BNG Outes

Casa
España
Outes
BNG Outes

O Bloque Nacionalista Galego de Outes loita polos teus dereitos como cidadán da Galiza e veciñ@ de Outes. Traballamos para ti, non dubides en suxerir ;)

17/06/2026

🛣️🚵🏻‍♀️🚶🏼‍♀️ O TRABALLO DO BNG SEGUE A DAR FROITOS: NOVO SENDEIRO PEONIL E CICLABLE ENTRE A SERRA E ROO (AC-550)

✍🏼O BNG leva anos propoñendo, nos orzamentos da Xunta, a creación dun sendeiro peonil e ciclable ao longo da estrada xeral: dende a ponte de Seilán ate o Freixo pasando pola Serra e Roo. O obxectivo é dotar dun servizo básico de mobilidade peonil e ciclable que conecte os núcleos urbanos e aumente a seguridade vial na AC-550.

✅ Mentres estivemos no goberno, elevámolo en reunións e diversas conversas ao departamento da Xunta responsable e agora vense de anunciar a contratación dunha primeira fase que conectará A Serra co Cruceiro de Roo.

➕ O noso traballo propositivo segue a dar froitos e no BNG queremos aínda máis: seguiremos insistindo para que esta rede de mobilidade peonil e ciclable chegue ao Freixo, Seilán e á Ponte Nafonso pola AC-196.

08/06/2026

📚🧓🏼 QUEREMOS QUE OUTES CONTE CON GRAOS FORMATIVOS

Vimos de propoñer a creación dun grao formativo no IES Poeta Añón. Solicitamos que a Xunta dote o noso centro cun grao técnico en atención a persoas en situación de dependencia. Con esta iniciativa buscamos:

👉🏼 Aumentar a oferta educativa en Outes.
👉🏼 Facilitar a inserción laboral aproveitando proxectos existentes ou futuros.
👉🏼 Formar, en condicións, ás traballadoras que coidan das nosas persoas maiores ou dependentes para garantir coidados dignos.

❌ No pleno municipal, o goberno bipartito do PP+Tránsfuga votaron en contra de estudar esta proposta.

✅ No BNG seguimos apostando polo noso concello e creendo na necesidade de crear oportunidades. É por iso polo que hai anos tamén propuxemos a implantación de graos en carpintería metálica e de madeira e polo que levaremos esta iniciativa ao parlamento galego.

27/05/2026

🏀 Dende o BNG queremos parabenizar ao Club de Baloncesto Outes por gañar e ser campións da liga en premini. Forza, Outes!! 👏🏻🙌🏼🖤🤍🖤

25/05/2026

🎭🎹 MÁIS E MELLOR OFERTA CULTURAL EN OUTES GRAZAS AO BNG

Grazas á nosa acción de goberno, Outes puido incluírse na Rede Galega de Teatros e Auditorios. Para conseguilo, foi imprescindible a ordenanza para a xestión de entradas do Outono Teatral que puxemos en marcha mentres estivemos no goberno:

✅ Máis orde e transparencia para conseguir entradas
✅ Máis facilidades coa creación do sistema de reservas electrónico
✅ Maior facilidade de reserva para os apaixoados do teatro grazas ao *Bono teatro*
✅ Máis capacidade económica e oferta na área de cultura grazas á inclusión na rede cultural da Xunta
✅ Maior colaboración e apoio ás entidades culturais locais

🏗️ Tamén executamos unha importante mellora nas infraestruturas culturais coa reforma do patio de butacas superior e coa limpeza e pintado das fachadas da Casa da Cultura.

21/05/2026

🫱🏻‍🫲🏽 Hoxe recibimos a visita da deputada de Plans Provinciais e Asistencia a Concellos, Cristina García, acompañada da deputada Sol Agra, ao Concello de Outes.

Durante a xornada puideron comprobar de primeira man o impacto real dos investimentos da Deputación da Coruña no noso concello, cunha achega estimada de 1,4 millóns de euros nas actuacións do Plan Único deste ano, que elevan a máis de 8 millóns de euros o investimento total nos últimos nove anos.

🗣️ “Esta é unha aposta para dotar aos concellos de autonomía e resolver os problemas reais da veciñanza, que ninguén coñece mellor que as propias corporacións municipais”, destacou Cristina García.

