17/04/2026
!!
"Gulantaa qabsoo uummata keenyaa ceesisuun sabboonummaa Oromoo diinagdee,Barnotaafi teeknoloojiin utubuu akkasumas sirna jabaa ijaaruuf hojii hojjetamaa jiruun milkaa'inootni galmaa'aa jiru." Obbo Awaluu Abdii
Pirezidaantii Itti Aanaan Mootummaa Naannoo Oromiyaa Obbo Awaluu Abdii raawwii hojii Kilaasteera Bulchiinsaafi Horataalee Mootummaa Naannoo Oromiyaa hanga kurmaana 3ffaa bara 2018 irratti miidiyaaleef ibsa kennaniiru.
Ibsa kennaniinis gulantaa qabsoo uummata keenyaa ceesisuun sabboonummaa Oromoo diinagdeen,barnotaafi teeknoloojiin utubuu akkasumas sirna jabaa ijaaruuf hojjetamaa jiruun milkaa'inootni galmaa'aa jiraachuu himan. Galmoota qabsoo uummata keenyaa ceesisuufis karoora xiiqii baasuun hojjetamaa jiraachuufi raawwiin olaanaan galmaa'uu kaasaniiru.
Mootummaan Naannoo Oromiyaa galmoota galii guddisuufi dorgomtummaa dabaluuf gama kilaastera Horataalee mootumman hojjetaa jiraachuu kaasaniiru.
Galii mootummaa guddisuudhaaf maddoota galii olguddisuu, kaffaltoota gibiraa barsiisuufi amansiisuu, potenshaaala adda baasuun hojjechuu eegalameen jijjiiramni guddaan galmaa'aaniru jedhan.
Humni galii sassaabuu mootummaa naannoo Oromiyaa yeroo gara yerootti dabalaa kan dhufe ta'uufi humna baasii mootummaa naannoo keenyaa ofii keenyaan uffisuu dabalee jira. Kanaanis diinagdee dorgomaa ijaaraa jiraachus kaasan. Ta'us garuu ammallee poteenshaala keenyaan yoo madaallu xiqqaa ta'uufi hojii kan nu barbaaduudha jedhan.
Kaayyoo olaanaan galii maddisiisuu keenyaa gaaffii uummataa keenyaa deebisuuf waan ta'eef irra guddeessi galii argamanii baasii ijaarsa Pirojeektotaa fayyadamummaa uummata keenyaa kan mirkaneessan ta'uu akka qabu xiyyeeffannoon hojii hojjetameen ijaarsi bu'uuraalee misooma fayyadamummaa hawaasa keenyaa dhugoomsuu dandaa'aan bal'inaan raawwatamaa turuu himan.Kana cinattis galii dabalaa jiru faana baay'inni projeektotaa akka dabalus taasifameera jedhan.
Facaatii pirojeektotaa ilaalchisees itti yaadamee karaa qorannoo irratti hundaa'een hojjetamaa turuu kaasuun Persentii guddaan pirojeektii bu'uuralee misoomaa tajaajila hawaasaaf oolan kan akka daaandii, bishaan ibsaa,mana qoricha,mana barumsaafi kkf yoo ta'u, kana keessaas irra guddaan isaanii baadiyyatti hojjetamuu himan obbo Awwaluun.
Gama biraatiin Badhaadhina milkeessuu keessattis gaheen hojii tajaajila lammummaa guddaa ta'uu kaasuun hojii kenna tajaajila lammummaatiinis hojiiwwan gurguddaan hojjetamuufi milkaa'inni gurguddaan galmaa'us kaasaniiru.
Birmadummaa nyaataa keenya mirkaneessuun gargaaramtummaarraa gara Oomishtummaatti ce'uuf hojiiwwan gama buusaa gonofaan hojjetamaniin bu'aan galmaa'aa jiru abdachiisaadha jedhan.
Itti dabaluunis Obbo Awwaluun,Kenna tajaajila a si'ataa,qaqqabamaa,haqa-qabeessa taasisuuf hojii hojjetaman keessa qaqqabummaa hooggansaa mirkaneessuun abbaan dhimmaa torbanitti guyyaa sadii hooggansa akka argatu taasisuu, hojmaata badaa kenna tajaajilaa keessatti mul'atan tarkaanfiin sireessuu,Wiirtuu Tajaajila Iddoo Tokkoo hundeessuun itti quufinsi tajaajilaa akka fooyya'u taasifamaa jira jedhaniiru.
Hojiiwwan karoora Xiiqii keessatti bara kana qabaman keessas hanga ammaa hojjetameen milkaa'inni jiraatus harcaatiiwwan hojii jiran sakatta'uun yeroo hafe keessatti xumuruuf kan hojjetamu ta'uu kaasaniiru. Awelu Abdi Abdo
