Lunes 09:00 - 14:00 15:45 - 20:30 Martes 09:00 - 14:00 15:45 - 20:30 Miércoles 09:00 - 14:00 15:45 - 20:30 Jueves 09:00 - 14:00 15:45 - 20:30 Viernes 09:00 - 14:00 15:45 - 20:30 Sábado 09:00 - 13:00

Biblioteca Municipal de Tui

Casa
España
Túy
Biblioteca Municipal de Tui

Páxina oficial de Facebook da Biblioteca Pública Municipal de Tui

05/06/2026

Fóisenos Marjane Satrapi, pero quedan as súas obras, con esa rebeldía amable que as caracteriza.
Na biblioteca temos os seus comics, a película, e a súa visión dun Irán que aínda non existe.

04/06/2026

Este venres, día 5 de xuño, ás 20.00 h., no Espazo Cultural da rúa Camilo José Cela de Tui, terá lugar a presentación da obra colectiva "Patrimonio lúdico galego: investigación, recursos e divulgación dos xogos tradicionais."

A obra marcará un antes e un despois no estudo dos nosos xogos, pois é o primeiro volume que logra reunir estudos e iniciativas ata o momento dispersas e que corroboran a boa saúde do patrimonio lúdico galego.
Os xogos tradicionais son unha das manifestacións culturais que máis nos identifica aos galegos e ás galegas como pobo. Galicia é un país enormemente rico en xogos, e a súa posta en valor é unha tarefa que leva décadas desenvolvéndose.

25/05/2026

Este mércores 27 de maio, ás 17.30 h., acollemos un contacontos para bebés a cargo de Caxoto, que presenta o seu espectáculo “Levántate Xan!!!”.

Esta sesión está dirixida aos cativos de 1 a 3 anos de idade, acompañados dunha persoa adulta.
Unha función chea de animais, pequenas historias e cantigas para recrear o día a día na granxa de Xan, cun argumento que Caxoto resume así: É noite nesta granxa de Xan. Soa un espertador. Como todas as mañás o galo érguese antes de que saia o sol, sube ao alto do tellado e disponse a cantar dándolle permiso ao Sol para que apareza detrás das montañas. Pero ese día algo sae mal. O galo non ten forzas para cantar; e se o galo non canta todo o mundo sabe que o sol non se levanta... Non será que Xan se esqueceu de darlle a cea aos animais antes de ir para a cama a noite anterior?

25/05/2026

Marilyn Monroe cumpriría o vindeiro 1 de xuño 100 anos. Con motivo deste centenario, hoxe centramos a nosa conversa na súa figura a través do cine. Ramón Nogueira, auxiliar do centro bibliotecario tudense - Biblioteca Municipal de Tui - , destacou biografías e películas que forman parte da biblioteca de Daniel Domínguez, e que se poden levar en préstamo.

▶ https://go.ivoox.com/rf/174296460

18/05/2026

Celebramos o Día das Letras Galegas coa XXVII Feira do Libro Galego na praza da Inmaculada.

📚Este ano contará cunha decena de postos de venda de libros a cargo da Libraría Nobel Espazo Lector de Tui e cun amplo programa de actividades ao longo da xornada.

Programa domingo 17

📃 Ás 12.00 h Lectura do pregón a cargo da poeta de Valença e animadora de diversos clubs de lectura da zona do Minho, María José Areal.

🎸Ás 12.30 h Actuación de Brais das Hortas co seu espectáculo “Comisión de festas”, unha proposta que combina música infantil, humor e teatro nun espectáculo participativo no que o público terá un papel protagonista.

🐉Ás 18.30 h Espectáculo de monicreques: “Xela e dragón” a cargo do grupo Barriga Verde

🎼Ás 20.00 h Concerto do grupo de pandereteiras da asociación cultural tudense “Darraia”

18/05/2026

Este mércores seguimos coa programación de cun contacontos. Na Biblioteca Municipal de Tui estará Cris de Caldas con "Tantarantiña".

🗓️ Mércores 20 ás 17.30 h 📍 Biblioteca Municipal de Tui

15/05/2026

Este domingo celebraremos o Día das Letras Galegas coa XXVII Feira do Libro Galego na praza da Inmaculada.

📖 Postos de venda de libros a cargo da Libraría Nobel Espazo Lector de Tui.
🕛 Ás 12.00 h. Lectura do pregón a cargo da poeta de Valença, María José Areal.
🎼 Ás 12.30 h. Actuación infantil con Brais das Hortas co seu espectáculo “Comisión de festas”.
🐉 Ás 18.30 h. Barriga Verde presenta o espectáculo de monicreques: “Xela e dragón”
🎶 Ás 20.00 h. Concerto do grupo de pandereteiras da Asociación Cultural Darraia

+info en tui.gal

14/05/2026

Mañá venres, 15 de maio, ás 19 h, inaugúrase a exposición “Reflexións coa voz tapada” Xulio M. Sigüenza.
A mostra poderá visitarse na Sala Municipal do Edificio Francisco Sánchez de Tui até o 30 de maio.

O seu autor, Xulio M. Sigüenza, invítanos unha vez máis dende a súa particular visión irónica, artística e filosófica, para avivar o pensamento crítico, esta vez da man de Étienne de la Boétie, quen alá polo século XVI, xa nos advertía sobre o perigo da servidume voluntaria.

Para a concelleira de ensino, cultura e mocidade do Concello de Tui esta exposición destaca pola súa orixinalidade e a súa capacidade para promover no espectador a reflexión sobre as nosas actividades e actitudes cotiás. Nunha nova ocasión Xulio M. Sigüenza achégase á Sala Municipal de Exposicións de Tui para ofrecernos estas instalacións a camiño entre a figuración e o concepto, a arte e o pensamento.

12/05/2026

A XVII edición do Tui Le vaise desenvolver mañá mércores no Teatro Municipal. Será un encontro de todos os centros escolares tudenses arredor dos libros e lectura.

Haberá intercambio de libros, presentación de cartaces, actuacións poéticas, teatrais e musicais dos propios escolares e o espectáculo "Ollo Piollo", de Barafunda, para os máis pequenos.

Unha gran xuntanza festiva arredor das letras no noso xa tradicional Tui Le.

Dirección

Rúa Colón, 2
Túy
36700

Horario de Apertura

Lunes	09:00 - 14:00
	15:45 - 20:30
Martes	09:00 - 14:00
	15:45 - 20:30
Miércoles	09:00 - 14:00
	15:45 - 20:30
Jueves	09:00 - 14:00
	15:45 - 20:30
Viernes	09:00 - 14:00
	15:45 - 20:30
Sábado	09:00 - 13:00

Página web

https://www.bibliotecaspublicas.es/tui/

Notificaciones

Sé el primero en enterarse y déjanos enviarle un correo electrónico cuando Biblioteca Municipal de Tui publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.