12/06/2026
🌸🌼🌺🏵 Ponteareas participa na celebración do Corpus Christi da Orotava, fortalecendo os vínculos históricos e culturais que unen a ambas localidades.
💙 A alcaldesa de Ponteareas, Nava Castro Domínguez, acompañada por membros da Corporación municipal e representantes do colectivo de alfombristas, representa ao conxunto da cidadanía ponteareá neste destacado acontecemento.
A presenza da delegación ponteareá materialízase a través da elaboración dunha alfombra floral e da súa participación na Eucaristía e na posterior procesión do Corpus Christi, unha das manifestacións relixiosas e culturais máis relevantes de Canarias. Así como coa achega musical do grupo Algazara de Celeiros, que contribúe a enriquecer esta celebración coa tradición e a cultura popular galega.
🤝 Esta participación reafirma o compromiso de Ponteareas coa conservación e promoción da arte efémera das alfombras florais, patrimonio compartido que constitúe un símbolo de identidade, tradición e irmandade entre ambos os municipios.
