Ethio piece

28/07/2021

Humnoonni TPLF'n hariiroo qabanii fi milishaan naannoo Tigraay hokkora lammilee Eertiraa Tigraay keessa jiranirraan gahaa jiran 'na yaaddesseera' kan jette Ameerikaan hokkorri kun akka dhaabbatu gaafatte.

Ministeerri Haajaa Alaa biyyattii ibsa baaseen, lammilee Eertiraa Tigraay keessa buufatanii jiran irratti doorsisni akkasumas haleellaan raawwatamaa jiraachuu gabaasaaleen na gahaniiru jedhe.

Haleellaan kun hatattamaan akka dhaabbatus gaafateera.

"Humnoonni TPLF waliin hariiroo qaban, akkasumas milishaan naannoo Tigraay baqattoota Eertiraa irratti haleellaa raawwachaa jiraachuu ragaaleen amanamoon nu gahaniiru. Kunis daran nu yaaddesseera," jedhan dubbi himtuun ministeerichaa Jeeliinaa Poortar.

"Hidhattoonni Tigraay keessa socho'an marti dorsisaa fi haleellaa lammilee Eertiraarraan gahaa jiran akka dhaaban gaafanna," jedhan.

Mootummaan Itoophiyaa ibsa torbee dura baaseen dhimmi baqattoota Eertiraa Tigraay keessa jiranii yaaddessaa ta'uufi baqattoonni ajjeefaman jiraachuu beeksisee ture.

28/07/2021

Obbo Dammaqa Makonnin itti aantu barreessitu ijaarsa dhimma siiyaasaa fi nageenyaa dhabbata biyyoota gamtoomani waliin mari’atan.

Roozmarii Dikaarloo waliin kan mari’atan Ministirri mummee itti aanaa fi Ministirri dhimma alaa Obbo Dammaqa Makonnin,dhimma naannoo Tigraay irratti ibsa laataniru.

Motummaan qonnaan bultoonni naannichaa, Waqtii roobatti akka fayyadaman fi deeggarsa namoomaa argataniif, yaaliin dhukaasa dhaabu garee shororkessaa ABUT’n hojiirra hin olee jedhan.

Gareen shororkessaa ABUT gochaa badii isaatiin yoo itti fuufees, gama mootummaa Itoophiyaatiin kutannoo dhukaasa dhaabu akka qabu Obbo Dammaqan itti himaniru.

Sarara deegarsaa namoomaa Daandi Finfinnee -Jibuutii danquuf yaaliin taasifame ibsuun,hawaasa idila addunyaa abdii kutachiisuuf haleellaa haaraa kutaa biyyatti Kaaba- Bahaatti jalqabeera jedha.

Dhimma hidha haroomsa guddicha ilaalchise ibsa laataniin, dhimmicha siyaasaafi kan idila addunyaa taasisun faayidaa akka hin qabne hubachisan.

Adeemsii marii Gamtaa Afriikaatiin ilallame mari’atoota hundaa furmaata akka ta’u dhabbanni biyyoota gamtoomani gahee akka bahatu himame.

Itti aantuun ijaarsa dhimma siiyaasaa fi nageenyaa dhabbata biyyoota gamtoomani Roozmarii Dikaarloo gama isaanitiin, murtoo walii galaa deegarsa namoomaaf dhukaasa dhaabu gama mootummaatiin taasifame jajaan
Maddi fbc afan oromoo suuraan kan bbc tii

25/07/2021