Unitat d'Aran

Casa
España
Viella
Unitat d'Aran

Benvengut/da ara Plana Oficiau de Facebook d'Unitat d'Aran. Eth nòste projècte ei Aran, Aran ès tu

08/09/2026

👩🏼‍🏫 Comence eth nau cors escolar 2026-27! Es escolans e escolanes tornen tàs aules des escòles araneses e der Institut d’Aran, en tot encetar un nau cors plen de naui aprenedissatges, experiéncies e moments compartidi.

💪🏽 D’Unitat d’Aran estant, les desiram un fòrça bon cors a toti e a totes: escolans e escolanes, mèstres, professorat e familhes. Demoram que sigue un cors de naues oportunitats, naui rèptes e projèctes de futur.

📚 Bona tornada tara escòla!

06/09/2026

ES NÒSTES RECOMANACIONS

📖 Aguest mes vos recomanam: Era novèla La península de las casas vacías, de David Uclés, ua novèla que combine istòria e realisme magic entà recuperar era memòria d’un país a trauès des sòns personatges. Ua òbra intensa, emocionanta e fòrça evocadora que convide a rebrembar, reflexionar e compréner coma es grani conflictes mèrquen era vida des persones fòrça mès enlà deth camp de batalha. Ua lectura que dèishe ua prigonda peada.

🗞️ Lieg mès en https://vediau.com/2026/07/31/la-peninsula-de-las-casas-vacias/

03/09/2026

🏥 Aran Salut incorpòre un nau programa d’acompanhament quirurgic entà ua atencion sanitària mès proxima

Eth nau programa d’acompanhament quirurgic que dejà se trape en foncionament d’ençà deth passat mes de mai, permet era preséncia d’un familiar en determinades intervencions pediatriques e enes cessàries programades. Aguesta iniciativa, impulsada peth govèrn d’Unitat d’Aran en Conselh Generau d’Aran, represente un nau pas ena umanizacion dera atencion sanitària, en tot situar as persones e eth sòn benèster emocionau en centre dera assisténcia.

🗞️ Lieg era notícia complèta en https://vediau.com/2026/07/31/aran-salut-incorpore-un-nau-programa-dacompanhament-quirurgic-enta-ua-atencion-sanitaria-mes-proxima/

06/08/2026

🔬 Refortilham era capacitat diagnostica der Espitau Val d’Aran

Garantir ua sanitat de qualitat en un territòri de montanha coma Aran requerís infraestructures adaptades e capacitat de responsa pròpria. Era modernizacion deth laboratòri der Espitau Val d’Aran represente un nau pas entà refortilhar eth sistèma sanitari aranés, en tot mielhorar era eficàcia diagnostica e redusir era dependéncia de centres extèrns.

🗞️ Lieg era notícia complèta en https://vediau.com/2026/06/14/refortilham-era-capacitat-diagnostica-der-espitau-val-daran/

02/08/2026

🗣️ VOTZES D’ARAN: José Tarrau Caseny, persona estretament ligada ara vida sociau e politica de Bagergue e militant istoric d’Unitat d’Aran.

Neishut en 1943, a desvolopat ua longa trajectòria mercada peth trabalh ena pagesia, era montanha e er esperit de servici ath sòn pòble, en tot compaginar era sua activitat professionau damb era implicacion publica e comunitària.

Ath long des ans, a exercit cargues de responsabilitat locau e a contribusit ara mielhora deth sòn pòble e municipi, en tot mantier tostemp un fòrt compromís damb eth territòri e era sua gent.

🗞️ Lieg mès en https://vediau.com/2026/06/27/jose-tarrau-caseny/

29/07/2026

🎲 CORNÈRS DE CASA

Era lengua non ei sonque çò que se parle, senon tanben çò que se jògue, se compartís e se descorbís enes causes mès quotidianes. Cornèrs de casa ei un espaci dedicat a mantier viu er aranés a trauès de jòcs e activitats que mos apròpen ara cultura pròpria d’ua manèra participativa. Vos convidam un còp mès a connectar damb era lengua e a hèr-la víuer.

🗞️ Trapa-les en https://vediau.com/2026/06/22/saucer-de-letres-endonvietes-e-arreperveris-junh-2026/

26/07/2026

🗝️ Aué era Corsa d'Aran per sa Lengua mos amasse un an mès entà celebrar e reivindicar, damb fòrça e convenciment, er aranés, rason d'èster dera nòsta identitat coma pòble, en tot reafirmar eth compromís collectiu damb era sua proteccion, foment e impuls.

Er aranés ei fòrça mès qu'ua lengua. Ei era manèra d'enténer, de víuer e de transméter era nòsta cultura, era nòsta istòria e era nòsta forma d'èster.

D'Unitat d'Aran estant, contunham trabalhant entà garantir e impulsar era nòsta lengua coma ua lengua viua, fòrta e present ena vida vidanta dera nòsta societat.

22/07/2026

📰 Transformar eth present, premanir eth futur: municipalisme actiu

🗣️ Article d’Andreu Cortés, Alcalde de Les e Conselhèr d’Abitatge e Agenda Urbana.

🏔️ En aguest article, Andreu Cortés compartís era sua vision sus era importància de governar d’ençà dera proximitat, era planificacion e era responsabilitat, entà hèr tèsta as rèptes presents e premanir eth municipi tath futur, en tot reivindicar ua accion de govèrn basada enes persones, es oportunitats e eth desvolopament sostenible dera comunautat.

🗞️ Lieg er article complet en https://vediau.com/2026/06/30/transformar-eth-present-premanir-eth-futur-municipalisme-actiu/

19/07/2026

ES NÒSTES RECOMANACIONS

📖 Aguest mes vos recomanam era pellicula: “Le Otto Montagne” (Es ueit montanhes), de Félix Van Groeningen e Charlotte Vandermeersch, basada ena novèla de Paolo Cognetti. Ambientada enes Aups italians, ei ua istòria delicada sus era amistat, era memòria e eth ligam damb era montanha. A trauès dera vida de Pietro e Bruno, eth film convide a contemplar era natura coma espaci de vida, identitat e emocion.

🗞️ Lieg mès en https://vediau.com/2026/06/13/le-otto-montagne/

Dirección

Molières, 2, Blòc 1, Locau 5
Viella
25530

Página web

http://www.unitatdaran.org/

Notificaciones

Sé el primero en enterarse y déjanos enviarle un correo electrónico cuando Unitat d'Aran publique noticias y promociones. Su dirección de correo electrónico no se utilizará para ningún otro fin, y puede darse de baja en cualquier momento.