Desde o BNG de Outes seguimos traballando para transformar o noso concello con actuacións fundamentais.

👉🏻“Agradecemos os esforzos da Deputación na Coruña para nutrir o noso concello de obras tan necesarias como o saneamento na zona do Cruceiro, a mellora das beirarúas e da rehabilitación da parte superior do colexio vello do Cruceiro. Todo isto sumado ás subvencións nominativas como a acometida no campo de fútbol, logramos melloras substanciais que melloran a calidade de vida da veciñanza ”, afirmou Sol Agra.

💛 Seguimos avanzando por un Outes con máis servizos.

17/05/2026

⚽ Dende o BNG queremos parabenizar ao Outes Futbol Club por ter acadado hoxe o gran ansiado ascenso á segunda preferente no feminino e por gañar a liga da costa nos cadetes. Forza, Outes!! 👏🏻🙌🏼🖤🤍🖤🤍🖤🤍🖤

14/05/2026

📆 Este domingo, ás 12:00 na alameda de Compostela, temos unha cita imprescindible para defender o galego. Non faltes!

13/05/2026

📆 Este domingo, ás 12:00 na alameda de Compostela, temos unha cita imprescindible para defender o galego. Non faltes!

04/05/2026

✂️👩🏼‍⚕️ O PP ELIMINA O SERVIZO DE URXENCIA DOS SÁBADOS NO CENTRO DE SAÚDE DE OUTES

🏥 Todos os equipamentos médicos, tamén o centro de saúde, son competencia da Xunta de Galiza. No caso de Outes levamos sufrindo nos últimos anos unha serie de recortes que deixan o servizo de atención primaria á nosa veciñanza nunha situación moi precaria:

✂️ De 5 médicos de cabeceira pasamos a 4
✂️ Pediatra a media xornada.
✂️ Matrona só dous días á semana.
✂️🆕 E agora pechan o servizo de urxencias do sábado!

👉🏼 O resultado: colapso total no centro de saúde e esperas de máis de 20 días para ter unha cita médica.

🫯 O PP segue a desmantelar servizos públicos esenciais coma a sanidade. No caso de Outes obrigando á veciñanza a desplazarse cada vez máis ao PAC de Noia que tamén está saturado.

✅ No BNG esiximos un xiro de 180° nas políticas de saúde: reforzar o noso centro de saúde e recuperar os servizos recortados.

26/04/2026

👴🏻👵🏻🏢 ADISBISMUR leva anos de traballo, de reunións, de elaboración de proxectos, de presentarse a convocatorias, de petar en portas políticas foron os que tiveron que pasar as persoas que están ao fronte da asociación.

🙌🏼 Dende o BNG queremos amosar o noso inmenso agradecemento a todas elas. Foi unha honra escoitar as Fina, a Ramón e a Anxo onte debullar o que medrou este proxecto ao longo dos anos.

👉🏻 Onte visitou o Cruceiro de Roo a conselleira de política social da Xunta para dar por inaugurada, sin cortar cinta, as obras do que será a residencia que impulsa ADISBISMUR, a primeira residencia para persoas con discapacidade da comarca.

🤝🏻A implicación de todos os gobernos que pasaron por Outes neste proceso foi total, sempre se votou por unanimidade as súas peticións. A cesión do colexio do Cruceiro, pechado pola Xunta do PP no 2017, foi aprobada por unanimidade no 2022 (ano no que non gobernaba o PP). Aínda así, onte o alcalde quixo facer ver que todo foi cousa de fai uns meses.

A alegría de que Outes conte cun proxecto tan importante, mesturábase con indignación polas formas inadecuadas do goberno. O mesmo PP que lles negou tanto tempo os recursos á asociación, pretende colgarse unha medalla ao aceptar colaborar logo da moción de censura. Os orzamentos da Xunta son dos impostos de todos os galegos e galegas, deberían achegalos aos concellos con criterios obxectivos, coma neste caso, non usalos só cando lle convén políticamente.

👏🏻O dito: moitas grazas a toda a xente de ADISBISMUR polo seu traballo incansable en facer este gran servizo nunha realidade.

Dirección

Avd De San Campio N28
Outes
15230

Página web

http://outes.bng.gal/

Notificaciones

Sé el primero en enterarse y déjanos enviarle un correo electrónico cuando BNG Outes publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.