Bombeiros Santiago de Compostela

21/02/2026

🔥 HOY FERROL, MAÑANA CUALQUIERA DE NOSOTROS 🔥

Los compañeros de Ferrol están viviendo una situación que nosotros conocemos demasiado bien:
servicios bajo mínimos, falta de personal y condiciones que ponen en riesgo a quienes protegen a la ciudadanía.

En un incendio reciente, un bombero de Ferrol perdió una pierna en acto de servicio mientras salvaba la vida de una familia.
No fue una imprudencia.
No fue mala suerte.
Fue la consecuencia de trabajar al límite.

Cuando no se cumplen los mínimos, el riesgo deja de ser teórico.
Se convierte en nombres propios.
En familias rotas.
En secuelas de por vida.

Por eso no es solo Ferrol.
Es dignidad profesional.
Es seguridad para la ciudadanía.
Es respeto por quienes se juegan la vida.

📍 Apoyemos la concentración convocada por Bomberos Ferrol.
Acudir es respaldar a un compañero.
Es defender un servicio público seguro.
Es decir alto y claro que la seguridad no se negocia.

Hoy más que nunca:
🤝 Unidos en solidaridad.
🔥 Si tocan a uno, respondemos todos.

19/12/2025

¡Xa están aquí! ❤️🔥

Os calendarios solidarios xa están dispoñibles e á venda. Un proxecto feito con moita ilusión, compromiso e corazón, no que cada exemplar suma para unha boa causa.

📍 Puntos de venda en Santiago:

🛍️ A tenda de María – San Pedro de Mezonzo, 24

🧸 CHIMPOS – República do Salvador, 4

🐾 Clínica Veterinaria SAN ROQUE – Avda. de Viguri, 45

Mercando o calendario colaboras directamente cunha iniciativa solidaria que marca a diferenza. Grazas a todas as persoas e comercios que o fan posible, e a quen decide apoiar 💛

📆 Non quedes sen o teu. Cada páxina conta.

13/12/2025

13/12/2025

Estimados amigos, 

¡Temos unha proposta súper doce e divertida para a tarde de maña, sábado 13 de decembro na Praza do Obradoiro!

¡¡Esperámosvos alí!!

Detalles Clave da Cita Solidaria:

🗓 Data: Sábado, 13 de Diciembre.

📍 Lugar: Praza do Obradoiro, Santiago de Compostela.

⏱ Horario: ¡A partir das 17:00h!

🎄Elaboración dunha manualidade Navideña para os máis pequenos e pequenas 🤗

🤝 Colaboradores: Grazas o Concello de Santiago, a Churrería La Quinta e A Alacena de Cris ofreceremos un chocolate (sen gluten) e churros de calidade 10, ademáis dun biscoito sen glutén por suposto!

¿Cómo participar?

Achégate ó posto da Obra Social Pediatría e realiza unha doaznón de 5€. A cambio, recibirás inmediatamente a túa Taza e un Chocolate quentiño  con churros/ biscoito.

Todo o recaudado destinarase íntegramente ós programas da Obra Social Pediatría en apoio ás crianzas hospitalizadas e ós pacientes que acoden ó Hospital Clínico de Santiago (Urxencias, CCEE...)

¡Agardámoste no Obradoiro para un nadal solidario!

de Santiago

09/12/2025

📸 Hoxe non ensinamos unha foto, ensinamos un motivo.
O making off é só a superficie…
Debaixo hai nenos e nenas que precisan apoio, actividades, coidadores, oportunidades.

💛 Este calendario non é un recordo para a parede,
é unha ferramenta para cambiarlles o día, o ano, e ás veces a vida.

Comprando un calendario estás iluminando un sorriso no CPEE A Barcia.

06/12/2025

🔴 41 días despois… Santiago volve quedar sen Bombeiros.
A cidade patrimonio da humanidade, referencia mundial e destino turístico permanente, volve hoxe vivir o que durante máis de 100 anos nunca sucedera: 3 bombeiros, ningún mando, e un servizo inoperativo.

Desde aquel 27 de outubro, onde se cruzou unha liña histórica, non houbo nin un só día no que se cumpriran os mínimos, e a situación, lonxe de mellorar, agravouse ata normalizar o inaceptable. Hoxe repetimos escenario: Santiago sen o servizo profesional que a súa cidadanía merece.

