https://www.facebook.com/104845688217890/

Addis ketema Wereda 13 Communication

Home
Ethiopia
Addis Ababa
Addis ketema Wereda 13 Communication

This is Addis Ketema Sub-city wereda 13 Communication Offical page,Come and join us!

31/10/2026

በወረዳዉ የፅዳት ዘመቻ ተካሄደ።

በአዲስ ከተማ ክፍለ ከተማ ወረዳ 13 አስተዳደር የፅዳት ዘመቻ ተካሄደ።

በዛሬው እለት ሳምንታዊ የብሎክ ፅዳት ዘመቻ በሁሉም ብሎኮችና በማዕከል በቀጠና 1 ብሎክ ሁለት የአካባቢው ነዋሪዎች; ብሎክ ተወካይ; ሴፋትኔት; ሽርክና ማህበር; የክ/ከተማ ደጋፊ ባለሙያዎች በተገኙበት ደማቅ የወንዝ ዳርቻ ፅዳት ዘመቻ ተከናወነ።
21/2/2019 ዓ/ም ወረዳ 13 ኮሚኒኬሽን

30/10/2026

እንኳን ደስ አለን!

ዛሬ በአዲስ አበባ 26 የከተማ አውቶብሶችን ከነዳጅ ወደ ተፈጥሮ ጋዝ የመቀየር በክቡር ጠቅላይ ሚኒስትራችን ሥራ አስጀምረናል።

ይህ ለሀገራችን የመጀመሪያ የሆነ ታላቅ እርምጃ ሲሆን፣ የትራንስፖርት ወጪንና የአየር ብክለትን ለመቀነስ፣ የዜጎችን ጊዜ ለመቆጠብና የአገር ውስጥ ሀብትን በአግባቡ ለመጠቀም የሚያግዝ ተጨባጭ የቴክኖሎጂ ሽግግር ነው።

በራሳችን አቅም የተጀመረው ይህ ሥራ በቀጣይም ተጠናክሮ ይቀጥላል። በቅርቡም 400 አዳዲስ በተፈጥሮ ጋዝ የሚሠሩ አውቶብሶች ወደ ሀገር ውስጥ ይገባሉ።

ዓላማችን ወጪ ቆጣቢ፣ አካባቢን የሚጠብቅ፣ ፈጣንና ተደራሽ የሕዝብ ትራንስፖርት በመገንባት የዜጎችን የዕለት ተዕለት ኑሮ ማሻሻል ነው። ለዚህም የትራንስፖርት አገልግሎታችንን የበለጠ ፈጣን፣ ተደራሽና ቀልጣፋ ለማድረግ የጀመርነውን ሥራ አጠናክረን እንቀጥላለን።

በራሳችን አቅም፣ በዘመናዊ ቴክኖሎጂና በተጨባጭ ውጤት ማስመዝገብን አጠናክረን እንቀጥላለን!

ፈጣሪ ኢትዮጵያንና ሕዝቦቿን ይባርክ!

ከንቲባ አዳነች አቤቤ

30/10/2026

የ2018 የግብር ዘመን የንግድ ትርፍ ግብር ማሳወቂያና መክፈያ ጊዜ ጥቅምት 30 ይጠናቀቃል።

የ2018 የግብር ዘመን የደረጃ "ሀ" ዓመታዊ የንግድ ትርፍ የማሳወቂያና የመክፈያ ጊዜ ጥቅምት 30/2019 ዓ.ም የሚጠናቀቅ ሲሆን ግብር ከፋዮች የመጨረሻ ቀናትን ሳይጠብቁ ግብራቸውን አሳውቀው በወቅቱ እንዲከፍሉ የአዲስ አበባ ገቢዎች ቢሮ ጥሪ አቅርቧል።

የአዲስ አበባ ገቢዎች ቢሮ የኮሚዩኒኬሽን ዳይሬክተር አቶ ሰውነት አየለ እንዳስታወቁት፣ አሁን ላይ የደረጃ ‹‹ሀ›› ግብር ከፋዮች የንግድ ትርፍ የማሳወቂያና የመክፈያ ጊዜው እየተጠናቀቀ ይገኛል፡፡

