Biblioteca de Ciencias da Comunicación - USC

15/06/2026

O Colexio de Fonseca acolle ata o vindeiro 11 de xullo a segunda edición de “A Galicia inédita. Unha ollada diferente do fotoxornalismo galego”, unha exposición organizada pola Asociación Profesional de Fotoxornalistas de Galicia (APFG) e a Asociación de Periodistas de Galicia (APG) que reúne 92 imaxes de profesionais da prensa gráfica galega.

A mostra reivindica o traballo dos fotoxornalistas como testemuñas da nosa realidade, ofrecendo unha visión diversa e humana da Galicia actual a través de fotografías que retratan paisaxes, tradicións, cultura, actualidade.

https://www.usc.gal/gl/xornal/novas/galicia-inedita-mostra-fotoxornalismo-comprender-mellor-quen-sociedade

08/06/2026

Iacobus, o catálogo da BUSC, presenta unha nova aparencia. Descubre unha interface máis moderna e intuitiva e aproveita todas as súas posibilidades:

https://iacobus.usc.gal/nde/home?vid=34CISUG_USC:NDE&lang=gl

04/06/2026

Despedimos a Marjane Satrapi (1969-2026), escritora, ilustradora e cineasta franco-iraniana, autora da inesquecible "Persépole", "Bordados" ou "Pollo con ciruelas"

Desde a biblioteca queremos render homenaxe á súa voz valente, que fixo da banda deseñada unha poderosa ferramenta de memoria, reflexión e diálogo intercultural: https://acortar.link/0UXMUG

02/06/2026

Está activado o préstamo de verán nas bibliotecas da USC

29/05/2026

22/05/2026

Lois Alcayde Dans revisa a traxectoria de Begoña Caamaño como unha das voces máis lúcidas e comprometidas do xornalismo galego contemporáneo.

Begoña Caamaño e a prensa galega

21/05/2026

Damos conta da incorporación da colección fotográfica de Ton van Vliet aos fondos do Museo do Pobo Galego: máis de 2.000 negativos e centos de imaxes tomadas en Agolada entre 1978 e 1984, un retrato da vida cotiá na Galicia rural durante os primeiros anos da democracia.

https://museodopobo.gal/gl/nova/coleccion-fotografica-de-ton-van-vliet-incoporase-aos-fondos-do-museo-do-pobo-galego?accesible=true

Na nosa biblioteca podedes atopar "O pálpito interior" (2022), que reúne parte deste extraordinario traballo fotográfico de Ton van Vliet xunto cun texto literario de Luisa Castro. Un libro no que imaxe e palabra dialogan coa memoria, a identidade e a capacidade da fotografía para conectar culturas, territorios e xeracións. https://acortar.link/zHGRXU

20/05/2026

A FaCom convértese estes días nun espazo para a memoria e a reflexión sobre o xornalismo 📰

🗞️ No corredor que vai do hall ao auditorio poderás visitar a exposición que percorre os 80 anos de traxectoria da Asociación de Periodistas de Santiago, poñendo en valor o papel da profesión na vida pública e social da cidade.

13/05/2026

Informamos de que a biblioteca permanecerá pechada mañá, día 14, con motivo das Festas da Ascensión.

Desexámosvos que desfrutedes destes días de celebración na cidade, cheos de música, tradición e bo ambiente.

07/05/2026

José María Cruz Novillo foi unha figura esencial do deseño gráfico contemporáneo e autor de algunhas das imaxes máis recoñecibles da nosa memoria colectiva. Seus foron os logotipos de Correos, Renfe, Repsol, Endesa ou RTVE, ademais de símbolos institucionais e culturais que acompañaron a transformación visual da España democrática.

A súa creatividade deixou tamén pegada no mundo do cinema, a través de carteis xa icónicos para películas de Carlos Saura, Víctor Erice ou Berlanga, nos que converteu o deseño gráfico nunha auténtica expresión artística.

https://www.rtve.es/television/20260503/jose-maria-cruz-novillo-logos/17051479.shtml