E, mentres tanto, desde a administración lánzanse mensaxes que nos sinalan como se aquí só importase o diñeiro, como se reclamar medios, persoal e seguridade fora un capricho, como se arriscar a vida 24 horas, festivos, noites, Nadal e cando todos descansan, se pagase con silenzos e parches.

Pero é máis grave aínda: difúndense datos de nóminas e supostas subas salariais moi diferentes das reais, alimentando un relato que busca desviar o foco do problema principal: a falta de medios humanos e operativos para garantir a seguridade dunha cidade enteira.

Porque a realidade crúa é esta:

➡️ Ante a mínima emerxencia, Santiago precisa apoio externo.

➡️ Os políticos aparecen no lugar do sinistro para a foto, pero quen entra na casa en chamas, quen excarcela, quen rescata, quen respira fume e carga co peso real da emerxencia… somos nós.

Non pedimos privilexios. Pedimos non ter que xogar á ruleta rusa con vidas humanas.
Non falamos de números, falamos de persoas atrapadas, de incendios en edificios cheos de xente, de accidentes ás 3 da mañá, de chegar ou non chegar a tempo.

A pregunta é dura, pero inevitábel:

🟥 Canto tempo máis se vai soster esta mentira de que Santiago está seguro?

🟥 Quen asumirá a responsabilidade cando o azar deixe de estar da nosa parte?

Porque hoxe, outra vez, Santiago está sen bombeiros.
E non por falta de vocación ou responsabilidade, senón por falta de vontade política.

06/12/2025

🔍 Dúas cidades, realidades moi diferentes. Un mesmo risco, pero respostas totalmente desiguais.

Toledo e Santiago de Compostela comparten numerosos trazos:

📌 Casco histórico protexido e de alto valor patrimonial.

📌 Rúas estreitas, accesos complexos e edificación antiga.

📌 Fluxo continuo de turismo e actividade cultural.

📌 Edificios residenciais en altura e densidade de poboación similar.

E con todo, hai un dato que debería facernos parar a pensar:

Santiago → arredor de 98.000 habitantes.
Toledo → arredor de 86.000 habitantes.

Santiago ten máis poboación, máis visitantes anuais, máis eventos masivos, entrada da AP-9, paso da SC-20, tráfico pesado, edificios históricos como a Catedral e o entorno monumental declarado Patrimonio da Humanidade… pero conta cun servizo de bombeiros estruturalmente inferior ao da cidade manchega.

---

🔥 Intervención en Toledo (na imaxe 1) mobilizáronse 20 profesionais e aínda quedou persoal no parque para outra emerxencia.
Coordinación, relevos, equipos simultáneos e cobertura garantida

---

🔥 Realidade en Santiago ( imaxe 2)

No mellor dos días traballamos con 9 efectivos.

O PEMU obriga a 12 bombeiros operativos, cifra que leva anos sen cumprirse, situando á cidade nun escenario crónico de mínimos e, demasiadas veces, de inoperatividade.

---

❗ A pregunta xa non é retórica, é directa:

Como é posible que unha cidade maior, capital de comunidade, con máis exposición ao risco e un patrimonio incalculable, poida ser atendida por dotacións tan inferiores ás doutra con características similares?

En Toledo, con 20 profesionais, un incendio como o da foto resolveuse sen vítimas. A coordinación, os relevos, as entradas simultáneas, o apoio no parque… todo suma cando falamos de vidas.

En Santiago, ante un escenario semellante, con 9 bombeiros… podemos garantir o mesmo resultado?
Sabemos traballar, sabemos responder, pero non se pode suplir con vontade o que falta en medios humanos.

---
Non se trata de comparacións para competir, senón para entender o que está en xogo.

O patrimonio, a vida e o futuro de Santiago merecen algo máis que mínimos.
Merecen un servizo preparado para o peor, non sostido polo mellor dos casos

01/12/2025

🔴 Accidente de tráfico grave ás 06:50 da mañá.
Tres vehículos implicados.
Unha persoa atrapada.
E só 3 bombeiros para atender toda a intervención.

Esta é a realidade que vivimos hoxe no parque de Santiago: unha emerxencia complexa, de madrugada, que require coordinación, seguridade e medios… afrontada cun equipo reducido ao límite, novamente por debaixo dos mínimos establecidos para garantir unha resposta adecuada.