የደረጃ "ለ" ግብር ከፋዮች የግብር ማሳወቂያና መክፈያ ጊዜ ከሐምሌ 1 እስከ ሐምሌ 30/2018 ዓ.ም እንደነበር በማስታወስ በዚህም አብዛኞች ግብር ከፋዮች የግብር ግዴታቸውን በወቅቱ መወጣታቸውን ገልጸዋል፡፡

የደረጃ "ሀ" ግብር ከፋዮች ደግሞ ከሐምሌ 1 ጀምሮ እስከ ጥቅምት 30/2019 ዓ.ም ድረስ እንዲያሳውቁና እንዲከፍሉ ይጠበቃል ሲሉ ተናግረዋል፡፡

ቢሮው ከ2018 ዓም ጀምሮ ወራዊ የተጨማሪ እሴት ታክስ (VAT) እና ደሞዝ የማሳወቅና ክፍያ የመፈጸም ተግባርን ሙሉ በሙሉ በኦንላይን ማድረጉን የገለፁት አቶ ሰውነት ከ2019 ዓ.ም ጀምሮ ደግሞ የደረጃ "ሀ" ግብር ከፋዮችን ዓመታዊ የንግድ ትርፍ ግብር የማሳወቅና የመክፈል ሂደት ሙሉ በሙሉ በበይነ-መረብ (ኦንላይን) እንዲሆን መደረጉን አስረድተዋል።

በዚህም መሰረት ግብር ከፋዮች በአካል ወደ ቢሮ መምጣት ሳያስፈልጋቸው የሂሳብ መዝገቦቻቸውን በሲስተም አማካኝነት በመላክ፣ ተጨማሪ አስፈላጊ ሰነዶችን ደግሞ ቃለ መሐላ በፈጸሙበት የኢሜይል አድራሻ መላክ ይጠበቅባቸዋል፡፡

የኦዲት ስራው ተከናውኖ የክፍያ ማዘዣ በሲስተሙ ሲላክላቸውም ባሉበት ሆነው ክፍያቸውን በኦንላይን መፈጸም የሚጠበቅባቸው ሲሆን፣ ግብር ከፋዩ በአካል መምጣት የሚጠበቅበት በኦንላይን ለፈፀመው ክፍያ ደረሰኝ ለማወራረድ ካሸሪ ጋ ብቻ እንደሆነ ተጠቁሟል።

አሰራሩ ከዚህ ቀደም ይነሱ የነበሩ የግብር ከፋዮች እንግልት፣ ወረፋና ምልልስ በመቅረፍ የግብር ከፋዮችን በአገልግሎት አሰጣጥ የነበሩ ቅሬታዎችን ሙሉ በሙሉ ለመቅረፍ ታስቦ የተዘረጋ እንደሆነም አቶ ሰውነት ገልጸዋል።

በመሆኑም ግብር ከፋዮች በመጨረሻዎቹ ቀናት ከሚያጋጥሙ የሲስተም መጨናነቅ፣ ወረፋና መጉላላት እንዲሁም በወቅቱ ባለመክፈል ከሚመጣ ቅጣት ለመዳን ቀሪዎቹን ጥቂት ቀናት በመጠቀም በኦንላይን አሳውቀው በኦንላይን እንዲከፍሉ ማሳሰቢያ ተላልፏል።

29/10/2026

በአካል ተገኝተን የተመለከትነው ስራ እጅግ አስደናቂ ነዉ:- የማህበራዊ ሚዲያ ተፅእኖ ፈጣሪ ቲክቶከሮች

በቅርቡ የተጠናቀቀው ከቀጨኔ በአምባሳደር ኢሬቻ እስከ ባምቢስ የተዘረጋው የወንዝ ዳርቻ ልማት የሀገራችን የማህበራዊ ሚዲያ ተፅእኖ ፈጣሪ ቲክቶከሮች ጎብኝተዋል።

በቦታው ተገኝተው የተሰራውን ድንቅ ስራ የተመለከቱት እነዚህ የማህበራዊ ሚዲያ ተፅእኖ ፈጣሪ ቲክቶከሮች ''በአካል ተገኝተን የተመለከትነው ስራ እጅግ የሚያስደንቅ እና ከተማችን አዲስ አበባ የደረሰችበትን ፈጣን ዕድገት በግልፅ የሚያሳይ ነው ''ሲሉ ተናግረዋል ።

