A.A Housing Development & Administration Bureau

06/10/2026

የሕግ የበላይነትን ያልተከተለና የሙያ ሥነ-ምግባርን ያልተላበሰ አገልግሎት አሰጣጥ ለብልሹ አሠራርና ተጠያቂነት ይዳርጋል ተባለ፡፡

ይህ የተገለጸው የአዲስ አበባ ከተማ አስተዳደር የቤቶች ልማትና አስተዳደር ቢሮ ለቢሮውና በሥሩ ለሚገኙ የክፍለ ከተሞች ቤቶች አስተዳደር ጽ/ቤት ኃላፊዎችና ሠራተኞች“ በመንግሥት ቤት አስተዳደር ሕጋዊ ማዕቀፎችና በሙያዊ ሥነ-ምግባር” ዙሪያ ያተኮረ የአቅም ግንባታ ሥልጠና በሰጠበት ወቅት ነው።

በሥልጠናው ላይ እንደተገለጸው፤ የመንግስት ቤቶችን በማስተዳደርና በማስተላለፍ ሂደት የሚወሰዱ ማንኛውም አስተዳደራዊ ውሳኔዎች በሕግና በመመሪያ ላይ ብቻ የተመሠረቱ መሆን አለባቸው። በማወቅም ይሁን ባለማወቅ ከሕግ ውጭ የሚደረጉ አሠራሮች አስተዳደራዊ በደልን ከመፍጠራቸው ባሻገር፣ ተቋሙን ለብልሹ አሠራርና ሰራተኛውንና አመራሩን ለከፍተኛ ሕጋዊ ተጠያቂነት እንደሚዳርጉ ተሰምሮበታል፡፡

የመንግሥት ቤቶችን የማስተላለፍ፣ የዕድሳትና የኪራይ ውል አስተዳደርን በተመለከተ ግልጽነትንና ተጠያቂነትን የተላበሰ ፍትሃዊ አሠራር መከተል እንደሚገባ ተመልክቷል።

በተጨማሪም ሰራተኞች የሙያ ላይ ሥነ-ምግባርን በመላበስ ከግል ጥቅም ነፃ በመሆንና አሰራርን በማዘመን ነዋሪዎችን ያለምንም ልዩነት በፍትሐዊነት ማገልገል እንደሚገባቸውም ተመላክቷል፡፡

በዚህ ስልጠና ላይ ምክትል ቢሮ ኃላፊዎችን አቶ ሙሉነህ ፈይሳና ወ/ሮ ተዋቡ ቀስቅስን ጨምሮ የቢሮውና የክፍለ ከተማ ቤቶች አስተዳደር ጽሕፈት ቤት አመራሮችና ሠራተኞች ተሳትፈዋል::

መስከረም 26 ቀን 2019 ዓ.ም

የአዲስ አበባ ቤቶች ልማት እና አስተዳደር ቢሮ
ኮሙኒኬሽን ዳይሬክቶሬት

ለተጨማሪ የመረጃ አማራጮች
https://linktr.ee/aahdab

06/10/2026

06/10/2026

ቢሮው በኮርፖሬሽኑ እቅድ እና አፈፃፀም ዙሪያ ውይይት አካሄደ ።

የአዲስ አበባ ቤቶች ልማት እና አስተዳደር ቢሮ ኃላፊ ኢንጂነር ሄለን ታምሩ እና የኮርፖሬሽኑ ዋና ዳይሬክተር ኢንጂነር አየለ ከፋለን ጨምሮ የቢሮ እና የኮርፖሬሽኑ አመራሮች በተገኙበት በኮርፖሬሽኑ በሚከናወኑ ዋና ዋና ተግባራት ዙሪያ የስራ ትውውቅ ፣ በ5 ዓመት ስትራቴጂክ ዕቅድ እና በ2019 በጀት ዓመት ዋና ዋና ዕቅድ ዙሪያ እንዲሁም በ2019 በጀት አመት 1ኛ ሩብ ዓመት ዕቅድ አፈፃፀም ላይ ያተኮረ ውይይት ተካሄደ ።

በውይይቱ ማጠቃለያ ላይ ግልፅ የአሠራር ሥርዓት በመዘርጋት በቤቶች ልማት ፕሮግራም በአዲስ እይታ በተለወጠ የስራ ባህል 7/24 የተጀመሩ የቤት ልማት ፕሮጀክቶችን በፍጥነትና በጥራት በአማራጭ የቤት አቅርቦት የግንባታ ቴክኖሎጂ ከመቼውም ጊዜ በላይ አጠናክሮ በማስቀጠልና በማጠናቀቅ የከተማዋን ነዋሪዎች የቤት ጥያቄ ለመመለስ በትጋት መስራት እንደሚገባ የጋራ የትኩረት አቅጣጫ ተቀምጧል ።

በውይይቱ ላይ የቢሮው እና የኮርፖሬሽኑ የሥራ ኃላፊዎች ተሳታፊ ሆነዋል፡፡

መስከረም 26 ቀን 2019 ዓ.ም

የአዲስ አበባ ቤቶች ልማት እና አስተዳደር ቢሮ
ኮሙኒኬሽን ዳይሬክቶሬት

ለተጨማሪ የመረጃ አማራጮች
https://linktr.ee/aahdab

06/10/2026

የመደመር መንግሥት

"በግንባርም፣ በሚዲያም፣ በሰይፍም በሰልፍም ፣ በውሸትም፣ በሀሜትም፣ በተንኮልም፣ በሽረባም፣ ባገኙት የትግል ሜዳ ሁሉ ከጉዟችን ሊያደናቅፉን መከራቸውን አዩ፤ ኢትዮጵያን ግን አልቻሏትም፤ አይችሏትም!"

