IES A Basella

07/04/2026

Xa está aberto o prazo para a solicitude de Bolsas e axudas para alumnado de niveles postobrigatorios, bacharelato, FP e estudos universitarios o vindeiro curso 2026/2027. O prazo de presentación de solicitudes estará aberto dende o 7 de abril de 2026 ata o 18 de maio do 2026 ás 15h. Toda a información sobre esta convocatoria atópase no Portal de Becas de Educación.

Los ministerios de Educación y Formación Profesional y de Universidades trabajan para que todas las personas tengan acceso a la carrera que desean.

19/03/2026

Estamos de noraboa, o noso IES foi recoñecido como centro de excelencia en Meteoescolas por un proxecto que combinou ciencia, educación e realidade local. O traballo centrouse en analizar a relación entre a meteoroloxía e a producción de mexillón, transformando os datos do tempo nunha ferramenta educativa vinculada á economía e á vida da comarca.

O alumnado do instituto rexistrou datos diarios con instrumentos proporcionados por MeteoGalicia e comparounos cos rexistros oficiais, entendendo como variables meteorolóxicas e oceanográficas afectan o sector mexillonero. Complementaron o proxecto con actividades prácticas, como charlas do CIMA e visitas a centros de formación e a MeteoGalicia, que lles amosaron a importancia do traballo en equipo e de distintas titulacións científicas.

19/12/2025

Este ano, no noso centro, o Club de Ciencias puxo mans á obra para deseñar e construís unha árbore matemática de Nadal seguindo a tradición que comezón hai dios anos. O alumnado traballou con patróns xeométricos, rectas envolventes e deseños de bolas con motivos STEM.

Ademais, o Comité de Solidariedade levou a cabo a tradicional recollida de alimentos destinada ás persoas máis necesitadas nestas datas. Grazas á implicación de toda a comunidade educativa —alumnado, profesorado e familias— este ano conseguimos recoller 64 kg de alimentos, unha cifra que reflicte o compromiso da nosa comunidade.

Dúas accións diferentes pero cun mesmo fondo: aprender a construír un mundo mellor.

09/11/2025

Desde Polos Creativos organizamos un concurso de deseño en 3D para o alumnado da ESO. Animádevos a participar.

09/11/2025

Rimas, improvisación e RAP

O venres, 7 de novembro, tivemos un obradoiro de rimas e batallas de galos que o alumnado de 4º de ESO puido desfrutar da man da organización O Son do Sar.

A través do RAP e da improvisación oral, o alumnado explorou novas formas de expresión artística e emocional, traballando a escoita activa, o respecto polas opinións alleas.

09/11/2025

Novembro é sinónimo de Magosto. Celebramos o nosos magosto no que todo o alumnado participou en xogos populares e tradicionais de Galicia e puido coñecer as tradicións galegas. Fomentamos a participación colectiva.

Enjoy the videos and music you love, upload original content, and share it all with friends, family, and the world on YouTube.

09/11/2025

Para comezar novembro, o alumnado de 3º de ESO participou nun obradoiro de tenis de mesa organizado pola Asociación de Tenis de Mesa de Cambados, dentro do programa XOGADE. Durante a actividade, puideron coñecer as regras deste deporte e animarse a probar e participar nas propostas do obradoio. Creamos así afición e melloramos a súa vida activa.

22/09/2025

Apúntate e participa!

17/09/2025

Estimadas familias:

Convidámosvos a participar na primeira reunión do curso escolar, que terá lugar o vindeiro martes 23 de setembro ás 18:15.

Estamos convencidos de que a comunicación entre a escola e as familias é clave para o bo desenvolvemento académico e persoal do noso alumnado.

Durante a reunión, os titores presentarán os obxectivos principais do curso e resolverán as vosas dúbidas para que nos permitan acompañar de maneira conxunta ás vosas fillas e fillos nesta etapa.

Contamos coa vosa asistencia.

08/09/2025

Benvidos a un novo curso escolar, hoxe comezamos as clases en todas as etapas e cursos, aínda que, cos máis pequenos faremos dinámicas de integración para que a súa entrada no insti sexa máis axeitada.

Estamos seguros de que, con axuda de toda a comunidade educativa: pais, nais, alumnado e profesorado, este será un bo curso.

02/09/2025

Unha vez rematadas as vacacións de verán, é unha grande satisfacción darlles a benvida a este novo curso académico 2025-2026 en nome de todo o equipo que conformamos o IES A Basella.

Agardamos que sexa un ano cheo de aprendizaxes, ilusións e boas experiencias, no que, como sempre, contaremos cunha comunicación próxima e constante co alumnado e coas súas familias.

Lembrámoslles que o vindeiro luns 8 de setembro dará comezo o curso para as etapas de Secundaria e Bacharelato co seguinte horario de presentacións.

Ao remate das mesmas comezarán as clases no seu horario.