Consorcio de Santiago

08/06/2026

🏛️🧱 O CEGOR 2026, o curso que a Fundación Laboral de la Construcción Galicia organiza en colaboración co Consorcio de Santiago, viviu esta semana dúas xornadas moi especiais dedicadas ao coñecemento da arquitectura tradicional e os seus sistemas construtivos.

👨‍🏫 O profesor Mariano Vázquez Espí, da Escola de Arquitectura de Madrid e investigador de referencia no ámbito das estruturas e da construción, impartiu a lección maxistral “Muros e outras fábricas da arquitectura preindustrial”, unha sesión que serviu tamén como homenaxe ao arquitecto Eloy Algorri, referente excepcional na historia da construción e da arquitectura, falecido o pasado mes de xaneiro.

🌡️ Pola súa banda, o arquitecto Alejandro Cabeza, profesor da Escola de Arquitectura de Valladolid, abordou na súa clase “A inercia térmica como oportunidade” cuestións innovadoras para comprender o comportamento higrotérmico dos muros tradicionais e a lóxica enerxética das arquitecturas masivas preindustriais.

05/06/2026

🏛️ Nas visitas técnicas previas do programa Ter é Manter atopamos pequenas pegadas da historia que forman parte da identidade da cidade.

Detalles en pedra, elementos ornamentais e solucións construtivas tradicionais que, grazas á conservación e ao mantemento, poden seguir formando parte da paisaxe histórica de Santiago de Compostela.

Coidar o patrimonio é tamén preservar a esencia, a memoria e o carácter único dos nosos edificios.

🏠 A cultura do mantemento é clave para a conservación sostible do patrimonio que está ao noso coidado.

02/06/2026

02/06/2026

🏛️✨ A alcaldesa de Santiago e presidenta do Consorcio, Goretti Sanmartín Rei, visitou hoxe o Palacio De Congresos Y Exposiciones De Galicia xunto ao xerente do Consorcio, José Antonio Domínguez Varela; o director da área de Operacións de Eurostars, José María Barrán; e a directora do Palacio de Congresos, Belén Montero.

🔧 A visita permitiu coñecer os resultados da renovación e ampliación da cociña do edificio, unha actuación na que o Consorcio investiu preto de 800.000 euros e que permite ofrecer ata 1.500 xantares simultáneos, mellorando ademais a eficiencia enerxética e a capacidade operativa deste espazo.

🏗️ Entre 2024 e 2026, o Consorcio investirá un total de 4,4 millóns de euros no Palacio de Congresos, incluíndo a renovación da cuberta, a modernización da cociña e a próxima substitución das carpinterías para mellorar a accesibilidade, o illamento térmico e acústico e a eficiencia enerxética.

📍 O Palacio de Congresos e Exposicións de Galicia conta con 15.000 m² e capacidade para 2.100 persoas, consolidándose como un espazo clave para o turismo de negocios, a actividade profesional, cultural e social de Santiago de Compostela.

29/05/2026

🏛️🔬 A restauración das fachadas sur e leste do claustro da Facultade de Xeografía e Historia segue avanzando da man do Consorcio de Santiago, dentro dos traballos de conservación deste inmoble histórico.

🔧 Na intervención levouse a cabo a retirada de pezas metálicas incorporadas ás fachadas ao longo do tempo e alleas á configuración orixinal do edificio.

🏗️ Unha actuación que contribúe á conservación e recuperación dos paramentos pétreos deste inmoble histórico.

29/05/2026

🏠 Grazas ás axudas do programa “Ter é Manter”, realizouse o pintado desta fachada da Cidade Histórica de Santiago de Compostela, contribuíndo á conservación da súa imaxe tradicional e á mellora da envolvente exterior do inmoble.

🎨 Pequenas actuacións de mantemento que axudan a conservar e poñer en valor o patrimonio arquitectónico da cidade.

📅 Hoxe é o último día para realizar as solicitudes para a convocatoria, a través da sede electrónica do Consorcio de Santiago ou de maneira presencial no rexistro do organismo (Rúa do Vilar, 59).

29/05/2026

Inacio Vilariño, ao texto, e Iván Suárez, ao debuxo, únense en Bestiario das alturas (Alvarellos) para recuperar a memoria dos escalatorres, artistas popular...

28/05/2026

Grazas ás axudas do programa “Ter é Manter” 🏠✨, levouse a cabo a sustitución das carpinterías tradicionais neste inmoble da Cidade Histórica de Santiago de Compostela, contribuíndo a manter a súa esencia e identidade arquitectónica.

🪟 Estas actuacións permiten conservar o aspecto característico dos inmobles históricos e reforzar o valor do patrimonio cultural da cidade.

📅 O prazo de solicitude desta convocatoria pechará este venres 29 de maio. As solicitudes poden presentarse a través da sede electrónica do Consorcio de Santiago ou de maneira presencial no rexistro do organismo (Rúa do Vilar, 59).

28/05/2026

27/05/2026

🏛️✨ Patrimonio, música, rehabilitación e cultura foron os protagonistas dunha nova edición da Semana da Administración Aberta do Consorcio de Santiago.

🎶 Desde os ensaios da Real Filharmonía de Galicia ata o Pazo de Vaamonde, pasando por intervencións de rehabilitación e lugares emblemáticos da cidade, vivimos unha semana pensada para coñecer mellor o Consorcio de Santiago e descubrir outra mirada sobre Compostela.

👏 Grazas a todas as persoas que participastes e fixestes desta edición unha experiencia tan especial!