03/06/2026
A Xunta de Galicia pon en marcha unha nova edición do programa Benestar en Balnearios.
💦💧O programa ofrece estadías de 10 días e 9 noites en pensión completa (aloxamento, almorzo, xantar e cea) en 15 balnearios de Galicia, con quendas dispoñibles entre xullo e decembro de 2026. Inclúe tratamentos termais prescritos polo persoal médico e actividades socioculturais.
Está dirixido a persoas maiores de 60 anos residentes en Galicia, pensionistas maiores de 55 anos e os seus acompañantes. Tamén poderán participar fillos ou fillas cun grao de discapacidade igual ou superior ao 33 %.
As persoas participantes deberán ser autónomas para realizar as actividades básicas da vida diaria.
📅O prazo de solicitude permanecerá aberto do 27 de maio ao 26 de xuño de 2026, ambos incluídos.
💶As tarifas, subvencionadas pola Xunta de Galicia, oscilan entre 31 e 44 euros por noite, segundo o balneario elixido.
Para máis información e tramitación das solicitudes, as persoas interesadas poden dirixirse ao Departamento de Servizos Sociais do Concello de Lobeira, de luns a venres, en horario de 09:00 a 14:00 horas.
