os datos falan por si sos: en apenas tres anos, o importe destas facturas multiplicouse por máis de catro.

🔴 Preto de 340.000 € corresponden a 20 obras contratadas verbalmente, sen seguir o procedemento legal.
🔴 A maiores, o Concello mantén 9 contratos de servizos vencidos, unha situación que o propio interventor considera irregular.

A tendencia é clara: cada ano aumentan as irregularidades advertidas pola intervención municipal.

Desde o BNG temos claro que isto ten que cambiar. Ordes merece unha xestión rigorosa, transparente e respectuosa coa legalidade.

09/08/2026

🚸 MÁIS DE 11 MESES SEN RESOLVER A LICITACIÓN DAS ESCOLAS INFANTÍS DE ORDES

A licitación para a xestión das escolas infantís Sorrisos e Herminio Rial publicouse en agosto de 2025. O prazo para presentar ofertas rematou en outubro, pero, case un ano despois, o expediente continúa sen resolverse.

Mentres tanto, o contrato de emerxencia que garantía o servizo rematou o 31 de decembro de 2025.

⚠️ As escolas infantís non poden estar nunha situación contractual que non se aclara.

No último pleno, desde o BNG de Ordes esiximos explicacións ao goberno municipal:

👉 Por que segue sen resolverse a licitación?
👉 Cando se vai regularizar definitivamente a situación das escolas infantís?

As familias e o persoal merecen seguridade, respostas e unha xestión rigorosa dos servizos públicos.

05/08/2026

☀️🌑 O vindeiro mércores os veciños e veciñas de Ordes teremos a oportunidade de desfrutar dun fenómeno astronómico excepcional.

Desde o BNG de Ordes, celebramos que o Concello atendese ao rogo que presentamos no pasado pleno para habilitar puntos de observación da eclipse total. É unha boa noticia que propostas útiles para a veciñanza se convertan en realidade.

Ao mesmo tempo, cremos que esta era unha oportunidade para ir un paso máis alá. Ordes é un lugar privilexiado para observar a eclipse e este acontecemento podería servir tamén para promocionar o noso concello e dinamizar a economía local.

Desde o BNG apostaríamos por:

🔸 Informar e organizar a iniciativa con maior antelación.
🔸 Promocionar Ordes como un lugar privilexiado para observar a eclipse, atraendo visitantes e apoiando ao comercio e a hostalaría.
🔸 Organizar actividades divulgativas e de observación.
🔸 Facilitar medios de observación seguros para a veciñanza.

Seguiremos traballando para que Ordes aproveite ao máximo oportunidades coma esta, pensando sempre no interese da veciñanza e no potencial do noso concello. 🙌

04/08/2026

⚠️ A rede eléctrica que abastece a Estación Depuradora de Augas Residuais (EDAR) de Ordes presenta deficiencias de mantemento que deben ser corrixidas de maneira inmediata.

No pasado pleno de xullo, desde o BNG de Ordes puxemos sobre a mesa unha situación preocupante que afecta tanto á seguridade como á protección do medio ambiente.

🌿 A xestión da biomasa na contorna da rede eléctrica de alimentación á EDAR presenta importantes deficiencias, con vexetación próxima aos condutores e follas secas afectadas polo contacto coa liña de media tensión.

🔥 Esta situación incrementa o risco de incendio e evidencia a necesidade de realizar un mantemento axeitado e de cumprir coas distancias de seguridade correspondentes.

Ademais, o transformador da EDAR presenta perdas de aceite, o que cal contamina o solo e tamén aumenta o risco de que se provoque un lume.

Desde o BNG de Ordes instamos ao goberno municipal a actuar de maneira inmediata, corrixindo estas deficiencias e adoptando as medidas necesarias para evitar que se repitan no futuro.

👉 A prevención e o mantemento das instalacións públicas non poden quedar para mañá.

Dirección

Rúa Mediodía
Ordes
15680

Página web

facebook.com

Notificaciones

Sé el primero en enterarse y déjanos enviarle un correo electrónico cuando BNG Ordes publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.