አክለውም የከተማዋን አስገራሚ ለውጥ እና በመሰራት ላይ ያለውን የልማት ስራ ዘመኑ ባመቻቸው የማህበራዊ ሚዲያ አማራጭ በመጠቀም በሀገር ውስጥ እና በመላው አለም ለሚኖረው ህዝብ ማድረስ እንደሚገባቸው ገልፀዋል።

ከቀጨኔ በአምባሳደር በኢሬቻ እስከ ባምቢስ የተዘረጋውና ለከተማዋ ተጨማሪ ውበት እና ምቾት ያጎናፀፈው ይህ ፕሮጀክት 351 ሄክታር ስፋት ያለውና 10 ኪሎ ሜትር ርዝመት የሚሸፍን ሲሆን፣ የተለያዩ ዘመናዊ መሠረተ ልማቶችንና የሕዝብ መገልገያዎችንም በውስጡ አካቷል ።

29/10/2026

አገልግሎት ሰጭውንና ተገልጋዩን ፊት ለፊት ያገናኘ መድረክ መካሄዱ ህብረተሰቡ ለሚያነሳቸው ጥያቄዎች ምላሽ እንዲያገኙ የሚያስችል መሆኑ ተገለፀ።

በአዲስ ከተማ ክፍለ ከተማ ወረዳ 13 አስተዳደር በአገልግሎት አሰጣጥ ፣ በመልካም አስተዳደር እና በብልሹ አሰራር ዙሪያ የፊት ለፊት መድረክ ተካሂዷል።

የአዲስ ከተማ ክፍለ ከተማ ወረዳ 13 ምክርቤት፣ ኮሙኒኬሽን፣ፐብሊክ ሰርቪስ የሰው ሀብት ልማት ጽ/ቤት ባዘጋጁት የፊት ለፊት መድረክ የ ጽ/ቤት ኃላፊዎች፣ቡድን መሪዎች፣ጥሪ የተደረገላቸው ማህበረሰቦች በተገኙበት የፊት ለፊት የእንጠያየቅ መድረክ ተካሂዷል።

በመድረኩ የተገኙት የአዲስ ከተማ ክፍለ ከተማ ወረዳ 13 ምክትል ዋና ስራ አስፈፃሚ እና ስራናክህሎት ኃላፊ ወ/ሮ ትሩፋት ኃ/ገብርኤል እንደገለፁት በአንደኛ ሩብ አመት በመልካም አስተዳደር እንዲሁም አገልግሎት አሰጣጥን ምቹ ከማድረግ አንፃር በርካታ ተግባራት የተፈፀሙ ሲሆን እንደዚህ አይነት የፊት ለፊት መድረኮች ጥንካሬዎችን ለማስቀጠል እንዲሁም ክፍተቶችን ለማረም የተሻለ መደላድል የሚፈጥር መሆኑን ገልፀዋል።

በሂደቱም የመወያያ መነሻ ሰነድ በፐብሊክ ሰርቪስና የሰው ሀብት ልማት ጽ/ቤት ሀላፊ በአቶ ምንዳ ንባበ የቀረበ ሲሆን በቀረበው ሰነድ እንዲሁም በሌሎች አስፈላጊ ጉዳዬች ላይ በመድረኩ የታደሙ የተለያዪ የህብረተሰብ ክፍሎች ጥያቄዎች ቀርበዋል።

በመድረኩ የተሳተፉ ነዋሪዎች አገልግሎት ሰጭውንና ተገልጋዩን ፊት ለፊት ያገናኘ የእንጠያየቅ መድረክ መካሄዱ ህብረተሰቡ ለሚያነሳቸው ጥያቄዎች ምላሽ እንዲያገኙ የሚያስችል በመሆኑ የሚበረታታ ተግባር ነው ሲሉ ተናግረዋል::

