Concello De Palas De Rei

Casa
España
Palas de Rey
Concello De Palas De Rei

Concello de Palas de Rei - www.concellopalasderei.es
www.castelodepambre.com

15/05/2026

O CONCELLO DE PALAS SOLICITA 400.000 Á CONSELLERÍA DE PRESIDENCIA PARA A REXENERACIÓN E MELLORA INTEGRAL DA CASA DE CULTURA
O Concello de Palas de Rei acollerase a orde de Proxectos Estratéxicos da Consellería de Presidencia e solicita unha axuda de 400.000 euros para a rexeneración e mellora integral do edificio da Casa de Cultura de Palas de Rei. Donde se fará unha agrupación de varios servizos que presta o Concello que actualmente vén acollendo xa varios servizos de carácter municipal como a Escola Infantil e a radio local (Radio Palas FM).
Con estas obras, permitirase habilitar novos espazos para a prestación doutros servizos existentes como a Aula de Música, ou a Escola de Teatro, entre outros. As obras, permitirán a instalación dunha nova cuberta sobre a edificación, o reacondicionamento completo das estancias do 1º e 2º andar. Os traballos abarcan a renovación da cuberta e interiores do Salón de Actos.

15/05/2026

CERTAMÉ DE CORAIS NA CASA DE CULTURA DE PALAS, O 17 DE MAIO

14/05/2026

CELEBRACIÓN DO DÍA DAS LETRAS GALEGAS NO CASTELO DE PAMBRE, O SÁBADO 16 DE MAIO, ÁS 12:00 HORAS
Este sábado 16 de maio ás 12:00 horas celebrarase no Castelo de Pambre (Palas de Rei) o Día das Letras Galegas na honra de Begoña Caamaño, organizado pola Sección de Literatura do Instituto de Estudos Ulloáns.
Intervirán no acto a filóloga Andrea Santiso, cun relatorio en torno a Begoña Caamaño; o escritores Fernando García P***s e Braulio Vilariño, que leerán textos da escritora homenaxeada; e a poeta Fe Núñez. Contarase coa actuación musical de María Pacior e Lúa Aguete.

14/05/2026

CURSOS FORMATIVOS DE AFAMMER EN PALAS DE REI

14/05/2026

NOVA EXPOSICIÓN NO CASTELO DE PAMBRE: “20 CARTEIS DE AZUCENA P.SOUTO” DO 16 DE MAIO AO 27 DE XUÑO
O venres 15 de maio ás 17:00 horas será inaugurada no Castelo de Pambre a exposición de “20 carteis de Azucena P. Souto”, comisariada polo galerista Braulio Vilariño.
Dotada dunha gran capacidade analítica e unha encomiable creatividade, a deseñadora gráfica Azucena Souto deseñou os carteis e material gráfico de gran parte das exposicións colectivas e individuais de artistas como Menchu Lamas, Antón Patiño, Correa Corredoira, Álvaro de la Vega, BelKis Oliveira, J M Méndez, Viki Rivadulla, Adolfina Mesa, Peter Kramer ou Anxo Cabada entre outros, que o Instituto de Estudos Ulloáns organizou nos últimos anos no Castelo de Pambre. É tamén autora do logo do Instituto de Estudos Ulloáns, que representa sintéticamente as raíces e o patrimonio cultural da Ulloa.
A exposición permanecerá aberta ao público dende o 16 de maio ao 27 de xuño de 2026.

13/05/2026

A FESTA DA ASOCIACIÓN DE XUBILADOS REÚNE A MEDIO CENTO DE PERSOAS NO PAVILLÓN DOS CHACOTES
A Festa da Asociación de Xubilados de Palas reúne a medio cento de persoas, no Pavillón Municipal dos Chacotes, donde degustaron un menú a base de polbo e empanada entre os seus platos e desfrutaron dun baile posterior. A xornada festiva, contou coa asistencia da concelleira, Alba Villasante e do concelleiro, Rodrígo P***s en representación do Concello de Palas de Rei.
Nesta Festa, quedou fixada a data da Festa dos Maiores, que comprende a todos os maiores do municipio de Palas de Rei e que terá lugar na última semana de setembro, para a que se agarda, como en anos anteriores, a presenza de máis de 450 persoas.

13/05/2026

CAMPAMENTO DE VERÁN DE FÚTBOL NOS CHACOTES
Dirixido a nenos e nenas de 5 a 16 anos.

