East Shewa Communication

03/09/2026

Hojji Gama Qonnaa Ammayyeessuun Oomishni Kilaataraan Gaggeeffamaa Jiru Abdiichaasaa Ta'eera. Keessattuu Milkaa'inni innisheetivii Qamadii Wabii Nyaataa Mirkaneessuun Olitti Birmadummaa Biyyaa Kabachiiseera.

Godina Shawaa Bahaa Aanaa Gumbichuutti Kilaastarri Misooma Qamadii Bokkaan Heektara 31,250 Kan Gandoota Afur Walqunnamsiisu misooma jira.

03/09/2026

Imalli gargaaramtummaa irraa gara omishtummaatti taasifamaa jiru akkasumas dhimmi kenna tajaajila lammummaa dhimma murteessaa of danda’uun ittiin dhugoomu keessaa ijoodha.

”Gargaaramummaa irraa gara oomishtummaatti!’’ mootoo jedhuun yaadama deeggarsa namoomaa humna ofiitiin birmadummaa fi kabaja lammiilee guutuu taasisuuf hojjetamaa jiru akkasumas misooma waloo ijaaruuf hojiin tajaajila lammummaa gannaa karaa qindaa’een hojjetamaa jiru aadaa hojjechuu fi waloomaa guddisuudhaan imala of danda’uuf humna guddaa ta’aa jira.

Godina Shawaa Bahaatti raawwiin hojii kenna tajaajila lammummaa fi imala gargaaramtummaarraa gara oomishtummaatti taasifamaa jiru qoratamee jira.

Gargaarsa alaa seenaa taasisuun humna keessootiin oomishtummaa guddisuuf hojiin raawwatamaa jiru ciminaan itti fufuu qaba kan jedhan Itti Gaafatamtuun Waajjira Paartii Badhaadhinaa Godina Shawaa Bahaa Aadde Almaaz Fayyisaa, hojiin kenna tajaajila lammummaa humna hawaasaa qindeessuun roga hundaan hojjetamaa jiru duudhaa uummata keessa jiru guddisuu fi namooma dagaagsuudhaan namootni deeggarsa argatan akka of danda’aniif humna guddaa waan ta’aa jiruus karaa itti fufinsa qabuun hojjetamaa deemuu qaba jedhan.

Hojiin Kenna tajaajila lammummaa gannaafi sosochiin omishtummaa guddisuudhaan hirkattummaa hambisuuf taasifamaa jiru, badhaadhina hunda-galeessa karaa mirkaneessuu dandeessisuun harcaatii malee akka raawwatamaa deemus kallattiin kaa’amee jira.

03/09/2026

Ijaarsa Dinagdee fi Nageenya Fulla’aatiif Hirmaannaa Dubartootaa Cimsachuun Murteessaa.

Godina Shawaa Bahaa keessatti hirmaannaa dubartootni ijaarsa dinagdee keessatti qaban guddisuu, carraa hojii uumuu fi nageenya fulla’aa mirkaneessuu irratti mariin xiyyeeffannoo gaggeeffamaa jira.

Aanaalee fi Magaalota godinichaa keessatti dubartootni qee’ee isaaniitti hirmaattota akka ta’aniif leenjiinii fi mariin hubannoo cimsu ganda hundatti gaggeeffameera.

Badhaadhina maatii dhugoomsuu fi hoji dhabdummaa hir’isuudhaaf aadaa hojii guddisuu fi carraa hojii ogummaa bu’uureffate babal’isuu irratti xiyyeeffannoon hojjetamaa jira. Keessattuu dubartootni ilaalcha hojii tuffachuu keessaa bahanii aadaa hojjechuu akka cimsataniif hubannoon sadarkaa hundatti kennamaa jira.

Dubartootni muuxannoo fi dandeettii ijaarsa aadaa nagaa qabaniin nageenya fulla’aa mirkaneessuuf shoora olaanaa akka taphatan adda bahee jira. Marii guyyoota afran darbanii keessatti haala mijataa dinagdeen itti ijaaramu beekuun humni namaa hundi gara hojiitti akka seenuuf carraawwan hojii uumuu fi dhimmoota nageenyaa irratti xiyyeeffannoon irratti kennameera.

03/09/2026

Gaarummaan Olka'iinsa Biyyaaf!

Godina Shawaa Bahaa Aanaa Lumeetti Ayyaana bara haaraa sababeeffachuun lammiilee harka qalleeyyiif Zooniin Diinagdee Addaa Gadaa deeggarsa garagaraa kenne.

Itti gaafatamtuun damee ijaarsa Paartii Badhaadhina Aanaa Lumee Aadde Aster Damee dhaabbileen misoomaa hojii tajaajila lammummaa irratti hirmaannan taasisaa jiran cimuun imala Badhaadhina hunda galeessa milkeessuuf qooda oolaanaa qabu jedhan.

03/09/2026

03/09/2026

02/09/2026

Aadaan walgargaarsaa tajaajila lammummaatiin guddachaa dhufe rakkoowwan waloodhaan furuu bira darbee waliin jireenya hawaasaa caalmaatti kan cimsaa jirudha.

Kenni Tajaajila lammummaa hojjetamaa jiru gaarummaan hawaasa keessatti akka dagaagu,waloomni akka cimuu fi rakkoo walootiif furmaata waloodhaan argamsiisuun dilbii guddaa ta’ee ijaaramaa jira.