የአዲስ ከተማ ክፍለ ከተማ ወረዳ 13 ኮሙኒኬሽን ጽ/ቤት ኃላፊ ወ/ሪ ቅድስት ደሳለኝ አገልግሎት ሰጭውንና ተገልጋዩን ፊት ለፊት ያገናኘ የእንጠያየቅ መድረክ መካሄዱ ህብረተሰቡ ለሚያነሳቸው ጥያቄዎች ምላሽ እንዲያገኙ የሚያስችል መሆኑን ገልፀው በቀጣይም አስተዳደሩ ሁሌም ከነዋሪው የሚነሱ ጥያቄዎችን ወስዶ ለመፍታት በልዩ ትኩረት እየሰራ መሆኑን በአንደኛ ሩብ አመት በርካታ ማሳያዎች መኖራቸውን ገልፀዋል።

ለተነሱ ጥያቄዎች የጽ/ቤት ኃላፊዎች ምላሽ በመስጠት መድረኩ ተጠናቋል።

ጥቅምት 19/02/2019

29/10/2026

የህብረተሰቡ ጤና ላይ ከፍተኛ ጉዳት የሚያደርሱ የተበላሹ ምርቶችና ምግቦችን ማስወገዱን የአዲስ ከተማ ምግብ መድኃኒት ባለስልጣን ቅርንጫፍ ጽ/ቤት አስታወቀ።
********************
ጥቅምት 19-2019ዓም

የአዲስ አበባ ከተማ ምግብ መድኃኒት ባለስልጣን አዲስ ከተማ ቅርንጫፍ ጽ/ቤት አጠቃላይ የዋጋ ግምታቸው ከ2ሚሊዮን ብር በላይ የሆነ ህብረተሰቡ ላይ የጤና ጉዳት የሚያደርሱ የመጠቀሚያ ጊዜ ያለፈባቸው መድሃኒቶችና የተበላሹ ምግብና ጤና ነክ ምርቶችን ማስወገዱን ማስወገዱን አስታውቋል::

የቅርንጫፍ ጽ/ቤቱ ሃላፊ ሲስተር ሰላም ኑሪ ጽ/ቤቱ የህብረተሰቡን ጤና አደጋ ላይ የሚጥሉ የተለያዩ ምርቶች፣ ምግቦች፣ መጠጦችና መድኃኒቶች በቁጥጥር ስር ውለው መወገዳቸውን ገልፀዋል::

ሲስተር ሰላም አክለውም በክፍለ ከተማው በሚገኙ ጅምላና ችርቻሮ ሱቆች የታሸጉ ምግብና መጠጦችን በአግባቡ በማስቀመጥ የህብረተሰቡን ጤና አደጋ መከላከል ይገባል ያሉ ሲሆን በቀጣይም እርምጃው ተጠናክሮ ይቀጥላል ብለዋል።

የተሰራው ስራና የተመዘገበው ውጤት የሁሉም ድምር ውጤት መሆኑን የገለፁት ሃላፊዋ ህብረተሰቡ መሰል የተበላሹ ምርቶችን ሲመለከት በመጠቆም አስፈላጊውን ትብብር ማድረግ ይኖርበታል ሲሉ ጥሪ አቅርበዋል::

በቀጣይም በሱቆች የሚቀርቡ መጠጦችና መሰል ምግብ ነክ ነገሮች የፀሐይ ተጋላጭነታቸው ዙሪያ ቁጥጥርና ክትትል የሚደረግ ይሆናል ሲል ቅርንጫፍ ጽ/ቤቱ አስታውቋል::

መረጃን ከምንጭ በተለያየ አማራጭ
https://linktr.ee/Addis_Ketema_Communication

29/10/2026

ባለፉት 5 ዓመታት በመዲናችን 496ሺ 971 ቤቶች ተገንብተዉ ለነዋሪዎች ማስተላለፍ የተቻለዉ አዲስ የለዉጥ እሳቤን እዉን በማድረግ ነዉ::

የአዲስ አበባ ከተማ አስተዳደር ባለፉት አምስት ዓመታት የነዋሪዎችን መሰረታዊ ፍላጎትና አንገብጋቢ የሆነውን የቤት ችግር በመረዳት አዲስ የለዉጥ እሳቤን እዉን በማድረግ 496ሺ 971 ቤቶች ተገንብተዉ ለነዋሪዎች እንዲተላለፉ አድርጓል ::