12/05/2026

REUNIÓN DA MESA TÉCNICA DE COORDINACIÓN INTERINSTITUCIONAL CONTRA A VIOLENCIA DE XÉNERO DE PALAS DE REI
A primeira reunión anual da Mesa técnica de Coordinación Interinstitucional contra a Violencia de Xénero de Palas de Rei tivo lugar este martes, no Salón de Plenos da Casa Consitorial.
Esta Mesa de Coordinación Interinstitucional estivo integrada por: a Psicóloga do CIM, a representante do Centro de Saúde de Palas de Rei, o Director e representante do CEIP de Palas de Rei, o Sarxento da Garda Civil, un Garda Civil Equipo Viogén Cia de Lugo, a Directora do CIM, o Director do Ies do Camiño, a orientadora do Ies do Camiño , o Avogado de CIM, as traballadoras Sociais dos Servizos Sociais de Palas de Rei.
A finalidade esencial desta Mesa Técnica de Traballo, reside en construir un marco estable de coordinación e análise compartida entre profesionais, orientado ao intercambio de coñecementos, valoracións e experiencias de intervención, así como, ao impulso de actuacións conxuntas que permitan deseñar, reforzar e aplicar medidas eficaces na prevención da violencia de xénero e na promoción da igualdade efectiva. Neste escenario, a achega de cada profesional resulta especialmente relevante, na medida en que a pluralidade de enfoques, competencias e experiencias contribúe de maneira decisiva a unha comprensión máis ampla da realidade e ao desenvolvemento de respostas integrais, coordinadas e de maior alcance.

11/05/2026

O CONCELLO DE PALAS RECIBE UNHA AXUDA DO APROL RURAL PARA CONTRATAR UNHA DÚCIA DE OPERARIOS/AS
O Concello de Palas de Rei recibe preto de 200.000 euros de axuda para a contratación dunha dúcia de operarios/as dentro do Aprol Rural da Xunta de Galicia que comenzarán as súas tarefas durante este mes de maio e a súa contratación será dun ano.
O rexedor, Pablo Taboada, agradeceu ó Conselleiro de Emprego esta importante axuda concedida ó municipio.

07/05/2026

A INVERSIÓN PRIVADA EN PALAS DE REI DISPARA O NÚMERO DE LICENCIAS DE OBRA CONCEDIDAS EN 2025 NO CONCELLO E REVITALIZA OS PRINCIPAIS SECTORES DA ECONOMÍA NO MUNICIPIO
Importantes actuacións nos distintos sectores económicos de Palas de Palas de Rei contribuíron a que o Concello de Palas de Rei pechara o ano 2025 cun récord histórico de licencias de obra concedidas, segundo a información obrante no seu rexistro municipal.
Así temos que; o primeiro Depósito Aduaneiro da provincia lucense levantado fai casi un ano, nos terreos da segunda ampliación do Polígono Empresarial Palense , con preto de 10.000.000 euros de inversión privada promovida polo Grupo empresarial Jim Sports; A construción do Centro de Recría do Sector Avícola con 2.400.000 de inversión privada; a ampliación das instalacións da Planta de larva de mosca para aumentar o nivel de produción pasando das 12.000 as 62.000 toneladas anuais; xunto coa ampliación de varias explotacións agropecuarias no municipio con máis de 3.000.000 euros de inversión; e varios proxectos de índole turística, derivados do efecto do Camiño de Santiago e do auxe do turismo no municipio, fixeron que en 2025 se construíran 4 novos aloxamentos turísticos que pasaron a engrosar a xa ampla oferta de aloxamentos cos que conta Palas de Rei nestes momentos e traducíronse nunha inxección de algo máis de 3 millóns de euros de inversión privada no municipio; ademáis doutros proxectos residenciais de construción de vivendas particulares, unhas de nova planta e outras de reforma e rehabilitación.
Todo elo, contribuíu a que Palas de Rei destaque como polo emprendedor, non so na Ulloa, senón que tamén para as Terras de Melide (Santiso, Toques e Melide) dado que as empresas aquí asentadas tamén xeran emprego nesa zona.
O rexedor Palense, Pablo Taboada agarda poder seguir neste 2026 na mesma liña revitalizadora da economía e “poder acadar o obxectivo marcado a comenzos da lexislatura de máis de 48 millóns de inversión privada no municipio”.
A licitación das obras de urbanización da terceira fase do polígono empresarial de Palas de Rei, permitirán ampliar de forma significativa a superficie industrial no municipio (con preto de 40.000 metros cadrados a maiores da actual) e dar resposta a cada vez máis crecente demanda de solo empresarial, o que abre a porta ó asentamento de novos proxectos empresariais que terán unha repercusión moi positiva na economía local.

05/05/2026

XORNADAS CIENTÍFICAS EN BARES DE PALAS DE REI, DO 18 AO 20 DE MAIO

Dirección

Avenida Compostela, 28
Palas De Rey
27200

Teléfono

+34982380001

Página web

http://www.concellopalasderei.es/

Notificaciones

Sé el primero en enterarse y déjanos enviarle un correo electrónico cuando Concello De Palas De Rei publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.