Aanaalee fi Magaalota Godina Shawaa Bahaa hunda keessatti hojiin tajaajila lammummaa qindeessummaa Gurmuu Dubartootaan sadarkaa Gandootaatti manneen harka qalleeyyii eegalchiisuun, deeggarsa garaa garaa taasisuun, dhiiga arjoomuun, hubannoo fi qorannoo kaansarii Fiixee gadameessaa gaggeessuun, maaddii qooduu fi kanneen birootiin dubartootaan gaggeeffamee jira.
‎
Hojiiwwan kenna tajaajila lammummaa hojjetaman walitti dhufeenya hawaasaa kan cimsan, aadaa waliin hojjechuu kan dagaagsan, rakkoo waliinii waliin furuufi misooma waloo dhugoomsuuf itti fufinsaan hojjetamaa jiru.

02/09/2026

Tajaajilli lammummaa kennamu rakkoo hawaas-dinagdee lammiilee fooyyessuu keessatti gahee ol’aanaa qaba.

Godina Shawaa Bahaa Aanaa Boosatitti, Qindeessummaa Gurmuu Dubartoota Aanaa Boosatiin tajaajilli lammummaa magaalotaa fi gandoota aanichaa keessatti gaggeeffamaa jira.

Hojiin tajaajila lammummaa kun hirmaannaa fi qooda dubartootaa cimsuun hawaasa keessatti harka qalleeyyii cinaa hiriiruun duudhaa Oromoo ganamaa dagaagsuun hawaasni wal akka gargaaruuf daraan kan jajjabeessuudha.

02/09/2026

Misoomni Qamadii Wabii Nyaataa Mirkaneessa!

Biyya keenya Itoophiyaatti misooma qamadii ganna fi bona jallisiin misoomaa jiran, keessattuu naannoo Oromiyaatti milkaa'ina galmaa'aa jiru keessaa Godinni Shawaa Bahaa iddoo ol’aanaa qaba. Inisheetiviin kun tarsiimoo wabii nyaataa mirkaneessuu, qamadii alaa galu hambisuu fi gara fuulduratti gabaa addunyaaf dhiheessuu keessatti shoora ola’naa taphachaa jira.

Godina Shawaa Bahaa keessatti Aanaalee misooma qamadiitiin beekaman irratti xiyyeeffannoon kennamee hojjetamaa jira. Lafa bal'aa godinnichi qabu roobaa gannaa fi bishaan jallisii garaagaraatiin misoomsuun qonnaan bultoonni humna guutuun bobba'anii hojjataa jiru. Qonnaan bultoonni teeknoolojii ammayyaa, sanyiiwwan filatamaa dhukkuboota dandamachuu danda'an fi gabbistoota biyyee fayyadamuun oomisha dachaan argachaa jiru.

Qonni Misooma Qamadii Godina Shawaa Bahaatti jijjiirrama diinagdee fi hawaasummaa fidaa jira. Waggoottan darban keessatti oomishni hektaara tokkoo irraa argamu dabaluu danda'eera; kunis fedhii gabaa naannichaa qofa osoo hin taane gabaa biyyaalessaa tasgabbeessuuf gumaacha guddaa taasisera. Qonnaan bultoonni oomisha isaanii gabaaf dhiheessuun galii fooyya'aa argachaa jiru; kunis dandeettii qusannaa fi misooma maatii isaanii akka fooyyefatan taasiseera. Oomishni qamadii Godina Shawaa Bahaa dhiheessus warshaaleen daakuu biyya keessaa fi alaa irratti hirkattummaa qaban akka hir'isan gargaareera.

Walumaa galatti, Inisheetiviin Qamadii Wabii Nyaataa Mirkaneessuu Godina Shawaa Bahaa keessatti hojjetamaa jiru kun fakkeenya milkaa'ina qonnaa ta'uun, guddina dinagdee biyyaalessaaf bu'uura cimaa kaa'aa jira.

02/09/2026

Guyyoota Qaammee: Olka’iinsa Itoophiyaaf!

Olka’iinsi haala baratamaa keessaa saaffisa olaanaan olka’uudha. Itoophiyaanis qormaatota keessa turteefi jirtu injifachuun saffisa olaanaan imala badhaadhinaa gama Hawaasummaa, Dinagdeefi Siyaasaan jalqabde milkeessuuf tirannaarraa gara utaalchootti ce’aa jirti.

Guyyootni Qaammee bara kanaas labsii olka’iinsaaf bu’uura kan kaa’aan yoo ta’u, guyyootni shananuu moggaasa ofii isaanii kan qabanidha.

Qaammee 1: Guyyaa Oommishtummaa
Qaammee 2: Guyyaa Olka’iinsaa
Qaammee 3: Guyyaa Cichoominaa
Qaammee 4: Guyyaa Daneessummaa
Qaammee 5: Guyyaa Egeree jedhamuun sirnoota gara garaan kabajamu.

Odeeffannoo dabalataa argachuuf;
Facebook: https://www.facebook.com/oromiabc
kallacha Oromia: https://m.facebook.com
------
Telegram: https://t.me/Oromiacommunicationaffairsbureau
------
Twitter: twitter.com/OromiaBureau
------
You tube: https://www.youtube.com/
-------
TikTok: tiktok.com/

Website: https://www.oromiacommunication.gov.et/
------.