ከተማ አስተዳደሩ በቤት ግንባታ ልማት ሂደት ዉስጥ የመንግስት ሚና ቀዳሚ በማድረግ የተለያዩ የግንባታ አማራጮችን በመዘርጋት ቤት አልሚ ሪል እስቴቶች፤የግል አልሚዎች ህብረት ስራ ማህበራት እና በጎ ፈቃደኞች ተቀናጅተዉ በመኖሪያ ቤት ልማት ዘርፍ ተሳታፊ እንዲሆን ምቹ ሁኔታዎችን ፈጥሯል፡፡

በተለይም ከተማ አስተዳደሩ የአጭር ጊዜ እቅዶችን በመንደፍና ተግባራዊ በማድረግ ስኬታማ ስራዎችን በመተግበር ላይ ሲሆን በተጨማሪ በዘንድሮው ሩብ አመት ብቻ የመርካቶ በጎነት መንደርን ጨምሮ ከ4 ሺ 200 በላይ ቤቶች በመገንባት ለተጠቃሚዎች ማስተላለፍ ተችሏል፡፡

እነዚህ የቤት ግንባታዎች ንጹህ የመኖሪያ አካባቢን የፈጠሩ ከመሆናቸው በተጨማሪ ምቹ አካባቢ በመፍጠር የልጆች መጫወቻ የተሰራላቸው ሰው የሚንቀሳቅስባቸው አና የእርስ በእርስ ግንኙነት ማጠናከሪያ ስፍራ የተሟላላቸው የዜጎችን ክብር የሚመጠኑ መኖሪያ መንደሮች ናቸው፡፡

በአጠቃይ የአዲስ አበባ ከተማ አስተዳደር የልማት ተነሺዎችን፤ዝቅተኛ ገቢ ያላቸዉን፤አረጋዉያንንና የሃገር ባለዉለታዎችንና ሌሎች ቤት ፈላጊዎችን የቤት ባለቤት እንዲሆኑ በማድረግ ሁሉንም የህብረተሰብ ክፍል አካታች የሆነ የልማት ተጠቃሚነትን በማረጋገጥ ላይ ይገኛል፡፡

28/10/2026

የአዲስ አበባ ገቢዎች ቢሮ ዓመታዊ የግብር ማሳወቅና ክፍያን በኦንላይን አስጀመረ

የአዲስ አበባ ገቢዎች ቢሮ ከ2019 በጀት ዓመት ጀምሮ የደረጃ «ሀ» ግብር ከፋዮች ዓመታዊ የግብር ሂሳባቸውን በኦንላይን እንዲያሳውቁና ክፍያቸውን ከሥራ ቦታቸው ሳይንቀሳቀሱ እንዲፈጽሙ የሚያስችል አዲስ አሠራር መዘርጋቱን ገለጸ።

ቢሮው ይህን የገለጸው በአዲስ አበባ የግብር አሰባሰብ ታሪክ ለመጀመሪያ ጊዜ ዓመታዊ የግብር ማሳወቅና ክፍያ ሂደትን በዲጂታል አሠራር ለማከናወን የተዘረጋውን አገልግሎት በሚመለከት ባዘጋጀው የጋዜጣዊ መግለጫ መድረክ ላይ ነው።

አዲሱ አሠራር የግብር አገልግሎትን ለማዘመን፣ የግብር ከፋዮችን እንግልትና የቢሮ ለቢሮ ምልልስ ለመቀነስ፣ የጊዜና የወጪ ብክነትን ለመታደግ እንዲሁም የግብር ፍትሃዊነትን ለማረጋገጥ እንደሚያግዝ ተጠቁሟል።

በተያያዘም ከ2018 በጀት ዓመት ጀምሮ የደረጃ «ሀ» ግብር ከፋዮች ወርሃዊ የተጨማሪ እሴት ታክስ (VAT) እና የሠራተኞች ደመወዝ ግብር ማሳወቅና መክፈል በኦንላይን እንዲያከናውኑ የሚያስችል አሠራር ወደ ተግባር መግባቱን ቢሮው አስታውቋል።

በዴስክ ኦዲት የሂሳብ መዝገብ ጉድለቶችን ለመከላከል ከግብር ኦዲት ሥራዎች ጋር በተያያዘም ቀደም ሲል በግብር ከፋዮች ይነሱ የነበሩ ቅሬታዎችን ለመቅረፍና የሂሳብ መዝገብ አያያዝ ጉድለቶችን አስቀድሞ ለመከላከል የሚያስችል የዴስክ ኦዲት አፈጻጸም አሠራር መዘርጋቱን ቢሮው ገልጿል።