-ጠቅላይ ሚኒስትር ዐቢይ አሕመድ (ዶ/ር)

#የመደመርመንግሥት

06/10/2026

የሕዝብ ተወካዮች እና የፌዴሬሽን ምክር ቤቶች የጋራ የመክፈቻ ስነ-ሥርዓት - በምስል


#የመደመርመንግሥት

06/10/2026

አቶ ሙሉቀን ታሪኩ ከቀድሞ የአዲስ አበባ ኮሙኒኬሽን ቢሮ ሃላፊ ከነበሩት አቶ ሃፍታይ ገብረግዚኣብሔር ጋር የስራ ርክክብ አደረጉ!

አዲስ የተሾሙት የአዲስ አበባ ከተማ ኮሙኒኬሽን ቢሮ ኃላፊ አቶ ሙሉቀን ታሪኩ ከቀድሞ የአዲስ አበባ ኮሙኒኬሽን ቢሮ ሃላፊ ከነበሩት አቶ ሃፍታይ ገብረግዚኣብሔር ጋር የስራ ርክክብ አድርገዋል ።

በዛሬዉ ዕለት በተደረገዉ የስራ ርክክብ በምክትል ከንቲባ ማዕረግ የባህል እና ቱሪዝም ቢሮ ኃላፊ አቶ ሃፍታይ ገብረግዚኣብሔር እና የአዲስ አበባ ከተማ አስተዳደር ኮሙኒኬሽን ቢሮ ሃላፊ የሆኑት አቶ ሙሉቀን ታሪኩ የመልካም የስራ ዘመን ምኞታቸዉን የተለዋወጡ ሲሆን፤ ቢሮዉም ለሁለቱም ተሿሚዎች መልካም የስራ እና የስኬት ዘመን እንዲሆንላቸዉ ተመኝቷል።

06/10/2026

06/10/2026

ወደ ነገ መሻገር የሚያስችል ታሪካዊ አተያይ በተግባር እየተገነባ ነው፡- ጠቅላይ ሚነስትር ዐቢይ አሕመድ (ዶ/ር)

ከትናንት መልካሙን በመውሰድና ዛሬ ላይ አስፈላጊውን እሴት በመጨመር ወደ ነገ መሻገር የሚያስችል ታሪካዊ አተያይ በተግባር እየተገነባ መሆኑን ጠቅላይ ሚነስትር ዐቢይ አሕመድ (ዶ/ር) አስታውቀዋል።

ጠቅላይ ሚኒስትሩ ለአዲሱ የሕዝብ ተወካዮች ምክክር ቤት በትናንትናው ዕለት ባደረጉት ንግግር ኢትዮጵያ መፍትሄዋን ከራሷ ማህጸን ማውጣት እንደጀመረች አብስረዋል።

የውጭ ሀገራትን ርዕዮተ ዓለም ገልብጦ በኢትዮጵያ መሬት ላይ ለመትከል የተደረጉ የዘመናት ሙከራዎች፣ ከመልካም ሰብል ይልቅ አረም እያበቀሉ ሀገራችንን ለችግር መዳረጋቸውን አመላክተዋል።

የአውሮፓና የእስያ ስልጣኔዎች የራሳቸውን ባህል መሠረት አድርገው እንደተገነቡት ሁሉ፣ ኢትዮጵያም በራሷ እሴት ላይ የታነጸ 'የመደመር' እሳቤ መከተሏን አብራርተዋል።

ይህ ሀገር በቀል እሳቤ፣ የሕዝቦችን ብዝኃነት ከአንድነት፣ አካባቢያዊነትን ከሀገር እንዲሁም የግል ፍላጎትን ከቡድን ጋር አስተሳስሮ የሚያስኬድ የስልጣኔ ማሰቢያ ቋንቋ መሆኑን አስረድተዋል።

ከባሕር ማዶ የሚመጡ ዕሳቤዎችን አጠቃቀም በተመለከተም ጠቅላይ ሚኒስትሩ "ለሌሎች ዕሳቤ ኢትዮጵያን ከመቀየር ይልቅ ለኢትዮጵያ ሲባል የሌሎችን ዕሳቤ አቃንቶ መቀበል ተገቢ አካሄድ ነው" በማለት ጠንካራ ፖለቲካዊ አቋማቸውን አንጸባርቀዋል።

በዚህም መሠረት ትናንትን ሙሉ በሙሉ እንደ እርኩስ ወይም እንደ ቅዱስ ከሚቆጥረው የጽንፍ ፖለቲካ በመውጣት፣ ከትናንት መልካሙን በመውሰድና ዛሬ ላይ አስፈላጊውን እሴት በመጨመር ወደ ነገ መሻገር የሚያስችል ታሪካዊ አተያይ በተግባር እየተገነባ መሆኑን ተናግረዋል።

06/10/2026