A intervención foi realizada coa máxima profesionalidade posible, pero non se pode normalizar que situacións de alto risco se atendan con dotacións insuficientes. Cada minuto conta, cada par de mans conta… e hoxe faltaban.

Non falamos de comodidade, falamos de vidas. Falamos de actuar nun escenario con múltiples vehículos, manobras de excarceración e riscos engadidos… con só tres bombeiros dispoñibles.

É outra proba máis da crítica situación que atravesa o servizo, que leva semanas sen cumprir os mínimos e que acumula xornadas de inoperatividade total. E mentres tanto, a cidadanía segue dependendo dun sistema que non está sendo protexido nin reforzado por quen debería.

Hoxe puido saír ben.

30/11/2025

48 HORAS CONSECUTIVAS SEN OPERATIVIDADE REAL.
Hoxe, luns 1 de decembro, o servizo arrinca outra vez con 3 bombeiros para toda a cidade de Santiago. Tres. Para unha capital autonómica, patrimonio da humanidade e con máis de 100.000 habitantes.

Non estamos falando dun feito illado nin dun “mal día”:
➡ Son dous días completos nos que Santiago non contou cun servizo de emerxencias capaz de responder ao mínimo esixible.
➡ Dous días nos que a cidade quedou á sorte de que non coincidisen dúas emerxencias.
➡ Dous días nos que os bombeiros traballamos expostos, sabendo que calquera intervención medianamente complexa xa supera as nosas capacidades.

E hoxe seguimos igual. Sen reforzos. Sen planificación. Sen respostas.

Un servizo que debería ser intocable, estable e prioritario está reducido a un equipo que non pode garantir tempos de resposta nin protocolos de seguridade, nin para a cidadanía nin para nós mesmos.

A situación leva demasiado tempo derivando nunha emerxencia institucional.

Dúas xornadas completas sen reacción, sen medidas e sen previsión. A inacción é xa tan grave como o propio risco que estamos a denunciar.

Canto máis está disposta a soportar esta cidade antes de que alguén asuma responsabilidades?

29/11/2025

Hoxe, de novo, só 3 bombeiros e un mando para toda a cidade de Santiago.
Un servizo esencial completamente inopertivo, incapaz de garantir unha resposta mínima ante unha emerxencia, xa non imaxinamos duas simultáneas. E así levamos máis dun mes seguido, día tras día, sen cumprir os mínimos esixidos… e sen unha soa solución por parte da administración.

A situación xa non é grave: é extremadamente perigosa.
Os parques de Ordes, Arzúa e Ribeira —os que deberían darnos apoio cando Santiago non pode responder— tamén están sufrindo peches e falta de persoal.
É dicir: os que nos teñen que rescatar, tampouco teñen con quen facelo.

A día de hoxe, Santiago, capital de Galicia e cidade patrimonio da humanidade, depende dun sistema que non é operativo, non é seguro e non está garantido.
Un sistema que deixa á cidadanía desprotexida e aos bombeiros expostos.

Estamos traballando nun escenario no que unha única emerxencia importante pode colapsar completamente o servizo. Cada minuto que pasa así, estase xogando coas vidas das persoas e coa integridade dun equipo que leva meses ao límite.

E mentres tanto, quen debería actuar limítase a botar balóns fóra, falar de herdanzas e culpas pasadas, mentres a cidade queda sen resposta real.

A pregunta xa non é “canto máis vai durar isto?”.
A pregunta é: canto tempo máis imos ter que confiar na sorte para que non pase unha traxedia?

28/11/2025

Hoxe queremos compartir algo moi especial.
Estamos a preparar un calendario solidario xunto co ANPA do CPEE A Barcia (Laraño, Santiago de Compostela).

Toda a recadación irá integramente destinada a financiar actividades para o alumnado, actividades que precisan persoal cuidador para poder desenvolverse con seguridade e garantías.

Detrás de cada foto hai ilusión, colaboración e compromiso.
E hoxe abrimos unha ventá ao que non se ve: o traballo, as risas e a unión deste proxecto tan necesario.

💛 Porque apoiar á comunidade tamén forma parte do noso servizo.
💛 Porque cada neno e nena merece todas as oportunidades.

Aquí vos deixamos o making of deste calendario tan especial.
Grazas a todas as persoas que o facedes posible.