በተለይም ከባንክ ሂሳብ እንቅስቃሴና ከዕቁብ ገንዘብ ጋር በተያያዘ ይነሱ የነበሩ ቅሬታዎችን ለመፍታት የሚያስችሉ አሠራሮች መዘርጋታቸው ተጠቁሟል።
ከንግድ ሥራ ውጭ በብድር፣ በውርስ፣ በስጦታና በሌሎች ምክንያቶች የተገኙ ገንዘቦች እንደ ንግድ ትርፍ ገቢ ተቆጥረው ተገቢ ያልሆነ ግብር እንዳይጣልባቸው፣ ግብር ከፋዮች ሊያቀርቧቸው የሚገቡ ሰነዶችና ማስረጃዎች በግልጽ እንዲለዩ መደረጉንም ቢሮው አብራርቷል።

የንግድና የቁጠባ የባንክ ሂሳቦችን መለየት ያስፈልጋል የግብር ከፋዮች ለንግድ ሥራና ለቁጠባ የሚጠቀሙባቸውን የባንክ ሂሳቦች በግልጽ መለየት እንዳለባቸውም ተገልጿል።

ግብር ከፋዮች የባንክ ሂሳቦቻቸውን በአግባቡ ለይተው ሲያቀርቡ፣ በኦዲት ወቅት ለግብር ዓላማ የሚመረመረው የንግድ ሥራ ሂሳብ በግልጽ እንዲለይ የሚያስችል አሠራር መዘርጋቱን ቢሮው ጠቁሟል። ይህም በባንክ ሂሳብ እንቅስቃሴ ላይ ይነሱ የነበሩ ቅሬታዎችን ለመቀነስ ያግዛል ተብሏል።

የዲጂታል አገልግሎቱ ዓላማ በዓመታዊ ግብር፣ በወርሃዊ ቫትና በደመወዝ ገቢ ግብር ማሳወቅ ላይ የተዘረጉት የኦንላይን አገልግሎቶች የግብር ከፋዮችን ከተቋሙ ባለሙያዎች ጋር በአካል የሚያገናኙትን ሂደቶች በመቀነስ ለብልሹ አሠራር የሚኖረውን ዕድል ለመግታት ያግዛሉ ተብሏል።

በመሆኑም ግብር ከፋዮች አዲሱን የዲጂታል አሠራር በአግባቡ በመጠቀም ለስኬታማ ትግበራው የድርሻቸውን እንዲወጡ ቢሮው ጥሪ አቅርቧል።
በመጨረሻም የደረጃ «ሀ» ግብር ከፋዮች ያለቅጣት ዓመታዊ ግብራቸውን አሳውቀው የሚከፍሉበት የ2019 ዓ.ም. የጊዜ ገደብ ጥቅምት 30 መሆኑን ቢሮው አስታውቋል።

ግብር ከፋዮችም የሂሳብ መዝገቦቻቸውን በኦንላይን በመላክ፣ ተጨማሪ ሰነዶችን በቃለ መሐላ ወቅት ባቀረቡት ኢሜል በመላክና በሚደርሳቸው የክፍያ ማዘዣ መሠረት የሚጠበቅባቸውን ግብር እንዲከፍሉ አሳስቧል።

28/10/2026

ዛሬ የመደመር መጽሐፍ ወደ ሩሲያኛ ቋንቋ ተተርጉሞ ለንባብ በቅቷል። በተዘጋጀው የመጽሐፉ የምረቃ መርሃ ግብር ላይ በአካል ተገኝቼ በመካፈሌም ታላቅ ደስታና ኩራት ተሰምቶኛል።

