Concello De Zas Actualidade Municipal

08/09/2026

𝐑𝐞𝐜𝐮𝐩𝐞𝐫𝐚𝐦𝐨𝐬 𝐨 𝐥𝐚𝐯𝐚𝐝𝐨𝐢𝐫𝐨 𝐝𝐨 𝐫𝐞𝐠𝐨 𝐝𝐞 𝐁𝐚𝐫𝐫𝐢𝐚𝐳𝐨́𝐧

Dentro dos traballos de mellora da contorna da 𝐚́𝐫𝐞𝐚 𝐚𝐫𝐪𝐮𝐞𝐨𝐥𝐨́𝐱𝐢𝐜𝐚 𝐝𝐞 𝐏𝐞𝐝𝐫𝐚 𝐝𝐨 𝐀𝐥𝐭𝐚𝐫, o Concello de Zas está levando a cabo a limpeza e renovación completa do lavadoiro situado no rego de Barriazón.

A intervención busca recuperar este elemento do patrimonio tradicional e, ao mesmo tempo, integralo na contorna da excavación arqueolóxica do concello e na paisaxe que o rodea. A actuación aposta por unha recuperación respectuosa coa contorna, 𝐬𝐞𝐧 𝐜𝐞𝐦𝐞𝐧𝐭𝐨 𝐞 𝐞𝐦𝐩𝐫𝐞𝐠𝐚𝐧𝐝𝐨 𝐦𝐚𝐭𝐞𝐫𝐢𝐚𝐢𝐬 𝐚𝐮𝐭𝐨́𝐜𝐭𝐨𝐧𝐨𝐬, para conseguir que o lavadoiro se integre de maneira natural na paisaxe.

A actuación está xa moi avanzada e nos próximos días quedará rematada coa instalación da 𝐜𝐮𝐛𝐞𝐫𝐭𝐚 𝐝𝐞 𝐭𝐞𝐥𝐥𝐚, o último elemento que falta para completar a recuperación.

07/09/2026

🛍️ 𝐇𝐨𝐱𝐞 𝐞́ 𝐨 𝐩𝐫𝐢𝐦𝐞𝐢𝐫𝐨 𝐥𝐮𝐧𝐬 𝐝𝐨 𝐦𝐞𝐬… 𝐞 𝐢𝐬𝐨 𝐬𝐢𝐠𝐧𝐢𝐟𝐢𝐜𝐚 𝐦𝐞𝐫𝐜𝐚𝐝𝐨 𝐞𝐧 𝐙𝐚𝐬! 🛍️

05/09/2026

📖 Unha mirada á vida persoal de Enrique Labarta Pose

Hoxe compartimos este interesante artigo que nos achega a unha faceta menos coñecida da vida de Enrique Labarta Pose.

Baixo o título «Ventura, o desventurado fillo de Enrique Labarta», Chema Rei Lema reconstrúe a vida de Buenaventura Labarta Martínez, fillo do escritor, e acompáñanos nun percorrido pola historia familiar de Labarta: desde o seu nacemento en Cervera de Pisuerga ata os difíciles últimos anos que pasou ingresado no psiquiátrico de Conxo.

Un relato que nos desvela cousas da súa vida persoal e familiar permitindo coñecer mellor o home que estaba detrás do autor e comprender tamén algunhas das circunstancias que marcaron a súa traxectoria vital.

https://www.lavozdegalicia.es/noticia/pontevedra/pontevedra/2026/09/05/ventura-desventurado-fillo-enrique-labarta/0003_202609C5C4991.htm

Crónica histórica | Acabou ingresado no psiquiátrico de Conxo e morreu de gastroenterite

04/09/2026

📢 𝐎𝐅𝐄𝐑𝐓𝐀 𝐃𝐄 𝐄𝐌𝐏𝐑𝐄𝐆𝐎 | OFICIAL / PEÓN DE CARPINTERÍA DE ALUMINIO E PVC

O Concello de Zas informa da publicación dunha nova oferta de emprego para cubrir un posto de oficial / peón de carpintería de aluminio e PVC.

As persoas interesadas poden consultar toda a información sobre requisitos e forma de contacto na imaxe adxunta.

04/09/2026

🎬 Obradoiro de cine dos VI Premios FOUCIÑO

Este martes e mércores desenvolveuse no CSC de Baio o obradoiro de cine dos VI Premios Fouciño, unha iniciativa dirixida á mocidade e centrada, nesta edición, na historia de Baio a través dos seus comercios.

A rapazada participante mergullouse na memoria da vila a través dos seus comercios: entrevistando, preguntando, gravando e descubrindo historias que forman parte do noso tecido comercial. Todo este material servirá de base para a elaboración dunha curtametraxe documental sobre a historia da vila a través dos seus comercios.

O obradoiro permitiu achegar a mocidade ao ámbito audiovisual e, ao mesmo tempo, contribuirá á recuperación e posta en valor da memoria de Baio.

Os nosos parabéns aos Premios Fouciño por esta iniciativa e o noso agradecemento á rapazada participante, así como aos comercios e ás persoas que colaboraron e fixeron posible o desenvolvemento desta actividade.

📸 Compartimos algunhas imaxes das xornadas.

02/09/2026

Un ano máis, os campamentos de verán do Concello de Zas deixáronnos momentos de moita diversión, amizade e moitas experiencias compartidas.

Desde o Concello facemos un importante esforzo económico para manter, como todos os anos, os prezos máis baixos, coa finalidade de facilitar a conciliación das familias e ofrecerlles un pequeno respiro durante o verán. Ao mesmo tempo, buscamos que os rapaces e rapazas poidan desfrutar do seu tempo libre acompañados dos seus amigos e amigas, nun contorno natural e patrimonial tan especial como son as Torres do Allo.