ይህ ታሪካዊ ስኬት የመደመር ፍልስፍና ከኢትዮጵያ አገር በቀል እውቀት ተነስቶ ዛሬ ላይ ድንበር በመሻገር ወደ መላው ዓለም እየሰፋ መሄዱን የሚያሳይ ህያው ማረጋገጫ ነው። ከዚህ በፊት መጽሐፉ ከአገር ውስጥ ቋንቋዎች በተጨማሪ በእንግሊዝኛ፣ በቻይንኛ እና በአረብኛ ቋንቋዎች ተተርጉሞ ለብዙኃን አንባቢያን መድረሱ ይታወሳል። አሁን ደግሞ የኢትዮጵያ ሀሳብ ድንበር ተሻግሮ በሰፊው የሩሲያኛ ተናጋሪ ደጃፍ መድረሱ የፍልስፍናውን ዓለም አቀፋዊ ተደራሽነትና ዲፕሎማሲያዊ ፋይዳ ይበልጥ ያጎለብተዋል።

ይህ እርምጃ የመደመርን ፍልስፍና፣ እሴቶችና ሀሳቦች ከኢትዮጵያ አልፈው ለሌሎች ሕዝቦች የሚደርሱበትን አዲስ ዕድል ከመፍጠሩም በላይ፣ ኢትዮጵያ ለዓለም የምታበረክተው የራሷ የበሰለ ሀሳብ እንዳላት በተግባር የሚያሳይ ነው። ሩሲያ ለብዙ ኢትዮጵያውያን የሥነ ጽሑፍና የዕውቀት መማሪያ ምድር ሆና እንዳገለገለች ሁሉ፣ አሁን ደግሞ የኢትዮጵያ ሀሳብ በሩሲያኛ ቋንቋ ለሩሲያ አንባቢያን መድረሱ የዕውቀት ልውውጡን ሙሉ ያደርገዋል።
ለዚህ ስኬት መሳካትና ለመጽሐፉ ዝግጅት ከፍተኛ አስተዋጽኦ ያበረከቱትን የሩሲያ ቱዴይ (RT) የመገናኛ ብዙሃን ባለሙያዎች እና አመራሮች ያደረጉትን ጥረትና ትጋት በከፍተኛ ደረጃ አደንቃለሁ።

ይህ አዲስ ታሪካዊ ምዕራፍ የኢትዮጵያን የበለጸጉ አገር በቀል እውቀቶች፣ ባህሎችና ፍልስፍናዎች በዓለም አቀፍ መድረክ ላይ ይበልጥ ለማስተዋወቅና በሕዝቦች መካከል ጠንካራ የባህልና የሃሳብ ድልድይ ለመገንባት የሚኖረው ሚና እጅግ ከፍተኛ ነው።

ጠቅላይ ሚኒስትር ዐቢይ አሕመድ(ዶ/ር)

28/10/2026

በባለጉዳይ ቀን እየተሰጠ ያለው አገልግሎት ከፍተኛ መሻሻል እያሳየ መሆኑ ተገለፀ::
********************
ጥቅምት 18-2019ዓ.ም

በአዲስ ከተማ ክ/ከተማ አስተዳደር በባለጉዳይ ቀን በአንድ ማዕከል አገልግሎት ባለጉዳዮችን እያስተናገዱ ሲሆን ህብረተሰቡን ዝቅ ብሎ በማገልገል በአገልግሎቱ የረካ ማህበረሰብ ለመፍጠር እየተሰራ ይገኛል::

አገልግሎት ሲቀበሉ አግኝተን ያነጋገርናቸው ተገልጋዮች ሁሉም አመራር በቢሮው ተገኝቶ አገልግሎት እየሰጠ በመሆኑ ተደስተናል ሲሉ ተናግረዋል::

ተገልጋዮች ጨምረውም በተለይ የባለጉዳይ ቀን ተብለው በተለዩ ቀናቶች እየተሰጠ ያለው አገልግሎት ከፍተኛ መሻሻል ያሳየና ቀልጣፋ በመሆኑ ደስተኞች ነን ሲሉ ተናግረዋል፡፡

በክፍለ ከተማ አስተዳደሩ በአገልግሎት ቀን ሁሉም አመራር በቢሮው ተገኝቶ አገልግሎት እየሰጠ በመሆኑ ተጠናክሮ ሊቀጥል እንደሚገባ ተገልጧል::

መረጃን ከምንጭ በተለያየ አማራጭ
https://linktr.ee/Addis_Ketema_Communica

Address

Winget
Addis Ababa

Website

facebook.com

Alerts

Be the first to know and let us send you an email when Addis ketema Wereda 13 Communication posts news and promotions. Your email address will not be used for any other purpose, and you can unsubscribe at any time.