E quen mellor para contar esta experiencia que os propios protagonistas?

🎥 Deixámosvos un pequeno vídeo-resumo cos seus testemuños. Este verán a mellor historia cóntana eles e elas. 😊

01/09/2026

𝐂𝐚𝐧𝐝𝐨 𝐚 𝐜𝐮𝐥𝐭𝐮𝐫𝐚, 𝐚 𝐚𝐫𝐭𝐞𝐬𝐚𝐧𝐢́𝐚 𝐞 𝐨 𝐩𝐚𝐭𝐫𝐢𝐦𝐨𝐧𝐢𝐨 𝐬𝐞 𝐝𝐚𝐧 𝐚 𝐦𝐚𝐧, 𝐩𝐚𝐬𝐚𝐧 𝐜𝐨𝐮𝐬𝐚𝐬 𝐛𝐨𝐧𝐢𝐭𝐚𝐬

As Torres do Allo volveron ser o escenario dunha xornada para desfrutar, compartir e poñer en valor o noso.

O pasado domingo, o 𝐌𝐞𝐫𝐜𝐚𝐝𝐨 𝐝𝐞 𝐀𝐫𝐭𝐞𝐬𝐚𝐧𝐢́𝐚 𝐝𝐞 𝐒𝐚𝐧 𝐑𝐚𝐦𝐨́𝐧 encheu este espazo tan especial de creatividade, música, tradición e moito ambiente, coa participación de 𝟐𝟓 𝐚𝐫𝐭𝐞𝐬𝐚́𝐬 𝐞 𝐚𝐫𝐭𝐞𝐬𝐚́𝐧𝐬 e actividades para todos os públicos.

Artesanía, regueifa con Lupe Blanco, música coa Benofán Charanga e Brais das Hortas, xogos, tradición oral, visita teatralizada con Os Quinquillans Teatro, gastronomía e patrimonio déronse a man ao longo de todo o día nunha cita que medra ano tras ano.

📸 𝐃𝐞𝐢𝐱𝐚́𝐦𝐨𝐬𝐯𝐨𝐬 𝐚𝐥𝐠𝐮𝐧𝐡𝐚𝐬 𝐢𝐦𝐚𝐱𝐞𝐬 𝐝𝐨 𝐪𝐮𝐞 𝐟𝐨𝐢 𝐮𝐧𝐡𝐚 𝐟𝐞𝐫𝐦𝐨𝐬𝐚 𝐱𝐨𝐫𝐧𝐚𝐝𝐚 𝐧𝐚𝐬 𝐓𝐨𝐫𝐫𝐞𝐬 𝐝𝐨 𝐀𝐥𝐥𝐨

Grazas a todas as persoas que a fixestes posible e, especialmente, ás artesás e artesáns que compartiron connosco o seu talento.

👉 https://concellodezas.gal/a-artesania-e-a-musica-enchen-as-torres-do-allo-no-mercado-de-san-ramon/

01/09/2026

🛍️ 𝐇𝐨𝐱𝐞 𝐞́ 𝐝𝐢́𝐚 𝐝𝐞 𝐟𝐞𝐢𝐫𝐨́𝐧 𝐞𝐧 𝐁𝐚𝐢𝐨! 🗓️

Como cada primeiro martes de mes, a 𝐏𝐫𝐚𝐳𝐚 𝐉𝐨𝐫𝐠𝐞 𝐌𝐢𝐫𝐚 convértese no punto de encontro do tradicional feirón. Unha excelente oportunidade para facer as túas compras, descubrir produtos de proximidade e contribuír a apoiar o comercio de aquí. Achégate!

31/08/2026

🏃‍♀️🌙 O Trail Nocturno Cova do Lobo volve deixar pegada en Zas

A sétima edición do Trail Nocturno Cova do Lobo foi todo un éxito, con máis de 90 corredores e corredoras percorrendo os camiños e montes de Zas nunha noite marcada polo deporte, a natureza e o bo ambiente.

🥇 Fabián Amado Espasandín, atleta local, foi o gran triunfador na categoría masculina. Na categoría feminina, a vencedora foi Diana Balboa.

👏 Parabéns a todas e todos os participantes e, especialmente, ás persoas gañadoras das diferentes categorías, incluído o Peketrail.

Unha cita deportiva que é posible grazas ao traballo conxunto do Concello de Zas e da Asociación Monte Brondo, organizadores desta sétima edición, e que ano tras ano contribúe a dar a coñecer o noso territorio a través do deporte e da natureza.

📸 https://www.lavozdegalicia.es/noticia/carballo/2026/08/31/fabian-amado-diana-balboa-triunfaron-trail-nocturno-cova-do-lobo-zas/0003_202608C31C6991.htm

31/08/2026

Onte, no campo de fútbol municipal de San Andrés vivimos unha gran tarde de fútbol coa desputa o ###V Trofeo Concello de Zas.

A tarde comezou co enfrontamento entre o equipo feminino do Sporting Zas e o Xallas F.C. Femenino, que rematou cun 5-0 a favor do noso equipo.

A continuación, os dous equipos federados do concello, Sporting Zas e CD Baio, disputaron o encontro que pechaba a xornada, cun resultado de 1-4 a favor do CD Baio

Cabe destacar a gran afluencia de público e, sobre todo, a gran e fermosa tarde de deporte e convivencia

Dende o Concello queremos agradecer ao Sporting Zas, ao Xallas e ao CD Baio a súa participación e colaboración para facer posible esta xornada e, por suposto, a todos os asistentes ao campo municipal de San Andrés.